20/08/2010, 06:18 PM
|
| زعيــم متواصــل | | تاريخ التسجيل: 14/12/2009
مشاركات: 151
| |
قصتي مع تحويل من stc لموبايلي
السلام عليكم ورحمة الله وبركاته
مساكم الله بالخير
ياجماعة الخير أنا من القصيم ومعي شريحة الأتصالات والمشكله رقمي مميز ومتحسف فيه وأراوي أنا أحول لموبايلي أو ماأحول
لكن بعد ماصارت المشاكل بالإتصالات وطلعت فاتورتي حوالي 1000 ريال جزمت على التغيير
ورحت للإتصالات وألغيت الخدمات مثل صدى وموجود وغيرهن وسددت كل الفواتير وزدت 25 ريال
ورحت لموبايلي وعطون شريحه قالوا أول ماتوصلك رساله على شريحة الاتصالات حط شريحتنا وكل شئ يضبط وخلاص
انتظرت شهر ومازان شئ
وبديت أروح لموبايلي يقولون طلب التحويل رفض والأعذار مره يقولون عليك فواتير ومره يقولون الجوال مقطوع والمشكله هك ماعلي فواتير والجوال شغال
قال لي موظف موبايلي شف عندك واسطه بهيئة الإتصالات كلمه ويضبط أمورك قلت حتى التحويل به واسطه والله ياحنا مهكوك علينا من هالشركات
دورت واسطه وما لقيت وعطان رقم هيئة الإتصالات اللي هو014618000
وقال اتصل عليهم وكلمهم اتصلت ورد علي واحد وصرفن قال الحل مو عندنا بأحولك للموظف وانتظر ولااحد يرد علي اتصلت اكثر من يوم مارد علي أحد
قلت وش الحل قال ارسل فاكس شكوى لهيئة الاتصالات وأرسل مرتين شكوى ولاجاء رد عليها
قالوا لي ألغ شريحتك وطلع رقم جديد موبايلي قلت حلو بس المشكله رقمي مميز ومتحسف فيه
والحين بديت أدوام كل فتره أروح لموبايلي وأجدد الطلب والمشكله كل شهرين تجين فاتوره من الإتصالات ب50 ريال وش عليه مادري حسبي الله عليهم
والحين لي حوالي 9 شهور ومدري إيش أسوي وجاري البحث عن الواسطه
حبيت أحطكم معي بالمعاناة إن كان أحد يقدر يضبط لي الوضع
لأن أمس سولت لي نفسي إني أكمل مع الاتصالات بس قلت صبر 9شهور وين يروووح وأنتم وش رأيكم ؟ |
الوضع العادي
