#1  
قديم 19/08/2010, 06:08 AM
المجلس العام
تاريخ التسجيل: 28/04/2003
المكان: المجلس العام
مشاركات: 2,104
((يوميات رمضانية "8" )) المتميزة" HILALYA ]~ " ماحنا ناقصين عين .. وفهاوة بلا حدود !!



فكرة: سندريلا الهلال
اعداد وتصميم : الهنوووف + عسيريه



لنا من كل عام شهر فضيل ..
أعاده الله علينا وعليكم وجميع المسلمين بالخير واليمن والبركات

وكل عام وانتم بخير
**][يوميات رمضانية 1431 هـ ♥][ **
لقد عدنا اليكم .. تحملنا الاشواق للقياكم .. ونسعد ان نعيش معكم
. في سلسلة تحمل بين طياتها يوميات الأعضاء الرمضانية من كل عام
هذه السلسلة أنتم أهل بيتها ونحن ضيوفا في حضرتكم ،،،


أهلا وسهلا بكم أحبتنا
ودعونا نرحب سوية بالضيف" الثامن
المتميزة HILALYA ]~
لكي تحكي لنا احداث يومها مع شهر رمضان المبارك


اول شي احب اشكركم ع استضافتي مثل باقي الاخوان
اللي اضفتووهم قبلي .. وباذن الله تستمتعون مع يومياتي النايمه >< ..
وكل عام وانتم بخير للي ما هنيتهم مؤخرا ..
وتراني مميزه موب مميز .. < بالعربي بنت ..
قبل لا ابدا لا تدققون ترا بتتعبون .


ماهو رمضان بالنسبه لك ..؟
هو احد اهم الشهور الهجريه < ياساتر..
رمضان بالنسبة لي اكبر بان اصفحه بكلمات وسطور ..
لعلي اكتفي بالدعاء ..
..[ اللهم اجعلنا ممن صام رمضان ايمانا واحتسابا ]..

برنامجك اليومي في رمضان ؟
..[ برنامجي بختصار شديد ]..
اقوم اصلي الظهر ارجع انام .. اقوم اصلي العصر .,
اخذ لفه ع بيتنا اشوف اخواني وكذا .. انزل اساعد امي بالمطبخ .. < من بعد مسابقة الشيف وامي صايره تمسكني المطبخ ..
اصلح قهوه وشاهي واساعد امي بالاشياء البسيطه ..
يكفي اشوف فرحة امي اني دخلت المطبخ < الف شكر للي اخترع المسابقه < راح البرنامج ض1 ..
لا خلصت امشي لي نص ساعه بالحوش مع لجو الجميل :S .. < جو الرياض ..
يعني انواع الفله وشسمه يصدمك الهوى الحاااار اللي لا دخلت البيت تحس انك هندي ع الريحه ..
ارجع اساعد امي شويتين .. اراجع حفظي للقران .. واسمع لابوي كل يوم 3 وجيه ..
اجلس بالصاله مع اخوي نسمع لبعض ونروح لابوي نسمع له ..
< طبعا نسمع ايه بعدين نشطح استغفر الله بس ..
بعدين الفطور < يعني لا اذن نفطر ..
وبعد الصلاه الفطور الثاني ..
بعدين افتح النت .. مايحتاج افتحه هو مفتوح 24 ساعه اصلا
ماقد طفيت الجهاز بالاجازه هذي الا مرتين بس ..
الصفحات جاهزه وكل شي جاهز .. اللهم اني احدث بس ..
< طبعا افتح النت ع السريع عشان لا يجيني شي ..
بعدين اصلي العشاء والتراويح .. بعدها امشي نص ساعه .. < موب دايم لا جاني المزاج ..
بعدين نت شوي قران .. ثم هياط ع اخوي اللي صج راسي ..
يعني باللهي عليكم انتم مثله .. صوته واصل لغرفتي ..
هذا صوته ما يتعب لا اله الا الله الله لا يشغلنا الا بطاعته ..
< تراه يلعب الشس اللي يسمى اون لاين موب يسوي شي ..
ومن ثم شغلات خفيفه < مدري وشي بس طنت براسي اكتبها ..
بعدين السحور .. وانتهينا : ) .. < مابغيتي ياشيخه كان جلستي بعد ..

ماهي اكلتك ومشروبك المفضل في رمضان ؟
السمبوسه ق1 < بدون جزر خيار بصل تفاح طمام ..
شي لونه اخضر احمر اصفر برتقالي بني ..
شكله دائره مربع مستطيل مثلث قرمزي محدب مقعر ..
ابد هذا ما يمشي معي .. انا سمبوستي دجااااج بس ..
فلذالك امي مسويه لي ع جنب .. لكن اتشفت ان العايله كلها تاكل السمبوسه قبل لا امد يدي ..
بعدين بطلنا شغل الخضروات .. طلعت سمبوستنا شي ق1 ..
وع فكره ما قد اكلت الذ من سمبوسه امي ق1 .. اصلـ(ن) السمبوسات اللي برى ما قد اكلتها ..
يعني اللي من طبخ اقاربي موب مطعم ..
نسيت اقولكم ترا امي ما تسويها لسواد عيوني لا هو يعني مع سواد عيوني ..
لاني ما اكل الدجاج قطعيا البتا هو وولد عمه الحم .. فلذالك ابو ما صدق خبر شافني اكل سمبوسه ..
قال لامي سويلها اي شكل من الاشكال لو تبي وش ..
< عاد انا بديت اتدلع واتشرط ما اقول الا مالت ع بطني الي يحب ياكل ويتشرط ..
نكمل ..
+ السبرنق رول ق1 + الفيمتو ق1 ..
البيتزا ق1 + الحلا اللذيذ هذاك ..
شوفوا اي شي تعطوني اياه اكله ماعندي مشكله ..
اهم شي شي يدخل البطن .. بس هذا المطلوب ..

متى اول مره صمت فيها .واذا عندك مواقف مع الصيام اذكرها ؟
اممم اذكر اول مره صمت كنت صغييره مره يعني يمكن تمهيدي ..
كنت اتحدى انا واخوي اكبر مني بسنتين اني اصوم ..
وكانت امي حريصه جدا ع صيامي عشان اتعود ..
وابوي يشجعني وكان يخليني اصوم بشوي شوي ..
اما المواقف ..
اذكر كنت صايمه انا وبنت عمتي يوم كنا صغار < ..
وجعنا بقووه ( يعني صرنا جوعانين ) ., وكنا رايحين لبيت جدتي .. ( جمعه عائليه ) ..
تغبينا ورى الدرج ( درج نرقى منه وننزل يعني الي يودي للطابق الاخر موب درج الي يفتح ويصكر حق الي تحت التلفزيون ) ..
واكلنا اشياء شارينها من المدرسه .. < يعني ماسوينا شي ..
مادرينا الا عمي ورانا < هو اصلا لو كنا متعلقين بحافة القمر يجي ..
شوفو اشكالنا بس < عادي مافيها شي بس كملنا اكلنا وسوينا انفسى ناسين ..
عاد بدا يهددنا وكل ماسوينا شوي والا ما سمعنى كلامه يقول اقوول ..
< لا حلفنا لا تقول ننقز بس لا تقول .. لاكننا في النهاية ..
اصبحنا شجعان واخبرنا الكل بعد اربع سنين من الحادثه ..
والا الحين يهددنا بالمموقف ع انهم درو مننا ..
بس كذا ( هباله يهني ) ..

