مدري "تفو" هي مدح ولا شتيمة ... لايفوتكم <<--- هالقصيييييييييييده خطيره خطيره خطيييييييره << بمعنى الكلمه .. << لا تفووتكمـ.. حــتــى وردنـي تالـي الـليـل جــوال وانا على شاهي وبسكـوت ديمـة الرقم بايخ لكـن الــصــوت قــتـال كنــه مثل صـوت المذيعـة حليمـة قــالت مساء الخير يآطيب الفآل .. قـلـت ارحــبـي تــرحيبـةٍ مستديمـة بـالـعــود والصفـري ودلـة وفنجـال واجـبـك يا بنت الأصـول الكريمـة وردت بضحكة ثم قالت وش الحـال؟ قلت اشهد إن الحال عقبك سقيمـة قالت وهي تضحك بعد مثل الأطفال وانـــا بـعـــد كــنــي بــدونـك يتيمـة مـــن يـوم قـالـتهـا تزلزلـت زلـزال مــن فجعتي كنـي مسـوي جريمـة قلت ارفعي صوتك ترى مابه ارسال كـــذاب لــكـنّ المصيبـة عظيمـة قالت أقول اسمع ترى هرجنـا طـال مــمكـن تصاحبنـي ترانـي وسيمـة واسمي الحقيقي أول حروفـه الـدال لــكـــن يسمّونـي البنـات الزعيمـة صحيح أحب الفخفخة واعشق المال لكـن ترانـي طــاهــرة مستقيـمـة ما عندي امغازل ولا( لعب يهّـال ) ما عندي إلا في الشرف والحشيمـة بس الصراحة قلبي لشوفتـك مـال واصبحت وحدك جالسٍ في صميمه فكّر بعقلك واترك القيـل والقـال واحذر تطيع اهل العقـول العقيمـة وارسل علي الحين خمسميـة ريـال أشحن بهـا جـوال أختـي غنيمـة أو طقم غالي فيه خاتـم وسلسـال أروح بـه فـي عـرس ولاّ عزيمـة قلت الحقيقة مانيب رجـل أعمـال ولانـي بتاجـر والمـوارد عديـمـة أنا الصراحة شبـه عطّـال بطّـال وعلاقتـي بالفــقـــر جـداً حميـمـة والراتب الله يرحم الحـال مـا زال محـدود والمصـروف ربـي عليمـه والــديـن بـالآلاف والبنـك شغّـال يــاكـل فـلـوسـي بالربـا والظليمـة والسوق طايح والغلا ضيّـق البـال والموت والله صايـر اكبـر غنيمـة قالت تحمّل بـس والحمـل ينشـال خلك شديد الباس صلـب العزيمـة ياخي تصرّف جعلك اتصيـر نشّـال أهـــــم شــي إن النوايـا سليـمـة لابــد تـفـهمني علـى كـل الأحـوال ما دمت من أهل العقـول الفهيمـة قلت إيه والله فاهم اللي على البـال لــكــن تــرى هـذي علينـا قديمـة يــا بـنت هـذا صايـر اليـوم مـوال للي تبي تلعب علـى ابـن اللئيمـة يا بـنــت ما تدرين كـم فيـه محتـال يلعب على الحبلين وانتـي غشيمـة يا بنت كم من جاهلة دمعها سـال من عقب ما جات العواقب وخيمـة والبنت لا اقتفى عرضها بيد الأنـذال والله مــا يــبـقـى لهـا أي قيـمـة قالت تبي ولاّ فـ خـلّك علـى جـال مهوب ناقصـني نصايـح حكيمـة عز الله إنك للأسف منـت رجّـال وانك قليل الذوق ما فيـك شيمـة يا لعنبو اللي مـا يسطّـرك بنعـال حــتـى يـعـلمـك الغـزل يـا بهيمـة (تفو ) عليك وصكّت الخط في الحال مدري ( تفو ) هي مدح ولاّ شتيمـة؟؟ ايش رايكم |
هههههههههههههههههههههه حلوة بس هذا حال بعض البنات .. ! إذا طفرررت إتجهت للشباب وفي رواية أخرى ( للخرفان ) وتخرفنهم وبكلمتين حلوين ، وبعد فترة يصرف عليها كنها أخته :D يعطيك العافية |
مع احترامي الي يصرف على بنت مثل تسذا هذا انسان خبل وفي روايه اخرى(مافيه عقل):s2: يامال العااااااااافيه على هالقصيده:smilie47: |
إقتباس:
الخروف والصخله يصلحون لبعض يامال فرقى العين :s3s: -------- صح لسان الناقل و الشاعر المنغبن :s2: ... وياكثر مايجيك الموقف يتصل يقنعنك انو غلطان :to: // شباب ودي افضفض عشان ارتاح :ap: انتبهوا ياللي ماسوا شي :d اذا جاك اتصال اقرب ماله كمين من الاقارب :s2: ابو عسل |
من زمان الرجال يلعب على بنات خلق الله وألحين البنت تسوي الهوايل.. الله يستر علينا وعلى حبايبنا. |
هههههههههههههههه البيت الاخير والله اعجبني تسلم حبيبي من قائل القصيدة هذي |
اقول فالك البيرق << متاثر بشاعر المليون الجد ابدعت |
وربي إبدآع..| صح لسان قايلهآ..| وتشكرات علىى النقل ..| |
هههههههههههههههههآآي .. تلعبين عليهم كلهم إلآ أنا >>> أوووخص يأكونآن الحين :) .. ** الله لآ يبلآنــآ .. وعشنآ وشفنآ موآقف , على أنهآ بتلعب علي s121s , هاللخبلــة تحسبني خيخـة زي غيري :naughty:.. ** الله يستر على بنآت وشبأب المسلمين جميييعـ .. |
ههههههههههههههههههههههههههههه صراحة حلوة حلوة هاهاهاهاي |
لـي باك بعد القراءة ,, ,,, |
مشكووووووووووووووووووووووورين على الردود |
ههههههههههههههههههههههههههههه صراحة حلوة حلوة هاهاهاها |
الوقت المعتمد في المنتدى بتوقيت جرينتش +3.
الوقت الان » 07:02 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd