`·. عمر الغرام ღ ان طال بينك وبيني ღ لا تسأليني يوم ღ عن سر الاعجاب .·` - نادي الهلال السعودي - شبكة الزعيم

leader ksa · #1 17/08/2010, 01:30 AM

صباحكم مسائكم ورد كويس مثلكم
كل عام وانتم بخير

تنبيه : بخصوص تواقيع بعض الاعضاء والروابط المخالفة فيها .
>>يتمصلح يحط مواضيع الاشراف

لاجد الله يقويكم على اللي تشوفونه صح بس عندي شي وحيد ليه تمنعون صورة رابح صقر ومخلي صور هالسواويق مليانة في تواقيع البنات

والله للحين اشوف كم حبه حاطين لي صورة فنان كوري مدري فلبيني طيب ترا رابح مايخقق عشان تمنعونه

جد انا عمري 22 سنة ماقد شفت بنت تحب رابح صقر الا 3 وشاك في انوثتهم

عموما حبينا نسوي شي كويس فالحياة ولااحد يرد على هالنقطة بتاتا طبقوا وبس

وترا اللي يزعل المشرفين كأنه يزعلني -->موب مصلحة ابد ابد صفوا نيتكم تراكم برمضان

وكعادتنا الكريمة نقولكم ماراح تطلعون بفايدة ابدا

ادري تقولون ياليل القروشة بس لاتخافون جاي اليوم اعطيكم بشارتين واروح

الاولى

انه ان شاء الله ماراح تشوفون وجهي بمواضيعي البايخه

لان الهلال اهم منكم انتوا ووجيهكم طال عمركم

وانا للاسف مقصر معاه

لاول مرة من سنوات ماعرف اخبار الهلال

تخيلوا مرت الصيفية كذا مادري وش الطبخة

ليه وش السبب اللي شاغلني عن حبيبي مادري

لذا راح نبدأ في مرحلة المسانده والحضور لكل المبارايات المقدور عليها ان شاء الله
كعادتنا حفظنا الله ورعانا

>>> قولوا امين

وتعرفون اذا بدا الموسم وحضرت فالملعب لازم لك يومين تشاور وتاخذ مواعيد وتشوف من اللي بيحضر

وتتهيأ نفسيا وتتغذا كويس لانك بتروح لشي برا يسمونه ملعب مكان تستانس فيه
بس هنا صدقوني اسم على غير مسمى

لذالك يومين استجمام واستعداد ذهني وبدني ونفسي بالاستعانه بالخبير الدكتور سعود الصرامي

وبعد ماتحضر وتحس انك انسان كويس لانك ساندت فريقك الكويس 3 ايام منسدح فالبيت
والسدحة نتيجة لثلاث اشياء
اما1عسكري فاضي >>نفس بثارة قسم العليا

2من كثر منت واقف تسلم >>نفس وقفة العزايم مع اختلاف الاجواء واحتمال ان اللي بجنبك يكون مرتفع

3لما يجيك انسان يقرا للفقراويين 24 ساعه ويتاثر فيهم ويجي يهايط على ياسر وسط المباراة
لازم تتفاهم معاه وتهجده وتخفض نسبة الاتش عندك او اذا كانوا اخوياك معك تستلمونه طقطقة وهذا النوع المفضل لكن بكل الاحوال راح تنسدح ياما بسبب الاتش او بسبب الضحك>>مثل استراحة جماعتنا كل شيبانا اهلاويين ولانصراويين ولا مالهم فالكورة بسبب برستيجهم تعرفون

ويجيك كل واحد فيهم يتفلسف عليك ويهايط وانا تكلمت تخاف يزعل

وازين شي لما يجيك واحد الله يستر عليه نصرواي هذا يقاله من الوفيين للنادي ومع اعضاء الشرف ومدري وشو
دخل له 3 لاعبين للنادي واسطات وقلق وفالاخير كلهم خلال 6 شهور مكروشين

واذا كانت المباراة مش ولابد ونتيجتها شينه تلاقيك في ذاليوم مافيه احد ماصور خشتك وتجلس تحدث فالجمهور
اربع ساعات فالاخير ماينزلونها عشانها هزيمة طيب نزلها بقعاء تصوعك >>عصبي

وتكون قافله معك وترجع تشوف لك احد تسولف معه باي شكل من الاشكال تسلم ويرد تقوله كيف الحال يجيك يرد عليك بأكره كلمه فالحياة (ازقح)
الكلمة الوحيدة من عرفتها ماهضمتها تجيب لك اشياء ماراح اقولها عشان الي ياكلون بس

