المشكلة ياخوي لم ولن يستفاد من هذه الدروس المجانية التي تقدم من المنتخبات الاسيوية

دفاع كوريا الشمالية , وطريقة لعبها .. أجبر البرازيل على أن يظهر بهذا المستوى

صرآآآحة ما توقعت ولا 0,5% ان كوريا تظهر بهالمستوى ..

وكنت متمنى قبل المباراة أنهم يجتازون رقمنا الـ 8

لكن بعد المباراة أجبروني على احترامهم ,,

أتمنى ان لاعبيننا , يجيهم نص حماااس كوريا ..

وعليكم السلام ..

انا اوافقك الرأي اخوي في وجهة نظرك .. واضيف نقطه انه ابداع المنتخبات الاسيويه كان سببه التحضير الممتاز ما قبل المونديال .. ( بعكس اخواننا في الله , يلفون العالم كله في 80 يوم :) )

وماشاء الله عليك شكلك متحمس لكأس العالم .. بالتوفيق للمنتخب البرتغالي

اصلاً عدم تأهل المنتخب السعودي كان خطة علمية مدروسة بس أنتم وش فهمكم :d

مشكله المنتخب كل معسكر تشكيله وكل مباره ايضا تشكيله...بهذه الطريقه راح توصل لنتيجه..ابصم بالعشره انا ماراح تسوي شي وبتنعكس علينا بالسالب ..تحياتي

حنى لو نفتـــــك من سرطان والخطط المهروسه عايشين بخير
لكن دامه هو .. رئيس الاتحاد االاسيوي صدقوني مانتم شايفين كأس عالم أبد

لالا ماشاء الله عليك وطني :mad:

ياخي كل واحد حر ينتقد في منتخبه وبكيفه

والله العظيم اليوم لو منتخبنا مكان كوريا الشماليه كان انصك اربعه اقل شي

ياخي الناس تتطور من يوم ليوم وانت قاعد تقول تراكم سعوديين ومدري ايش

روقنا بس

منتخبات شرق اسيا .. قدمت مستوى مشرف ..

ونحمد الله إننا ماتأهلنا .. والله موب كره بمنتخبنا .. بس رحمة به .. وإلا تخيلوا منتخبنا قدام البرازيل والبرتغال وساحل العاج ..
تلقى 11 حجلط عند المرمى ولا فيه تغطيه زينه بعد .. :to:
يالله الحمدلله على كل حال .. وفرصه يتعلمون إن التجديد مفروووض منه والكراسي لازم تتبدل وإياك اعني وافهمي ياجاره <<< مايقصد سلطان بن فهد ونواف بن فيصل :naughty:

اخي الكريم .. هذا اسمه منتخب .. موب نادي علشان تخلي الأسماء ولا تغيرها ..

اللاعب الجاهز والمبدع وإلي اثبت نفسه ينظم للمنتخب .. واللاعب إلي نازل مستواه ينثبر برا المنتخب إلين ينضبط ويعدل نفسه ويرجع مره ثانيه إذا ابدع مافيها مشكله ..

مشكلتنا إننا نحسب المنتخب على اساس إنه نادي ونقيم له معسكرات طويله وو إلخ ..
والفكره واااضحه عندنا .. اللاعب يعكسر ويتدرب في ناديه وإذا جت منافسه قاريه أو مهمه .. يختارون اللعيبه الأبرز في هذيك الفتره ويعكسرون قبل البطوله بشوي ..

موب مثل فضيحتنا في 2006 معسكرات المنتخب كانت اكثر من معسكرات الأنديه لدرجة إننا قلنا خلاص المنتخب بياخذ كاس العالم وبالنهايه .. .. مستوى يفشل

الفكر عندنا لازم يتغير علشان يتغير المنتخب ..

الان عرفت سبب محاربة الاتحاد الاسيوي لمنتخبنا في التصفيات

فهم لا يريدوننا ان نتاهل وكانهم يقولون كفاية فضايح خلونا نشرف القارة ولو مرة

فكل ما لعبت الفرق الاسيوية جأت السعودية وخربت السمعه الاسيوية في كأس العالم والسبب الفوضى التي لدينا في رياضتنا واتحادنا للاسف

كوريا الشماليه شرفت اسيا -الله يحسن وضع منتخبنا ومشكور