وكا وكا ايه ايه وكا وكا ايه ايه ♫♫♫ امري يالكامري لاصحاب الكوامري الرجاء الدخول ولايهونون بقية التويوتا - نادي الهلال السعودي - شبكة الزعيم

leader ksa · #1 04/08/2010, 01:44 AM

صباحكم /مسائكم ورد كويس يشبهني

س/ من هو القاضي التلمساني ؟

س/ من هي النبهانية ؟

س/ من هو او ماهو السامري؟

س/اين تقع حديقة السليمانية؟

سوي زغوطي تهت تهت بئدين في سوي سوف زواب اوكي سديق؟

تحديثات لكاميرات سارق الجديدة

فيه كميرات على طريق الملك خالد تحت مخرج عرقة او الملك عبدالله بالضبط طبعا رايح جاي
والسرعه المعروفه 120
وفيه برضوة على كبري الفحص وانت جاي من الدمام >>ياحظكم كنت عندكم

المهم السرعه 120 وانتبهوا

(صدمة عمر) >> بمناسبة قرب رمضان لازم نهيأكم للدراما

للأسف بعض الاحيان يصير النت مشكلة عويصة جدا
بسببه تصير تدور في صالتكم وانت تغني وكا وكا ايه ايه وتطق اصبع

آآآآآآآآآآآآآآآآآه يالقهر
انا قدر الله علي وشريت كامري 10 فل بس مو كامل

واكرف فيها ويجي لي يوم فالاسبوع احن عليها واقوم ادلعها

واذكر اول ماطلعتها كنت اغني لها

ياعيون الكون غضي بالنظر
واتركينا اثنين عين تحكي لعين
اتركينا الشوق ماخلى حذر

بلا خوف بنلتقي
وبلا حيرة بنلتقي
بلتقي بعيونها
وعيونها احلى وطن
وكل الامآآآآآآآآن

لين جاء اليوم المشؤؤم وفتحت ايميلي ولقيت رسالة بعنوان شوف كامري السودان يالمهايطي

وللأسف انا كنت اهايط قبل وامري يالكامري ومزعج ام البشرية وتهور وقروشة
لاني ماخذها لانها كامري يعني رمز للشئ الذي هو كويس

يعني اتحدى تلاقي كامري ماسك الايسر وشافك مسرع ولا ابعد عنك حتى قبل ماتكبس
الا ماندر وتلاقي فيه ريحة كراون فكتوريا ولا قراند ماركيز
يعني اخوه عنده احد هالانواع او عالاقل في حارتهم وتأثر فيها ونسى ابجديات قيادة الكامري

يعني اذا قلت قيادة الكامري لان معناها التهور لكن بحذر >شلون تجي

معناها سرعه الاستجابة
معناها 600 مليون مخالفه تتحملها لعيون الكامري

اصحابها يقدرون ويعطون احقية المرور للكل وييعرفون انه موب شارع ابوهم
اما يجيك فورد ولا ماركيز ماسك الايسر نهاية الليل ويشوفك جاي طاير ولا يبعد وتكبس ولا يبعد
وتدق بوري ولا يبعد وتنزل خويك يشرح له ويمكن يتنازل يبعد بعد ربع ساعه

طبعا كنت ناوي اجيب لكم الرسالة لكن عليها دعايه حقوق لموقع ثاني >>عشان ذايب بس

نعطيكم الملخص واللي يبغى يشوف الصور يسوي بحث بـ( كامري السودان )
>>ابعدت الاقواس عشان تنسخونها براحتكم

والمقارنة تمت بين كامري سوح السوح بدون اي مواصفات فالسودان
موديل 2008
والسعودية فل الفل 2010

(1 من ناحية الامان (اكياس الهواء او الايرباق)

السعودية
عدد الاكياس2 للسواق والراكب هذا اذا ميب خربانة

السودانيه
6 اكياس

الزيادة في العوارض الامامية والخلفيه

2) الطبلون
اختلاف شاسع والفرق لصالح السودان بالتأكيد لو مااخذنا من المميزات الا نوعية الاضاءة

3) المكيف
السعودية
تحكم يدوي وزين بعد انه مخليها ماركب لنا مكيف صحراوي بدالها

السودانية
شاشة عرض وتحكم الكتروني وتقدر تتحكم فيه عن طريق الدركسون

4) التخشيب
السودانيه افضل بدون مقارنة

5) الميزة الاهم (بلد) الصناعة
لهم سنوات وهم يقولون خلاص ماعاد فيه سياراات يابانية وهياط وقلق

وفالاخير طلع من الوكيل حسبي الله ونعم الوكيل فيه

الكامري السودانيه يابانية مية فالمية

اما السعودية جايبين لنا من استراليا وزين بعد ان مافيه مصانع فالحلة ولا البطحاء كان جابوا منها

بعد كل القهر اللي شفتوه انا اطلب منكم طلب صغير
لاهنتوا اللي عنده 2 ارهابيين مايحتاجهم ولاشي يعلمني

انا بدعمهم واعطيهم كل شي يبونه بس يبردون قلبي في وكالتهم
شايلين البلوتوث
وحاطين لي دعاء السفر سلاماااااااااات ياحبيبي كل يوم ماسك خط انا احد قايلكم اني كداده مثلا

ولا المفروض ان السيدي يشيل الى 6 سيديات حسب الكتاب
لكن الاخوان طبعا كعادته الكريمة واحد ويالله والظاهر انه مستخسره فينا
وواحد طلع له كامري11 قبل يومين تقريبا واخذ له سياحي ماعطاه سيدي معطيه كاسيت ؟!!

سلامات وش اشغل كاسيت من وين اجيب لي كاسيت
ادور لي على منوعات محمد سيلم يعني ؟!
يستهبلون على مخي هالاوادم

حسبي الله ونعم الوكيل فيهم
وحسبي الله ونعم الوكيل في المرور وجميع الدوائر الحكومية >اتش

الحين مزعجين ام امي بالمخالفات وساهر و600 مليون مخالفة يوميا عشان تظليل
وتفتيش وقلق وكل هذا لسلامتكم
طيب لسلامتنا ياللي تدورون السلامة وينكم عن مثل هالوكالة تويوتا بكبرها اهم واكبر الشركات فالسعودية
فالاخير هذي مواصفاتها مانبي اي شي غير حقت السلامة ياللي تدورون السلامة

خلاص خلصنا الشي المهم والمفيد ونقول اللي يبغى الفايدة يطلع ابرك له

طبعا الواحد تمر عليه ايام غريبة في حياته

احد هالايام وانا حول المستشفى العسكري انتظر امي تخلص مراجعتها
طبعا كالعادة اسبب زحمة وافرفر فالحواري الشي الغريب اللي لفت انتباهي
كل الناس يطالعون فيني قلت معقولة كل هذا اعجاب

لذا حاولت اغير من شكلي ولبست شماغ قلت عشان لاافتنهم زيادة

وتعرفون سيارة اي سعودي لاابد ان تحتوي على شماغ او طاقية والمشكلة اذا كنت رايح مكان
ومعتمد على انها في السيارة تلاقي شماغ وعقال بدون طاقيه او شماغ وطاقيه بدون عقال
او الشماغ عليه زيت من وين مادري

المهم لفت انتباهي شي وصورته>>انتهبوا على انفسكم يامصورين

من زاوية اخرى وتظهر الاحترافية في التصوير

من هو هالقاضي ؟!

من هي الاخت النبهانية ؟

هو از الاخ السامري ؟

يقصدون السامري السامري الكويس ولا هو واحد ولا وش السالفة ؟!

اذا يقصدون الكويس انا احتج لازم يحطون العرضة واللعب ليه السامري لحاله؟

هذي احد المشاريع الجبارة

وتظهر الجمالية في المشروع

ونتمنى ماحد يفهم خطأ بس هم خلوها كذا لانها ارخص
حديقة وفي نفس الوقت موقع تاريخي تشهد عليها اللوحه

هذا مجرد شي قديم اتذكر كنت اكله فالابتدائي ولقيته هالايام

هذا من آثار الديو لما صار بريال ونص

يعني وش له اسماء الشوارع المخيسة اللي حاطينها لنا مسوين تقديرا لهم يعني ؟!
ماختلفنا في الشوارع الرئيسية بس حتى الشوارع الداخليه ليه وش السبب؟
يعني اتحدا اي شخص جاي من برا حي معين ولايعرف اسماء الشوارع المعروفة
ويقدر يوصف اجهزة الدولة مانقول اصدقاءة لكن الشرطة الاسعاف الدفاع المدني مستحيل يوصف
لازم يكون يعرف الاسماء المشهورة للشوارع وطبعا هذا موب خطأه ولا خطأ الشعب اللي غيروا الاسماء
لكن عشان يقدرون يتعاملون معها اسماء كثيرة وغثيثة لو ايش مستحيل الواحد يحفظ

