هذا ماحدث لي في اسبوع .. قصة حقيقة لي .. بسم الله الرحمن الرحيم حياكم الله جميعا موضوعي هذا يتكلم عن ثلاثة أحداثحصلت لي في أسبوع واحد وقبل البدء أقول اللهم لك الحمد على كل حال فأول حدث حدث لي: هو عندما تعرض لي شخصين بطريق الهافمون الساعة 1 ليلا وحاولوا إيقافي على أنهم رجال أمن واكتشفت إن هدفهم السرقة واستغلوا مايحملونه من إثباتات أمنية لجريمة السرقة وتعرضت لبعض الإصابات وإنا أدافع عن نفسي وعندما حاولت أبلاغ الدوريات الأمنية طلبو مني رقم لوحة السيارة الخاصة بالمجرمين والابتعاد عنهم قدر المستطاع حتى وصول الدوريات. لأكن الصدمة بأن السيارة لأتحمل أي لوحات وبعد ابتعادي عن المكان قامو باللحاق خلفي لإيقافي مرة أخر بطريقة صدم السيارة وكأننا بدولة لايوجد بها أي أمن و بنفس الوقت انتظرت وصول الدوريات لأكن لاحياه لمن تنادي فوصولهم كان متأخر واختفو الأشخاص .. وتم فتح ملف بالشرطة ولازلت القضية مغلقه ولا يوجد أي جديد رغم أن ماحدث معي من هذين الشخصين يمكن إن يحدث مع غيري ويجب اللقاء القبض عليهم لأكن مازلنا ننتظر الجديد بالقضية رغم معرفتي بعدم وجود أي جدوى للقضية كما قالو لي لعدم وجود أي معلومة توصلهم للمجرمين!! **نقاط على السريع أين دور التواجد الأمني بأماكن مهمة وطرق مهمة !! هل عدم وجود معلومات كافية للمجرمين تعني إغلاق القضية!! اترك الحديث لكم واعذروني على عدم ترتيب الموضوع وجاهز لأي سؤال انتظروني بالحدث الثاني الذي حدث لي باليوم التالي مباشرة محبكم |
أعوذ بالله وش ذا !!! والله من ناحيتي أنا يجي مباحث ولا خرابيط سياره غير رسميه ما اوقف له لو يأذن طبعاً اذا كنت لحالي وعارف اني ماراح اقدر ادافع عن نفسي طبعاً انا بقول لك الخطأ منك تدري ليه ؟ لأن مافيه احد بياخذ لك حقك. حقك إما تاخذه بنفسك ولا محد بيطق لك خبر ودامك ماجبت رقم اللوحه من المستحيلات انه يطلعوهم الحمدلله على السلامه هذا أهم شي وانتبه مره ثانيه وعسى ربي ييسر أمرك |
تستـــاهــــل الســـــلامـــــة .... و انشــــا اللـــــه الحـــدث الثــــانـــــي مفـــــرح .... |
:to: متعودين من الدوريات ماتجي الا متأخره :ranting: اهم شي انت بصحه وسلامه :rose: وباانتظار الحدث الثاني وان شاء الله يكون مفرح :s2: |
اولا الحمد لله على السلامة.. والله يكون بعونك اكيد كان قلبك يرقع .. والله يلوم اللي يلومك.. على العموم ننتظر التكملة اخوي. http://farm3.static.flickr.com/2117/...e99c3420_o.gif |
الحمد الله على السلامه عوافي يا الغلا |
اخوي حزين الحمدلله على السلامه انا ودي ادري وش دور الدوريات المفترض والواقع والمعمول به انهم يدورون في كل احياء المدينه لكن مانقول الا حسبنا الله ونعم الوكيل عبدالرحمن |
إقتباس:
الله يسلمك يااارب إقتباس:
الله يسلمك يااارب |
إقتباس:
اللهم لك الحمد وشكرا لمرورك إقتباس:
الله يسلمك ياارب |
إقتباس:
إقتباس:
والطامة الكبرة بتقرها بالتكملة ان شاء الله |
الحدث الثاني والذي حصل لي باليوم التالي مباشرة والحمد لله على كل حال قمت ظهر اليوم التالي للحادثه السابقة بمراجعة مركز الشرطة لمتابعة باقي الاجراءت وما صدمت منه عندما بلغوني انه لايوجد معلومات كافية عنهم ولا يوجد إلا حل واحد فقط هو أن أقوم إنا بالبحث عنهم شخصيا وعندما أجدهم أقوم بإبلاغ الدوريات الأمنية... بصراحة ماقوله لاتعليق بقوووة اجل إنا أقوم بالبحث عن المجرمين!!! وبعد خروجي من المركز حاولت انسي الموضوع ولأكن ماقدرت لأن إلي حصل والله يغبن الواحد فقمت بالليل بالبحث عنهم ولا اقعد انتظر الشرطة إلي ما منها أي فائدة.. وكنت متجه من خلف طريق أسكان الخبر بالقرب من الحديقة وهنا أشغلني الجوال وما أدارك ما الجوال وخاصة إذ كان البلاك بيري فانشغلت بالجوال وكأني لا أسوق السيارة وفي لحظة ما انتبهت إلا بوجود منعطف إجباري يمين وكانت سرعتي تتخطى 160وهنا حدث ماحدث ولم أعلم إلا وانأ بالهلال الأحمر.. واحمد الله عز وجل اني لازلت على قيد الحياة فمن يرا السيارة يستغرب وجود أحياء لأنه ارتطمت بكامل الرصيف وأكملت الارتطام بنخله خلف الرصيف ما سأتكلم فيه بالحادثة الثانية *الجوال وما أدراك ما الجوال والى متى الحوادث بسبب الانشغال بالجوال * في وقت الشدائد يبان الرجال والي بان لي بها الحادث الزملاء إلي وقفو معي من أول ماحدث لي الحادث إلى ماخرجت سليم معافى ولله الحمد والصدمة عندما انصدمت بشخص كنت أعتبره اقرب شخص لأكن بوقت الشدة طلع العكس وكنت متوقع ها الشي من زمان منه وسبحان الله كان الحادث خير أثبات لي لهذ الشخص ولاتعليق عليه بصراحة دام تفكيره بالمصالح فقط !!!! اترك المايك لكم يالغالين واشكركم جميعا |
أول شي حمدالله على سلآمتك والله قصتين موجعة الله يعوضك إن شاء الله |
الحمدلله على السلامه بالمواقف الصعبه تبان معادن الرجال صديقك من صدقك لامن صدقك(تشديد الدال) ننتظر القصه الثالثه على احر من الجمر وجعلها اخر المصايب تقبل مروري عبدالرحمن |
.. القصه الاولى ..: ما قد جو الدوريات بسرعه < يمكن يكملون فطورهم ؟؟ .. الحمد لله ع سلامتك وان شاء الله يلقونهم .. اما القصه الثانيه :: هذي كثير تصير .. واخر مره صارت مع عمي كان لاهي بالجوال وبالدائري بعد .. رفع راسه الا قدامه ذاك الباص .. بس ربي ستر وصارت خفيفه الصدمه .. ع العموم الحمد لله ع سلامتك .. |
لاحول ولاقوة الابالله العظيم ما اقدر افيدكـ الا بالدعااااء فالله ييسر امرك ويكفيك الشر |
الوقت المعتمد في المنتدى بتوقيت جرينتش +3.
الوقت الان » 06:49 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd