|
لورنس والـــ MBC بسم الله الرحمن الرحيم السلام عليكم ورحمه الله وبركاته ... مبارك عليكم الشهر الكريم ....والله يرزقنا طاعته .. وقيامه ... لورنس او شيخ البالتوك كانت له مقاطع كثيره انتشرت له وهو في وضع مزاجي مرتفع... انتشرت مقاطعه عبر الانترنت والجوالات ....تناقلوا مقاطعه الساخرة والبذيئة... ليتحدث عن قضايا لمجتمع وعن المراه ولكن كانت بطريقه قذره ممزوجه بالالفاظ البذيئة جدا والسوفيه والتي لا استطيع ان اذكرها هنا .... تأثر بها أطفالنا حتى أصبحوا يتنافسون في تناقل ما يذكره في مقاطعه الصوتية http://www.alriyadh.com/2009/07/12/img/127324.jpg وبعد كل هذا تاتي تاتي قناه ال MBC لتكرمه وتضع له برنامج خاص به وباسمه ... http://www.mbc.net/mbc.net/Arabic/Im...shorbaaa-l.jpg لست ضد لورنس ولست بمؤيد له .. اترك لكم الحوار ولي عوده .. تشــــــــــــــــــــــــــــــــــــــــــــــــــــاو |
اقسم بالله انها اكبر مسخرة.. ولاحول ولا قوة الا بالله واحد قذر وضيع سافل مثل هذا يتم ابرازه كنجم وفرضه على العالم بهذا الشكل اتحدى أي واحد فيكم يسمع مقطع لهالحقير عند اهله لسانه فاحش وبذيء ومايطلع الا وهو متقهوي ومعمر المزاج لكن وش نستغرب من مجموعة الفساد MBC .. هذا حسينوه وهذي خلاقينه مبارك عليك الشهر يامتعب والله يتقبل منا ومنك صالح الاعمال |
|
ارزاق..! بعد ما كان يلعلع في البالتوك صار يُعمل له حوارات صحفيه ومقابلات وبرامج تلفزيونيه الدنيا هالايام صايره تمشي بالشقلوب..:d كل عام وانت بخير يا متعب..:smilie47: سلاااااااااااااااااااااااااااااااااااااام |
اهم شي عندهم الارباح حتى من سكران |
سسسسسقطه للـ MBC .!! ............... |
انا شفت له حلقة وحدة بس من برنامجه وكان ينتقد ليش مانلاقي احنا السعوديين وظايف وليش كل شي للاجانب يعني كانت الحلقة كويسه .. اما عن البالتوك فهذا شيء ثاني ...!! لكن اللي عاجبني بس انه طاش ينتقد وشوربة وخل ينتقد سواء كان لورانس او غيره .. خلي المسؤلين شوي يتحركون ..!! |
عندنا مثل يقول ... ( كل ساقط وله لاقط ) هالوسخ والله اني مرة على كثر مااقلقونا فيه سمعت له مقطع اني استحيت على وجهي اكمله ...! يكفيك انه لاطلع في تلفزيون تلثّم من فعايله الشينه ... والحين يقال لـ إم بي سي تبيه يسوي برنامج هادف !!! لاحول ولاقوة الابالله ...! إقتباس:
الرسول صلى الله عليه وسلم قال ... سيأتي على الناس سنوات خداعات يصدق فيها الكاذب // ويكذب فيها الصادق // ويؤتمن فيها الخائن ويخون فيها الأمين // وينطق فيها الرويبضة قيل : وما الرويبضة ؟ قال: الرجل التافه يتكلم في أمر العامة :yes: |
يا اخوان الرجال تاب وترك البالتوك صحيح ان رومه للحين موجود ودخلته قبل ايام صرت اشوفه عقل غير عن اول صار يتكلم باخلاق وضبط روحه .. خلاص انتم انسوا ماضيه وشوفوا برنامجه الصراحه هادف اول حلقه يتكلم عن الضمان الاحتماعي للمطلقات والارامل وان فيه ناس يستغلونه والحلقه الثانيه حقت امس يتكلم عن السعوده وان الناس والمجتمع مايتقبل السودي اللي يبيع في بسطه والا اللي يشتغل بمطعم وان الشغل مو عيب يعني تعرفون مثل هالامور تحياتي:ba1: |
