اول شي يعطيك العافية على الموضوع اللي جا في وقته ، لاني صرت امل من قسم الرياضة العالميه من كثر مافيه كلام عن فلان وعلان .. لكن في اسباب خلت الناس تشجع بهالطريقه والسبب الاهم بالنسبة لي انا اننا سعوديين .. في فرق لما تنشأ واهلك يشجعون الهلال او النصر او اخوياك او خوالك وعمانك فمن الطبيعي بتحب الفريق خصوصا ً اذا كان في المدينه اللي انت فيها وحضرت له العديد من المباريات .. لكن فريق في اوروبا لا نشأت على عشقه ولا كان فيه قنوات تنقل الدوريات بهالشكل ولا فيه منتديات تتابع اول باول اخبار هالفرق !!


ولنا في حب البعض لبرشلونة بسبب ريفالدو واستمر عشقهم له وفي ناس حبت البرشا عشان رونالدينيو .. ولنا في جمهور الريال مع فيقو وزيدان .. ولنا في جمهور الارسنال مع هنري وايضا ً الميلان مع كاكا ..


الاشياء هذي ماهي جديده لكن ما كانت بهالانتشار ..


عموما ً انا ضد هالسياسه في التشجيع تماما ً .. كون ان الانديه اللي تنحب لتاريخها لشعبيتها ولاعبينها و لحاضرها وليس للاعبين الجيل الجديد ..

وبصراحة شي مؤسف لما اشوف رونالدينيو 2005 واشوفه بعد 5 سنين واشوف كاكا 2007 واشوفه الان واشوف رونالدو في 2008 واشوفه في كاس العالم ..

الجيل هذا تغير فيه جودة اللاعبين اللي ما تستمر على مدى طويل .. يعني انا شفت زيدان من 98 الى 2006 .. ما تغير علي كثير ؟ .. شفت نيدفيد من 2002 الى 2009 ما تغير ؟

ولو بتشوف كتاريخ مارادونا وروبي باجيو وبلاتيني و رونالدو وغيرهم الكثير .. النجوم اول مستواه نفسه الى ان يشيب .. الان اللاعب ينتهي وعمره ما تعدى 28 سنه !




كني شطحت عن الموضوع شوي لكن اللي احب اقوله شجع اللي تبي وغي رايك كل شهر بس لا تجي تنشب لامي في نقاش في فريقي او في شي انا متابعه على مدى طويل وانت توك تدري عنه !



يعطيك الف عافيه