عندي مشكله في الايميل - نادي الهلال السعودي - شبكة الزعيم

زلـفـآوي ҢĺĿαłĿ · #1 23/07/2010, 06:08 PM

السلام عليكم ورحمه الله وبركاته ..

عندي مشكله بالبريد الرسائل له اسبوع واقف ولا تجيني اي رساله عن طريق البريد مدري ليه (هوتميل) ..؟
يعني القروبات اللي ترسلي والشباب اللي يرسلون ماتجيني رسايلهم . فياليت تساعدوني في هالمشكله
ابي وش اسوي الحين على شان تجيني الرسائل عن طريق البريد ..
مع العلم الحين له اسبوع ونص ماتجيني ولا رساله

والله يجزاكم خير وماتقصرووون

دوق فليد · #2 23/07/2010, 08:20 PM

غريب هل سويت حظر لهم ونت ما تدري..؟؟

جرب ارسل رسالة لنفسك وشوف توصل لك ولا لأ

يعني أرسل راسلة فاضية أو فيها أي كلام لنفس عنوان بريدك الالكتروني (ومن نفس البريد) ورد علينا

احساس مجنون · #3 23/07/2010, 09:52 PM

.

* تاكد ان الايميل ماسوا له اعاده توجيه لبريد ثآني ..

* يفتح الوارد ؟

زلـفـآوي ҢĺĿαłĿ · #4 23/07/2010, 09:57 PM

إقتباس

الرسالة الأصلية كتبت بواسطة احساس مجنون


	. * تاكد ان الايميل ماسوا له اعاده توجيه لبريد ثآني .. * يفتح الوارد ؟

ايه يالغالي يفتح الوارد والغير هام وكل شي عادي وارسل لنفس الاميل وتجي الرساله
بس اي واحد يرسلي ماتجيني الرساله منه يجيه انجليزي وهذا هو
This is an automatically generated Delivery Status Notification. Delivery to the following recipients failed.
بعدين مكتوب اميلي بالرساله

زلـفـآوي ҢĺĿαłĿ · #5 23/07/2010, 09:55 PM

اول شي تسلم على الرد يالغالي

والحين إذا ارسلت رساله من نفس البريد لنفسي تجي عادي
بس ارسل من اميل ثاني للاميل المقصود ماتجي مدري ليه

الحين انا ارسل من اميلي الثاني للاميل المقصود بعدين تجيني رساله على البريد (الاميل المرسل) كلها انجليزي وهذي هي

This is an automatically generated Delivery Status Notification. Delivery to the following recipients failed. < بعدين مكتوب اميلي (المرسل اليه )

وكل العيال اللي يرسلون لي يقلون تجينا هذي الرساله
وانتظر ردكم وشكرا ..

دوق فليد · #6 23/07/2010, 10:25 PM

أخوي زلفاوي هل أنت كنت تقوم بإرسال رسائل كثير

يعني حصل وإنك أرسلت رسالة مثلاً وحدة إلى مستخدمين كثير..؟؟

زلـفـآوي ҢĺĿαłĿ · #7 23/07/2010, 11:00 PM

لا والله قليل ارسل مررره

بس مدري وشفيه كذا

زلـفـآوي ҢĺĿαłĿ · #8 24/07/2010, 01:18 PM

ياليت تساعدوني

بريدي الهوتميل مايستقبل رسائل مررررررررره

دوق فليد · #9 24/07/2010, 02:19 PM

أخوي زلفاوي الرسالة هذه

This is an automatically generated Delivery Status Notification. Delivery to the following recipients failed

فقط تقول لك بأن الارسال فشل..!!

المفروض يكون في كلام بعدها يوضح نوعية الفشل في الإرسال هذا

أنا جربت يوم أمس مشكلتك على إيميلي وسويت حظر ولكن استمر يرسل وتوصل الرسائل عادي بعد ما يطلع مربع حوار للسبام فعشان كذا سألتك إذا كان إنك أرسلت رسائل كثير فعندها تكون الشركة نفسها هي اللي سوت لك حظر

زلـفـآوي ҢĺĿαłĿ · #10 24/07/2010, 02:39 PM

اخووووي دوق فليد مشكور على المرور

والحمد لله زان وضبط الحين يستقبل رسائل
جلست الظهر على البريد ومسحت كل الرسائل اللي فيه سواء المقروئه او الجديده
والحين يقبل اي رساله تجيني الضاهر كان معلق او فل رسائل او مدري وش فيه

بس الحمد لله انه ضبط واشكر كل من رد على موضوعي
تحياتي لكم ...

احساس مجنون · #11 24/07/2010, 10:00 PM

.

مشكله غريبه

والاغرب ان هالمشكله تطلع وقت مايكون الايميل غلط !

الاهم ان المشكله انحلت

نــيـــ 5 ـــســــان · #12 28/07/2010, 04:02 PM

طيب انا عندي قريب من هذي المشكلة . . الرسائل تذهب بشكل طبيعي إلا شخص واحد فقط يرفض البريد توجيه الرسائل له . . وتعود الرسائل الموجه له . . هو ما عنده مشكلة يستقبل الرسائل من الكل

M.A.G · #13 24/11/2011, 01:40 PM

انا اميلي يرفض الي رساله
ما يستقبل ولا شي

ويطلعلي رساله يقولون هل تريد الحصول على بريد مباشر في هوتميل