.. أنا والمنتخب السعودي >> يصير وليش ما يصير .. - نادي الهلال السعودي - شبكة الزعيم

dal3_uae · #1 04/08/2010, 05:50 PM

السلام عليكم ورحمة الله وبركاته

اشحالكم شخباركم ..؟؟ والله ولكم وحشة يالمجلس العام ..

بدخل في الموضوع على طول وحق شو انا زايرتنكم اليوم ..

كنت قاعده في الحجرة .. وفجأة طالعت من الدريشه مالت الفندق وله أشووووووووووف .. المنتخب السعودي .. مب متأكده بس كأنهم هم ..

وادور بينهم ياسر القحطاني .. والدعيع و غيرهم .. يمين يسار ادور

وادور ما حصلت حد ..

شفت كم لاعب اعرفهم شايفتنهم في التيلفزون لكن ما اعرف اساميهم ..

الا وشوي يا ريلي من عندهم .. وخذ السجادة مالت الصلاة وعطاه حق واحد منهم ..
ما ادري شو اسمه .. وسالته منو هاذيل المنتخب السعودي ؟؟ قالي لااا ..

قالي هذا الفريق (........) السعودي

كانو في المطار بعضهم حصلو حجز وبعضهم ردو عشان يسافرون باجر ..

ويو اهني عشان يتمون ليله وحده ..

سالته ياسر القحطاني مب معاهم ..؟؟

قالي لا ليش؟؟
قلتله عشان اذكره

بسالفه خخخخخ

والدعيع عشان اذكره

بسالفه ثانيه خخخخخخخ

..

لكن للاسف مب وياهم ..

شوفو الصورة

المهم انتو قولو بعثة أي فريق هذا ..؟؟

واللي بيجاوب له هديه من النمسا

في انتظار اجاباتكم ..

دوق فليد · #2 04/08/2010, 06:01 PM

فريق الطائرة السعودي
أو فريق الأهلي السعودي
أو منتخب الناشئين السعودي
أو منتخب الشباب السعودي

صح..؟؟

dal3_uae · #3 04/08/2010, 06:04 PM

إقتباس

الرسالة الأصلية كتبت بواسطة دوق فليد


	فريق الطائرة السعودي أو فريق الأهلي السعودي أو منتخب الناشئين السعودي أو منتخب الشباب السعودي صح..؟؟

لك خيار واحد فقط ..

ويمكن صح ويمكن لا

عطني فريق وبخبرك اذا صح وله لا

دوق فليد · #4 04/08/2010, 06:06 PM

إقتباس

الرسالة الأصلية كتبت بواسطة dal3_uae


	لك خيار واحد فقط .. ويمكن صح ويمكن لا عطني فريق وبخبرك اذا صح وله لا

طيب كم مرة لي خيار واحد..؟؟

يعني كم مرة ممكن أني أختار مرة وحدة..

دوق فليد · #5 04/08/2010, 06:09 PM

والله يا بنت الحلال أتوقع أنهم منتخب الناشئين السعودي
في اثنين في الصورة أحسهم صغار مرة

موهوب القصيم · #6 04/08/2010, 06:30 PM

اتوقع فريق الاهلي السعودي طبعا

هلالي من ارض اليمن · #7 04/08/2010, 06:33 PM

هذا المنتخب الاماراتي متنكر

كاني شايف عدنان الطلياني بينهم

حياك الله دلع

.. وحمدالله على السلامه ،،،

متابعة بجنون · #8 04/08/2010, 06:35 PM

..

هههههههههههههـ
قلتيها فريق .. والأهلي معسكر بالمانيا والنمسا
وبما إنك بالنمسا آكيد انه هما الأهلي اللي شايفنهم ريلك

..
لانه السعوديه الكبار بالرياض والشباب بالطائف
والصغار مدري عنهم ..

:

آنتظر الهدية

هلاليــ دوت كوم ـــه · #9 04/08/2010, 06:47 PM

وعليكم السلآم ورحمة الله وبركآته ..
.
.
للأسف رآحت عليّ الهديّة

أعتقد إنهم ( الأهلي ) ..
كأن مرّة قريت إن فيه فريق معسكر بالنمسآ بسّ مدري مين نآسيه

..
وبمآ إن عليهم أخضر فـهم الأهلي

.
.
ترجعين بِ السسلآمة ..

حروف الغلا · #10 04/08/2010, 07:10 PM

اللــــي فــــوقــــي يخمنــــون و أنـــا بكــــل ثقـــــة اقــــولهــــا فـــريـــق الأهلــــي السعـــــودي ....

بــانتظــــار الهــــديــــة ع العنــــوان التـــاالــــي :

عــــاشقـــــة محمــــد
الامــــارات العــــربيــــة المتحــــدة
ص.ب.: 6666