جولـة مصورهـ من عدستي في كلن من ( الزلفي - بريدة - مكـه ) لاتفوتكم الصور - نادي الهلال السعودي - شبكة الزعيم

الملك ياسر · #1 14/08/2010, 10:20 AM

السلام عليكم ورحمة الله وبركاتة ..

مالي في المقدمات يعني راح ابدئ على طول

.

انا صراحه شخص احب التصوير من ايام مامسكت جوال الباندا << اول جوال فيه كاميره

.

ماادري طبع فيني احب اصور الاشياء واوريها الناس , مو من كلامي هذا تفهمون اني احسن مصور بالمملكه

لا مجرد هاوي غير محترف مع احترامي لنفسي .

حالياَ معاي كاميرة canon d500 مع العدسه العادية جداَ 18 -55mm والي فيها مصور الصور الي بتجي بعد شوي

.

ان شاء الله عاد بالمستقبل اطور نفسي في هالمجال الرائع

.

يالله عاد الحين راح ابدئ من محافظة حلوه الي انتمي لها محافظة -الزلفي -

.

من زود الحماس موقف السياره واخذت لي صوره وتوكلت على الله

هذي عاد المزرعـة حقت خوالي عاد يزرعون فيها فلفل وطماط وبصل هذا الي اذكره

هذي نخله من نفس المزرعة بس عن قرب .

واحد من العيال

عاد هالصور من مكان شبه منزه اسمه المطل

صورة بسرعة غالق بطيئة ..

عاد هالصوره لحالها لها حكاية

.

شفت الادمي توه ماخذ شور وملمع في نفسه قلت خل ناخذ له صوره ياولد نكشخ فيها

( الله يكرمكم )

-----

عاد الحين نجي للزين لمحافظة بريدة

والله بجد انها مرره رووعه وفيها مناظر مجنونه

بس للاسف روحتي لها ماكانت طويلة ماجلست تقريباَ الا كم ساعه وطلع فيها بهالصور :

برج المويـة الشهير

من بعيد ..

النادي العاصمي المعروف

شفته قريب مني قلت خلني اصورهـ

الله يبعدنا عنه .

هذا الطريق الي يودي من الزلفي للقصيم انواع المغامرات فيه

محدثكم من ارض الحدث

-----

اما الحين نجي للمحطة التاليه والاخيرة افضل بقاع الارض - مكة المكرمة -

.
طبعاَ في مكة مافيه امل تاخذ راحتك بالتصوير كل شوي ناط عليك واحد يهاوش ليش تصور المكان عام

وهذا اكبر دليل

الصوره اخذتها ع الطاير عشان كذا فيها اهتزاز .

فندق دار التوحيـد

الكعبة المشرفة

المشكلة والله العظيم اني مدخل الكاميرة داخل الحرم تهريب

عاد الكاميرة حجمها كبير بس الحمد لله ربي ستر .

عاد انا اول شئ رقيت فوق واخذت لي كم صوره ثم نزلت تحت مسوي بصور بالقرب من الكعبة , يوم طلعت الكاميرة بصور طلعت لي عجوز عراقية تصايح تقول لاتصووووووووووورني

خربت علي الله يهديها مع العلم اني ماطقيت لها خبر

.

صور اخوي فيصل وهو يداعب الحمام

<< نتف ابو الحمام

هذي عاد الساعه الي نتفيخر فيها حنا السعوديين

, الي غطت على حقت لندن

الهروب الى المجهـول

.<< الصورة فيها اهتزاز عشان كذا مو واضحه مره

-----

عاد هاذي صورتين لااكبر منافسين بالسوق هالايام الي هم : IPhone و BlackBerry

The End

طبعاَ الصور تطلع من الكاميره بوضوح عالي بس مع تصغير مقاسات الصوره وتصغير حجمها اكيد راح تفقد البعض من الدقـه .

وفي الختام اتمنى ان جولتي نالت على اعجابكم والله الله بأرائكم وتقييمكم

.

الموضوع تعبت عليه ياليت لو كلمة شكر >>

Gz-3 · #2 14/08/2010, 10:45 AM

شكرن لك صور في قمة الروعه والكآميرآ حلووه

لكن هآذي الصور الي أعجبتني لو تعطيهآ حدآ الجرآيد يخذونآ بفلوس

تحياتي

F.C.H · #3 14/08/2010, 10:55 AM

الزلفي ولانقدر نقول شي . ديرتك ومدلعها بالصور.
بريدة . برج مويه + جدار + مستشفى المجانين = ؟؟