شخص مايطلع الا وهو سكران ويتكلم بـ كلام ماينقال ! يصير له برنامج ! الله لايبلانا ! |
,,, منهوو لورنس هذا ...! شكله جديد ..؟ أنا اعرف توماس لورنس الضابط البريطاني في واحد زيه الحين ...؟ برب يوتيوب :d ,,, |
الشهرة من الشيطان الله لا يبلانا |
بالعكــــس انا تعجبني البـــرامج اللي تنقد المسؤولين المقصرين ... وبعدين ترى لورنس يقول ان تاب عن ماضية..كلنا خطاءون وخير الخطاءين التوابين وبعدين ترى مافي انسان مالة ماضي ..كلنا لنا مااضي اسوود :d ولحد يجي ويسوي نفسة انه ملك من نزل من السماء و وبعدين ترى بنين وبينكم لورنس في برنامجه هذ1 غطى على جــــميع عيووووووبة >>كفو والله والان جميع الفئات العمرية من كبار في السن الى صغار في السن يتااابعونه بآآي :rose::smilie47: |
ما او سخ منه الا الـ ام بي سي لايقين على بعضهم |
يـآشيخ هآذا أنسآن مأدري وش أقول عليه اللهم إني صآئم وأتوقع قنآة أم بي سي متعآونه معه والصخره أعصصابك ترآك صآيم :D |
على العكس اخي ولا تهون بكلامك لاكن مثل ذا اتوقعها فرصه لها وابداع ودعم له من جهة الـMBC لاانه هو مبدع ... لاكن مشكلته ابداعه في غير محله |
انا مثل ياسر ما اعرف الا لورنس العرب الضابط البريطاني لكن لما شفت مواضيع في الصيد عن لورانس دورت عنه في اليوتيوب وسمعت كلامه وعرفت انه انسان مو ستايل:d يعني مو راقي :d بالعامي مبتـذل :s3s: وشفته على mbc حلقاته بايخـة مع ذيك الي عيونها خضر :d:ba1: |
حبايبي الناس انقسمت نصفين اتجاه لورنس ناس منقهره وناس واقعيه الوافعيه شافوا المسلسل وربي برامج هادفه مره ويتكلم عن اشياء في المجتمع تمسنا وبقوه ولا عليك من مقاطعه الي في البالتوك لان لو لا البالتوك ماطلع لك يا طويل العمر وهناك بدون نظام وهنا بنظام وكلها يتكلم عننا نحن يا المجتمع السعودي سواء في البالتوك او في الام بي سي المنقهرين يقولون وشلون واحد راعي شراب وسكير يطلع ويدعس في التلفزيون والصحافه والكل يتحدث عنه والقهر الاكبر ان وجهه مابان يعني بتناسبه مثلا عشان تشوف وجهه........ يا اننا ملاقيف صدق يعني يا ناس شوفوا زين واتركوا عنكم لورنس البالتوك وشوفوا لورنس ام بي سي |
برنامجه رائع و ينتقد بطريقة كوميدية صحيح ان له ماضي غير مشرف , لكن يقول انه تاب |
.. اللهم اني صائم .. .. اللهم اني صائم .. |
وعليـكم السلآم ورحمـة الله وبركآتـه والله ياخوي انا اشوف ان لورنس ناجح وبشكل كبير واللي يسبه تلقآه من الغيره الضعيف :d لان هذا جاه الرزق وهو منبطح بلآب توبه :smilie47::d صحيح كان يسب وبالفاظ وقحه ,, لكن لو تشوف وش يسب تعذره !! وكان اغلب المواطنين مؤيدين لكلامه .. واكبر دليل انه اشتهر كان يتكلم كلام منطقي سابقا .. ماجت الشهره وتنقل مقاطعه بالبلوتوث من باب الله هذي وجهة نظري لورنس ناجح وبرنامجه ممتآز وانا من متآبعينه في منتداه وفي البالتوك والـ mbc شكرآ لك اخوي :rose: |
ما او سخ منه الا الـ ام بي سي لايقين على بعضهم |
مدري ....الحلقات الي ع mbc عادية جدا اما ...لورنس ...>>>ما اعرفة ابد وما قد شفت له شي الا ع mbc >>اما ما ضيه مدري عنة >>الله يستر ....كل شي صار يخوف .. اجل هو داشر ...(((والحين ينصح الناس ))) يعني هو رجل تائب ..ولا وش السالفة بالضبط ؟؟؟ ...اختكم ...aljook |
