نادي الهلال السعودي - شبكة الزعيم - الموقع الرسمي - قصة طالب جامعي مكافئته 840 ريال فقط ..قصة رااااائعه

هذي قصه حقيقة لطالب في احدى الجامعات في الرياض

والله العظيم

انني اعرفه شخصيا لم اره في حياتي متكدر

او متضايق او مزاجه عكر او مهموم

والله لايدخل عندنا القاعه الا وهو متبسم

ومبسوط ونفسيته والله العظيم لاتقارن بغيرها

والله ليس ملتزم يعني ماهو مطوع ولاهو الي متشدد

ولد طبيعي زيه زي اي شاب من شباب الرياض

ولكن معروف عنه مايترك الصلاه ابدا يصليها بوقتها

ومع ذلك طبيعي يطلع يروح يجي

اعرفه من 17 سنه مع اني اقرب المقربين له ماعلمني انه كافل

لاكني اكتشفت لمى ركبت معاه السياره ونزل هو يشتري من اسواق التميمي

فتحت الدرج حق سيارته بطلع شريط لقيت ظرف وانا طبيعتي ملقوف

فتحت الظرف وهنا صراحه صعقت اكتشفت انه كافل ثلاث ايتام وحده عمرها 18

ووحده 8 سنين ووحده سنتينوالله اني بكيت سبحان الي يسر له هالعمل الصالح

والله ياناس مو باين عليه ابدا يوم رجع وركب السياره طبعن هو مرح جدا طلع

توكس وصقعه بخشتي قال خذ واستغرب شفيني ساكت قال شفيك قلت ولد انت كافل ايتام؟

هو سكت شوي وضحك قال امممممم ايه

قلت امانه وشو الي خلاك تسوي عمل عظيم زي كذا

قال والله السبب واحد قريت حديث عن الرسول يقول

(( انا وكافل اليتيم في الجنه كهاتين ))

واشار بيده الرسول عليه الصلاة والسلام بالسبابة والوسطى وفرج بينهما قليلاً

وقال والله العظيم ان اموري كلها ميسره بشكل ملحوظ ووالله

ان ربي ساترني ورب الكعبه ان الفلوس ماتنقصني

وابوي وامي راضين علي واقسم بالله ماقد صعبت علي حاجه

ونفسيتي مرتاحه وكل شي نفسي فيه عندي والله انتم ماتدرون عني اقسم بالله

اني عايش بيني وبين نفسي حياه ثانيه انتم ماتحسو فيها ماعندي مشاكل ماعندي شي يزعجني

مهما اوصف ماراح تحسون في الي احس فيه

فقلتله ابي اكفل زيك قال خلاص

ورحنا اليوم الثاني المكان اسمه

مؤسسة مكه المكرمه الخيريه

هم لهم كذا فرع بالرياض والسعوديه وفروعهم هي

مكه+المدينه+جده+الطائف+الخرج+الدلم+الافلاج+الدمام+الاحساء+الخفجي+

حفر الباطن+حائل+الزلفي+القصيم

ورقمهم الموحد الثابت 8001249191

والجوالرجال 920000903

والجوال نساء 920000906

والكفاله للأيتام داخل السعوديه 200 ريال

والكفاله للأيتام خارج السعوديه 100 ريال

اتمنى من الجميع المبادره والله المبلغ جدا زهيد احنا نصرفه في اشياء تافهه

والله صدقتنا هذي تنفعنا يوم القيامه والله ماتدرون لو انهم يحاجون علينا من النار

واذا ماتبي تكفل اتمنى ان تساعدني في نشر القصه لاكبر شريحه ممكنه واسأل الله ان لايحرمنا الاجر

منقول