اللي يعرف فنادق في الرياض يقولي ... - نادي الهلال السعودي - شبكة الزعيم

أسيرة الزعيم · #1 06/11/2002, 07:48 PM

الف تحيه للاعضاء الاعزاء ...

في البدايه مبارك عليكم الشهر .. وكل عام وانتو بخير ... والله يجعلنا من صيامه وقيامه ..

الله يخليكم أبغى الفنادق الخمس نجوم في الرياض مع مواقعهم ..

يعني زي الشيرتون .. الانتر .. ريجنسي .. مع وصف مواقع الفنادق ...

اذا ما عليكم امر ....

مع تحياتي ..
أسيرةالزعيم..

قرقاص · #2 06/11/2002, 09:19 PM

1- شيراتون الرياض : تقاطع طريق الأمير عبدالله مع طريق الملك فهد
2- الرياض انتركونتننتال : المعذر غرب وزارة الداخلية
3- العليا هوليدي ان: تقاطع خريص مع طريق الملك فهد
4- الفيصليه: قرب عمارة الفيصلية طريق الملك فهد

yazeed_9 · #3 06/11/2002, 09:29 PM

أعتقد الأخ قرقاص عطاك اياها

عاد أنتي أختاري واحد

ونوصفه بالتمام

بايو

أسيرة الزعيم · #4 06/11/2002, 09:46 PM

ابغى بعد اذا ما عليكم امر ..

طيب ماريوت وين مكانه ... ابي من هالطقه ... ومواقعهم .؟؟؟

يعطيك العافيه .. قرقاص ..

طيب واذا تعرفون اي من هاالفنادق اكلهم احلى .. ( تدرون رمضان;) )

مشكورين

مع تحياتي ..
أسيرةالزعيم ;)

ابو الذهب · #5 07/11/2002, 04:45 AM

سجلى عندك
1- فندق ( تبى تسكن عندنا ترا العشاء قطه ) تقاطع العلياء مع الروضه
2- فندق ( اخر واحد يسكر الباب ) طريق الدائرى الغربى بالقرب من الدائرى الشرق

جن الملاعب · #6 07/11/2002, 01:40 PM

فندق ماريوت : طرق خريص تقاطع طريق الملك عبدالعزيز بالقرب من مبنى التأمينات

اما بالنسبه للاكلات :

الانتر احلى

والفيصليه والشيراتون اكشخ

تحياتي لك

صمت العيون · #7 07/11/2002, 02:26 PM

اما الفنادق هذي كشخه مررررررررررررررررررررررررره.....بس اكله مو عاجبني

وما قصروا الشباب في الوصف......
اذا تبين فندق عندهم اكل تاكلين اصابعك وراه.....روحي للحله....بجنبهم بوفيه تبيع تسبده حاشي طازجه.....تقطر سعابيلك وهو يحمسها على الصاج....
اما اذا تبين عصير معه بجنب هذا المحل الجدار بالجدار....محل عصير قصب السكر بس اطلبي واحد يشغل المكينه كنها يحفر الارض.....بس عصيره وتسبدتهم يودونك على طول للشميسي...ما يمديهم على الحمادي....(تخبرون التسمم اشد من لدغة الافعى

)
[c]تقبلوا تحياتي

[/c]

الحاتمي · #8 07/11/2002, 03:53 PM

باقي/ حياة ريجينسي ... طريق الملك عبدالعزيز بين تقاطع طريق الجامعه و وزارة الدفاع .

و فيه فندق جديد مره على طريق المطار وانت جاي بعد جامعة الامام اسمه الفهد كراون ... فخم مره ..

وحيا الله أهل الخبر

قول هلالي · #9 07/11/2002, 04:03 PM

الفيصلية وبس

أسألوني عنه