مبارك عليكم الشهر ( رغم الزحمة ).. وشكشوكة ( طعس التحدي ) غير !! حيـــــــــــاكم ارحبوا يالمجلساوية :smilie47:... سلّمهم :rose: كل عام وانتم بخير والشهر علينا وعليكم ومبارك :smilie47: اخوكم الفقير لوجه الله عنده مشوار مهم.. ولازم اروح لموقع معين في مخرج 6 الدائري الشمالي وقلت خلني استغل الفرصة واروح اخلص هالمشوار الساعة 10 بعد التراويح على اساس ان اكثر سكان الرياض يكونون في هاللحظة خاشعة ابصارهم مقابل التلفزيون :to: وكل واحد ماسك بيده كوب شاهي او كاس توت... بانتظار باب الحارة وانا زلمه لسني احب الزحمة بتاتاً :s3s: وبناء على جميع هذه المعطيات حددت الساعة 10 موعداً لبدء عملية الزحف باتجاه الهدف ونقطة الانطلاق بالطبع كانت مركز عصير 50 فاكهة :d اللي توه فاتح عندنا بين الروابي والسلي وبعد ما جرعت كاس المانجا عندهم انطلقت متجهاً نحو مخرج 15 ورحت يمين ومسكت الدائري وكانت النتيجة اني طلعت مع مخرج 14 من عند سوق الخضره ورجعت لبيتي وانا ( تافل العافية ) :to: والسبب ؟؟ الوقت اللي استغرقته من مخرج 15 الى مخرج 14 كان بالضبط ( 20 دقيقة ) :rh: رغم ان الوقت الفعلي مايتجاوز ( 20 ثانية ) فقط في الايام العادية انا ودي افهم وش سر هالزحمة في رمضان ؟؟ هالعالم اللي متكدسة في الشوارع بسياراتها وين رايحين ؟؟ وبعدين بهالتوقيت كل البشر اللي اعرفهم قاعدين ببيوتهم مقابلين باب الحارة من وين طلعوا كل هالعالم ؟؟؟ اتركوا كل مافات البارح انا قاعد عند اهلي احتري نسيبي ( زوج اختي ) علشان اسلم عليه على اساس اننا متواعدين بعد التراويح نتقابل هناك ومن الساعة 9.30 وانا احتريه.. وكل ماكلمته قال ( هذاي بطريق الملك فهد ) :to: إلييين جت الساعة 11 وتقفل معي واقوم واخلّيه وهو ماطلع من ( اختناق ) طريق الملك فهد الا الساعة 11.30 ياجماعة الخير وش السالفة ؟؟ مدري وش تاليتها مع هالرياض زود على الحر القاتل... زحمة مفجعة :s3s: وحط في بالك ان اغلب سكان المملكة يجون للرياض برمضان علشان يتقضّون للعيد ويقولون مكة في رمضان فيها 5 مليون... تعالوا شوفوا الرياض فيها 50 مليون :shutup: انا خلاص قررت و نويت اهج للطايف ومانيب جاي لين يقولون باكر العيد :to: . . ماهو سر ( الشكشوكة ) في طعس خزام ؟؟ اغرب قضية مرت علي بحياتي :cry: والقضية الوحيدة اللي مازالت الدولة بجهازيها ( الشرطة والهيئة ) عاجزة عن حلها من اكثر من 10 سنوات وحتى الآن كل سنة وفي نفس الموعد ( رمضان ) وفي نفس المكان ( طعس خزام ) او طعس التحدي الساعة 6 الصباح والمسلمين صايمين ونايمين.. والدشير يفطرون شكشوكة تحت الطعس تجيهم الشرطة من هنا.. يروحون يزبنون في جهة ثانية :s5s: اكثر من 200 شاب والله يفتح على قلوبهم ماتشوف الا كل واحد ماسك الساندوتش بيد.. وعصير الربيع باليد الثانية وطبعاً لاتسأل من وين جابوا الشكشوكة صباح رمضان.. فيه ناس يصلحونها بمخيمات ( بنغالية ) والساندوتش بـ 5 ريال والشغل ماشي حريقه وعلى جهة ثانية من الطعس.. تلقى خمسة او ستة خاشين جو مع راس المعسل من يصدق ان هالشيء يصير عندنا ؟؟ نضحك على اللبنانيين وخيامهم الرمضانية اللي كلها ردح وفجور وشبابنا فالّين امها ( شكشوكة ) كل صبح وعلى عينك ياتاجر !!! |
