بـلـحـظـه كـيـف صـرت اقـسـى مـن الـفـرقـا بـلا تـبـريـر - نادي الهلال السعودي - شبكة الزعيم

parrot · #1 19/08/2010, 07:59 AM

دقت الساعه الثامنه صباحا و إذا بالسكون يخيم على المكان .....إعتدلت في جلستي هدؤؤؤؤؤؤؤؤؤد في الارجاء
نظرت من النافذه فإذا باولاد حارتنا ليسوا موجودين علىالدكه المعتاده فبالعاده يوقظوني ضجيجهم

هرعت من غرفتي فإذا باخي متشيك متانق .....نظرت اليه و الزبد يعلو فمي خطبت؟

فالاناقه ملغيه من قاموسه ..و اذا به يجلس على طاوله طعام

مو على الكرسي ترا .....من فين الطاوله و ليش متشيك
كنت أود سؤاله و لكنه خرج بحثت عن أمي فإذا بها بالمطبخ
يمه ليش متشيك الاخ ؟

و ترقعني بالملعقه و اشوى انها خشب
اييييييييييييي
ليش ما رحت الشغل

يمه ما عندي شغل تعرفين ؟
الأ بالامس ذاعوا إسمك بالتلفزيون يقولون إنك موظفه بالمدرسه الالف والاربعون
لا لأ لألألألألألألألألأ انا اسمي ينذاع بالتلفزيون

اغرورقت عيناي بالدموع بخيالي لم اكن احلم اشتهر محليا بمحيط عائلتي فقط ....فرحي ما اتخيلته فخم عشان يقولوا فلانه فرحها ما في زيه ما عاد إني اطلع بالتلفزيون
قمت اشاهق دخلت الى غرفتي ....تذكرت عيال حارتنا الطفرانين اللي خرجت عشان اسال عنهم مو عشان اصبح على امي

.......عيال حارتنا .......و تذكرت الاتفاق يا انا اتوظف و هم كلهم يجون يخطبوني و انا انقي

و الا هم يتوظفون و ياخذون بنت عمهم اللي بالديره

.......و إذا بامي تلحق بي اشوى خففت عني عناء الذهاب الى المطبخ فالعطاله نشرت الرباده في جسمي

استحيت اسالها مباشرة .......قلتلها
يمه الملعب فاضي اليوم .......بحكم ان شباكي يطل عليه
ايه الله يوفقهم
هنا انفجرت خلاص مو قادره اتحمل
يمه ترا خلاص ما في صبر ......هذاك متانق و رايح الشغل من وين له و هذولا ي الهمج اللي كانوا بالشارع اختفوا و تقولين انا توظفت شلون علميني ؟
هنا قالت امي
انت علامك ؟

بعد المحاضره الجميله انت علامك؟............ هنا بداء توازني يختل و بدات اشك بقدراتي الانفعاليه

ابك ما دريتي ؟
لا و الله من امس نايمه بعد ما فطرت و عبيت بطني و كنت مقرره اصحى الفطور الثاني
امس بالاخبار جابوا وزير العمل الجديد و بعدها بكم ساعه جابوا برنامج يهرج فيه عن حمله توظيف السعودين ؟
هنا بالفعل راسي بداء يؤلموني
و بعدين ؟
قال
جميع مدرس قديم متهالك و موظف قديم منتهيه صلاحيته عمره تعدى الاربعين ... تخبرين كل ما كبر الانسان كل ما ضاق من الزحمه و الهرج... يحال للتقاعد و يفتح مشروع جديد يشغل به سعودين
يمه تمزحين سعودي ؟علينا .......قولي بنقالي و الا سوري .....شغل زين و وجه حسن

