[shdw]اهــــــــــــــــــــــلا رمضـــــــــــان الخير ‌‌[/shdw]


في البداية ‌‌‍‍‍‍‍..... كل عام وانتم بخير بمناسبة الشهر الكريم .....

‌‌&& ونتمنى ان يكون الهلال في احسن احواله خلال شهر رمضان المبارك ان شاء الله تعالى ... ويطرد الهلاليين العلة مات ورانا .... لاننا في رمضان ما نتحمل اخطاء،
صايمين وشهر عبادة وارجوا ان الهلال ما يكون مشكلة خلال الشهر الكريم ..
‌;)

‌‌%% رمضان دايم يكون فال خير علينا الهلاليين والا انا غلطان ؟؟

الحمد لله يكون شهر مبارك علينا ويكفي اعظم انجاز في تاريخ الزعيم التأهل الى كأس العالم التي لغيت كان في شهر رمضان المبارك ... 1421هـــــ امام شيميزو بيميزو كييزو نميزو الياباني الوداني ... ههههه ... ( حلوة صح ) ... ؟؟

‌‌## بس في رمضان مشكلة اللي هي اجتماع اعضاء الشرف ... لاحظوا الشرف ...** امحق والله ( تراني امون عليهم لا تستغربون ) ما نفعونا السنة هذي ... ما جابوا الا ابو صلعة الملعة .... والخبزة ساموليا ....

المشكلة لازم ينتبهوا الى مشكلة ذئب الملاعب ابو عبدالله البطران ... تراه عاد يستاهل مليونيين خلنا صريحين شوي عاد ... ( ما تلاحظون اني حمقت ) .... ؟؟

وهم الاعضاء لازم يكملون معروفهم في السنيين الماضية ويصقعونا بلاعب كبيييير في اجتماعهم في رمضان ... ( لازم عاد ) ‌‌‌

‌## على فكرة عندي لكم نصيحة قبل الشهـــــــر الفضيل وهي لازم تشترون نعال ( الله يكرمكم) سبير لكم ‍‍ ..... تدرون ليه ؟؟

علشان سرق النعل يدهر في رمضان للاسف ... واذا جيت تصلي التراويح وطلعت تحصل نعالك ملطوشة .... وتقول افاااا يا والله راحت الرجاجيل .... ( تراهم راحوا والله من زمان ) ...

## اذكر وانا صغير عمري 15 سنة كنا في مسجدنا نصلي العشاء بعدين نطلع عند الباب ونراقب اللي يسرقون النعل ونطقهم بعد ... بتوصية من الامام ...
بس المشكلة حاميها حراميها

كنا نحافظ على النعل .... وفيه حرمه توفت الان الله يرحمها تجيب بيبسي .. وميرندا .. للحريم .. وتحطه قدامها علشان ما نسرقه انا الصغار ... لكن عينك ما تشوف الا السرق ... متى ؟؟
في السجود لان الامام كان يطول ... في السجود ... ( يا والله انها شقاوة ) بس حلوة ...

‌‌%% اقول ترى لازم تحافظون على التراويح والله من جد ... ترى اجرها كبييير وفرصة ما نفوتها ...

## نعود للهلال ...
تذكرون ... ترى الزعيم في رمضان يدهر بس لازم ترى تساندونه والله ... المباريات الساعة عشر والكل شبعان من الفطور سمبوسة ولقيمات ونعمة الله لا يغيرها قولوا اميـــــــــن ‌‌....
والله الله بالحضور ...
اولها قدام الطائي خلونا نحطها سهرة رمضانية حلوة امام الطائي .... في الملز ...

## تعرفون وش مظبط الوضع الجو الحلو هذا اللي في السعودية والله فلة وما فيه ملة ....

‌‌‌‌‌%% اقول : انا اتوقع رمضان بيدخل يوم الاربعاء وانتم ؟؟

‌## شكلي طولت عليكم ... والا عادي ؟؟
يا سلام عليكم عادي عادي ...

## اقول لكم :
شفتوا البرامج هذي السنة ؟؟
الله يا كافي كثييييرة مرة ...
وكأن رمضان بس فوازير ومسلسلات للاسف ....

## شخصيا اتوقع ان طاش ما طاش يسيطر على الكل ويأكل الجو عليهم ...

## بس ابو رش رش شكله مسكت مرررة عموما والله ما لها اهمية عندي ..

تعرفون ليـــــــــــــه ؟؟

لان الواحد العصر يقرأ قرأن والا يتقضى للبيت ؟؟

والمغرب الواحد يرتاح شوي واذا ما كان معزوم على الفطور والعشاء يشوف التليفزيون ؟؟

## الله يا رمضان اول .... سهر حتى الساعة عشرالصبح قبل عشرين سنة تقريبا ... ( على فكرة انا ما ني كبير ترى عمري 26 سنة بس والله ..) يووووه ايام كانت حلوة مررررة ..

## اذكر مرة كانت مباراة بين الهلال واحد سلة على نهائي الدوري وفاز الهلال والله كانت مباراة قوية بالفعل .... وحصل فيها مضاربة .... يوه والله ما فيه الا شلخ وبلخ ههههه حلوة صح ...

## عموما شكلي طولت عليكم ... خلاص .. واوعدكم اذا كنتوا منبسطين من هالسواليف اني اصير اكتب في رمضان لكم على هذا الشكل ....

## في النهاية مع السلامة والله يبلغنا رمضان ان شاء الله ... والله الله بالصيام والقيام ...
ترى الواحد ما ينفعه الا عمله الصالح ...

###### وقبل الزحمة رمضان عليكم مبـــــــــــــارك ...