السلام عليكم ورحمة الله وبركاته ,,,

لي صديق من احد الدول العربية الشقيقة لاحظت انه -ماشاء الله عليه- لغته العربية جميلة وحصيلته من المفردات غزيرة وكنت كثيرا ما اهرع اليه ليساعدني في كتابة معروض او ارسال طلب او كتابة مواضيع فأجده يسبك العبارات بأناقة ويرسمها بحرفنه وكنت اغبطه على هذه المهارة وهي فضل من الله يؤتيه من يشاء وينزعه ممن يشاء ..
وذات يوم حدثني عن هذه المهارة وكيف اكتسبها فقال :

كان لنا استاذ خطير .. يدرسنا مادة التعبير .. وكان يجعلنا نحفظ المترادفات .. ونبدع في صياغة الكلمات ..
فنمى حصليتنا اللغوية .. فصرنا في التعبير ميه على ميه
وكان يطالبنا بالاستشهاد بالاشعار .. ويزودنا بالامثلة والاخبار .. حتى استطاع ان يجعل كتاباتنا حديث زلال .. وكلماتنا فائقة الجمال .. فأحببنا بسببه هذه المادة .. واصبحنا فيها علماء وساده .. فلله دره من استاذ متقن .. ومعلم محسن .ا.هـ

اما حنا يا حسافة علينا راحت حصص التعبير في كيف قضيت الاجازة الصيفية لا وتلقى مدرس التعبير اسمج مدرس في المدرسة ويمكن تخصصه جغرافيا بس دفوه على الطلاب الى درجة صارت ها المادة عندنا زي الاملاء والوطنية
وكان عندنا مدرس الله يذكره بالخير بحصة التعبير يطلعنا نلعب كوره يقول عبروا عن شعوركم بلعب كورة القدم

لذلك قررت ان اطور نفسي في التعبير لما فيه من خير كثير
تعجبني كثيرا المقالات التي يكون فيها كلام واضح وبسيط من دون ل"ت ولا عجن " وخاصة اذا كانت فيها اقتباسات رائعة مثل اللي قبل شوي ومثل قول احدهم (( لا نبكي على اللبن المسكوب )) او (( في فمي ماء )) او (( لكن من يعلق الجرس )) هذه الكلمات مختصرة وجميلة وتعبر عن اشياء كثيرة وتختصر خطابات طويلة ..

لذلك قلت استفيد من ها الاجازة واجمع مثل هذه الكلمات الرائعة حتى نستطيع ان نستفيد منها في حديثنا وكتاباتنا ..
واتمنى من الاعضاء الي عنده كلمات او اومثلة جميلة يسدحها لنا مع شرحها هنا ويكون الموضوع مرجع للجميع ..

وانا ببدأ بشرح الكلمات السابقة حسب فهمي :

(( لا نبكي على اللبن المسكوب ))

يعني لا نقعد نتكلم عن الاخطاء ونبكي عليها بدلا من ان نعالجها

(( في فمي ماء ))

يعني عندي كلام كثير ودي اقوله بس ماله داعي

(( لكن من يعلق الجرس ))

يعني من الشاطر اللي يبدأ بتطبيق ها الفكرة الحلوه

(( والحرب اقوم من ساق على قدم )) >> هذي فوق البيعة

يعني الموضوع صار حماس

س/ ضع الامثلة السابقة في جمل مفيدة

ا.هـ انتهى
------------------

لكم المايك

ياحظيظه خويك .. وياحظيظك فيه الله يهنيكم .

اجل مدرسينا هااا .. يدخل علينا وهيا الاسبوع هذا اسبوع المرور عارفين ولا لا ياشباب ؟؟

ويأتي الرد منا باسرع وقت ايه ندري .. فينطق قائلا طيب عبروا عنه اوكي شباب .. ياعيني عالتدريس بس

لا بالله فلحنا هذا غير ثقالة الطينه .. وغثاثته اللي ما لأمها داعي .. يارجل الله يرحم الحال بس .


فعلا يازين بعض الكلمات بالذات اللتي على طريقة السهل الممتنع .. تاتيك قصيره جدا ولكنها تحمل في طياتها

معاني جميله ..

شوووكرااا عالطرح الجذاب خيووو

عوآآآآآآفي خيوو ع الموضوع

من جد حنا ما عندنا تأسيس في مادة التعبير .. الإستاذة تعطينا الموضوع وتقول يلا يجيني الأسبوع الجاي.
صار التدريس تلقين وحشو في أذهان الطلاب.

و الله حال التعليم عندنا سئ
و المعلمين ودي أتكلم عليهم لكن ( في فمي ماء ) << خايف يجي مدرس ينبرش عليه

لكن يجب علينا أخي الكريم أن ( لا نبكي على اللبن المسكوب )

فبدلاً من ذلك حاول أخي الكريم أن تطور من مهاراتك و مهارات أقربائك و أصدقائك

جرب ذلك و كن أنت ( من يعلق الجرس ) إستخدم بعض الأفكار مثل وضع مسابقات و أعمل لأن تكون
( المنافسة فيها أقوم من ساق على قدم)

^^
هههههههههههههههههههههههه

ابراهيم ارفع القبعة لردك

تضمين المقالات بامثلة او حتى احاديث او ايات شيء رائعة ..
ويعجني الشيخ عائض القرني واعتقد انه رقم واحد في هذا المجال ..
اذكر بعد عودته من الايقاف 10 سنوات
تكلم عن تلك الايام وقال " تلك عشرة كاملة "
وعنده اقتبسات رائعة وهكذا هم الكتاب والادباء الكبار
شكرا لكم .

^
^

الله على عايض القرني .. مثل هذي التضامين لايجيدها الا شاعر يملك الحس الأدبي العالي وموهبة الحفظ لذلك تجده يتكلم ويضِمن لك من الأمثال في الجملة وغالباً مايكون الجرس الموسيقي للتضمين في الجملة رائع ومميز ..


تلك عشرة كاملة .. الله الله على القرني ..

يوه الله يذكرها بالخير مدرستنا

كانت تعطينا عنوان الموضوع وتقول الاسبوع الجاي ابي تجيبون لي

واقرب جريده ولا من النت وقضينا

حتى والله احيانا اجيب لها قصاصة الجريده

بس والله انت صادق مدرسينا ماعلمونا من البدايه

يعطيك العافيه خيو

إقتباس الرسالة الأصلية كتبت بواسطة اللافندر 8 اجل مدرسينا هااا .. يدخل علينا وهيا الاسبوع هذا اسبوع المرور عارفين ولا لا ياشباب ؟؟

إقتباس الرسالة الأصلية كتبت بواسطة اللافندر 8 ياحظيظه خويك .. وياحظيظك فيه الله يهنيكم . اجل مدرسينا هااا .. يدخل علينا وهيا الاسبوع هذا اسبوع المرور عارفين ولا لا ياشباب ؟؟ ويأتي الرد منا باسرع وقت ايه ندري .. فينطق قائلا طيب عبروا عنه اوكي شباب .. ياعيني عالتدريس بس لا بالله فلحنا هذا غير ثقالة الطينه .. وغثاثته اللي ما لأمها داعي .. يارجل الله يرحم الحال بس . فعلا يازين بعض الكلمات بالذات اللتي على طريقة السهل الممتنع .. تاتيك قصيره جدا ولكنها تحمل في طياتها معاني جميله .. شوووكرااا عالطرح الجذاب خيووو

من جد اخوي اللافندر كيف نطور مع المدرسين من ها النوعية من عشرين سنه ومواضيع التعبير نفسها
والنتيجة جيل لا يجيد ان يعبر تعبير سليم وجميل !!
الله يعافيك يالغالي على هذا الرد الرائع وبالتوفيق لك .

هـــ روحي ـــوى

I B R A H E M>> مبدع

ماجد مقبل

حمـ(الهلالي)ــد

دلع القصيم

Hictar


الله يعطيكم العافية

وبصراحة في كلمات كثيرة في بالي مثل : " الحديث ذو شجون " >> ولو طال يودي السجون

وكذالك " ما اشبه الليلة بالبارحة " بس بصراحة مدري وش معناها

وكذلك " ماهكذا تورد الابل " يعني موب تسذا تحل المشاكل

وقولهم : مكره اخاك لا بطل : يعني غصب عني سويت هيك

وبعد " يصطاد في الماء العكر " >> هذي احس انها سبه بس برضوا مدري متى تنقال

في الصيف ضيعتي اللبن

يعني راحت عليك

لا حياة لمن تنادي

يعني مافي فائده

مع الخيل يا شقراء

يعني معاهم معاهم

وفسر الماء بعد الجهد بالماء

يعني ما سوا ولا شيئ

اعطي الفرصه لغيري والا لسا في كثير

تحاتي اخوي عالموضوع الرائع