أولا كل عام وانتم بخير

ثانيا هاذي قصه حدثت معي بالرياض في يوم الأحد5\9\1423ه
يعني قبل أمس والمشكله إنها في شهر مضان

حصلت معي هاذي القصه بالرياض وباالتحديد خلف برج التلفزيون

كنت ذاهبا لأشتري أكلا من المطعم ===>طيب شي عادي
وبعد خمس دقايق تأتي سياره من نوع جيب تويوتا توقف عند المطعم
والمصبيه أنه طلب من إبنته الكبرى والتي تبلغ من العمر تقريبا من

15إلى16 والمشكله أنها لم تكن تغطي وجهها مع أنها بصراحه فاتنه

ولا ملكة جمال فنزلت من السياره بناء على طلب أبيها وعندما ذهبت إلى المطعم

إستحت مني ولم تتقدم وبقت بعيده عني في هذا الوقت طلب أبوها أن تذهب إلى

داخل المطعم مع العلم إن المطعم صغير فذهبت وبقت واقفة بجانبي

في هاذا الوقت ذهبت إلى والدها بعد أن أخذت طلبي وقلت له بالحرف الواحد

السلام عليكم فلم يرد على ثم أعدت السلام عليه فقال لي خير وش تبي

فقلت له رد السلام فقال لي إذلف عن وجهي لاسلام ولاكلام!!!!!!!

في هذا الوقت طفح الكيل عندي فقلت له لماذا تترك إبنتك هي التي تشتري

وأنت تبقى داخل السياره فقال لي أريدها أن تصبح قويه وتعتمد على نفسها

قلت له ليش هي رجال فقال لي وإنت وش مدخلك

فقلت له حرام عليك تخلي بنتك تطلع قدام خلق الله في المطاعم

فقال لي ماشاء الله شاطر يابابا هاذا الي علموك بالمدرسه

عموما القصه طويله ولكن حبيت أختصرها

كل اللي أبيه منكم هو أن تقولوا ماهو رأيكم بهذا الرجل

وهل أنا غلطان؟؟؟؟؟؟؟؟

للأسف إنه عندنا مثل هاذي النوعيات من الآباء

تحياتي

بيعلمها المرجله
لا اخوي نواف ما انت بغلطان!!! الغلط على هالنوعية من الأباء االي مايعلمون بناتهم الحيا والستر!!! وانت سويت اللي عليك وجزاك الله خير!!

مساء الورررررررررررررررررررررررررررررررررررررد

تبي الصدق ..

1- أنت أبريت ذمتك وهذه أهم شي .

2- الرجال هذا صاحي ولا ..... مهوب فيه .

3- أشك أنها بنته .. يمكن بنت أخوه ، بنت أخته ، قريبته .. لكن بنته مصيبه !!

إقتباس إقتباس من مشاركة سراب الدمع مساء الورررررررررررررررررررررررررررررررررررررد تبي الصدق .. 1- أنت أبريت ذمتك وهذه أهم شي . 2- الرجال هذا صاحي ولا ..... مهوب فيه . 3- أشك أنها بنته .. يمكن بنت أخوه ، بنت أخته ، قريبته .. لكن بنته مصيبه !!

وأأكد على النقطه الاخيره

الظاهر ان الرجال مهوب صاحي اجل قال لك اذلف

ما قصرت والله يكثر من أمثالك .

أقول الله لا يعطيه العافيه كان هذي مرجلته

و جزاك الله ألف خير

أخوي الحبيب اولا الف شكرلك على الموقف الرائع منك

أما هذا الشخص :

فهو مثل ماقال علي كرم الله وجهه أشباه الرجال ولا رجال ) !!


لا والمصيبة اللي ينزلهم طول الأسواق وهو ينتظرهم بالسياااارة !!!

الله يعين بس

أقول جزاك الله خير وكثر الله من أمثالك يأخي العزيز ..وبالنسبة لهذه النوعية فأمثالها كثير ولاحول ولاقوة إلا بالله وهداهم الله ومن هذه النوعية من يأخذ زوجته أو أخته ويجلس في السيارة او في اي مكان وهن في المحلات يفاصلن في الاسعار ويستعطفن الباعة راعني ولاتراعيني..واما بالنسبة لما ذكرت فأعتقدانه ناقص رجولة.........

اللــــــــه يستر .... أجل تقول مزيوينـــــــه ؟؟