|
موظف في الشركة المشغلة " لنظام ساهر " : ( يكشف ) استغلال وجشع مشغلي نظام ساهر قال الشخص المجهول في بريده الذي بعنوان ( حقائق ساهر ) استغلال وجشع مشغلي نظام ساهر ، وحمل في مقدمته انتقاداً لعدم وجود التوعية الكافية قبل إطلاق النظام كما بين بأنه يرغب بتوضيح أربعة نقاط يعتبرها الأهم وهي كالتالي كما أوردها صاحب الإيميل: النقطة الأولى مشغلي الكاميرات المتحركة يستغلونها للإيقاع بالمواطنين بدون وجه حق حيث يتم الاستغلال الأول بالكاميرات المتحركة ففي كل شارع سرعة محددة واحدة، وفي بعض الشوارع أكثر من سرعه من مكان إلى مكان آخر مثل خريص فبدايته تختلف السرعة فيه عن منتصفه وتختلف عن آخره، والقليل من الناس من يعرف سرعات الشوارع بالإضافة إلى قلة اللوحة الإرشادية لتحديد السرعة. ويختار مشغلي الكاميرات الموقع الذي تكون فيه السرعة متغيرة إلى الأقل مثل طريق خريص ، حيث يوجد فيه لوحة على بعد 500متر تكون 100 وبعد 500 متر تكون السرعه 60، و هنا تكون الكاميره ملاصقة اللوحة لكلي لا يملك السائق أي فرصة لتغيير السرعة وبالطبع ستكون المخالفة من نصيبه . النقطة الثانية كاميرات ساهر تلتقط من في السيارة بكل وضوح وكما هو واضح لديكم في الصور التي إرسلتها لكم مرفقه مع هذا الطرح حيث تلتقط الكاميرا جميع الراكبين بالمركبة وبكل وضوح فلا يوجد حرية شخصيه داخل المركبه لك ولعائلتك . http://store2.up-00.com/Jun10/EH670673.jpg النقطة الثالثه الموظفين السعوديين في مشغل ساهر مضطهدين قيل عن مشغل ساهر والكادر العامل فيه أنه ( سعودي 100% )، وللأسف أن الحقيقة ولأكون منصفاً ولا أبالغ 50 % سعوديين، على خلاف ما تشاهدونه في القنوات الفضائية فالسعوديين فيها هم قائدي مركبات أو مدخلي بيانات فقط أما المشرفين والمدراء مقسمة بين سوري او اردني او مصري او (باكستاني)، طبعا إذا استثنينا الأمريكان، ألا يوجد في مملكتنا الحبيبة شباب سعودي كفؤ لهذه العمل أم لا يديرنا دائما إلا الأجانب أو لا يوجد ناس عاطلين عن العمل ؟؟؟ وبالنسبة لرواتبنا نحن السعوديون فالراتب الأساسي 2700 ريال لحاملي الدبلوم وطبعا دوام 8 ساعات وورديات متفاوتة ولا يشتمل على " بونص" ولا يشتمل على أي زيادات. دخل ساهر منذ تاريخ انطلاقته 19 / 4 / 2010م هو 36000000مليون ريال سعودي، وجميع هذا الدخل بالكاميرات المتحركة فقط لم يشمل الكاميرات الثابتة . النقطة الرابعه نظام ساهر يعرف الصغير والكبير فمن خلال عملي ليس صحيح ما يروج بأن نظام ساهر ( لا يعرف فلان ولا علان ) بل يعرف المسئولين الكبار وهناك محسوبية، فلا يدفع المخالفة سوى المواطن الضعيف . ولا أقول في نهاية بريدي إلا حسبنا الله ونعم الوكيل (موظف ساهر ) كل ماقيل مما مارسته بهذا العمل تحياتي وعندي كل الثقه بكم وبما انكم تنشرون الحقيقه كل الود ,, |
حسبي الله ونعم الوكيل رابط تشييك عليك مخالفات ولا لا http://www.moi.gov.sa/wps/portal/!ut...50I0UFRDUL10H7 وتصبحون على خير |
أخوي ربما يكون النظام فيه الكثير من الأخطاء بحكم أنه في بدايته لكن بالنسبة لي أنا مع الفكرة لكن ضد التنفيذ ألي على حد قولك أن فيه محسوبية مع أني ما أتوقع ذلك |
إقتباس:
عزيزي هذا كلام واحد من موظفين ساهر كما هو واضح في العنوان ماجبت شي من مخباي :d منورين جميعا ,,, |
لابد من وجود العديد من الأخطاء , خصوصاً أن النظام في بداية تطبيقة و تطويرهـ,, شكراً يا الغلا عادل |
شي معروف هدفهم زيادة (الدخل) لااكثر ولااقل وهالساهر نظام اعلامي 100% واقولك اول شي سووه حطوا 4 باصات عند جامعة الملك سعود يعني شوفونا ونشروها بالايميلات عشان يعطون هالبرنامج سمعه وبعدها قاموا حطوا كاميرا وحدة عند نادي الشباب وبس ونشروا الباصات وسط البلد عند السرعات المنخفضة عشان تجيهم قسايم والا بالعقل والمنطق ان اكثر الحوادث المميتة والمؤثرة على المواطنين اللي هم خايفين عليهم تجي على طريق الثمامة والدايري الشمالي والملك عبدالله من شرق لانها شوارع وسيعه ويقدر الواحد يوصل فيها لسرعه تتعدى السرعه القانونية بالضعف ولا يعني طريق 60 الملز ولا الناصرية وش يجي عليه غير الحكات وان صار طاح الصدام لكن بالشمالي والثمامة موتر منقلب موتر متقطع مليون قطعه واللي فيها ماتقول غير الا الله يرحمهم وبعدها على كلام واحد من اخوياي يقول انهم مركبين كاميرات على طريق خريص بس مادري لاني مامر منه واللي اعرفها كامرتين بس اللي عند نادي الشباب ووحدة جديدة على طريق مكة قبل كوبري لبن وهذي اخذت منها مخالفة والكاميرات اللي قالوها على الايميلات مخرج 6 والملك فهد والدوايري كلها مافيه ولا كاميرا منها وانا محدث المعلومات وتجيني المخالفات بعد يومين من المخالفه ولاجتني ولا وحدة على اني مالتزم بالسرعه وكنت ناوي انزل مقاطع عاليوتوب بهالخصوص واوري الناس نظام ساهر اللي يتكلمون عنه بس خايف من اللي يسمع كلامي ويتوفى ولا يصير له شي ويتعلق برقبتي وطبعا من ضمن هياطهم يقولون سوف يقضي على التفحيط وانا لين قبل امس الاحق فيهم لسى مثل ماهم ماقضوا على شي ولا راح يقضون الاغلب مشرطن اللوحات ولا فاك اللوحة الاماميه وخلاص واللي قرا كلامي هذا اقوله لاتسرع وان اسرعت فأنا برئ منك بس نظام ساهر بجميع استراتيجياته ماله الا مهمة وحدة جمع الاموال اما المحافظة على الحياة كان يكفيهم التعاون مع mbc لنشر التوعيه في مسلسلاتها ويكفيهم عن 10 الاف كاميرا اعلنوا عنها وفالاخير ماشفنا الا ثنتين والباقي على باصات وبرادو فضي:s5s: شكرا لك خليتني افضفض :d تحياتي :rose: |
إقتباس:
عزيزي يبدو لي انك لم تقراء الموضوع بشكل جيد , لانه موضح لك في النقطه الاولى كيفيه الترصد للشعب من قبل بعض موظفين ساهر ,, عموما منور ,, |
إقتباس:
وازيدك من الشعر بيت فيه كاميرا على امتداد مخرج 9 وفيه بعد على طريق تركي الاول ,, عموما نورت يابطل وماقصرت على الفضفضه :d |
