19/08/2010, 09:39 AM
|
 | زعيــم نشيــط | | تاريخ التسجيل: 08/04/2009
مشاركات: 555
| |
يا كود تلقى سيرته فالزباله " اصحابي " جديد شعري بقلمي
السلام عليكم و رحمة الله و بركاته
ذي قصيدة طال عمركم عن اصحابي في المكان الجديد اللي سكنت فيه و هي عبارة عن وصف لهم لأحد اصحابي القدماء الذي يُدعى زيد تخيّلت إنّه سألني : يا فهد كيف اخوياك..؟ لي صاحبٍ من يوم شفته اتصالات و لي صاحبٍ ما يرسل لي رساله و لي صاحبٍ يطرد ورى هالبنيّات و لي صاحبٍ ما يعرف إلا حلاله و لي صاحبٍ متخوم جيبه ريالات و لي صاحبٍ منتوف حالته حاله ولي صاحبٍ يزعل على اقل حاجات ودّي يا زيدٍ افقشه بالبياله و لي صاحبٍ ميّت و هو حي ما مات و لي صاحبٍ تلقاه عند البقاله ولي صاحبٍ لا شفت زوله وهو آت ما كنّك إلا شايف لك غزاله ولي صاحبٍ مترززٍ بالمجلات و يا زيد ظلّه اكثر إمنه جماله و كم كلمةٍ من صاحبي راحت و جات انا اشهد إنه بالعٍ زول آله ولي صاحبٍ مرّات عاقل و مرات حتى خياله يشتكي من خباله و لي صاحبٍ يابن الاجاويد بالذات يفعل فعال أهل الكرم و الشكاله ولي صاحبٍ دنيته ونّات و آهات قاعد لحاله و الفرح ما طرى له و لي صاحبٍ قاعد على النايلِ سات قاعد يردد لالا لا له و لا له ولي صاحبٍ هيهات هيهات هيهات يشكى منه يا زيد ما يشتكى له و إن كان يا زيدٍ تبي لك عبارات إسمع خويي لا يفوتك هباله ومن عاش معهم لو سويعات ساعات يا كود تلقى سيرته فالزباله و هذي تحيّه من فهد طيّب الذات قصيدةٍ قد قالها في عجاله  |
!
!
الوضع العادي
