نادي الهلال السعودي - شبكة الزعيم - الموقع الرسمي - اليوغسلافي يدرب الهلال لنهاية الموسم !!

اللهم إني صائم ..

الدعوة ( بغبسه ) على قوله اخواننا الكويتيين !!
اللي قرا تصريح المدرب اليوغسلافي ( اللي ) طبلها من أول تمرين مع ( مخلفات ) ماتورانا ، يحس أن هذا المدرب وده يكون مدرب الهلال الى آخر الموسم ..
مسكين ، قرأت الخبر وحزنت لهذا المدرب ..
( يقول أنه يقدر يتعامل مع لاعبي الفريق الأول ) .. يعني افهموها !!

عاد الرجال ما صدق خبر ، يدرب الفريق الأول !! ولاعمره يحلم بقرار زي هذا ..
بس ما ينلام ، لأن مافي قرار ( √ ) في النادي ( بـ غـ بـ سـ ه) !!
ويعرف أن الوضع في النادي مثل ( الكيكة ) وخذ قد ما تقدر ( محد حولك ) قال الرجال يمكن سبحان الله يمددون له الى آخر الموسم .. وما ننسى بعد أن ( رمضان كريم ) وعقدة ( مشي حالك ) ..
عموما : الرجال استعد للمهمة ووعد ( بتطوير ) مستوى الفريق ، ومهمة صعبة جدا ، وربنا يعينه ، ولا يلام على ما يقدمه الفريق مهما كان المستوى ..

واللي يشوف ( الجرايد ) وأخبار النادي هاليومين مع المدربين ، أوووووه هذي سالفه .
أتحدى أحد يفهم شيء ؟!!

يوردانيسكو والا بيلاتشي ؟!
بيلاتشي يشترط ( موافقة ) أعضاء الشرف !!
يعجبني هالمدرب ( المرجوج ) في هذا الخطوة ، مع أني لا أعتقد أن يكون هناك اتفاق ( البته ) ..
وعلى العموم ( شخصيا ) ما أبغاه يدرب الفريق ..
يوردانيسكو ( يقولون ) أنه تنازل عن ثلاث مائة الف !! وشروطه ( مافي أحد قدها ) الى الحين !!

عسى الله يجيب العواقب سليمة ..
والله انا غير متفائل ومصر على خطأ ( الادارة ) باقالة ماتورانا بدون بديل رسمي ..
وأثر هذه الغلطة بان من أول تدريب !!

على العموم ..
بين ما يتفق أعضاء الشرف على بيلاتشي ، وإلى أن يجي واحد واحد ويقول ليوردانيسكو ( أنا قدها وقدود )!!
نتمنى أن يرتفع مستوى الهلال خلال المباريات القادمة ، وأن لا يفرط في النقاط الآن لآننا سنندم كثيرا كثيرا في النهاية ، وأتمنى أن لا يحدث هذا اطلاقا ..

فاصله :
قرب ( 15 /9 ) وأنا يزيد خوفي يوم بعد يوم من هالموعد !!
لا نعرف مدى تأثير قرار الخصخة على رئاسة النادي ومرشحيها !!

[c](( الزعيم سيظل زعيما رغم كل الظروف ))[/c]