ازقح وش ازقح سين سؤال وش ازقح تحت أي بند اصرفها ازقح ؟
ولا بعد تجيك بنت وحاطة لها ذاك النك دلوعه عسولة سكورة كيوتة كتكوتة مدري وشو مابقى الا تقول حلاو مصوصة
وفالاخير تقولك ازقح يعني بالاول مسوية انتي التي هي كلها شي كويس ودلع وعسل وسكر وقلق فالاخير ازقح

اسولف مع بنت انا ولا اسولف مع واحد يفر على المعرفة لاويقولون وش فينا نحن الذين هم كويسات
وفالاخير يطلعون لك كلمات انت بنفسك ماتعرفها لاوجيه لاسوالف ولا مدري وشو ولسى يطالبون لهم ذوليك بحقوقهم
ياخي احد قايلكم ان عندنا امرأة مافيه يلعبون عليكم كلها تهيؤات يابشر

ولا من زود ماهم شايفين انفسهم شفت لهم قبل فترة حملة على السناوي او مايسمى لدى البعض بالمقوصر

عاد هنا اقول باعلى الصوت كلش الا السناوي اهم شي في التراث السعودي

يعني وجيه مافيه جسم مافيه ركب مافيه وتهايطون ؟!!
وانا من هنا اطالب بعودة ابو سعيد

وابو سعيد طبعا رجل الهيئة اللي كان عندنا زمان

وطبعا ابن ام ام امه بس يشوفه شاطف السوق لا يتله مع اذنه
وبنت ام ام امها يشوفها بس لابسه كتف يهزأها كأنها بنقالي قدامه وتنطم وتقول ان شاء الله ياشيخ

موب الحين تروح السوق وترجع ماتقدر تنام من الاشكال اللي شايفها الله يعافيهم ولايبتلينا بس

والمشكلة في الاعلام السعودي بقيادة القناة اللي فتح لاجلها المجلس العام

يعني جالسين يطالبون بالسماح للشباب بدخول الاسواق وماني عارف ايش

وطبعا لايغركم ياشباب ان هالشي لصالحكم بالعكس ضدكم وهذي اساسا سياسة امريكية
يدرون انكم لما تروحون السوق ترجعون ماتقدرون تنامون من الاشباح اللي تشوفونهم
وبالتالي راح يقل انتاجكم وعطائكم وتنتابكم الكوابيس وبهذا يستطيعون تدمير الامة

لذا اطالب بدعمكم لعودة ابو سعيد ورفاقه

وطبعا انا اتفهم ان كل واحد ممكن يبغى يتميز بكلمة او شي يشوفه كويس بس لازم تعرفون هذا العلم وتدرسونه من جميع اطرافه قبل احد فيكم يخوض في هذا الخوض

يعني انا فاتح مدرستي من ثاني متوسط من اول كلمة انتجتها ونشرتها ولاقت نجاح واسع وباهر

الا وهي الكلمة التي اختصرت الكثير من الكلمات وجعلت من لايرغب في تعلم اللغه العربية يتعلق فيها ويعشقها

من جمال هذه الكلمة ومماترمز إليه من معاني جميلة ورقيقة ولايمكننا وصفها سوا بقصيده

في منتهى الرقة في منتهى الذوق
حبيبتي في كل حاجة عجيبه
ان حكت تعرف تخليني اروق
واذا بغت تجيب راسي تجيبه
وان جيت حطتني على الراس من فوق
محدن اسرني كثر خلي بطيبه

والى اخر القصيدة

والحين قبل لااقولكم الكلمة ياليت تغمضون عيونكم وتنزلون تقرون

الكلمة تحت

تحت

تحت

ارفع

ارفع

ارفع

يعيشون

على قلبي

يذا الليل

لاحد يشره علي بس اخذ راحتي قبل رمضان

المفردة العجيبة هي :

(اللحسة)

هذه الكلمة التي هي تم تعريفي اليها من قبل اخي الاكبر الملقب بالاشعر

وماراح اشرح اللقب عشان لايتم تصنيف الموضوع بالموضوع الاقزز في تاريخ الشبكات العنكبوتية

وهذه الكلمة هي من عرفتني على طبيعه الشباب الكويس وعلى تقبله لمختلف الكلمات وتفتحه على المعرف والعلوم الجديده

وكلامي عن عيال الرياض تحديدا

وانا هنا من خلال هذا الموضوع اذ اطالب
بتسجيل اختراعي ومساهمتي في تنمية الشعب السعودي من خلال نشر هالكلمة من ذاك الوقت لين الحين وانا السبب في انتشارها وصارت الكلمة المعروفة عني طال عمري

>>قولوا الله يحفظني

وطبعا لازم اشرح لكم الكلمة بما اني انا اللي نشرتها واتممت نشرها وهاانا اشاهدها يتم استخدامها من الجميع
كانني ارى اطفالي يلعبون امامي >>لله دري على التعبير ياناس

واللحسة هي كلمة تطلق على كل فعل غريب وغير متوقع بالنسبة للانسان الطبيعي وتطلق ايضا على مسبب هذا الفعل بكل تأكيد ومافيه شك ان هذا التعريف منحصر على الانسان وافعاله .
وهذه الكلمة تم أخذها من مصلح لحسة مخ وتم تطوريها وتحديثها لكي تراعي التراث والموروث السعودي

>>هذا التعريف يحفظ وبسمع لكم بكرة

وينطبق على تعريفي عدد من الاشخاص واقربهم نسيبي

وطبعا نسيبي هو شخص لطيف وكويس الا انه يحب يتابع افلام ابيض واسود ويكره رابح صقر وملحوس بكل ماتعنيه كلمة ملحوس انسان يروح فاليوم 600 مليون مشوار سوا وبقية الاسبوع منسدح فالبيت يشكي من هاليوم

وطبعا من غير شطحاته الاساسية واللي تكون ايام السفر اذا سافرت معه الله لايوريكم تلاقي الكل يضحك الا ذا لحاله قافله معه

وفي هالصيف طلع له دورة في القاهرة مع اني مادري عن صحتها لكن راح احسن النية

وفي يوم اتصل علي حوال الساعه 1 في بداية الصيف وقال تعال انا فالرحاب >>هذا مخطط للي مايعرفونه

وانا لين الحين مادري وش وضعه وش يبغى بس قلت اروح واشوف وصلت لقيته جالس فالسيارة
واوقف وانزل الا نزل معاه كيس فيه كود ريد وهولستن فراولة ودوريتوس وليز ملح

وانا اقول في نفسي عزالله بيشربنا فيمتو قبل رمضان

المهم الا يقولي انا جاتني دورة في القاهرة ولازم اروح ومدري كيف وابيك تتابع العمال اللي يشتغلون في البيت
يعني تخيلوا مخليني اسحب على اخوياي واجيه ورايح مخطط وشاري له ليز وكود رد عشان يقردني

ياخي اختصر وبس لكن طول عمره قروشة ونكبه بكل ماتعنيه كلمة نكبه مرة قابلته في مقهى
الا يجيني ثاني يوم وامي موجودة من اللي كان معك امس ؟

طبعا كل شي عند امي الا الدخان والمعسل قدام الناس بس اما اذا ماحد شافك سو اللي تبي

ومرة شطفته وطلعت امي معه الا يقولها شوفي هذا ولدك

واقوى نكبة لما انحاشت خدامتهم قبل كم سنة

اقنع امي تعطيهم الخدامه لين يجيبون وحدة جديدة وفالاخير ماعاد شفناها وسفروها وجابوا غيرها وانا من ذاك الوقت لين اليوم وانا كل سنة الف في هالسمبوسة

وقام يتفلسف بعدين كيف تخلين خدامه مع الاولاد شايفني طالب خدامة تشبه نانسي انت وخشمك

ياخي ابي خدامه لو ماشوفها الا برمضان تجي تلف سمبوسة وتروح والله راضي

ومافيه امل امي تفطر بدون سمبوسة ولو انها ماتاكل منها بس لازم تكون موجودة عالسفره

طيب ابي اعرف انا وش الشي المضر لما نفطر على كبسة مثلا ؟

اكوس اكله فالحياه الاكله اللي كل يوم معاها ولما يجي رمضان نخونها

>>بحاول احزنكم وأثر عليكم واقنع المجتمع انه يفطر على كبسه عشان ماالف سمبوسة

يعني ليه وش تبون فيها وش جاب ام السمبوسة للسعودية

ليه لازم تاكلون شي مثلث

وش المتعه فيها

ياخي ارحموني ياخي

مافي قلوبكم رحمة

كل يوم اجلس نص ساعه ولااكثر وانا الفلف فيها

عالاقل على كثر مطاعمكم الخايسه خلوا فيه مطعم واحد يعرف يضبط سمبوسة

بس تصدقون على الاشكال اللي تطلع لي كل يوم للسمبوسة اللي مربع ومضلع ودائري ونجمة لكن سبحان الله طعمها زي العسل