موقف لاينسى حصل لك بـ رمضان..؟
والله مليون موقف بس اللي يحظر ببالي الان ..
هذا الموقف برمضان اللي راح ..
كانت جدتي مسويه عزيمه وماخلت احد بالرياض ماعزمته ..
المهم بحكم اننا بنات وجالسين ., تجينا حالات سناعه ( او نتصنع السناعه مدري والله ) ..
< تعرفون العزيمه ع جدتنا وايقالنا عند الحريم ..
والا لو الود ودنا نتبطح قدام الوشسمه ..
رحنا قلنا للحريم تبون شي < علبالنا بيقولون لا ..
لاكن مع الافس الشديد .. قالو ايه اصلا ما قالو ايه قالو وش يبون بسرعه ..
قالو روحو لمجلس الرجال وطلعو السجاده بالحوش ..
عشان خلصو يعني .. لانها مو للمجلس اصلـ(ن) ..
قالت خالتي والشغالات < طبعا خالتي هذي ضمن البنات اللي انا من ضمنهم ..
قالو موب تبون تساعدوننا .. < اخر مرره اخخر مرره اساعدهم حررمت خلاص توبه ..
المهم حنا بنات مكونين من 6 انفار .. معي طبعا ..
يعني يكفينا لو تجيبون لنا وجبات ماك عربي نشبع بسرعه ..
انا وخالتي وبنت خالتي وبنات خالي ق1 ..
المهم ..
السجاده كانت كبيييره مرره وثقييله بقوووه .. ومجلس جدتي مره كبيير فباب المجلس بعيد < طبعا بعيد ع اللي بيشيل ..
وتخيلو اشكالنا نشيلها < ما اقول الا مالت علينا يوم نفكر هالفكره ..
اصلـ(ن) انا قايله لهم موب وجه مساعده .. بس ياشين اللي يترزز ..
مالت مالت ع حظي اللي مثل وجهي < حلو يعني ..
المهم ان الرجال طالعين .. والشباب بعد .. رايحين للمسجد .. < عشان يصلون < باللهي ..
المهم ..
شلنا السجاده حنا الـ6 وكنت انا في المقدمه .. < عادي متعوده ..
وطبعا انا من الحماس طايره ماعندي وقت < اخاف تطيح < شوفوا من ايثاري لغيري
خفت تطيح السجاده وانا ما خفت ع نفسي اتشقلب ع ورى ..
المهم < لا تعدونها بس غصب تجي ..
يوم طلعت للحوش طبعا مفهيه مدري وش السالفه ..
امشي ماعندي مشكله فجاه صارت السجاده ثقيله ..
مادريت الا وانا طايحه ع ورى .. التفت يمين يسار وين البنات < قايلتلكم مفهيه مدري وش السالفه ..
والله توني افتح عيوني زين .. واناظر قدامي والا ماشاء الله جميع الشباب واقفين يتفرجون ..
وانا متتتتتنحه اناظر < طبيعي لا تنصدمون .. يمكن ما افطرت زين ..
مادريت الا خالي جاي لمي وقومني ودخلني داخل < واانا للحين متنحه ..
ويوم طلعو الناس قال خالي الحمد لله ع السلامه ..
انا مفهيه الله يسلمك الا ع وش ..
قال الحمد له والشكر روحوا اكشفوا ع بنتكم < يكلم امي ..
قلت خير وش صاير ..
قال اذا ما عالجتوها بمسك راسها واخمها بالجدار ..
خلها تركز شوي ..
قلت وبعدين .. امحق خال مالت بس ..
يعني عشانك اسعفتني يا روميو زمانك ..
وراك ما خليت واحد من العيال يساعدني ..
يمكن في يوم من الايام اخش مزاجه ..
قال .. مالت انتي اللي يقولك السلام عليكم تقولين الحمد لله ..
< هذي للاسف حقيقه .. فلذالك كملت سواليفي ع المسن . .
بس ياضحكوا علي ضحك .. < بس شي عادي عندي ..
خلهم يصحكون الى بكرا موب هم مستانسين ..
< ترا خلص الموقف ..
اللي بعدو ا ..
ودي اقول موقف ثاني بس اخاف تشوتوني ..
انا بقوله والا ما يبي يسمع يسد اذانه .. .
السالفه تقول .. < خلاص هونت .. وقسم تخوفون ..
عموما لا بغيتوها ذكروني اقولها لكم بالمقابلات الجايه ..

كيف نظامكم واجوائكم في رمضان ونظامكم بالفطور والعشاء والسحور.؟
اممم نظامنا كالتالي ..
اول شي مع الاذان ::
تمر + قشطه + فيمتو + مويه + عصير في بعض الاحيان + حلا خفيف + قهوه + صحون عبس < شطحه ..
بعد الصلاة ::
الاشياء الرئيسيه :: سمبوسه + شوربه + سبرنق رول + شاهي + البيتزا [ يوم ورى يوم ] ..
الاشياء الغير رئيسيه :: اصناف متعدد من ما لذ وطاب ولله الحمد والمنه ..
يعني ما نحب الاكل الكثير < كل هذا وموب كثير مالت ع شكلك ..


هل ترى اختلاف بـ رمضان في السنين الماضيه عن السنوات الاخيره واذا نعم وش الاشياء الي افتقدتها.؟
اختلاف كبير وكبير جدا .. اشياء كثييره < تفكر وشي ..
يعني اول كل يوم في بيت .. بس الحين اخ يالقهر < ..
الا رمضان يهبل < تغير الكلام ..
تدرون ليه .. لاني معكم < لا تستحون ما بيننا شي .. \
اهم شي انه تغير .. وماصارت جمعاتنا مثل اول ..
لا كن تصدقون شي يقههر < انا ملاحضه فيه سجع ..