بخصوص سر الشكشوكة:d فهذا كما قالي لي دكتور مصري مو شرط ان البلد يكون بلد خير ان كل الموجودين (100%) المعنى بالسعودي لابد نشوف الشر لأجل نعرف الخير ولابد من حرب بين الخير و الشر .. ما رأيته هو عينه بسيطة من الشعب أقل ما يقال عنها أنهم نتائج بيوت مهدومة دينيا ... الله يصلحهم بس :rose: |
إقتباس:
تصدق قريب من بيتنا ولا عمري جيته اشوف زحمه عليه واتعوذ من ابليس وارجع :D إقتباس:
تخيلت اشكالهم يارجال انت قلتها دشير والداشر لاهو متربي ولا شي وهذا اقل شي يطلع منه عوآفي ع الموضوع ~ :D |
ماني عارفة ايش ارد بالزبط بس يللا ... الله يعطيك العافية ... |
كل عام وانت بخير اخوي الصخرة :rose: إقتباس:
يستاهلون الحرق وربي ، ليش ماتصدمهم بسيارتك اذا مريت عليهم مايستحون من ربهم :cry: |
إقتباس:
حرام فيهم (دعس ).. تكفي الله يصلحهم لأنهم بجد نتائج بيوت مدمورة .. |
إقتباس:
هذاك اليوم انا مسافر للشرقية بعد صلاة الفجر .. وكانت لوحة سيارتي مسروقة قبل امسك الخط رحت لقسم الشرطة اللي بشارع احمد بن حنبل ( قسم شرطة المنار ) قلت آخذ منه ورقة بلاغ بخصوص فقدان اللوحة.. علشان افتك من تحقيق امن الطرق في التفتيش اذا مسكت الخط يوم دخلت القسم شفت شاب توه صغير.. بحدود 16 سنة.. وكان واقف عند الباب مكلبش الولد شكله مايوحي بأي خطر وبصراحة رحمته.. وذبحني الفضول ليش مقبوض عليه ؟؟ بعد ماخلصت موضوعي وعطاني العسكري الورقة سألته عن هالولد وليش ماسكينه ؟؟ وقلت له كان الموضوع بسيط فكوه وخلوه يروح لأمه وش كان رد العسكري ؟؟؟ والله العظيم كان كالصاعقة اللي نزلت علي يقول : هذا البزر اللي انت راحمه ( مدمن حشيش ) والبارح راح يبي فلوس من امه ويوم قالت له امه ( مامعي فلوس ) كب بنزين بوسط الصالة وشب في البيت وطلع وقفل الباب على امه وبآخر لحظه قدر الدفاع المدني والدوريات يلحقون امه قبل تختنق بعد ماولع البيت نار وكسروا الباب وطلعوها وحالتها كانت حرجة وبين الحياة والموت علماً بأنهم ساكنين في دور واحد هو وامه واخوه اللي اصغر منه !!!!!! عندنا بلاوي يا بنت الحلال وخليني ساكت احسن لي :cry: |
وعليكم السلام ورحمة الله وبركاته .. وانــت بخير وصحه وسلامه .. اعــــــوذ باللــه :cry: هذا كله بسبب ضعف الدين لاحول الله الله يصلح شباب المسلمين الا اقول انت ماكلــــــــت فوول :d عيــني بعينك :s2: |
هلا أخوي الصخرة الشهر عليك مبارك بالنسبة للفطور بنهار رمضان قبل كم يوم يعلمني خويي الي يدرس برا يقول أن اغلب الطلاب السعودين يـ فطرون في نهار رمضان ويشربون :s5s::d ومتضايق من هالشي اشوا انه ما يدري ان فيه ناس يفطروون على طعس التحدي :d |