وبهذه المناسبة اقولكم مافيه وحدة تتبرع وتتزوج اخوي وتفكني من لف السمبوسة؟

جد زهقت ياخي نبي طبخ فالبيت غير الكبسة والشوربة والاشياء اللي مااكلها

اه بس يا ميمونة

>>خدامتنا لبى والله هيك خدامات

انا ماقدر على الفرقا ولا تقدر على فرقاي ولا غيرك ملى عيني و لا غيري ملى عينك

ونعود الى كلماتنا العجيبة حيث انه تم نشر هذه الكلمة منذ مايقارب 8 سنوات

وبعدها تم نشر بعض الكلمات التي تتعلق بهذه الكلمة والمكلمة له مثل لمسة ولبسة

(اللمسة)

تطلق فقط على فعل الشخص بمعنى لما تلاقي اللي بجنبك بنتفض فجأة

او يطيح طيحة غبيه

أي شي كذا تقدر تسميه ملتمس

وهي طبعا اقل من مرحلة اللحسة لان اللحسة مثل ماشرحنا سابقا تطلق على الافعال والاقوال

وكلمة اللمسة اتت من (التماس في المولد الكهربائي)

اما اللبسة بصراحة استخدمتها لشي واحد فقط لاغير لان بعض الاشخاص تعدوا مرحلة اللمسة واللحسة بمراحل خيالية لذلك لابد من اعطاء كل شخص موقعه الطبيعي

واللبسة تعرفيها نفس تعريف اللحسة لكن الحالة اشد خطورة بمعنى ان هالشخص مايمديك توقف معاه ضحك وهذا الشخص الملتبس

وطبعا الضحك على المواقف الطبيعيه اللي يسويها بدون شعور وبكل رحابه صدر

وفي هالمرحلة عندي عندي شخص واحد لكن بقولكم موقف واحد بس سواه

اتصل على خويه يوم الاربعا قاله تخاوي الشرقية قاله قدام

مشوا الشرقية ووصلوا على صلاة الفجر استاجروا غرفه وناموا لما قاموا رجعوا

ادري كل واحد يفكر طيب ليه راحوا وش يبغون

بس اقولكم الظاهر ان انهم ناويين يجربون المكيفات والله اعلم

خلص موضوعنا ولكن باقي نقطة
انا جاني اتصال قبل يمكن في نص شعبان ممكن وكان الصوت لانثى ولكنها غير عن كل الانثيات

تقول تكفى ليدر الله يخليك انا عندي برنامج في رمضان ومابغاك تنزل مواضيع وتسحب الجو مني

اثاريها طلعت حليمة وطبعا انا كعادتي سحبت عليها لانها نشبة ياعيال مدري وش اقولكم عنها بس

المهم عشان لاتجلس تزعجني طمنتها وقلت لها لاتخافين بنزله قبل رمضان بس الاتصالات خرب مودمهم

وجلست اكثر من 10 ايام بدون نت

بس الحقيقة ماقصروا لهم اكثر من سنتين ماجاني اي انقطاع في النت غير مرتين مرة انقطع 6 ساعات لما الكيابل البحرية مدري وشو وهذي المرة الثانية والخرب في المودم كرف معي لين قال امين مسكين

يالله ترحموا عليه الله يرحمه وباركوا لنا في 006 >>اسم المودم الجديد

والحين انزل الموضوع وباقي على حليمة ساعة ونص تقريبا واقول ان شاء الله ان الناس ماتتركها عشان
لاترجع تزعجني

أحبك و أستهين اللي يهينك
و أدافع عنك لو حاضر و غايب

واعذرونا ترا وضعنا موب طيب

تحياتي

Hilaly Madridi · #2 17/08/2010, 01:41 AM

ساعات

......................

ليدر ..

تكفى اختصر موضوعك

عجزت اقراهـ

إقتباس

إقتباس


	وكعادتنا الكريمة نقولكم ماراح تطلعون بفايدة ابدا

اقول اخلص علينا

إقتباس


	واذا كانت المباراة مش ولابد ونتيجتها شينه تلاقيك في ذاليوم مافيه احد ماصور خشتك وتجلس تحدث فالجمهور اربع ساعات فالاخير ماينزلونها عشانها هزيمة طيب نزلها بقعاء تصوعك >>عصبي

اصلاً اذا حضرت مايصورون

يعني مافيه امل تلقى صورتك

إقتباس


	ويرد تقوله كيف الحال يجيك يرد عليك بأكره كلمه فالحياة (ازقح)

حتى انا ماهضمتها

ماقد قلتها لا بالمسن ولا ع الطبيعه

لو عرفوا معناها

ماحد قالها

إقتباس


	ولا بعد تجيك بنت وحاطة لها ذاك النك دلوعه عسولة سكورة كيوتة كتكوتة مدري وشو مابقى الا تقول حلاو مصوصة وفالاخير تقولك ازقح يعني بالاول مسوية انتي التي هي كلها شي كويس ودلع وعسل وسكر وقلق فالاخير ازقح

وانت وش دراك إنها تقول ازقح ..؟ هاااااهـ ..؟

>>معليش حجرت لك

إقتباس


	وطبعا لايغركم ياشباب ان هالشي لصالحكم بالعكس ضدكم وهذي اساسا سياسة امريكية يدرون انكم لما تروحون السوق ترجعون ماتقدرون تنامون من الاشباح اللي تشوفونهم وبالتالي راح يقل انتاجكم وعطائكم وتنتابكم الكوابيس وبهذا يستطيعون تدمير الامة

يسلم راسك على التحليل ..

إقتباس


	في منتهى الرقة في منتهى الذوق حبيبتي في كل حاجة عجيبه ان حكت تعرف تخليني اروق واذا بغت تجيب راسي تجيبه وان جيت حطتني على الراس من فوق محدن اسرني كثر خلي بطيبه

تبي موضوعك يكتمل حلاهـ ..احذف هالقصيدهـ

إقتباس


	لاحد يشره علي بس اخذ راحتي قبل رمضان

كاتب الموضوع قبل رمضان ..وتوكـ تنزله

إقتباس


	ومافيه امل امي تفطر بدون سمبوسة ولو انها ماتاكل منها بس لازم تكون موجودة عالسفره

ياخي الشيء مزاج

تبي تشوفها لو ماأكلت منها

إقتباس


	ليه لازم تاكلون شي مثلث

الحين ليه مايخلونها مربع ..؟

إقتباس


	بس تصدقون على الاشكال اللي تطلع لي كل يوم للسمبوسة اللي مربع ومضلع ودائري ونجمة لكن سبحان الله طعمها زي العسل

علشانك تعبت فيها ..والله لو الشغاله مسويتها
وطلع سمبوسه وحده مش مثلثة كان رحت تهاوشها

إقتباس


	وجلست اكثر من 10 ايام بدون نت

اجل انا اتهمتك إنك كاتب الموضوع قبل رمضان وتوك تنزله

لا لاتخاف ماسحبت البساط من تحت حليمه

تو واحد قاعد يناظرها

>>

نجي للي تحت

..

إقتباس


	نرجع للوشسمه هذاك الشي ض1 .. اول شي عليك ذوق مثل وجهك .. اجل احد يختار رابح صقر .

تقول مثل وجهك

اجل وجهك شيين ..؟

إقتباس


	بعدين انت ما تدري ان المرأه السعوديه مصنفه ضمن اجمل 3 نساء بالعالم >< ..

وانا أشهد..

إقتباس


	<~~

إقتباس


	عبدالمحسسن ، بآلله هذآ اسمك صدز

لا واللهي ..

هذا مستعار

الله يعطيك الف عافيه ليدر..
صراحة استمتعت بقراءة موضوعك القصير جداً

ترا فيه خدمه جديدة ..اسمها تنزيل الموضوع بالأقساط ..
ليه ماتطبقها عندك .؟

تحياتي لكـ ..

.. .. ..
.. ..
..

سفيرة الزعيم 14 · #3 17/08/2010, 01:48 AM

هههههههه أجل حليمة اتصلت عليك سلمني عليها بالله هع ‘‘‘

وبصراااحة موضوعك فيه فلسفه كثيره من منظورك الخاص و مع هذا مايفقد رووعته ‘‘‘

ويعطيكـ ألف عاآآفيهـ موضوع جميل ومتعووب عليهـ سلمت يدياتكـ خيووو ‘‘‘

طفلة خانها التعبير · #4 17/08/2010, 02:10 AM

صباحكم مسكـ...

كل عام وانت بخير ليندر

والله موضوعك مدري شيبي

بس نعيش اجوائك ونتأقلم ونصير كويسين لان اسلوبك كويس وتعجبني مواضيعكـ..

اولا رابح صقر زينه اغانيه الا انا مستغربه ان في ناس تحبه انت وعمي
ومير عمي ماينلام يحبه لانه حساوي ومايقرب لهوساوي يعني منه وفيه

لكن انت ليه؟؟
لابس ان جيت للحق لمسك العود ودندن سين سين سين صاد صاد صاد مدري شيحس فيه
بالله هذي اغنيه اتئثم عليها((اللهم اني صائم))

بس له اغاني نقازيه بالرغم من نشازه الا له محبيه وانا من ضمن المستوى الادنى

والله يطهر اذاننا منه ومن هم على شاكليتهـ من المغنين والمغنيات..

ولفت انتباهي انك تلف سمبوسه ماشاء الله عليكـ .. ياحظ من هي من نصيبك
انا مااعرف شرايك تعطيني كورس

ياحبي لاميمتك من كثر ماتسولف عنها حسيت ودي بطبع قبلة على رأسها..

فياليت تقوم بالمهمه عني الله يعافيكـ..

ودي اكمل بس هلاليه ماقصرت شرشحتك تشرشح

الله يخليلك اميمتك واخوكـ وجيرانكم واللي في حارتكم ومن يعز عليكـ..

تقبل مرور السامج

<عوّدها مع العيد

HILALYA ]~ · #5 17/08/2010, 02:12 AM

ياربيه يا حسحسوه ض1 ..
لي وشسمه ..

...................................

جيت ض1

قبل لا ارد اقرا هذا الشي ض1

إقتباس

الرسالة الأصلية كتبت بواسطة leader ksa


	ساعات احس ان الزمن قاصي قاصي ولايمكن يلين ننتظرك يامدريديشن سفيرة الزعيم 14 الله يسلمك ويخليك قسم بالله بتخنقني العبره من زود المدح حياك اما الملاحيس اللي تحت وحدة حسحس والثانية عبدالمحسن مدري وش اقول بس غير الله يثبت علينا العقل

ما اعنيك يا الذكي ض1 .. والا نواره ماشاء الله ض1 ..
اعني عبدالمحسن اللي هو هلالي مدريدي ض1 ..
خخخخخخخخخخخخخخخخخخخ حلوه هذي ..

,,,
..[ النقطه الاولى ] ..

نرجع للوشسمه هذاك الشي ض1 ..
اول شي عليك ذوق مثل وجهك .. اجل احد يختار رابح صقر ..
استغفر الله .. بعدين نسيت اقولك الاغاني حرام ض1 ..

,,,

..[ النقطه الثانيه ] ..

الحين يومك تسب السعوديات ما تشوف شكلك باللهي ..
وبعدين اذا اللي عندك شينات حنى وش دخلنا ؟؟؟ ..
اللي يشوفك يقول زاك مدري رتك مدري زياد ض1 ..
الله يخلف بس .. الا ع طاري لو يفتحون السوق للشباب ..
كان انا اول من يهج .. اجل اقابل خششكم الله لا يبلانا استغفر الله ..
والله العايله اللي انا فيهم كلهم مزايين

.. لا بنات ولا عيال

..
وهذي نعمه من ربي ض1 .. < اقول لا يكثر ض1 ..
اووما انت ما عليك الا بالدعاء والصبر ذذ ض1 ..
عموما هالبنات اللي ما تقدر تنام بسبتهم .. مالك غيرهم ..
والا تبينا بعد نصير مثل وشسمه اعوذ بالله >< بالشارع < اللهم انني صائم ض1 ..
وبعدين يومك تقول الركب السود .. انا ابي افهم شي واحد بس لا غير ؟؟
الحين انتم جدكم تتكلمون .. ماتو اللي ركبهم سوود ؟؟؟؟ ياخي انت تسمع من اللي قبل وتقول >< ..
تاكد من المقوله قبل >< .. شباب اخر زمن >< ض1 ..
بعدين انت ما تدري ان المرأه السعوديه مصنفه ضمن اجمل 3 نساء بالعالم >< ..
الا اذا كنت تقصد وجيه المهرج ض1 .. فما الومك حتى انا ما انام ض1 ..
يعني استغفر الله بس ض1 ..

,,,

اجل حليمه

..

التزين بعد السحور ض1

,,

الا سؤال وراك معصب

.. ؟؟!

**نــواره** · #6 17/08/2010, 02:15 AM

أيـــآآآم

<~~ عبدالمحسسن ، بآلله هذآ اسمك صدز

لي بآك - إن ششآءالله -

leader ksa · #7 17/08/2010, 02:32 AM

ساعات احس ان الزمن قاصي قاصي ولايمكن يلين

ننتظرك يامدريديشن

سفيرة الزعيم 14

الله يسلمك ويخليك قسم بالله بتخنقني العبره من زود المدح

حياك

اما الملاحيس اللي تحت وحدة حسحس والثانية عبدالمحسن

مدري وش اقول بس غير الله يثبت علينا العقل

Hictar · #8 17/08/2010, 02:49 AM

يا عبدالعزيز على إن مواضيعك كلها ما لها أيه هدف
ولا لها أيه معنى ، لكني أحب أرد عليك
سبحان الله أحبك من الله

لا تسألني كيف حبيتك - كذا من الله

قريت موضوعك وما بين لمسه ولحسه ونسيبك السبهه

وما وقفني إلا هالجمله - نستفيد منها بالرد

إقتباس


	يعني جالسين يطالبون بالسماح للشباب بدخول الاسواق وماني عارف ايش

طبعاً هالمطالبه جت بعد مطالبه الشباب أنفسهم بالدخول للأسواق
شبابنا حلوين وما عليهم ولا فيه أحسن منهم
ويبون أماكن للترفيه ، ومن حقهم

لكني إكتشفت أمر عجيب ، إكتشفت إن شبابنا يتسذبون

شلون يتسذبون أنا أقولك
فيه سوق بجده إسمه RED SEA مو ل - هذا السوق من فتح ما تلقى موقف سياره
لما دخلته ، لقيت العالم فوق بعضها ، رايحه جايه
وبعد ثلاث ساعات - الناس من حريم ورجال وعيال وبنات همّ همّ ، ولا معهم أكياس ولا يحزنون

ولما طلعت الشباب واقفين عند الباب والسكيورتي يمنعهم من الدخول!!.
يا تكون معك عائله أو إنه يذلف ، والشباب ومرتكزين عند البوابات ومعطين السوق من الخارج نظره جماليه مكمله للداخل
بعدها بيوم الله يسلمك رحت لسوق بتغدى إسمه سلطان مول - وأتوقع أهل جده يعرفونه
إذا قلت لك إن السوق ما فيه إلا أنا ما تصدق

ومن فضاوه اللي يبيعون بالمحلات ، كل واحد يدخل على الثاني يوهمه إنه زبون ويسأله عن الأسعار

وكل واحد يدري عن الثاني إنهم بنفس السوق - بس يسلون بعضهم

سؤالي للشباب :
هذا سوق وهذاك سوق - لكن رد سي مول عوايل ، وسلطان مول يدخله العزاب
ليه ما شفناكم متواجدين فيه وتتمشون وتتقضون !!؟

يوجين. · #9 17/08/2010, 03:16 AM

I B R A H E M · #10 17/08/2010, 03:21 AM

أنت يا هذا

شف نزلت لك موضوع و سلكنالك و قلنا أنت أحسن واحد

نزلت الثاني و قلنا خل نعطيه جوه لعله يكون الموضوع الأخير له قبل ما يموت

لكني أشوفك بديت تفلها يا أيها الذي سامج جدا

أمزح معك لا تصدق

السحور يناديني

أرجع لك بعدين السحور أهم من وجهك المخيس ذا

,,,,,,,,,,,

إقتباس


	ازقح وش ازقح سين سؤال وش ازقح تحت أي بند اصرفها ازقح ؟

وقسم بالله أنها من أفضل الكلمات

يكفي أنها تختصر لك مدة الكلام من 3 دقايق إلى 3 ثواني

و معناها إذا سألك واحد وش أخبارك وش علومك و ش الدنيا بك

بدال ما ترد و تقول ( والله الحمد لله حنا بخير و أموري طيبة و ما عندي خلاف و ماشين بهالدنيا إلخ إلخ إلخ )

إختصر كل الكلام هذا بكلمة أزقح

إقتباس


	ولا من زود ماهم شايفين انفسهم شفت لهم قبل فترة حملة على السناوي او مايسمى لدى البعض بالمقوصر

يا لك من فتى قبيح و مقزز

و بعدين ترى ماتوا اللي يلبسون هالشئ

إقتباس


	وفالاخير يطلعون لك كلمات انت بنفسك ماتعرفها لاوجيه لاسوالف ولا مدري وشو ولسى يطالبون لهم ذوليك بحقوقهم ياخي احد قايلكم ان عندنا امرأة مافيه يلعبون عليكم كلها تهيؤات يابشر

هذا أنتم يالشباب السعودي

ما غير سب بالبنات و أول ما يتخرج الواحد

يروح يحن على أبوه تكفى زوجني
و يصيح عند أمه أخطبي لي أخطبي لي

وراي كذا اليوم

مافيه أي شئ من هذي الأشياء

ما فيه إلا قوة كذا

متابعة بجنون · #11 17/08/2010, 03:56 AM

..

وقسم بالله غبنه

كتبت رد وش طوله بدل ماآرسله سويت تحديث للصفحه
وطار كل شيء ...