........
انطمي باكمل ....
كملي عمري انتي يمه ........هنا بدات امي تشك اني بنتها

و المهم من يجي مكان المدرسين و الموظفين ذول!
و بفم فاغر سالت
مين ؟
.....يجي الجيل الجديد من 23 ا لى 35 ..... اذا تعدى عمره 30 سنه يعطى ارض او مبلغ مادي زي اول .....مقابل عمره اللي راح و خاس عند اهله و هو ما توظف و عشان يتزوج و الا يبني بيت
و انتي يالهامله صرتي مدرسه اللحين ما في نومه
هنا بدات استعيد وعيي
و سألت بكل برود و الهمج اللي برا توظفوا يعني ؟
إيه راحوا لوظايفهم من بدري
طيب يمه ما تكلموا عن الاجانب ايش سوا فيهم ؟
قال احنا بنسوي استبيان عن الوظائف اللي يبغونها السعودين و ماخذينها الاجانب .......طبعا راح نسفر الاجانب بمقدار العدد اللي يبي يشتغل من السعودين
اها فكره و الله
طيب و اللي عنده مشروع خاص ؟
يمولونه .......
و اذا ما نجح المشروع ؟
يسلم لاخر زيه .........و ينقل هذا اللي ما عرف يدير المشروع الى تنميه و تطوير القدرات البشريه عشان ينصحونه و يعلمونه من اخطائه عند رشاد فقيه .
مو عند احمد الشقيري

؟
لا ........ليه؟
كنت باستهبل و اسوي نفسي مرجوجه و اروح هنا للقدرات البشريه

؟
هذولا ابشرك ........يعتبرون من العاطلين

و اللي لم يستفاد من قدراتهم .....و قالوا لازم نستفيد منهم بدال مو مهيتين بالشوارع و البيوت و نحطهم بمزرعه زي هيفاء وهبي بيك ينفتح مخهم و يسترزقون من المزرعه و ما يكونوا عاله على اهلهم.........خبرك يا بنتي الكتمه مرض لحالها و جونا صحرواي و الشوارع ما تنفس عن رغباتهم و لا تفتح مخههم هذا زين ان ما استغلوا ..........على طاري الاستغلال صار في قسم للمعلم زيه زي الطبيب بحكم إنها مهنه اشرف

........و جوال الكميرا ممنوع بالمدراس معلمات و مديرات و طالبات و اللي يجيب يفصل فصل نهائي

..... خبرك العاطلين تراكم اجيال و في ميه واحد يحترم الشغله يجي مكانهم

......
تعجبني الصرامه
هذا الشي على مدارس الرجال و الحاريم .........بعد البلوتوثات اللي زي و وجههم
تعجبيني يمه ........يا معصب ..........طيب و اللي ما تعلم و ما عنده موهبه محترمه ايش يسوي

.؟
اكيد عنده هوايه يمارسها .......... اي هوايه بدون شهاده ينمونها له ........اللي عنده قطيع غنم هذه هوايه و اللي عنده سرب حمام هوايه و زي كذا و اي شي يدخل تحت نطاق الهوايات .
و ترا وزير العمل قال اي احد يخل بشرف مهنته حتى لو كان طباخ ......سوف يفصل لانه لدينا كم وافر من العاطلين ........و راح نبداء بالكبير قبل الصغير
و الله حركات بالعاده يبدؤا بالصغار قبل الكبار

........ عشان يعني ينسوا الناس الكارثه .
بعدما اصبح العالم من حولي وردي قررت من اعماق قلبي ان اشرك امي بحلمي القديم ...
يمه باقول لك سر .........يعني بحياتي ما قلته لاحد و ابغاك توقفي جنبي

.شايفه .....
تهيأت للوقوف حتى اعمل حركات و الف امام الكميرا مثل المسلسلات فاذا بي طرااااااااااااااااخ

.........الشباك صقع براسي.آييييييييييييييي....امي .... امي مو عندي ..........نايمه عند ولي العهد و اصلا انا ما عندي غرفه.....

.......نظرت من الشباك فاذا بعيال حارتنا يصلحون شبك الملعب هنا فقدت الامل بان يكون الامر حقيقه
بدأت احدث نفسي معقوله حلم .....و اذا حلم ما يكون سياسي بحت بالعاده ملغم بامور اخفيها بنفسي

....و اذا بالاذان يقول الله اكبر هنا قمز قلبي و عرفت ان الله حق .......و جريت للمطبخ علي اسبق الاذان رغم انه أذن ....... نظرت لصنبور الماء بحزن و قلبي يقول ......بلحظه كيف صرت اقسى من الفرقا بلا تبرير

و لقيت اختي بالغرفه و قلتلها يا

........مشفر عجزت تصحيني اتسحر و انا كنت متامله فيك خير تسوي ي مكرونه صحيني يا .....و انا اسويها بلا في شكلكم

و هكذا بدأ يومي الجميل

ايوه معليش ترا انا نظام قديم يوم كنا نداوم برمضان

فاعذروني على الاخطاء