** يآإليل آإجل مآإتبي زحمة , اخبرك متى تصير الرياض مابة زحمة اذا جت مبارة ديربي بين الهلال والنصر , واسأل مجرب :D هذا واحد مو راعي كورة بس ساكن بآالرياض , كم مرة كلمني قال ياولد فية مبارة اليوم اقولة اية , يقول وانا اشوف الشوارع فاضية :d:smilie47: ,, اما الشكشوكة الظاهر قضوم :d , الله يستر علينا , ويعافيهم ولا يبتلينا :cry::smilie47: حيآإآإك يآالنسيب :smilie47::rose: |
هلا وغلا ابوصالح :) ايه مير نقعد نفضفض شوي لين يجي السحور - < :d كود: ونقطة الانطلاق بالطبع كانت مركز عصير 50 فاكهة :d اللي توه فاتح عندنا بين الروابي والسلي اللي قبل الرومانسيه << - بيعلمك انه يدل بالرياض هع اللي عايش من صغره بالرياض ماهو زي اللي عايش برى ثم بلحظه يسكن الرياض محاكيك ( حار وارثه من الخوال) ومن طلعته للحياة وهو عايش ببيئه هادئه وانت تعرف هاك الديار :d لا زحمه ولا قلق مشوارك ما ياخذ عشر دقائق :d احيانا تشك انك ماسك طريق مكه من الهدوء :d ثم بلحظه تحطه بمدينه مزدحمه كالرياض ؟ قبل ثلاث ايام بالرياض ماشي الساع 10وصلت الساع 12 ونص تقريباً كان لي قريب بالرياض ينتظرني في بيت جده لوحده ويبي من يوسع صديره :d كل ما جلس نص ساعه دق اتصل علي قلت ابد احسب عشر دقائق وانا عندك هو بشرق الرياض :d انا بالدائري الشمالي وابمسك الدائري الشرقي الا انسجمت مع الزحمه وصرت ماسك يسار وماقدرت امسك اليمين ومسكت طريق المطار:laugh: والليييييييييييييييييل :d والعشر دقائق صارت ساعه:d ابسالكم يا اهل الرياض وربي من جد هالسؤال كيف نفسياتكم متحمله هالقلق والزحمه :d نفسي اعرف من وين يطلعون العالم ؟ طريق المطار زحمه طريق القصيم زحمه خريص زحمه:d الملك فهد زحمه:d كل شئ زحمه:d احس فيه ناس شغلتهم مراقبة الطرق رايح جاي على هالزحمه من صار بالبيوت؟ المشكله لا دخلت حي لقيت مايقل عن 5 سيارات عند كل بيت :d كود:
كود:
الصحبه له دور كبييييييييير كود: هذا البزر اللي انت راحمه ( مدمن حشيش ) والبارح راح يبي فلوس من امه هذه نتيجة مرافقة اصحاب السوء وضعف المراقبه من الاهل تجاه ابنائهم واستغلالهم من قبل الذئاب البشريه :) الله يهديه ويصلحه كود: عندنا بلاوي يا بنت الحلال وخليني ساكت احسن لي ربما اذكره لاحقاً لكن كما تفضلت يوجد قصص وبلاوي تشيب الراس .. الله يصلح الحال :) ابو صالح مشكور ولا تنسانا من دعواتك في هذا الشهر الفضيل ؟؟ -> لعيون فيصل الاستفهام :s2: |
إقتباس:
إقتباس:
حق من دخله جوى كرتون وقفل عليه :ranting: ورماه بالبحر :ranting: الحمد لله الذي عافانا مما ابتلى غيرنا وفضلنا على كثير من خلقه :cry:,, |
لا احد يدعي عليهم ادعوا لهم بالهدايه كنت هنا (وين الهنوف:d) |
* بالنسبه لباب الحاره من طلع بوعصام وبوشهاب ومشاهديه ماعادوا ذاك الزود:s5s::d إقتباس:
الله يهديهم ويصلحهم ولايبلانا:yes: عوافي صخ صخ وكل عام وأنت بخير:rose: |
أهلن بـ أخينآ ... الله يحيك :d وأنت بـ ألف صحه وسسسلآمه يآرب الزحمه هآذي طآل عمررك شي لابد منه :s5s: بـ حكم أنك بآالريآض يكفي الأج ــآنب مآخذينآ حقهم وحق غبرهم زيآده ع شعبنآ :naughty: بالله مآتبي زحمه وهذآ الوضع :ranting: مركز عصير 50 فاكهة <<< ع كثثثر مآأأمر عندهـ اله ولأمرهـ دخلته :cry: بس المرهـ الجآيه الله لا يعوق بششر بس رآيحه له :d الشكشوكة <<< أعوووذ بالله أول مرهـ أسسمع كذآ :cry: الحمد لله الذي عافانا مما أبتلهم ... لآحول ولآ قوة اله بالله :cry: يعطيك العافيه أخوووي ... تحياتي |
الوقت المعتمد في المنتدى بتوقيت جرينتش +3.
الوقت الان » 07:49 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd