لماذا تخاف على اختك من استخدام الان

هذه قضيه اضعها بين ايديكم....

نسمع ونشاهد الكثير من الأخوه يعارضون ويمانعون بل ويحرمون استخدام اخواتهم لشبكة الانترنيت...بالرغم انه يقيم الدنيا ويقعدها في حالة ان منعه والداه من ذلك...

البعض يقول لمصلحتها؟ دون ابداء الاسباب ولا يريد اي نقاش ..
واخر يقول خوفا ومحافظه عليها.....
واخر يضع شروطا وضوابط لذلك...وخاصه في حالة صغر السن...

**

من اي الفئات انت؟؟

وهل نستطيع ان نقول ان البعض يسيء استخدام الشبكه في الأمور المشبوهه فيخاف ان يكون الوفاء من أهله ؟

مما تخاف على اختك؟ وبصراحه؟ وهل تعتبر المنع هو افضل الحلول التي توصلت اليها....

سأترك لكم حرية ابداء الرأي دون احراج



م
ن
ق
و
ل

الحمدلله اني اكبر راس بالبيت امر وانهي الا اذا الوالد هنا معناه ريد مو بالبيت؟؟!!
بس صراحة بالنسبة لي انو الشباب اللي يمنعون خواتهم من استعمال النيت ماعندهم سالفة..
يعني اهو يكلم مليون بنت بالماسنجر ويمكن حتى مرقم لة سبعين ومسوي ديت مع 50 وبالاخير اختى مايرضى لها انها تستعمل النيت طيب لية؟؟
تغار عليها؟؟
هاذي مو غيرة هذا شك عدم ثقة او لقافة..
انت واهي تربيتوا في نفس البيت يعني نفس التربية ويش اللي يفرق؟؟
انت ولد تقدر تمسك حالك من الحرام واهي لا؟؟
مع انو نسبة الانحراف في الشباب اكثر منها في البنات مو لان الشباب صاكين على خواتهم وماسكينهم لا لان البنت عارفة ويش اللي راح يصير لو في يوم سلكت الطريق الخطاء اما اللود عادي لانة راح يسوي اللي يبي ومحد راح يدري؟؟
بالنسبة لي مالة سبب مقنع..وهالولد اللي حارم اختة من الينت ماعندة سالفة الا ذاا اهي استعملتة وغلطت وقتها يكون عنده حق..

تحياتي لك اخوي..

مشكووووووووووووور اولا على موضوع اللي ما اظن انه حساس ومهم....

بالنسبه لي انا ورايي...اقول اذا كانت ستستخدمه...في اشياء تفيدها لا امنعها ..اما للسواليف والمشاركه بمنتديات امنعها....
بتسئلون ليش وش السبب...
اولا النفس اماره بالسوء....
بعدين يا اخوان انظروا حال الشباب على النت....واحكموا بانفسكم....
مثلا خذ انا سجلت في كم منتدى ووضعت الايميل بالتوقيع واسمي متعقد منه لان كثير يحسبني بنت....واول ما سجلت والله اشوف كثيييرين اللي يضيفوني بالماسنجر على بالهم اني بنت....ويوم قلت يتفاجئون ويحاولون تبرير مواقفهم....

والرد على الاخت او الاخ redheart....والله لي تعليق بسيط على كلامها...ولا يزعل...

إقتباس انت واهي تربيتوا في نفس البيت يعني نفس التربية ويش اللي يفرق؟؟

لا اوافقك لان اصلا تجدين بالبيت الواحد تناقض باسلوب وطريقة الاخوان...واصابعك مو مثل بعض والا لا;)

إقتباس مع انو نسبة الانحراف في الشباب اكثر منها في البنات

انا اخف على اختي من هؤلاء الشباب المنحرفيييين...
[c]تقبلوا تحياتي





[/c]

بصراحه كل شيء يعتمد على الثقه والتربيه

لأن التربيه هي الاساس ,,,,, وإذا كانوا الأهل( واثقين من تربيتهم) لبنتهم صح راح يوفرون لها

الانترنت ,,,,,,,,, وصدقوني مستحيل ,,,,,, تخون البنت الثقه ألي عطوها أهلها

أول شي مشكووووووور على الموضوع

ثاني شي بالنسبة للموضوع

ألف الحمد لله إني أكبر وحدة و ما عندي ولا أخو بس خوات.........

أما بالنسبة لتحكم الاخو بإخته و ان ما يخليها ادش النت فآنا مو معاه لأن مثل ما هو يدش من حقها هي ان تستخدم الانترنت ...يعني هو نفسه مو امارة بالسوء و اخته نفسها امارة بالسوء؟! ترى من حق كل شخص أي كان بنت و لا ولد إن يستخدم الانترنت سواء يشارك بمنتديات ليعرض آراءه و أفكاره اللي يمكن ما يلقى من يسمعها بالبيت ...لعدة اسباب يمكن اللي بالبيت ما عندهم نفس ميوله ...فهو محتاج إن يخرج أفكاره و آراءه و يعرضها للناس عبر النت........

قد تختلف وجهات النظر بالنسبه لهذا الموضوع ..

لكن مثل مالولد يدخل النت للفايده ... برضو اخته تدخل النت للفايده ..

ومثل ما هو يدخل النت يستانس يسولف يسجل في منتديات ... برضو اخته خلها تدخل تغير من نفسيتها ..علشان ماتكون منغلقه في المجتمع اللي هي عايشه فيه وبس .. تطلع تعرف اخبار العالم
تشوف الدنيا وين وصلت ..

واعتقد انها مجرد ثقه لازم تكون متباديه بين الاخوان ... يعني عادي مثل لما افتح النت يجي اخوي يشوف انا وش فاتحه يجلس معي لاني انا مانيب مسويه حاجه غلط ...
وانت متى تعرف انك سويت شي غلط ... اذا جا احد وخفت ..

واللي ما يرضى لاخته تدخل النت ويرضى لنفسه .. من وجهة نظري انسان اناني ... لا تقولون لي يخاف على مصلحتها ويغار عليها... ممكن يطّلع عليها من وقت لاخر...
الا اذا كان هو يستخدم النت لاغراض سيئه ... فيضن انه هو واخته من طينه وحده ...

فلتكن لدينا ثقه متبادله ...
انا اعترف انني منذ ان عرفت النت ... اصبحت لدي القدره على طرح ارائي وافكار والتعبير عن ما في نفسي ... حيث كنت افتد لذلك من قبل ...

مع تحياتي ..
أسيرةالزعيم;)