هل تفضل الصلاه في المسجد القريب من بيتكم او تميل للتنويع ومن القاريء الذي تحرص على الصلاه خلفه في رمضان؟
لا احب المساجد البعيده .. حتى ان ابوي يقولي انتي لو مره وحده اختاري مسجد بشمال الرياض ..
يعني لازم بعيد ..
لاكن عندي اشياء قريبه مني واحب اروح لها ..
القراء يعجبني الصوت الهادئ بقوه .. احس براحه لما يقرأ ..
اروح للعبيد وكثير من اقاربي القاهم هناك ..
واحب ايضا الدوسري .. وكثار ..
طبعا نجلس سنه انا وامي نختار .. لاكن في الاخير ..
نمشي ورا ابوي .. بما ان سواقنا العزيز .. بديرته اجازه ..
< انا ملاحظه اني اقول لاكن بكثره . .

أجمل رمضان عشته حتى الآن , متى ولماذا ؟
كل رمضان له نكه خاصه : ) .. لاكن احلاهم اممم ..
للاسف ما يحضرني شي الحين < لايكون تحمستوا وانا اقول ادور الجواب ..
بس يمكن احلاهم وانا صغيره ..

رسالة في هذا الشهر المبارك .. لمن تبعث بها وماذا تقول فيها .؟
ابعثها للكل .. واقول لهم ., استغلوا شهركم هذا ..
فلعله اخر شهر لكم .. اكثروا من قراءة القران .. والاستغفار ..
ولا تنسون تدعولي ..
ولا تنسون الدعاء لـ ام اخونا عادل .. وام ميمي وشلهوبيه ..
بالشفاء العاجل ..
وادعو لمي بالطريق ..

نبي صوره تلتقطها لنا من يومك الرمضاني المجال مفتوح لك..؟
بما ان اخونا العزيز سامي جاب لنا صوره تذكاريه من شهر 2 .. انا بجيب لكم صوره من شهر 5 مدري 6 ..
عباره عن صدفه .. لاكنني جلست ساعتين اصور لين طلعت لي هالصور ..





اقول يا المصورين تفحطون وتجيبون زي صوري ..
نسيت اقولكم تراني شاركت فيها .. وفزت افضل صوره بالعالم ..
لاكني خفت من العين .. قلت ما يحتاج انا متنازله ..
اليكم الوشسمه ..
وشكرا



اليوميات الرمضانية

السلام عليكم ورحمة الله وبركاته ..
كيف الحال ؟؟ والاحوال ..؟ ؟
اصبرو اتمدد
يومي طال عمركم بدا من الساعه 5 الفجر ..
شوفو ببدا من اول ما قمت لاني بصراحه تامه ما اتذكر شي .. الساعه 4:30 امي تدق الباب ..
وانتي للحين ما قمتي .. الستاير مفتوحه .. اللمبات مشغله ..
المكيف مسكر .. الباب مفتوح .. الساعه مشغله ع المننبه .. الجوال ما يقدرون لان فيه باسورد ..
الدريشه ( الشباك ) مفتوح عشان اقوم من الهوا الحار ..
الفراش مسحوب .. خزان المويه حق الحمام كله مكبوب فوق وجهي ..
ومع ذاك الفلم توني ما قمت .. تقول امي والله اعلم ..
تقول تدرين من الساعه 12 وحنا نقومك .. < ياساتر يارب ..
ابشركم يوم فتحت عيوني لا اخوي فوق وجي قمزت قمزه موب من وجهه الخايس تذكرت اني ما صليت الظهر ..
وش اسوي نمت متأخر واصلا اليوم اللي راح ما نمت زين ..
استغفر الله بس يارب تب علي ..
المهم .. صليت جمعا الظهر والعصر ..

ومسكت البي بي .. ونزلت من الدرج وبغيت اصور مع الدرج ..
لاكن ربي ستر واخوي صرخ ونزيت .. مدري فزيت اللي هو ..
ونزلت دايركت ع المطبخ < سنعه بسم الله علي ..
سويت قهوه وشاهي وحرقت اصبعي من طفاقتي ..
بعدين يوم خلصت طلعت للسيب حق بيتنا بمشي شوي ..
ملاحظه ::
[ بما ان الاجواء عليله في الرياض .. فانا ما ادور ع البيت .. عشان لا اموت برد ..
عندنا سيب فيه باب كبير ع الصاله .. مو سيب حوش بس انه طويل ..
افتح الباب ع اخر شي .. واشغل مكيف الصاله .. < اصلا هو مشغل ..
وامشي عنده عشان الهوى يكون بارد ولا احس بشي ..
شفتي التفكير .. من يقول اني دلخه .. ]

عدنا ..
مشيت لي ربع ساعه .. ثمين دخلت البيت وحسيت اني بغيت ادوخ .. هو موب ادوخ ع التعب ..
لا ما تعبت ولا شين بس تعرفون واحد توه قايم من النوم وماشي بالحر فتكون ريحته عطره ..
وقسم بالله حسيت اني هندي فوال بشارع النسيم ..
بعدين رجعت للمطبخ ساعدت امي بالتحشيات وكوذا ..
بعدين تهاوشت مع اخوي الصغنن .. عنيد ياربيه ..
بعدين اخذت لكم صوره للوشسمه اللي حشيته ..

ترا موب احترافيه ولا شي .. تعرفون اخاف اصور احتراف تنهبلون ..
قلت يا بنت ما حنا بناقصين عين .. اهجدي وصوري لهم اي شي ..
< بيني وبينكم بالموت طلعت ذي الصوره اخوي فوق راسي ..
بعدين الله يسلمكم ويعافيكم .. جلسنا جلنا مستطيله ..
ع الفطور المكون من ..
[ تمر نوعين + قشطه + حلا + قهوه + توت + مويه + كيسان وبيالات وفناجيل وصحون عبس وسفره ]
فيه صوره للحلا هو موب حلا .. لاكني اسميه حلا ..

< تراه هش هش معناهللي ما يعرف الفصحى رقيق ..
يعني كذا طري .. ينوي موب ناشف زي البسكوت ..
بعدين قمت اخذت لي شاور سريع لاني حسيت اني [ .. ] ..

