آلسلآم عليكم ورحمه الله وبركآته .~

كيفكم ان شاء الله كويسيسن
الله يعينكم وياكم ع الاختبارات ونخلصها بنتايج كويسه يآرب

جامعه الملك سعود .!!
انا طالب في كليه الآدآب بالجامعه
وهذآ آول مستوى لي .~
الزبده بدآيه الترم اول اسبوع بترتيب الجدآول رحت وظبطت جدولي
واخذت ارقام القاعات عشان المحآضرآت
ويوم بدت المحاضرات انا اول من يدخل ولا كنت اغيب ابدا
وكانت كل المحاضرات في القاعات الي اخذت ارقآمهآ
الى الماده القبيحه الي اسمها علم نفس .!!
صآر لي 4 اسآبيع اروح لرقم القاعه والقى محد فيه لادكتور ولا طلآب .!!
وهالـ 4 اسابيع نفس الحآله اجي ولا القى احد
وبالاخير اكتشفت ان القاعه مغيره ولهم 4 اسآبيع وهم يدرسون ولا علم ولا خبر .!!
ولا حتى كتبو اعلان بتغير رقم القاعه

يعني الغلط 100 \ 100 من الجامعه كاتبين لي رقم قاعه وهي غلط
الزبده يوم عرفت المكان دخلت وصرت احضر هناك وغبت ايام ماتتعدى اصابع اليد الوحده

لكن كنت خايف من الحرمآن
ورحت للدكتور وقلت له وقال هل انت مختبر عندي بنصف الترم قلت نعم قال اجل لاتشيل هم
ثم اتفاجئ بجنب تقديري مكتوب ح ( حرمان ) !!
واليوم كان الاختبار النهائي وانا مادريت الا امس الفجر عن الحرمان عبر البوابه الالكترونيه

رحت ولقيت الدكتور يتقهوى طال عمره واحتريه برا لين ماخلص واتفاهم معاه
يقول انا ماقدر اقولك شي ومن هالكلام ثم اروح لرئيس القسم
يعاملني بأسلوب وقح .!! ويقول رح جب ان الدكتور قبل عذرك
واروح له ويقول انا ما اتراجع بكلمتي وهكذا رح لشوؤن الطلاب وانا ودي اساعدك ولكن صعبه اغير كلامي .!!
عاد رحت لشؤون الطلآب واكثرهم يقولون اذا غيآبك تعدى الـ 50 بالميه
مانقدر نسوي لك شي .!! واذا كان تحتها نقدر
يعني بالعربي حوسسسسسه

بكره آخر امل لي ( عندي اوف ) وبروح لوكيل الكليه وبشرح له وضعي
لعل وعسى يتفهم ويقدر ويظبطني ويعطيني موعد اختبر فيه للماده

وان ما نفعني قدر الله وماشاء فعل

دعوآتكـم لي

والله شينه اخذ حرمآن وانا ما أستآهله

والله قهر

هل فيه احد منكم قد اخذ حرمآن وصارت له حوسسسه
والسوال المهم هل فيه احد اخذ حرمان وقدر يوخره عنه ولا لا .!؟
اتمنى تعلموني لاني ودي يطيح الحرمان واختبر

يعني زود ع الاشكآل الي متحملهآ بالكليه يجيني حرمآن .!!

والله يوفقكم جميعآ