نظام ساهر هونظام (جباية للاموال من المواطن).. 5 ايام ورى بعض تجينا مخالفات بدل مايجنا حق المرض فشل الكلوي الي من stc صار يجينا مخالفه!!! طبعنا كلها من سواقنا العزيز وعرفنا في الاخير وين يمسكونا فيه صار في طريق التخصصي إلي يوميا امر منه والسرعه 70 وش يحسون فيه !! ياخي مفروض ذا تصكه مخالفه تعطيل خلق الله صارو الناس يمشون 60 بس خوف انه تجيه مخالفه !!! أنظمه تعبانه مايعرفون كيف يسيرونها لتكون من صالح الشعب حط نظام انا مااخالفك بس حط سرعه معقوله سو ارشادات اعلاميه قبل تطبيق النظام حط سياراتك الي تمسك فيها خلق الله في مكان فعلا يستحق الي يتجاوز السرعه مخالفه مو تصييد الدعوه المهم في الاخير نظام ساهر يتضمن بنود تعبانه يستحق اعادة النظر فيها ..!! شكرا على الطرح .. |
قسم بالله ساهر ذا ماحطوه عشان الحوادث ولاهمهم الشعب كل همهم سرق الفلوس وبس حسبي الله عليهم ونعم الوكيل يعطيك العافيه |
النظام حليل و بيخلي ها اللي يخيطون بالدائري يخفون و يهدون بس لو يزيدون السرعه حبيتين ببعض الشوارع , طبعاً ما يمنع بعد انهم يشفطون مخابينا :cry::d ألف شكر أخوي :rose: إقتباس:
عز الله راح رويتب الضعيف :s2: |
نظام ساهر من البدايه واضح انه مادّي جداً . . ولا همهم لا حوادث ولا سرعه ولا شي , اهم شي الفلوس وبسس . . حسبي الله ونعم الوكيل بس . . :cry: الله يعين بس . . |
بصراحه اكبر خطأ قلة التوعية قبل البرنامج يعني طبقوه والشعب مطفوق وبحياته ماشاف كاميرا ولا يعرف نظامها والمسكين اللي يعرف نظامها يحسبها مثل الدول اللي برى معك إلى 15 تقريباً فوق السرعه القانونيه بصراحه هم صدموا الناس والمسأل مو مسألة الحد من الحوادث المسألة مسألة نهب الشعب وامتصاصه وواضحه مايبي لها احد يشرح قسم بالله كأننا يهود يستقعدون لنا استقعاد اجل بالدائري الجديد مصوره واحد من العيال وهو يمشي 100 طيب طريق دائري كم السرعه عليه مثلا :( طيب خريص الساعه 3 الفجر اذا اقبلت ع الرئاسه العامه يبوني امشي 70 تخيل الساعه 3 والطريق فاضي وتمشي 70 في طريق سريع قسم بالله محشش منت بصاحي ع العموم يالله لك الحمد والمنـّه ماقد شفت فلاشهم الا يوم يصورون خويي ولا انا ادمي صح اني مطفوق لكن حظي ماشي معي وبعض الاحيان تمسكني الركاده بالغلط مير الله يستر علي ولا اشوف هالمخالفات < ماصار له كم شهر مسدد وبالنسبه لكلام الموظف في ساهر هي وقفت على ساهر !!! كل الشركات والله اني مسوي مقابله شخصيه في احد الشركات ودخلت القسم اللي ممكن اتوظف فيه اقسم بالله ماشفت سعودي والشركه كبيره قلت في نفسي يمكن المدير سعودي لعل وعسى طلع المدير لبناني :d طبعاً اغسل يدك تتوظف مع ان معدلي واموري تمام بس سحبوا علي :d الله يعيننا ويصبرنا على هالاجانب |
الله يعَآآفِيــــــنآآ .. ترقّبــــــوآ موضُوعي الجِديد في قســمـ الصيد في فَضْـــح نِطَــــأأم سآآهر .. |
يبوي الكلام فقش مع احترامي الشديد لك تقول ما يعرف فلان ولا علان انا مرة كنت واقف عند صراف ويجيك واحد صاحب سمو ملكي يستفسر عن كيفية سداد المخالفة وانا قلت شكله ولد واحد من الاسر الكبيرة لكن يوم شفت اسمه هاهاها طلع صاحب سمو ملكي عليه مخالفتين وحدة سرعة والثانية وقوف على خط المشاة ويقول انها من نظام ساهر جته رسالة على جواله |
| الوقت المعتمد في المنتدى بتوقيت جرينتش +3.
الوقت الان » 09:53 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd