بسم الله الرحمن الرحيم

هذا خامس تعليق لي عن مباراة اليوم , وهالرد راح اتكلم عن ظاهره متكرره معي , التوتر والارتباك في المباريات
الكبيره , وخذلك توقعات وتخيلات , بصراحة التشجيع مثل كذا يتعب النفس ويرهقها وساعات اجلس مع نفسـي
واقول كل هالتعب والتوتر على ايش علشان كوره , حسيت نفسي سخيف , الوضع اللي انا اعيشه وضع مزري
ومهما كان تضل كوره لكن وش اسوي مع نفسي عجزت كل يوم اقول راح اتابع الكوره كـ لعبه جميله وممتعه
لكن اللي اشوفه اني اتعلق فيها يوم بعد يوم , مسئلة الخوف والرهبه والارتباك تكرر معي كثير وخصوصآ لما
نلعب مع البارسا حتى لو كنا الافضل وظروفنا الافضل تضل مباراة كبيره , ووصل هالشي لدوري الابطال ..

فيه انديه اكرهها ومن ضمنها ميلان وباقيه الانديه الايطاليه , مانبي اطيقهم ماخذين في نفسهم مقلب واحنا
اسياد الكره , هذولا ودك تهجدهم لكن الريال من تالي صار صغير امامهم واي خساره من فريق ايطالي تتضاعف
الاحزان والهموم , ما انسى هزيمة الميلان الموسم الماضي والله يا اني حقدت على الفريق , خصوصآ ان الظروف
كانت كلها مع الريال , وفي الاخير نخسر بشكل سيء من نكبات كاسياس ومارسيلو .. يتذكر هدف باتو الثالث



,,



عالعموم لي طلب مهم وغالي تكفون

كيف اتخلص من الارهاق والتوتر والارق اللي يحصل معي بكل مباراة كبيره , تشوفون ان حل اعتزال التشجيع جيد

جات اهم مباراة منز بداية الموسم .. طبعا المباراة اهميتها في كونها تجمع الريال مع فريق كبير فقط وليس لانها مع ميلان او ان ميلان جايب للريال ام الركب لاني لاحظت بعض الميلانيين ماكلين مقلب في خوف المدريديين من المباراة مع فريقهم .. مشكلة مدريد هي العقدة من المباريات الكبيرة حتى ليون صاير عقدة ماوقفت على ميلان مع احترامي .. صحيح ميلان فريق كبير واكبر فرق اوروبا بعد الريال لكن تظل مشكلة الريال نفسية اكثر من كونه ميلان او غيره .. حتى هزيمة العام الماضي ماولدت عندي اي شيء ضد الميلان لان الريال هزم نفسه بنفسه .. مشكلتنا ننسى بسرعة ولا الوضع العام الماضي في الذهاب والاياب بالنسبة للميلان كان مزري والريال كان افضل في الثنتين ولا لو يلعب الريال اليوم المباراة بنفسية مرتاحة وواثقة ولوقدر مورينيو يحط في اللاعبين ان هالمباراة زيها زي مباراة ملقا او اي مباراة في الدوري راح ينوكل الميلان سلام سلام .. اللي يخوف صحيح كمستوى من جد هو البارشا لان من جد حتى لوفريقي في افضل حالاته النفسية يضل فريق صعب هالسنتين وباعتقادي هو الافضل ثم ياتي فراغ كبير بعدين الريال وتشلسي والفرق هذي .. وبالنسبة للي يتحدث عن هيبة ميلان فهذي مع احترامي شيء مضحك اجل فريق ياكل اربعة من المان هذا غير انه انهزم في ملعبه ويصير هيبة .. لكن اقدر اقول الريال هو من فقد هيبته

^^

اللي فوق كانت بربسة على العموم انسوا الموضوع

إقتباس عالعموم لي طلب مهم وغالي تكفون كيف اتخلص من الارهاق والتوتر والارق اللي يحصل معي بكل مباراة كبيره , تشوفون ان حل اعتزال التشجيع جيد

اخوي حاول تقلل من اهتمامك بالاخبار وتقلل من النقاشات مع المنافسين لا تترك تماما لكن قلل صدقني مااقوله عبث لكن على ماقالوا اسال مجرب

الحين من جدكم خايفيين من الميلن و بالبرنابيو
اجل لا رحتو للكامب نو وش بيصير لكم خ خ خ خ خ


أقول روّق المنقا انت وياه تراكم تشجعون الريال
المباراة في المخبات الا اذا صار شىء موب طبيعي

تراه في الاول و الاخير ميلان احترم تاريخه و احترم عراقته
لكن ميلان الحقيقي انتهى برحيل اخر الرجال المحترمين (شيقا)

العام ميلان كان فريق عادي جدا و هـ السنه ما يختلف كثير اللهم ابرا و روبي
يعني الدفاع هوا هوا و الحراسه هيا هيا
ميلان ما عاد يخوفني كمشجع في اي مباراة الخسارة وارده و الفوز كذلك
يعني الريال ممكن يخسر من اي فريق (في مستوى الميلان او حتى فرق اقل من الميلن)

اللي ابي اقوله تخافون من ميلان ع أيش ؟!!!!

الفريق 11 لاعب موب روني و ابرا و باتو
2/0

إقتباس الرسالة الأصلية كتبت بواسطة Madrid Magic أميليّا وش هو من لحيّة ؟ شكله جيد بس على نفسه خخخخ ..

اميليا كان احتياط لبوفون في الأتزوري

بس مادري العام او اللي قبل العام

المهم المستغرب منه مدرب الميلن راكننه احتياط على حساب الأقرع ابياتي !

حارس كبير صراحة بس حارسنا اكبر

أهلاً بالملوك .. أبناء الميرنجي

بصراحة حبيت أسلم عليكم قبل المباراة الغير مصيرية
وأسجل استغراب ودهشة من ثقتكم الزايدة في المباراة
يعني أنا دخلت من شوي وقريت كم صفحة من الأخيرات
وشفت رغبة شديدة من الأغلبية بالإنتقام من مباراة الموسم الماضي
وشوي استنقاص من قيمة الميلان وشيبانه .
اللي أحب أقوله لكم يا ليت ما تندفعون كثير بالترشيحات
ثم إذا خسرتوا وجيت أدوركم بعد المباراة ما ألقى ولا واحد فيكم
يعني بيني وبينكم المباراة بدور المجموعات
الأهم أن الريال يخطف النقاط الثلاث بأقل الخساير
والميلان لو حصل له نقطة من البرنابيو خير وبركة
ولو قدرنا نآخذ الثلاث كلها فهذا من فضل ربي والحمد لله
يعني كذا ولا كذا أتوقع نتأهل سوا لدور الستة عشر بإذن الله .

ويا ويلكم مني لو تخسرون اليوم .. تحملوني لأني بأهايط عليكم
الموسم الماي مشيتها لكم ، لكن الموسم هذا ما أظن .

بالتوفيق للجميع في الظهور بمباراة ممتعة تليق بالمشاهدة

إيه صح قبل أمشي ، كأني سمعت أحد يتكلم عن الفرق الإيطالية وسيادتها الأوروبية
وأنه مو مقتنع بهالشيء ، يا ليت نحتكم للأرقام قبل أي لغة ومنها لغة العاطفة

خذوها مني الفوز للريال ان شاء الله