:

سالفه انه الشباب ماينامون بعد مايشوفون البنات في هذي عز الله
انك ماصدقتك >> خصوصاً بعد اللي شفته اليوم

/

عموماً الله يوسع صدرك بالعافيه ويحفظك ويرعاك
ويطول بعمرك وتلف كل رمضان سمبوسه أهلك

leader ksa · #12 17/08/2010, 05:53 AM

يالمدريدي

اول شي تسوية لما تشوف ردي انك تعلمني وش معنى ازقح تكفى طلبتك تكفى

جد والله انتظرك عالخاص عند بيتكم في اي مكان تكفى علمني خلني اهزء هالبشرية

وبعدين لاتهايط علي انت وجبهتك تراك ذليتني بالموضوع الطويل

واحلى شي بموضوعي هي منتهى الرقة قد سمعتها انت عشان تحكم ؟

وترا شهادة الزور مايمشي وضعها هالايام قال من ضمن اجمل ثلاثة قال والله لو اني عايش في جزيرة لحالي

ومن ناحية الاقساط انا مابغى اثقل كاهل الشعب بالاقساط

لبى وشسمه ياكويس

حياك

leader ksa · #13 17/08/2010, 06:13 AM

الاخت بزرة ماتعرف تسولف

سبحان الله شوفي انا لي شعبيتي مثل طاش اذا ماكانت شعبيتي تتعداهم

كل شي في موضوعي بايخ وتقرونة

وااثر فيكم واخليكم تقولون اشياء كويسة فيني مدري ليه انتوا ترحموني ؟ولاتجاملوني ؟
المهم انكم ماتقدرون ماتقرون من حبكم لي

اما من ناحية رابح اقولك سوي زغوطي هنا ودوري على كلامي اكيد راح تقتنعين برابح

ومايحتاج بلف لك سمبوسة بس الحبة ب100 ريال التكاليف طبعا ماتتعدا ريال و99 ريال هذا ثمن نفسي في الاكل

توصل ميب مشكلة بس اقولها من مين

ابدا هلالية تعيش حاليا في مرحلة الانكار وهذي حالة نفسيه تعاني منها اي بنت سعودية صدقيني

وتقدرين تسألين اي اخصائي اجتماعي عن هالحالة وراح يعطيك جواب شافي ووافي وراح تلاقينها تنطبق على هلالية وكثير من السعوديات

الله يسلمك وياك وامك واهلك وكل نفر تعرفينه ويكون كويس

عادي متعود على سماجة الردود التي لا ترقى لمستوى مواضيعي >>قايلكم وضعي موب طيب

>رمضان والفطر والاضحى وعاشورا >عشان الشيعه اللي عندك

حياك

leader ksa · #14 17/08/2010, 06:38 AM

هلالية مشكوك في وضعها

اسف جدا اعتقد اني اسأت لك من دون ماقصد واسف اذا كنت امزح معاك

تو الحقيقة تتضح قدامي طلعتي فعلا انسانة حكيمة

إقتباس

الرسالة الأصلية كتبت بواسطة HILALYA ]~


	نرجع للوشسمه هذاك الشي ض1 .. اول شي عليك ذوق مثل وجهك .. اجل احد يختار رابح صقر .. استغفر الله .. بعدين نسيت اقولك الاغاني حرام ض1 ..

الله الله درر ياستي درر

ياهيك تشبيه يابلا اي بالله مثل وجهي يعني حلو وينقط عسل

بس بعد هالدرر ترجعين وتخربينها ماتعقلين مادري ليه

خليتي كل شي وجالسة تناقشيني في موضوع منتهين منه ؟

تبين اعطيك اقصر نكتة ؟

سعودية حلوه

وانا ماتكلمت اساسا الا لشي وحيد اني رحت للسوق بعد ماكنت مقاطع الاسواق لاكثر من سنة

ومن رجعت ماعرفت انام شفت جميع الانواع خصوصا نوع سوزان >>ناصر القصبي

واما احصائيات النصراويين ذي ماحبها اجل من 3 اجمل نساء ايه هين

ابد روقان انا

حياك

متآبعه بصمت · #15 17/08/2010, 07:26 AM

يا سمجك
ترى ما قريت موضوعك كله
حسّيت انه يجيب الغثيان وماصل (فيس حايمه تسبده)
اللي أخبره ان كثرة الكتابة والمواضيع تزيد الخبرة والإتقان في توصيل المعلومه
وأنت امحق وضعك من رديء إلى أردى منه

هالمشاركه للتحطيم المعنوي فقط