ياخي والله شي يقهر هالشخص حثاله مجتمع واقل ما يقال عنه ولد شوارع وكأنهم يشجعونه على الي سواه وينتجون له مسلسل لكن لو انه رجال ماطلع في التلفزيون وهو متلطم ..!! |
يعني تفطر من هنا وترجع من هنا :d كأن العالم ناقصه غثاثة حسن عسيري والشله الباقيه .. بس حلوه طلع مصلح اجتماعي خخخخخخخخخ خلوه يصلح عمره بالأول .. |
الحمد لله اني ما اعرفو ... بس جاري البحث عنو في اليوتيوب ولي عودة |
إقتباس:
قلت هذا كيف صار فنان والحركة اللي مسويها بفمه نضحك والا ايش مايعرف يمثل والله العظيم ممممممممممممممممممممممممممل ومافي حيل ارد على الموضوع بعد ماتذكرت حسن عسيري شكران لك ياصاحب الموضوع أتمنى لك التوفيق تحيتي قبل مودتي |
.. زمـن آلرويبـضه ؟! :laugh: عن أبي هريرة رضي الله عنه قال: قال رسول الله صلى الله عليه وسلم: ((سيأتي على الناس سنوات خدّعات، يُصَدق فيها الكاذب ويُكذَّب فيها الصادق، ويُؤتمن فيها الخائن ويُخوَّن فيها الأمين، وينطق فيها الرويبضة))، قيل وما الرويبضة يا رسول الله ؟ .. قال: «الرجل التافه يتكلم في أمر العامة» . .. مآ آقول الا آلله يرحمك يآ علي الطنطآوي .. :smilie47::cry: |
إقتباس:
هذآ شخص بآلتوكي ( البآلتوك يعني مثل شات صوتي ) .. يسب احدآث بآلمجتمع بطريقه مقززه وبكلمآت خآدشه للحيآء واشتهرت مقآطع له باليوتيوب وبالجولآت ... :d ويوم اشتهر بمقآطعه الحقيره جت آم بي سي .. وسوت له كرتون ؟! |
ياخي والله دنيـا بالعكس ....الأن MBC تسويله كل هالزحمه على انسسان ....!! ماازيد على قولــت (الصخره) ودي |
" قبل فتره وصل لي ايميل عن توبته ان كان الخبر صحيح فـ الله يثبته ويتجاوز عن مامضى \ / الرياض: الوطن 2010-08-08 1:17 AM أعلن "لورانس"، والمعروف بعشرات المقاطع التي يتناقلها الناس على الإنترنت وعبر الجوال عن ندمه على كل ما بدر منه في السابق مما قد يخالف الشريعة الإسلامية السمحاء والتقاليد الاجتماعية من خلال الدردشة على البالتوك، أو عبر المواقع الأخرى والتي شارك فيها خلال السنتين الماضيتين، كما أكد اعتذاره لكل من أساء إليهم في تلك الأحاديث، مؤكدا أنه أصبح الآن إنسانا جديدا مختلفا عما عرفه الناس عنه في السابق، وأنه سيحاول الاستفادة من الشهرة التي حققها في إفادة الناس والمجتمع كتعويض عن أخطائه السابقة. وقال "لورانس" في بيان صحفي أمس: إن هذا ما يشعر به منذ فترة، وحرص على تكريسه تدريجيا من خلال غرف الدردشة التي شارك فيها حديثا، وكان يأمل أن يكون ذلك بينه وبين ربه، ولكنه رأى أن هذا الإعلان العام صار مهما اليوم بعد الحملة الصحفية الضارية التي شنها عليه إعلاميون وكتاب لم يلاحظوا هذا التغير وظنوا أن "لورانس" ما زال الرجل الذي سمعوا مقاطعه قبل أكثر من عام أو عامين، مع العلم أن عددا كبيرا من هذه المقاطع مزور من أشخاص قلدوا صوته كما قال. وأشار "لورانس" إلى أنه صدم بالحملة التي شنت عليه بعد الإعلان عن بث مسلسل "شوربة وخل" عبر قناة MBC، لأنه كان يتوقع أن ينتظر الناس محتوى المسلسل وأن يحكموا عليه من خلاله بدلا من الاستعجال في الحكم والاتهام، وفي نفس الوقت وجه شكره للكاتب وزملائه في العمل والكثيرين من الجمهور الذين دعموه في وجه هذه الحملة ومنحوه ثقتهم وإيمانهم بتوجهه الجديد. <!-- / M.Ysser هاك حفظ حقوق الموضوع لموقعك تعديل وتطوير mr.product - برمجة --> الهنوووف كانت هنا ورحلت |
انا ولله الحمد ماسمع له بس اسمع الي يقولن عنه الناس انه وسخ وكذا لكن لو هو تاب على قولتكم لازم نوقف معه وانا استغربت من حلقاته كانت مؤدبه وتناقش قضايا مهمه قبل رمضان كنت ادعي على الام بي سي ليل نهار انها تكرم شخص مثل هذا لكن لو تاب وكملت حلقاته كذا الله يوفقه |
المسلسل الكرتوني حلو بس لو كان بغير اسم لورنس لكان افضل كان حطوه ابو حديجان هههههههه الله يعين بس |
قناة خبيثة ووقحة ، والدليل حلقة طاش عن المسيحية وتصويرهم للقساوسه بأنهم متسامحين وأن مشايخنا علمونا الإرهاب والتكفير ، إلى هنا وبس يا قناة الخباثة .. لورنس من بعد المقاطع القبيحة واللي كلها كلمات جنسية فاضحة الحين يتكرم ويصير ممثل قدير .. |
إقتباس:
مشكلتنا أننا نعتقد ان كل الناس ملائكه .. ولا يخطئون ..!! البشر خطاءون .. وخير الخطائين التوابين . بعدين إذا كان الرجل ( وانا لا أعرفه ) عاد لجادة الصواب ، فـ لِمَ لا نقبله ؟؟؟ وإذا عاد لإصلاح خلل ما فـ لِم َ لا نشحذ من هممه .. وننصره .. ونتجاوز عن أخطاءه فـ الله سبحانه وتعالى يتجاوز عن الذنوب .. بالإستغفار والتوبة النصوح . انا اللي تحداني زماني .. أعجبني ردك .. بارك الله فيك . |
سؤآلي بعض رجآل الهيئه وش كـآنوآ سآبقـآ ؟! < آذآ جـآوب آحد آنآ آنآقشه !! |
بغض النظر عن ماضي لورنس في البالتوك لاكن لورنس الان ينتقد اشياء تصير في مجتمعنا ما سمعت شيخ او مسؤال واحد تكلم عنها انا مع النقد الهادف اللى يقدمه لورنس و الثنائي الكبير عبدالله و ناصر بغض النظر عن ماضي لورنس |
إقتباس:
مهب كلهم يا خوي لا تعم :yes: |
إقتباس:
اخوي الله يصلحك ترا التعميم لغة الجهل :) ليش تنظر للناس وش كانوا !! الاهم وش يسون الحين ولو مافيه هيئه تشوف الدنيا سايبه لان للأسف ما عندنا ثقافة ان كلن يكف خيره وشره ! لازم احد يجي فوق روسهم ويعلمهم :) حتى أشعار أخر الهيئه اهم من الاكل والشرب :smilie47: |
كل ساقط وله لاقط. شخص كل كلامه بالمقاطع وسخ وبذيء تجيبه الام بي سي وللاسف وترزه بمسلسل باسمه، اللهم اهدى ضال المسلمين |
قسم بالله قهر واحد مثل ذا يطلع في القنوات !! ومايحتاج اتكلم عنه وعن كلامه لاني صايم ! |
والله ما اعرفه واول مرة اسمع فيه !! لكن اذا كان برنامجه هادف وش المانع لعلها تكون خطوة ايجابية تعيده لجادة الصواب ويصير فرد صالح يفيد مجتمعه .. تحياتي |
أنت سمعته ساب ولا شي ................. |
مايفرق عندي وش كان ماضيه ’’’ بس على الاقل مثل لورانس عنده موهبه ,, بغض النظر وش اسلوبه ,,, :s5s: وام بي سي استغلت موهبته بدال مايطلع في البالتوك ,, ويقعد يقول كلام غلط :s5s: |
إقتباس:
تحيتي لك ولصاحب الموضوع :rose: |
| الوقت المعتمد في المنتدى بتوقيت جرينتش +3.
الوقت الان » 04:15 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd