مساكم الله باالخير حبايبي عشاق الزعيم

انا هاا لمرة راح اتكلم بالعاميه عشان أخذ راحتي في الكلام..,,,,.,,.,.,.,

انتم اكيد شفتوا مباريات الهلال الاخيره ورغم انة فاز في مباراتين الا ان هلالنا ليس هلالنا اللي نعرفه وتربينا عليه وعشنا معاه من يوم وحنا صغار.

خلنوا ناخذ مبرايت الهلال وحده وحده:

الاولى مع الرائد وفاز فيه الهلال باالطقاق مع تخبصات العالمي مات وخلانا ( ماتورنا )
وعدينها ها المباراه وقلنا يمكن اول مباراه المستوى اكيد بيرتفع المباره الجايه مثل باقي الفرق.

الثانيه مع الطائي وفزنا فيها بعد بشق الانفس وأكيد بتخبصات العالمي والمجموعه اللي معه اللي بعدين راح اتكلم فيها.

الثالثه مع القادسيه وللأسف انهزمنا بعد ماكنا متقدمين بهدف العالمي خبز الصامولي ( صاموليا)
وبتشكيله غريبه بلا خطه ولا تنظيم ولولا الدعيع كنا انهزمنا بأكثر من كذا.

مبار البارحه آآآآآآآآآآآآآآآآآآآآآآآآآه من مباراة امس والله كنت معزوم وكنسلت العزيمه عشان هاالمباراه وياليتني رحت ولا شفتها..,..,

اكيد تفاجأتم بمشاركة الجابر اللي أحس انه يلعب وهو مغصووووووووووووووب؟؟؟؟

من اول مابدت الامباراه وانا عندي إحساس انا اليوم ماهو يوم الهلال,, وانا ماجاني هالإحساس
إلا من بعد ما شفت التشكيله الغبيه والغريبه واللي بدون خطه اصلاً.

اجل وشلون يلعب بثلاث مهاجمين وهو ماعنده نص يمول لهم كور ؟؟؟؟؟

وشلون يلعب بخمسه مدافعين وهو لايملك أظهره تهاجم في الهجمه وتدافع في عن مرماها؟؟؟

وينك يالدوخي وينك يالصويلح وينك يالرشيد وينك يالجري؟؟؟

الا على طاري الجري ليه ملعب أمس؟؟؟؟؟

بس البارحه بصراحه ابدع عمر الغامدي زيدان الا يقلد زيدان قاعد يلفلف بالكوره...

وماننسى بندر المطيري روبرتو كارلوس كور مقطوعه وبرود في الملعب والله مايستاهل الاحتراف حده دوره رمضانيه وفي فريق القريه الرياضيه بعد...

هذولي كوم وخالد عزيز نستا كوم بالله هذا لاعب والله هذا حرام يلعب في نادي مثل الهلال هذا حده
يشتغل في حديقة الحيوان مو كنه يشبه........ والله اقول الله هم اني صايم.

والله ذالاشكال هم اللي بيدمرون الزعيم
الله يذكرك بالخير يانواف انت والتيماوي وتوليو.

نرجع للدفاع

عبدالله سليمان ياليت ترجع لفريقكم احسن اجل امس يسحب فيك البرازيلي كوستا
ليما عضيت الارض.... ( دولي)

خليل بصراحه انت مبدع واظن هالكلمه تكفي.

سامي مع انها اول مباراة لك ومع انك لاعب وانت مغصوبومع انك ضيعت فرصه ماتتعوض
بس مع انها اول مباراة بس مستواك كويس..,,

الخراشي انتبه من الغرور لأنه مقبرة الاعب...,,,

صاموليا يبيله شوي مع انه ضيع فرصه مايضيعه راكان ولد اخوي بس نصبر عليه شوي...

ماتورانا ارحل غير ماسووووووووووووف عليك لا بارك الله فيك ولا يجزاه خير اللي جابك..


أخواني هذا حال الهلال والله حرام من جد امس قعدت ابكي من القهر الطائي يهزمنا لا وفي الرياض

وحنا اللي هزمنا بالسته قبل شهوووووووووور.

الهلال يضيع يضيع يضيع يضيع الحقوا عليه قبل لا يطيح الفاس في الرأس

وبكره يقعدون يتشمتون فينا اللي يسووووووووووون واللي مايسووووووووووووون.

وتمسوا على خير..

وكل عام وانتم طيبين وهلالنا بخير.,.,.,.,,.,


عاشق هلال الماضي

سيمو