تبي الصدق عاد

والله التعليم اسوء منه مافيه


وزارة التربيه والتعليم ضيعت التربيه والتعليم

مثل الغراب اللى ضيع مشيته ومشيت الحمامه


والله لا تعليم وضمان لمستقبل الخريجين ولا دور ريادي في الحياه عامه

ما اقول الا الله يعين عيالنا لا جو اكيد بتكون الحياه اصعب من دحين

لان لسا احنا جالسين نعاني من جهل المتعلمين الا المتسبب فيه بشكل مباشر هو الكسل وضعف الضمير

يعني كل واحد من المسؤلين ضامن ولده بيتعلم في مدرسه خاصه وهو الواسطه في ابتعاثه وبيوظفه كمان بالواسطه

وش عليه في باقي الناس

((((( لو يفكر المسؤول منهم وينظر لكل طالب انه ابن من ابنائه ويحرص على مصلحته كان الوضع تغير )))))

تحياااااتي

الله يكون بعونكم ان شاء الله ..والله قهر هالقدرات

لو يقللون بس النسبه اللي تحسب بالمعدل كان عادي

كلما قلنا صار فيه تغيير صار تغيير للأسوء ,,

قلوبنا معاكم

الله يسهل عليكم بس..........

شـاكر..للجميع تشريفهم..موضوعي

الله يقلعهم حسبي الله عليهم ونعم الوكيل

اتحداك المسأله اللي كتبتها اتحداك يحلونها ههههااااااااااي اصلاً هالمسأله مالها جواب

يا انو انبط بط على هالقرارات امي وابوي يقولون وين طموحك يوم انك صغيره كنتي شاطره وذكيه ليش تغير مستواك اقولهم روحو اسألو من حط هالانظمه هو اللي هدم طموحي وكرهت الدراسه كره العمى الله يعميهم

بس والله امنيتي اشوف اللي حط هالقرارات قدام عيوني والله ما اخليه مدري وش بسويبه

ولا ياحياتي على هالمعلمات بعد كل يوم يداومون هم ما عندهم شغل وش استفادو هالوزراه ونظامهم الا تبذير واسراف هم الحين قدوتنا ويحثونا على عدم الاسراف ومع ذلك يخلون معلماتنا يدامون من دون نفع مكيفات تشتغل وانوار . .

ياخي اقولك قرارات فاشله احس انا لو بمسك الوزاره بعرف احط انظمه انما ايه

انا انسانه يثور دمي لما اشوف زي كذا

تقبل مروري

مب لحالك..يابنت فهد..حتى انا بعـد

باسكن..اوما الجامعه الي نبغاها أبطت..لحين صااارت سعوود حللللللم

يالغالي .
الناس مرو بالي مريتبه ومشو...
وش الفرق بينك بينهم
هل ينقصك شي عنهم ...ما انوقع
واما القياس والتحصيلي ..هي
الي تبين الطالب الذكي من غيره ..
فيه واحد الله يذكره بالخير ..
جاب بالتحصيلي والقياس كلهن فوق التسعين..
وشي يقهر اذا كان واحد بهالذكاء ..وتروح تاخذ
نسبه الثانويه بس..
اما الثانويه ادخل اهليه وجب 99.99..
الثانويه مب مقياس ...
انا اكلمك وانا مار بالتجربه ..
بحكم اني لسنه هذي
عديت التحضيريه ..
سي ياا

إقتباس يالغالي . الناس مرو بالي مريتبه ومشو... وش الفرق بينك بينهم هل ينقصك شي عنهم ...ما انوقع واما القياس والتحصيلي ..هي الي تبين الطالب الذكي من غيره .. فيه واحد الله يذكره بالخير .. جاب بالتحصيلي والقياس كلهن فوق التسعين.. وشي يقهر اذا كان واحد بهالذكاء ..وتروح تاخذ نسبه الثانويه بس.. اما الثانويه ادخل اهليه وجب 99.99.. الثانويه مب مقياس ... انا اكلمك وانا مار بالتجربه .. بحكم اني لسنه هذي عديت التحضيريه .. سي ياا

والله..عرفني عليه ..اذا فيه واحد كذا ..بعدين .. وشو الجيل الي مر بالي حنى مرينـا فيه..؟

من يوم نزلو هالأنظمه ونسسبه البطاله تزداد ..وانت تقولي احسـن لنا ..أحسن لنا مع وين..؟ بس

والله بصراحة شيء يرفع الضغط من جد , أنا ما حسيت فيها إلا يوم طلعت نتائج التحصيلي , واحد من خوياني في الثانوية كنت أفضل منه , وشاد على نفسي , والحمد لله جبت نسبة جدا كويسة , وهو جاب أقل مني بواجد , جاب بالتحصيلي درجة أعلى مني , وصارت النسبة المركبة حقه أعلى مني , وفي الجامعة بيصير مقدم علي بالقبول ...

صرت أقول جيبوا أسئلة الوزارة عشان يبان الفالح من الطالح ؟؟

سنتين كارف على نفسي , بعدين في النهاية يومين يحدد مصيرك , وليتها يومين بعد , ثلاث ساعات ونص للقدرات , وثلاث ساعات ونص للتحصيلي .. !! في القدرات بعض الأقسام يجي لك مثلا 26 سؤال في القسم , والقسم 25 دقيقة , يعني السؤال الواحد ياخذ منك أقل من دقيقة , والدوائر حقهم تظليلها يبي لك 15 ثانية , يعني تفكيرك بالسؤال مع قرائته وإستيعابه تجي تقريبا 30 ثانية

وعاد في إختبار التحصيلي , يجيبون أسئلة من أولى ثانوي , بالله أنا وش عرفني بأولى ثانوي , شيء درسته قبل ثلاث سنين , تجي تختبرني فيه بعد ثلاث سنين .. !!!!!

الله يعيننا ويصبر الأجيال القادمة على مثل ذي القرارات ..

إقتباس الرسالة الأصلية كتبت بواسطة مهبول ترافيان يالغالي . الناس مرو بالي مريتبه ومشو... وش الفرق بينك بينهم هل ينقصك شي عنهم ...ما انوقع واما القياس والتحصيلي ..هي الي تبين الطالب الذكي من غيره .. فيه واحد الله يذكره بالخير .. جاب بالتحصيلي والقياس كلهن فوق التسعين.. وشي يقهر اذا كان واحد بهالذكاء ..وتروح تاخذ نسبه الثانويه بس.. اما الثانويه ادخل اهليه وجب 99.99.. الثانويه مب مقياس ... انا اكلمك وانا مار بالتجربه .. بحكم اني لسنه هذي عديت التحضيريه .. سي ياا

صدقت والله
انا اعرف واحد يشتغل بالقياس

طبعا كنت مثلكم والله اسب والعن بالقياس

بس قالي كلام اقتنعت مع اختبار القياس

وراح اكتب موضوع شامل عنه قريب

بالنسبه للنسبه زي ماقال اخونا الثانويه تقدر تجيب نسبه كويسه من مدرسه اهليه بس الاختبار الحقيقي بالقدرات