بعد ذالك صليت المغرب ونزلت للفطور .. حنا نسميه فطور ..
وكان عباره عن ..
[ شوربة عدس + كودو + 3 اصناف محشيه بشي وشو مدري + سمبوسه + عصير برتقال فرش + عصير توت طازج + عصير وشو مدري + شاهي ]
سؤال
كيف تخلط جميع هذه الاشياء في المعده .؟؟!
نرجع للوشسمه .. < دقيقه امي تبيني < حسيت اني خوي ابو طلال ..
نرجع للوشسمه ..
بعد الانتهاء من الفطور الثاني .. قمنا صلينا العشاء ..
وذهبنا لخوالي .. ومن البيتنا الى بينت خوالي ونواره تكلمني ..
تعرفون اخاف يصير لنا حادث والاش عشان لا تاخرت تدرون اني بالمستشفى ..
لاني راكبه مع اخو .. بغينا نجيب العيد 3 مرات بس ..
[ بما ان سواقنا ماخذ اجازه ]
موما وصلنا لبيت جدتي ( ماما شوشو ) بسلام .. نزلت بيت جدتي ..
يا اهل البيت اين انتم .. ماش مافيه احد ..
قلت لا البيت مسكون .. التفت يمنه ويسره ..
بس يا قراده حظي لقيت وجهي بوجه الشغاله ..
قلت وين ماما .. ( ماما جحخهغفيشم < تتكلم اندنوسي . )
طبعا انا اختكم متنحه .. هااه .. ماما الله اكبر ..
اجل تيتاتي صارت مؤذن ع تالي العمر ..
عموما فصخت عباتي .. وانا اكلم نواره طبعا ..
لكن فجاه كذا لقيت فيه شخصه بالبيت ..
وين فيه خالتي .. ماراحت .. سلمت عليها وكوذا ..
بعجين شوي والا اتذكر اني ما صليت العشاء ..
واتسحب رجولي لاني قايله لامي مصليه فجاه اطلع ما صليت عيب علي يعني ..
وادز للغرفه النوم > حنا نسميها غرفة النوم .. لانها تبعنا لا نمنا ..
والقى خالتي معتكفه بالوشسمه حقها هذا ما غيره < نست الاسم ..
ايه ايه المصلى .. واقول لنواره وش الحل ..
قالت عباتك نظيفه صلي فيها .. قلت من عيوني ..
تخيلو افك عباتي وبلشه لالالا خلها بمكانها احسن ..
لاكن بحمد الله لقيت مصلى فجاه وانا اصلي قالت خلتي احلفي ..
انا من التناحه لفيت قلت وشو .. استغفر الله بس ..
قالت كل رجوك طالعه .. اكتشفت اني ماخذه شرشف له سنين وبنين عند جدتي وشقوق بعد ...
قالت خالتي ع الكرتون بسررعه ..
[ كرتون نجمع فيه الاشياء الي ما نبيها لمسكين ]

عموما اخذت لي شرشف صلاة ثاني .. ولبست الشرشف وجلست ع الارض اسولف مع خالتي ..
فجااه دخلت امي .. نقزت نقزه عظيمه ..
وصليت وقامت خالتي تصلي ..
قالت امي لكم سنه تسولفون يوم جيت سكتوا ..
لاكن الشي الجميل والي اكتشفته اليوم .. اني وارثه الفهاوه من امي ..
تصدقون ما لاحظت اني اصلي .. عموما فنشت من الصلاة .. وللحين ما جو ..
شوي الا يجون بالتقسيط .. جاء اولهم جدي ..
سلمت عليه وجلست اقهويه شوي .. لاكنه حلف يقهويني ..
استحيت بقوه خصوصا انا ما اعرف اشرف القهوه ..
ولا قد طبت بحلقي وانني لا اكره ريحتها كرها عنيفا ..
عاد اخذت الفنجال مجامله < اول مره بالحياة تجامل بالعاده بالوجه ..
اخذتها وسديت خشمي وقربتها من فمي ورجعتها ..
بعدين شغلت مكه لجدي .. ودخلو خوالي سلمت عليهم وطلعت ..
لان فيهم واحد مالي خلقه بقوه .. واذهب للصاله ..
واقرق مع نواره < يعني نواره ما يحتاج تقرا يومياتي ..
والا جدتي تدخل .. واخمها لي 5 ايام ما شفتها ..
والما لمتا عنيفه الى صدري ..
قالت هلا هلا والله .. قلت يا ميت اهلا وسهلا ..
شكل جدي بدونك ولا شي قالت روحي بس استغفر الله ..
جلست عند الوشسمه واذا بمرت خالي تاتي ..
واسلم عليها .. شوي وراها خالتي هي وكرشتها 7 متر قدام ..
يعني لا بغت تلف سمبوسه ما يحتاج صحن ابد تحط طحين ع بطنها وتزين < كف ..
واذا بي اصور الكرشه واضعها صوره لي ..
لكنها كرشتني كرشة عظيمه وقالت غيريها ..
عاد بيني وبينكم غيرتها لانها تفشل موب عشانها < طيب ..

وبعد ذالك جت خالتي اللي توها قايمه من النوم ..
صباح الخير يابو الشاب .. ترانا بالرياض ..
خالتي " انتي متى جيتي :| < الله مير يخلف ..
نايمه عندكم صاحيه انتي ..
" وينك يالقاطعه .. الخ ..
وبعد ذالك نادتني امي اجلس مع الشيبان ..
بما ان بنت خالتي ما جت .. فاذا بخالتي تجي ومع بزارينها طابور ..
واخذ لهم صوره واحطها صورتي .. < عادي انا من عشاق التصوير وبزياده ..
يعني حتى الرز الطايح بالارض اصوره . .
وبعد ان سلمت علينا خالتي اذا بزوجه خالي الخرى تجي ..
قولوا ماشاء الله .. وتصدف وتسلم يعني شي روتيني < ..
شوي شوي الا خالتي العزيزه جايه ما بغوا ..
واامسك بنت خالتي مع خالاتي الصغننات ..
ونفل ابوها بالسوالف .. واذا بي اقولهم ..
ترا اليوم يومياتي بالشبكه .. اذا بخالتي تقوم فجاه هي وكرشتها .. اصبري اصبري وش السالفه ..
والله اشوف الخاله جالسه رجل ع رجل .. قالت صوريني بسرعه .. عاد انا ما صدقت خبر وصورت ..
قلت ليه ؟؟
قالت نزليها باليوميات .. قلت طيب ..
خاف هي عاد تدري اني اسويها ..
قالت لالالالالالالالالالالالالالالالالالالالالالا .. امسحيها بسررررعه .. لاكن ما باليد حيله هجيت ولا مسحتها ..
كنت بنزلها بس الصوره كبيره ما اقدر < عذر مقنع ..

بعدين جلسنا عند جدي قبل لا ينام .. عاد جدي قال لامي ..
عودوا حفيدتي تطبخ .. < طبعا انا اسوي نفسي متحمسه مع نواره .. والا انا اذني معهم ..
المهم امي تقول لا اصلا هي ما تقصر وتوي و و و ..
وانا اسولف مع نواره .. قالت ان ابوي يرفع لاباتنا من الفجر ..
قلت حنا كذا رمضان اللي راح ..
[ بس كنا نسوي انفسنا نطبخ ] .. وش دخل الطبخ ..
كنت بقولها [ كنا نسوي انفسنا ننام ] ..
فجاه قلت لالالالا التفتوا كلهم .. يا فضيحتي قلت للبنت بنطبخ ..
عاد هم ضحكوا علي قالوا لا تستغبين مره ثانيه ..
قلت سموا طال عمركم ..
وبعد ذالك قالت خالتي امشي نمشي شوي بالحوش ..
مشينا لمدة ربع ساعه ..
الا ع طاري المشي ترا خالي يسلم عليكم ..

وبعد ذالك .. مسكتلي الصغننين .. قلت باخذ لهم صوره حلوه انزلها لكم ..
لاكن للافس الشديد حتا يالله اخذت 3 صور لواحد بس .. اما البقيه هجوا ..
قلت بسلامتكم طسوا < عصبت ..
اليكم الصور ::
قولو ماشاء الله بالاول < اقلقتينا ..

< هذا رجل ولد خالتي عمره 3 شهور .. كذا اعجبني الشوز ومقاسه صغنن اوي ..


هذاه نفس البيبي .. هو رجله اللي فوق ..


قولو ما شاء الله .. موب ع تصويري الزفت لا ع الولد ..


عاد وش يسوي مدري لاكن هذي الصوره الوحيده اللي ثابته ..
< لا يعني مع الصورتين اللي تحت وفوق ..



.. < انتم وش يدريكم عن الاحتراف ..

المغزى من الصوره انه يدعي < ايه هين ..

وبعد ذالك انبطحت بالمقلط ن خالاتي .. وقلت والله ما اعطيكم الصور الا بفلوس يالله مسكت بزرانكم ..
حامت كبدي وقسم .. انا خلقه مالي خلقهم ..
وبعد ذالك شويه ضحك وسوالف ..
ومن ثم عدنا للبيت وجلست اكتب لكم يومياتي هذي ..
( فيس يوخر العرق الي بجبهته ) ..
وفي الختام اشكر هنو & عسيريه ع الاستضافه ..
وعذا ع التاخير ..
اتمنى اني ما بثرتكم زياده عن اللزوم ..
وبانتظار الي بعدي ..
..[ ان احسنت فمن الله وان اخطأت فمن نفسي والشيطان ]..
< لا تنشرون هذا ض1 توني مخلصه واسفه ع التاخير : ( ..




كل الشكر
لـلمميزة **][ " HILALYA ]~ " "♥][ **

وانتظرونا غداَ
مع الاستشارية المتألقة الهنوووف.



أرق التحايا وأطيبها من
مشرفي واستشاري

المجلس العام



  #2  
قديم 19/08/2010, 06:09 AM
الصورة الرمزية الخاصة بـ ع ـشقهــا هـلالـي
زعيــم مميــز
تاريخ التسجيل: 18/11/2007
مشاركات: 4,488
Arrow

آوووووووووولي ض1

يالمفهيـه ابي عيوني الحين انا موب قايلتلك < الغبي هذا مابه

تعالي <~ شر شر امانه كم خطاء املائي ارتكبتيه اليوم
وش رايك اعدها تعالي معي ترا تسذا ودي امسك عليك بما اني
مسكت ع هنو وميتو وانتي بعد بس اليوم مآسكه معي نبداء :

الشس قصدك الشي اتشفت يعني قصدك اكتشفت
نكتفي بـ هذا القدر
هلاليه ي اختي احبك بكل حلاتك دلاختك تنآحتك فهاوتك وفغارتك
وشسمووه موقفك لا تحسدين عليه الحمدلله بس انا لو طايحه قدامهم
يمكن سنتين مايشوفون خشتي بس يالله تصير في احسن العائلات

مآشاء الله عليك تحفظين قران وتسمعين حفظت جزئين وابلشت العالم
والظاهر اني نسيتهم اخوك عساه الي سحبتيه في المنتزه الي نزلتي
صورته هنا < فهمتي شي
اما خالتك ياحبي لها عساها تولد بـ السلامه يارب < تراني فطينه
تقولين كرشه فـ خمنت انها حامل اذا كانت بنت سموهآ ميس
اكتشفت شي انا وانتي مانحب القهوه ولا طاش

الصوره هذي :



بالله وش مالك عندك تغطين عليه ياعردزي



حرام عليك عاد اليوم ماتسحرت الا على خياره
يمه ابي



يالبىىى لو انه عندي كآن وشسمووه عضيته < شريره



يالبيه والله اجل يدعي صدق صدق مايمدينا ع ذا الحركآت

هلاليه ياعردزي انتي وقسم يوم ممتع استمتعت به شكرا لتس يابعد
تسبدي واسعد الله هـ الضروس الي ضحكتنآ وابسطتنآ الله يوفقتس يابعدي

<~ رفعت فيتس صح
يالله طسي مناك

هنوو عسيرووه لبـىآ انتن وقسم موب طبعي اصير كثيره
بس عشآن اشكر مجهودكن الي تقومن فيه الله يجزاكن خير يارب

وبنتظآآر : آمنـآ الفراشه هنوو



اخر تعديل كان بواسطة » ع ـشقهــا هـلالـي في يوم » 19/08/2010 عند الساعة » 07:00 AM
  #3  
قديم 19/08/2010, 06:10 AM
زعيــم مميــز
تاريخ التسجيل: 31/07/2007
المكان: الشرقية
مشاركات: 5,431
ض1 ض1 ذذ



يومياتك كلها

قسم بالله عيوني حولت من هذا الفيس الله يصلحك

شكلك مثلي مالك في الطبخ والخرابيط

ذكرتيني بنفسي لما كانت عندنا خدامة وحدة كنت ارحمها في رمضان واسوي الشاهي والقهوة

وش الخبالة احد يمشي برا بالحوش في نهار رمضان وبالرياض

ماشاء الله كم عدد خالاتك وحريم خوالك

يالبى الشوز والرجل الي بالصورة

الله يخليهم لكم

نوارة الظاهر قاطه معك في يومياتك

هلالية يوميات طويلة جداً غطت على هذرتي في يومياتي

استمتعنا في قراءتها مع فيسك الي مادري كيف صاير <<

بإنتظار فراشة المجلس الهنوف

شكراً هنو + عسيرية

اخر تعديل كان بواسطة » باسكن روبنز في يوم » 19/08/2010 عند الساعة » 06:32 AM
  #4  
قديم 19/08/2010, 06:11 AM
الصورة الرمزية الخاصة بـ **نــواره**
زعيــم مميــز
تاريخ التسجيل: 24/02/2008
المكان: وغدًا تحت التُراب :"""
مشاركات: 2,824
Talking تعببببببببببببببت ، بتهور أفطر خخخخخخخخخ

لآآآآآآآآآآآآآآآآآآآآآآآآآآآآآآآآآآآ


ابي اولي


لي باك ان شاءالله ض1


’’

جيييييييييييييت

إقتباس
..[ اللهم اجعلنا ممن صام رمضان ايمانا واحتسابا ] ..

اللهم آميييييييين


إقتباس
ارجع اساعد امي شويتين .. اراجع حفظي للقران .. واسمع لابوي كل يوم 3 وجيه ..
اجلس بالصاله مع اخوي نسمع لبعض ونروح لابوي نسمع له
..

