السلام عليكم ورحمه الله وبركاته
صباحكم /مسائكم معطر بالمسك والعود
اخواني أعضاء وزوار منتدانا الغالي .....كيفكم ؟عساكم طيبين ؟
بصراحه في كلام في صدري ودي أقوله ولا بحصل افضل من منتدانا العزيز اني افضفض له .
عموما مالكم ب طويله وبدخل في صلب الموضوع على طول
لفت نظري في هذي الايام كثره الي ينتقدون لاعبين الهلال ويقيمون الاعيبه على هواهم وميولهم ويتدخلون في الامور الاداريه والفنيه للمدرب ..... يعني بالمختصر انتقلوا من جماهير الى محللين رياضيين وفنيين .
وأنا وأعوذ بالله من كلمه أنا خطر في بالي فكره .... يعني بدال ما ننتقد الاعبين ونهبط معنوياتهم ,خطر في بالي أن ندعمهم بس بشكل فعلي ,يعني الاعب الي نشوف أنه ماأدى كويس في المباره الفلانيه المباراه الي بعدها ناخذ لافتات له وندعمه ونهتف باسمه في المباراه ويكون هذا الشي لكل الاعبين مو للاجانب فقط مثل مايسوي بعض الجماهير الهلاليه هذا شي ..... الشي الثاني وهو المهم أنه ندعمه بالمواضيع الي ترفع من معنوياته في المنتدى عشان نبث فيه الحماسه وترا الاعبين بشر يتأثرون بلي ينكتب عنهم سواء تأثير سلبي أو ايجابي ..... بالمختصرفي يدينا سلاح فعال على الاعيبه واحنا مو بداريين عنه وصدقوني الي يقول ان الاعيبه مايدخلون المنتدى ويقرون الي ينكتب عنه أنا بقوله أنت غلطان صدقني أنهم يدخلون ويقرون ويتأثرون بعد عشان كذا من الان نقولها بصوت عالي لا لا لا لا للمواضيع الي تهبط معنويات الاعيبين أو تأثر عليهم بشكل سلبي ورجاء خاص الي يبي يكتب موضوع عشان ينتقد يوفر على نفسه التعب ولايكتب لان جزائه أنه ماأحد برد عليه .
أرجو أنكم تأخذون الموضوع بشكل جدي وترا المسأله جدا بسيطه بس يبغالها جمهور زي جمهور الهلال عشان يطبقه ...... باختصار لانه جمهور راقي بكل ماتحمله الكلمه من معنى .

عذرا على الاطاله وتقبلو تحياتي .....