(مطعم لوحته حمرا - اشارة - لفة - حرف تي - محطة لوحتها طافيه - مخرج)
مصطلحات لابد تتكرر مادمنا على نفس وضعنا السامري والنباهية والقاضي التلمساني وبقية الاخوان الكويسين

وتبغون تعرفون المعاناة صدق شوفوا المقطع
طبعا بدون بنات والموسيقى في اول 4 ثواني فقط

يعني مقطع متحجب

السؤال الاهم للموضوع

هل تتوقعون يجي يوم نطلب مثل السيد بادينكتل ؟

احد فيكم يعرف هالاشخاص ؟

هالصورة موجود في كليب شاكيرا لاغنيه كأس العالم وكا وكا ايه ايه

وفي نهاية الموضوع

ابعرف بس وش ذنبي وخطاية
------------- ابعرف ليه تخليني اعاني
وبكرة انت تجي تدور رضاية
------------- ولكن مابغى من هو مابغاني

-------------

ألم يارابح

تحياتيشن

I B R A H E M · #2 04/08/2010, 02:00 AM

عبد اللطيف جميل في قبره الله يرحمه

يؤ لآ يؤ · #3 06/08/2010, 01:25 PM

إقتباس

الرسالة الأصلية كتبت بواسطة I B R A H E M


	عبد اللطيف جميل في قبره الله يرحمه

الله يتوب عليه

عياله ينهبون نهب الويل شكلهم حاقدين على ابوهم

متآبعه بصمت · #4 04/08/2010, 02:20 AM

ودي اسمع شاكيرا وهي تغني لخالد عبدالرحمن ض1

يمكن لي باتس ان الله أحيانا ض1

leader ksa · #5 04/08/2010, 02:26 AM

الله يرحمه وتم التعديل يالغالي

وابشرك انك انسان كويس دام مابيني وبينك غير ثلاث ايام

متابعه
لاترجعين ابد دام بدايتها خالد

متآبعه بصمت · #6 04/08/2010, 11:21 PM

إقتباس

الرسالة الأصلية كتبت بواسطة leader ksa


	متابعه لاترجعين ابد دام بدايتها خالد

أبشر

...................................................

leader ksa · #7 05/08/2010, 09:00 AM

ابو طـــــلال

يابعد تسبدي انت

حسيت انك فاهمني هذا الرد ولا بلاش

والحمد لله للحين مانسرق منها شي غير عطورات

واحب اهدي ردك ككاتب مخصرم وكويس فالمنتدى
الى كل شخص يحاول فقط التقليل من مكانة الكامري

حياك قد بعدي عن دايري 18

ỳάṡṣẻя

ياخي انت تامر على الموضوع واذا تبي حولته باسمك عادي

والله عشانك بشغل راشد بس البوم شرطان الذهب

مالك داعي شاكيرا هنا غييرر

طالعه حلوه من جد البنت في هالكليب مدري وش مسوين لها بس المهم انها خققتني

>خذها ولاتردها اعوذ بالله من القعاطه

حياك

leader ksa · #8 05/08/2010, 09:06 AM

فـارس سـدير

الله يديم الاشياء الكويسة

حياك

إحساس خالد

امين يارب

وش دخل السوناتا تراك لحست مخي

لا يابعدي ماعندي نية للتغيير الكمورة معي الى ان تنتهي صلاحياتها
او اني اتوظف وان شاء الله ماعدنا نستعمل الا x6 وخل مواصل يجي يهايط بعدين

حياك الله

متابعه

تراك خليتيني ابكي حسيت اني حطمتك وجرحتك مشاعرك ومحاسيسك ومصارينك بنفس الوقت

ماقول الا ياصبر اللي مدري وشسمه

حياك

متآبعه بصمت · #9 05/08/2010, 09:55 AM

^
^

بالعكس ما تدري وش كثر انبسطت لمّا قريت ردّك الأول
ريّحتني من التعليق على موضوعك البااايخ

لايهمك حكيهم ياياسر · #10 04/08/2010, 02:41 AM

ههههه
,,
وربي استانست على الموضوع,,

واهم شيء الكامري,,الحمد لله ماعندي كامري,,

والله يرحم عبداللطيف,,وان شاء الله نشتري كامري سودانية

leader ksa · #11 04/08/2010, 08:32 AM

إقتباس

الرسالة الأصلية كتبت بواسطة لايهمك حكيهم ياياسر


	ههههه ,, وربي استانست على الموضوع,, واهم شيء الكامري,,الحمد لله ماعندي كامري,, والله يرحم عبداللطيف,,وان شاء الله نشتري كامري سودانية

دوم الوناسة والاشياء الكويسة

لا تاخذ خلاص ياتشتري سودانية ولاخلها تصدي

حياك

إقتباس

الرسالة الأصلية كتبت بواسطة هلاليــ دوت كوم ـــه


	صبآحك بستآن ورد موضوعك هَـ المرّة مو طويل سوآليف كالعآدة توسّع الصدر .. لكن سؤال .. سوي زغوطي تهت تهت بئدين في سوي سوف زواب اوكي سديق؟ مالمقصود بمآ تحته خطّ ؟ و عقبآل مآتشتري كآمري سودآنيّة . . عوآإفي ..

شوي شوي على ترا اموت من كثر الورد

لا هذا ترا موب موضوع رسمي هذا بس عشان الكامري غير الموضوع الرسمي الذي سيصدر فالايام القادمة
>بمعنى اخر انتظروا مزيدا من بثارتي

دوم الوناسة والاشياء الكويسة

اما زغوطي جاوبتك الملتمسة اللي تحت

امين يارب

>

حياك

هلاليــ دوت كوم ـــه · #12 04/08/2010, 02:44 AM

صبآحك بستآن ورد

موضوعك هَـ المرّة مو طويل

سوآليف كالعآدة توسّع الصدر ..

لكن سؤال .. سوي زغوطي تهت تهت بئدين في سوي سوف زواب اوكي سديق؟

مالمقصود بمآ تحته خطّ ؟

و عقبآل مآتشتري كآمري سودآنيّة

.
.
عوآإفي ..

HILALYA ]~ · #13 04/08/2010, 05:26 AM

إقتباس


	السالفه فيها شاكيرا ض1 .. شويتين وجايه ض1 ..

باكن كبيرون

..
اول شي صباح الخير للجميع ..
ثاني شي ببدا بالرد من العكس ض1 ..
الدنيا عندي مقلوبه ض1 ..

وش لك بالفيديو ض1 .. احلى شي ان الي جاب اهدف ايطالي

..
< ببدايه الوشسمه هذا ض1 ..

لا ما اصدق

لو اقولك اني جننت سواقنا وش بتسوي

< ض1 ..
وقسم القسمات اني فرريت كل بقالات وسوبرماركات الرياض ولا لقيته ؟؟؟
باللهي وين لقيته .. < اتمنى الجواب بسرعه ض1 ..

لك مستقبل زاهر بالوشسمه

..
الا ع الطاري .. اشوف امس ابوي واخواني يتكلمون عن تسمية الشوارع ..
جد فيه اشياء مدري وش تبي ؟؟؟؟؟؟؟ مدري حاطينها هياط والا وش ؟؟؟؟

اوما ع كامريك ض1 .. اسال الله ان يعوضك اطلق منها ض1 ..

إقتباس

الرسالة الأصلية كتبت بواسطة هلاليــ دوت كوم ـــه


	لكن سؤال .. سوي زغوطي تهت تهت بئدين في سوي سوف زواب اوكي سديق؟ مالمقصود بمآ تحته خطّ ؟

يعني اضغطي ض1 < مسويه فاهمه ض1 ..

شكرـ(ن) كثيرـ(ن) ع هالموضوع < وقسم حايمه كبدي من سالفة البي بي

الشكر مرة اخرى ..
اختك ..

مجنونه بفن الشلهوب · #14 04/08/2010, 06:58 AM

خخخخخخخخخخخخخخخخخخخخخخخ

الله يكون بعونك

$$البرنس$$ · #15 04/08/2010, 08:53 AM

ليتك اخذت شفر احسن لك , موب بس بزاريين يقزون الا كل بنات الحاره بعد ( اقصد الصغار ياناس)

عموما السعوديه عاني من غرغرينا صراحه