الله يثبتكم و يرزقنآآ


إقتباس
لاني ما اكل الدجاج قطعيا البتا هو وولد عمه الحم ..

تعجبني هالفئه من الوشسمه ايه

إقتباس
اممم اذكر اول مره صمت كنت صغييره مره يعني يمكن تمهيدي

يَ ختي سسؤال لس و لغيرس
و لكل الأعضضآء اللي سسوآ معهم مقآآبله

وشلون تذكر و أنت صغييييييييييييييير


إقتباس
وطبعا انا من الحماس طايره ماعندي وقت < اخاف تطيح < شوفوا من ايثاري لغيري
خفت تطيح السجاده وانا ما خفت ع نفسي اتشقلب ع ورى ..
المهم < لا تعدونها بس غصب تجي ..
يوم طلعت للحوش طبعا مفهيه مدري وش السالفه ..
امشي ماعندي مشكله فجاه صارت السجاده ثقيله ..
مادريت الا وانا طايحه ع ورى .. التفت يمين يسار وين البنات < قايلتلكم مفهيه مدري وش السالفه ..
والله توني افتح عيوني زين .. واناظر قدامي والا ماشاء الله جميع الشباب واقفين يتفرجون ..


يَ رب لطفك بعبآآدك



على فكرهـ ششطحه
عرفت ليش تأخرت اليوميآت مآنزلت
الوشسمه قآعد يقرآآهآآ
و من طوولهآ تأخر
<~~ بتتبلك من المسسن

يَ لبى هيلآليه ]~ وبس
<~~ حفلة قلووب

المهم - احلفي بس يومياتس -


إقتباس
ااختاري مسجد بشمال الرياض

يعنني ، يعنني
ترآنآ بششمآل الريآآض

و إذآ بششمآل الريآآض خير يَ طيير







بسسم الله عليييييييييس


إقتباس
الستاير مفتوحه .. اللمبات مشغله ..
المكيف مسكر .. الباب مفتوح .. الساعه مشغله ع المننبه .. الجوال ما يقدرون لان فيه باسورد ..
الدريشه ( الشباك ) مفتوح عشان اقوم من الهوا الحار ..
الفراش مسحوب .. خزان المويه حق الحمام كله مكبوب فوق وجهي ..

صفقه مع التحيه

هذآ الوشسمه كنآ فيهآآ
بس الحمدلله كبرنآ وعقلنآآ

لكنهآ مآآزآآلت موجودهـ للحآلآآآآت الطاارئه

إقتباس
وجلست ع الارض اسولف مع خالتي ..

عاجبني هالمقطع من يوم قلتيه لي بالمسسن

إقتباس
واقول لنواره وش الحل ..
قالت عباتك نظيفه صلي فيها

بسسم الله علي

إقتباس
واقرق مع نواره < يعني نواره ما يحتاج تقرا يومياتي

بقووهـ

و أنآ أقرآهآ أقوول يَ سخفي نآششبه توني أعرف

استحيييت قسسم

إقتباس
وانا اسولف مع نواره .. قالت ان ابوي يرفع لاباتنا من الفجر

اللهم لك الحمد
نسسى الوآآلد


اللهم على أعدآآئي <~~ ماتقصد دحييم و ميششو


إقتباس
بس كنا نسوي انفسنا نطبخ

ههههههههههههههههههههههههههههههههههههههههههه
هههههههههههههههههههههههههههههههههههههههههه
ههههههههههههههههههههههههههههههههههههههههههه

قسسم فقعت ضحك ع الموووقف التحييف


ارحمييييييييييييييييني

لآ ، لآ مسستحيل يَ عاااالم
مالك لآ يششوف يوميات هيلآليه ]~
الضعييف بيتحطم

بسسم الله على الأششيآء الأقوى شيء



بسسم الله عليييييييه
الله يخلييه لكم

رآآئد
مثل اسم ولد عمتو
<~~ و المطلووب

إقتباس
اتمنى اني ما بثرتكم زياده عن اللزوم



مآفيه تعلييق / بس هالقلووب تكفي

أحلى يوميآآآت

’’

أووهـ بكرآآ هنو

’’

مششرفي و استششاري المجلس لكم //

PeaCe

اخر تعديل كان بواسطة » **نــواره** في يوم » 19/08/2010 عند الساعة » 07:10 AM
  #5  
قديم 19/08/2010, 06:14 AM
الصورة الرمزية الخاصة بـ ḾŎĤǍṀẠḊ
زعيــم مميــز
تاريخ التسجيل: 15/11/2007
المكان: هنآك ^_^ !
مشاركات: 4,403
اهلا اهلا .. هلاليه << وده يقول
يوميات زي صاحبتها كثيرهـ .. بس مميزه ..
يعني مدري ع وش اعلق ووش اخلي ..
بس طلبتكـ هالفيسـ .. ..
اعتقيه لوجه الله .. وقسم رحمته .. وش سوا لك
حتى انا تعاطفا معه معد بستخدمه ..

طيب الحين يوميات وش كبرها ما فيها مسلا .. ليه طيب حطي صوره قديمه شي ..

عوافي هلاليه ..
اخت غاليه ومميزه .. ..
ويمال العافيه يالهنوف ويا عسيريه ع التنسيق .. والجهد ..
.. .. ..



اخر تعديل كان بواسطة » ḾŎĤǍṀẠḊ في يوم » 19/08/2010 عند الساعة » 06:52 AM
  #6  
قديم 19/08/2010, 06:21 AM
زعيــم نشيــط
تاريخ التسجيل: 10/01/2009
المكان: بريده
مشاركات: 771
هلا وغلا هلاليه
يوميات اكثر من رائعه
شكرا المنتدى الاستشاري
بانتظار الهنوف
  #7  
قديم 19/08/2010, 06:33 AM
الصورة الرمزية الخاصة بـ عادل بن ساعد
رئيس تحرير مجلة طله
تاريخ التسجيل: 26/10/2009
المكان: . في قلب من عرفني .
مشاركات: 2,196
ايش عند الشعب حآجز ,,
حجز لبعد الظهر ,,

لازم أعد كم فيس بالموضوع و أرجع



بآآآك
طولت صح بس كنت مدوخ مع السكر - الحمد لله-

أرحب بالمنتدى الإستشآري و بمن إنضم اليكن مؤخراً ,,

أختي المميزة / هلالية ,

صرآحة أشكر أختي هلالية على تفآعلهآ المميز ,, و ربي ثنآئي مميز هي و أم وجن ,, يعني حركت المجلس أكثر و أكثر ,, و خصوصاً في أمور الشتشته

ربي يوفقك هلالية دنيآ و آخرة ,, و إن كآن من لقب أعطيهآ لقب (دينمو المجلس)
بالنسبة لليومية //~

فصرآحة دوخت و انآ أعد الفيسآت المستعملة لكن طلعت فوق 400 فيس

و أكثر من 100 كلمة (وشسمة) ,, حضور مشرف و مميز هلالية
حبيت أعلق على بعض النصوص وهي /

إقتباس
اخذ لفه ع بيتنا اشوف اخواني وكذا .. انزل اساعد امي بالمطبخ .. < من بعد مسابقة الشيف وامي صايره تمسكني المطبخ ..


مآ شآء الله ,, يحق لأمك تبيك بعد الشيف الي قدمتيه ,, خورآفي و الله ,,

و على فكرة أول زعيمة تقول أني أسآعد أمي أو أطبخ معهآ الفطور و العشآء ,,

و هذآ بلا شك شي نفرح فيه ,, و نشدد عليه ,,

إقتباس
لا خلصت امشي لي نص ساعه بالحوش مع لجو الجميل :S .. < جو الرياض .


متأكدة من دقة هالمعلومة ,, ترآك بالريآض ,, و الجو ربك يستر

إقتباس
السمبوسه ق1 < بدون جزر خيار بصل تفاح طمام ..

إقتباس
شي لونه اخضر احمر اصفر برتقالي بني ..

إقتباس

شكله دائره مربع مستطيل مثلث قرمزي محدب مقعر ..

ابد هذا ما يمشي معي .. انا سمبوستي دجااااج بس ..


يعني مو نبآتية مثلي ,, شكل السمبوسة فآضية من دون شي

إقتباس
لاني ما اكل الدجاج قطعيا البتا هو وولد عمه الحم .. فلذالك ابو ما صدق خبر شافني اكل سمبوسه ..


تحسين هالجملة مآش ,, جآءت متعآضة مع الجملة الي فوق ,,

إقتباس
ولا تنسون الدعاء لـ ام اخونا عادل .. وام ميمي وشلهوبيه ..


ألا يآ رب ,, تشفي وآلدتي و وآلدة أخوآتي ميمي و شهلوبة ,, يآ رب ,,

إقتباس
نسيت اقولكم تراني شاركت فيها .. وفزت افضل صوره بالعالم ..

إقتباس
لاكني خفت من العين .. قلت ما يحتاج انا متنازله ..

إقتباس

اليكم الوشسمه ..


أقول و شسمة الصورة وشسمة ض1 جميلة ,,

تعلموآ يا مصممين و يآ مصورين من عبود و هلالية ,,

إقتباس
الدريشه ( الشباك ) مفتوح عشان اقوم من الهوا الحار ..

إقتباس

أسلوب ذكي و غبي بنفس الوقت , بس عجبني و الله ,,

بأطبقهآ يوم عندنآ بالدمآم ,, عشآن أموووووت من الرطوبة


- الله يخلييكم الملوك و الكوينآت ((جمع كوين)) الي بالصور ,,

-
إقتباس
وانتظرونا غداَ

إقتباس
مع الاستشارية المتألقة الهنوووف.



يآ مرحبتين ,, و الله ,, يآ الله إنك تحيهم يا الهنووف ,,

في إنتظآر لقآءكم و بشغف ,, بس تكفين نبي الشفآفية من دون رسميآت بليييز

تحيآتي للمنتدى الإستشآري (هنووف و عسيريه )) على جهودكم الأكثر من رآئع



اخر تعديل كان بواسطة » عادل بن ساعد في يوم » 19/08/2010 عند الساعة » 08:58 PM
  #8  
قديم 19/08/2010, 06:58 AM
الصورة الرمزية الخاصة بـ ام متعب التميمي
زعيــم مميــز
تاريخ التسجيل: 18/10/2007
المكان: في ــ♥ــه
مشاركات: 2,247
لي بااااااااااااااااااااااااااك

:::::::::::::::::::::::::::::::::::::::::

جيت انا وكلي لهفه وشوق والحمدلله نزلت يومياتك وانا على النت

انتي متفقه مع فيل ع الفيسات الله يدوخكم مثل مادوختونا


الا تعالي بسئلتس ..............ماعندك اخوات؟؟؟؟؟؟؟؟؟؟؟؟؟؟ الله يكون بعونك


وع البركه الطبخ وفاتحة خير يارب


إقتباس
شوفوا اي شي تعطوني اياه اكله ماعندي مشكله ..
اهم شي شي يدخل البطن .. بس هذا المطلوب ..

^
^
واضح ان البنت تسوي دايت الله يسهل امورك وتوصلين للي تبين ويطلع لبس العيد تحفه وتغطين ع الكل

تحياتي

اخر تعديل كان بواسطة » ام متعب التميمي في يوم » 19/08/2010 عند الساعة » 07:32 AM
  #9  
قديم 19/08/2010, 07:38 AM
زعيــم مميــز
تاريخ التسجيل: 23/12/2006
المكان: المجلس العام
مشاركات: 2,495
هلا والله هلالية ..

يقطع ابليسك كل هذا يومية .. نص ساعة وانا اقرأ ويالله خلصت ..
بس ما شاء الله عليك .. حسيت اني عايش معكم من دقة الوصف ..
صراحة .. فيه كمية هبال في هاليومية مش صاحية ..
ما أقول الا الله يعين اهلك وخوالك عليك ..
والله يخلي لكم بزارينكم , ويحفظهم من كل شر ..


يعطيك ربي الف عافية على اليومية ,,
وبانتظار المتألقة الهنوووف ,,

كل الشكر للقائمين على الموضوع ,,
  #10  
قديم 19/08/2010, 07:49 AM
الصورة الرمزية الخاصة بـ HAYA92
زعيــم مميــز
تاريخ التسجيل: 02/12/2009
المكان: All Around The World
مشاركات: 4,025
Arrow

هـــــلآبكـــــ هـلآليه
صبـآح الخير <<< اللهم اني صائمه وش الآكل جعت
مـآشآء الله اجل صرتي سنعه <<<حركآآآآآت
بع ـــــدين وش ذا الفيس شكله يقرب لكـــ
وعلى يوميآتكـــــ فهو يوووووووم طويل حسيت اسم الله عليك انه اسبووع دخت وآنا اقرأ
وتصويركـــ <<<شى مآشآء الله
طلعي موآهبكـــــــ <<< من الحين انتي شيفه ,, مصوره بع ــــد
ننتظر القـــــآدم..
يعطيك الع ـــــآفية على يومكـــــــــ الطووووووووووووووووووووووووووووووووووووووويل
....
الشكر للقائمين على هذه اليوميات
  #11  
قديم 19/08/2010, 08:08 AM
الصورة الرمزية الخاصة بـ مَاهِينُورْ
شعلة المجلس العام
تاريخ التسجيل: 06/11/2006
المكان: ||ياربّ لاراحة إلاّ بقُربك فقَربنيْ منكْ ♥
مشاركات: 3,849
Arrow



عيوني
أحسّ إنها تهتز من كثر ما إستخدمتي إبتسامتك
الله يسامح من طلب هالإبتسامة من الإدارة

BRB
وإحتمال ما أعلّق بس بعد كم مرّة إستخدمتيه
~> أجل إجلسي سبّحي وهلّلي أبرك p:
=================

Bak
ما أصبرت وعدّيتهم
212 وانا ماوصلت اليوميات ,, طلع الحساب آخر شيّ( 479 )

هلآلية يومياتك وسواليفك رائعه بس والله مدري وش أعلّق عليه!
من كثر السواليف ما شاء الله نسيت كل شي , بس أتذكّر إن خالك يسلّم علينا عليك وعليه السلام
الله يسعدك على كثر ماضحكت وعوّرتني عيوني يالسنعة


بسم الله عليه ما شاء الله
تصدّقين من بدا رمضان وأنا أحاول بولدنا بصوّره وهو يدعي
بس الحبيب يتحمّس بالحيل ويغطّي وجهه بيدّيه ولا أقدر أصوّر

:

شكراً لك هلالية و الله ويديم السعادة على قلبك
تذكّرت شي , ببداية اليوميات قلتي بدأ يومي الساعه 5 الفجر وقمتي وصلّيتي الظهر والعصر :|
لخبطتي بي الله يسامحتس , لكن تذكّرت إنك مفهية دائماً فما عليك حرج ,
وهنووو عسيرية مالهن دخَل أكيد شافن هالإبتسامات ونشرن اليومية على طوول

شكراً عسيرية وهنووو
وبانتظار يالهنوووف بكرى وأخيييراً بشوف لك يومييات


اخر تعديل كان بواسطة » مَاهِينُورْ في يوم » 19/08/2010 عند الساعة » 08:41 AM السبب: || الحمد لله على سلآمتي :$
  #12  
قديم 19/08/2010, 08:18 AM
زعيــم متألــق
تاريخ التسجيل: 01/07/2009
المكان: رومـــــــــا
مشاركات: 1,023
صبحكم الله بالخير

يقطع عدوتس من بنت تسان دوختينا بهالفيس()كل كلمه والثانيه يتحرك
قسم دخت وعيوني صارت تسذا << من حالف عليتس تقرين
احسب مابوه غيري متنكد
أثاري الشعب كله عاش أزمه وهو يقرأ



ماعلينا

ماشاء الله يومياتك مليئه بالأحداث والأكشن

بس لحظه
هذا اللي تسمينه حلى أسمه تاوه قصيميه
أنشري التراث رعاك الله


ع كلٍ أستمتعت بقراءة يومياتك الله يعطيك العافيه ع هالفاصل الرمضاني الجميل

بأنتظار الفراشه هنووو

ألف شكرللمنتدى الإستشاري ع المجهود
  #13  
قديم 19/08/2010, 08:46 AM
الصورة الرمزية الخاصة بـ VAN HOOD
زعيــم نشيــط
تاريخ التسجيل: 27/03/2008
مشاركات: 599
تم عد هالفيس وطلع (484) <<< تتوقعون ممكن احد يتعداها


الا من جد كل كلمة حاطة هالفيس


استمتعت بقرائة يومياتك ، وعد هالفيس



  #14  
قديم 19/08/2010, 09:46 AM
انتقلت الى رحمة الله تعالى
تاريخ التسجيل: 28/08/2009
المكان: قلب الزعيم .!
مشاركات: 699
Arrow


يَ هلآ بـ هلآليّة ..
يوميّة فرفوشة زيّك

أسعدتينآ فيهآ .. الله يسعدك قدّ مآضحكنآ من سوآليفك و فهآوتك

طبعًا .. أنآ على إنّي جآلسّة أنتظر اليوميّآت من الفجر إلآ إنّه يوم خلّصت كآتبه الردّ و تعلّق الصفّحة .. أنتظرتهآ تعقل بسّ مآفيش فآيدة ..
< ماحفظت الردّ + فيني نووووم
^^ طبعًا مو من الفجر وأنآ أكتب .. آخذ قسطًا من الرآحة بين كلمة و الثآنيّة
بسّ قلت ماأنآم إلا و أنآ رآدّه ..

نعووود لِ يوميآتك

إقتباس
السمبوسه ق1 < بدون جزر خيار بصل تفاح طمام ..


تفآح ..!

إقتباس
وع فكره ما قد اكلت الذ من سمبوسه امي ق1


و أنآ مآقدّ أكلت ألذّ من سمبوسة مآمي .. < ترى أغلبيّة النآس كذآ

إقتباس
مادرينا الا عمي ورانا



..
إقتباس
واناظر قدامي والا ماشاء الله جميع الشباب واقفين يتفرجون ..



ههههه .. يآحبّيلك أنتي و تنآحتك
إقتباس
قال .. مالت انتي اللي يقولك السلام عليكم تقولين الحمد لله ..

إقتباس
< هذي للاسف حقيقه .. فلذالك كملت سواليفي ع المسن . .

وش دخّل المسن !
و إلا أنآ خبّطت بِ السآلفّة < أنتقلت التنآحة لقراء يوميّآتك

إقتباس
وادعو لمي بالطريق ..





الله يشفي وآلدة عآدل .. و وآلدة ميمي و شلهوبيّة و جميع مرضى المسلمين
و يسعد أميمتك دنيآ و آخرة <


تصويرك مثل وجهك < مو تقولين إنّه حلوو



تــــآوه
بِ العآفيّة عليكم ..



ولد أختي عنده زيّهن < وش نسوّيلك طيّب ! .. خفيفآت للأطفآل



ووه يآقعم اللي يدعون
الله يخلّيه لأهله يآآآربّ
.
.

ربّنآ يسعدك و يوفقك على هَـ اليوميّآت القميلة
أستمتعنآ جدًّا ..
.
.

بِ انتظآر .. الرآئعة / الهنوووف

شُكراً لِ استشآريين و مشرفين المجلس
* وين منآآآآمي !


  #15  
قديم 19/08/2010, 11:06 AM
الصورة الرمزية الخاصة بـ الهلالي دائماً
مشرف منتدى الجمهور الهلالي
تاريخ التسجيل: 20/01/2002
المكان: وسط المعمعه
مشاركات: 12,893


ماشاء الله هذي موب يوميات شكلها قصة حياة
الله يعطيك العافية هلاليه
وتصدقين اني قريت اليوميات كامله
بس على قولة محمد حسافة ما فيها مسالا
لكن على الاقل في ريحة هنود
بعدين نواره تسولفي معها جوال والا بلـ البي بي

شكرا لك هلاليه والله يعطيك العافية

إقتباس
وانتظرونا غداَ

مع الاستشارية المتألقة الهنوووف.

أنا أعترض
عطوني يوم وش حيثها الهنوووف

سلام
   

 

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 09:21 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube