STC والحد الائتماني - نادي الهلال السعودي - شبكة الزعيم

ابو ايمن العمري · #1 15/07/2010, 04:51 AM

بسم الله الرحمن الرحيم
رحت لمكتب STC بطلع شريحه عام قالولي ب100 ريال بس تنزلك على الفاتوره قلت عادي مافيه مشكله
وعطوني ورقه وش طولها وش عرضها وعبيتها وعطيتها الموظف وقالي الموظف كم تبي الحد الااتماني للفاتوره قلتله 500 وعطاني الشريحه وطلعت الشريحه وركبتها بالجهاز وطبعا انا ماصبر عن النت واشتركت بباقه الانترنت المفتوحه بـ300 وبعد شهرونص جاتني رساله منSTC رساله مدري كيف
عزيزي العميل لقد تجاوزت حدك الائتماني وفاتورتك هي 1485.55 ريال
وانا استغرب كيف احط حدائتماني 500 وتجيني الفاتوره الف واربع ميه وخمسه وثمانين
واتصل على 902 واكلم الموظف وقلتله
كيف احط حد ائتماني 500 وتجيني الفاتوره الف واربع ميه وخمسه وثمانين
قالي الحد الئتماني للمكالمات فقط
قلتله طيب انا يوم طلعت الرقم قالي الموظف كم تبي الحد الائتماني للفاتوره ماهو للمكالمات
قال لا الحد الائتماني للمكالمات فقط
قلتله يعني لو تجي الفاتوره عشره الاف عادي قالي عادي
وقلتله طيب ليه ماتحطون بعد حد ائتماني للرسايل وحد ائتماني للنت
وقلتله طيب كيف جاتني الفاتوره كذا قالي بسب النت قلتله طيب انا مشترك بالبافه المفتوحه
قالي الباقه شهر وتنتهي قلتله طيب دام انتهت ليه ماارسلتولي رساله انها انتهت مافال شي واصك الخط
وقلت حسبي الله ونعم الوكيل

هِلاَليْ مَدْرِيْديْ · #2 15/07/2010, 03:26 PM

اهم شئ ما تكون بأسم
ولا بتروح فيها

ابو ايمن العمري · #3 16/07/2010, 02:14 AM

إقتباس

الرسالة الأصلية كتبت بواسطة هِلاَليْ مَدْرِيْديْ


	اهم شئ ما تكون بأسم ولا بتروح فيها

هاذي المشكله الشريحه بأسمي لاكن ماني مسدد ولا ريال

إقتباس

الرسالة الأصلية كتبت بواسطة أزرق والقلب أبيض


	يارجال الحين ماتحصل احد يهتم في العميل او الزبون يهتمون كيف يسلبون منك الريال

والله انك صادق

أزرق والقلب أبيض · #4 15/07/2010, 03:35 PM

يارجال الحين ماتحصل احد يهتم في العميل او الزبون

يهتمون كيف يسلبون منك الريال

B 6 O 6 · #5 17/07/2010, 11:03 PM

تدري ليش .. لانك عميل STC

هذا أولا ..

وبعدين ليش ماقلت للموظف يوم تطلع الشريحة ابي الفواتير جيني شهرياً موب شهرين ..

بس الله يخلي لنا موبايلي الي من جد عالم من اختياري ..