إقتباس

الرسالة الأصلية كتبت بواسطة الملك ياسر

بس اهنيك على هالصور .
تسلم والحمد لله على سلامتكم وقواك الله أخوي

زعيم البلد احبك موت · #4 14/08/2010, 11:53 AM

والله الصورر حلواا .. اهنيك على التصوير اللي من مجهودك رائعه

مشكووور على الصور الجميلة

تحيااتي لك .. والحمدلله على السلامة .. وكل عام وانت بخيرر

طفلة خانها التعبير · #5 14/08/2010, 12:14 PM

حرام عليك

هذا كائن يستحق مساحه في كاميرتك

حامت كبدي

انت ماتدري ان العدو اللذود للبنات

الله يهديك
حتى لو بمدحك من هالصوره هونت
احسه جنبي\ولامقرب الزوم احس شفت عروقه وع وخصلته

تصويرك زين بس لاتتعمق مو كل شي يشوفونه يصورونه من الكائنات

طيب كان كتبت تحذير هناك كائن مرعب الحذر عند التصفح

<<تعبت

تسلم ايدك والله يحفظ فصولي لعينن ترجيهـ

اموره تلعب كوره · #6 14/08/2010, 01:10 PM

وعليكم السسلآم ورحمة الله وبركآته ...

الحممد الله ع السسلآمه

ليييييش هذآ العذآأآب

ع الجرح صور الزلفي

<<< ديرتي من زمآن عنهآ

بس من جد تصويرك بطل اله شي وآحد

اللي هو الكآئن الغريب

مآشآء الله كل صورهـ أحلى من الثآتيه

خآصه صور مكه لهآ طعم خآص

ذكريآت مزرعة جدي

صورهـ ولآ أروع من جد شي حلو لأقصى الحدود

لبى دار التوحيد بس

<<< تحمست

الله يعطيك العآفيه ... شكرآ لك
تحياآتي

لايهمك حكيهم ياياسر · #7 14/08/2010, 02:48 PM

صور حلوة,,

لكن فيه اماكن ف بريدة حلوة..

مو مصور لي مستشفى المجانين وجدار البرج,,>>>> محششين مثلا,,

هلاليــ دوت كوم ـــه · #8 14/08/2010, 02:57 PM

وعليكم السلآم ورحمة الله و بركآته

**

عطّشتني

حلوّة الإلتقآطة

لآآآآآآآآ ..

خرّبت صورك بهَـ الصورة

<

وين حنين تشوف

.. اللي تسأل صدز أنتم تكشتون عند البرج ؟

حسّيت بـ سؤاله إن البرج بالطرفيّة ..

قليل مآتخلو رحلة شخص من صورة من هَـ النوعيّة ..!

عمرة مقبولة ..

< كآنك مآخذ عمرة

الله يحفظه لكم ..

متحمممممس

إقتباس

الرسالة الأصلية كتبت بواسطة الملك ياسر

الموضوع تعبت عليه ياليت لو كلمة شكر >>

صورك لو شينة بَ أردّ .. يكفي إنّك حآطّ صور لِ بريدة
.
.
عوآإفي ..

الزعيم القصيمي · #9 14/08/2010, 05:02 PM

أصلحك الله
بريدة مدينة وليست محافظة

بعدين تارك بريدة كلها ورايح تصور مستشفى الصحة النفسية

الله يصلحك

يبي من يدخلك بهالمستشفى <<< مجرد مداعبة

hilaly 2000 · #10 14/08/2010, 05:22 PM

صور جميلة والتقاطات أجمل خصوصا لعدو البنات هههههه

يعطيك العآفية ...

T H U N A Y A N · #11 14/08/2010, 06:14 PM

،

تقبل الله منا ومنك صالح الاعمال

الله يعطيك العافية على اللقطـات الرائعـة > باستثناء عدو البنات
،

s a d n e s s · #12 14/08/2010, 06:21 PM

مشاء الله عليك مبدع أخوي
لاهنت على الصووور

koly · #13 14/08/2010, 08:00 PM

,,

هلا بـ القآإآإآإآطع

هذي جو ثآإآإني اعجبتني تفآإصيلهآإ

فديت جبتهك

والله اعجبتني اللقطة , الالوان رايقة

فديت تنتيفة

ماشاء الله يرحم الحمام مرآإ

لبى الساعه ولبى اللي جآإب فكرتها

ولقطتك حلو بالمرآإ

والله لقطة رائعه ، ماشاء الله تبارك الرحمن

الملك ياسر · #14 14/08/2010, 08:17 PM

تسلمووون ..

بالنسبة للي يقول مالقيت شئ ببريدة تصوره الا مستشفى المجانين ..

ياناس احمدوا ربكم ان عندكم مستشفى يضفهم غيركم مجانينهم مجدعين بالشوارع

.

بعدي انا ماطولت ببريدة كلها ساعتين واغلبها كنت راكب بالسيارة ع السريع القط الصور .

اما عن الكأئن اللطيف ترئ فيه نوع من انواع التصوير خاص بالكائنات الغريبة او الصغيرة الي هو المايكروا .

homs.taza · #15 14/08/2010, 09:28 PM

ماشاء الله ابداع ..

هالصورة اعجبتني ,,

يعطيك العافية ,,