حوار حضاري حول حركة المرورفي الرياض - نادي الهلال السعودي - شبكة الزعيم

ياسرالثنيان ابوثنين · #1 15/06/2010, 02:13 AM

بسم الله الرحمن الرحيم
الاخوه الاعضاء / اود ممن يريد ان يناقش معنا هالموضوع المهم ان يكن ملتزما وواقعيا
الموضوع يااخوه مثار استغرابي دائما ولااخرج من المنزل الا وفي دقائق قدارتفع ضغطي من سائقي السيارت الاخرى ..........مما اتعرض له دائما مايلي/
1/ عندما اتجه بسيارتي من الحاره الى الشارع الرئيسي طبعا اتوقف لكثرة السيارات العابره فمن غير المعقول ان اغامر بحياتي وادخل على الشارع والسيارات الاخرى كثيفه وبعضها بسرعه عاليه .......المشكله هنا ليس بالشارع الرئيسي ولكن من يقف خلفك ويعلق المنبه يريدك تعبر ...كيف اعبربوجود هذا السيل من السيارات ؟؟؟؟؟؟؟ انا اقود السياره منذعقود طويله واعرف ان عبوري خطرعلي وعلى غيري فكيف اعبر؟؟؟؟اريد ان تخف الزحمه واعبر؟؟؟؟ فلماذا هذه العاده القبيحه عند سائقي السيارات في الرياض تعليق المنبه ؟؟؟؟واستغرب انها من اغلب قائدي السيارات
2/ اغلب قائدي السيارت لايريدك تسير بهدوزء في الحواري ايضا تجده معلق المنبه .....اليست المركبه خطركبير لمن يقودها بتهور ........هل تستطيع التحكم بها وانت بسرعة عاليه ؟؟؟؟؟؟؟؟؟؟ هل تستطيع تفادي الاصطدام بمركبة اوشخص يسير اوطفل يركض في الشارع

تحياتي للجميع

أزرق والقلب أبيض · #2 15/06/2010, 07:23 AM

والله اني ملاحظ هالشيء

ياخي ناس دبش بصراحه

تلقاه ماسك اخر الصف والاشاره مليانه سيارات

ويعلق البوري

خير يا لحبيب !!

اذا طلعت للخبر او الدمام ياشيخ ناس ذوووق موب مثل اللي عندنا

لكن اعتقد السبب الزززززحمه
يطلع الواحد من بيتهم ويدخل بالزحمه وتقفل ام الاخلاق

ذآيب · #3 15/06/2010, 08:58 AM

http://forums.saudistocks.com/t408897.html
والله ما ادري ياخوك هو انت والا لا

الزبدة انه منزل الموضوع قبلك

(اسير& المحبة ) · #4 15/06/2010, 02:16 PM

هو صح ان في ناس مستعجل ويفقع راسك بالبوري لكن في ناس الشارع فاضي ويجلس ساعه

واقف اش ينتظر مااادري للاسف القياده في الرياض تخلي الواحد يتنرفز غصب الاسبوع اللي

راح كنت في الشرقيه يازين اهلها ناس تسوق بركاده وبدون اي ازعاج ماتمنيت اني ارجع

الرياض بس الدوام والله يعينا عليه وعلى زحمه شوارع الرياض وحرها

ياسرالثنيان ابوثنين · #5 15/06/2010, 10:53 PM

إقتباس

الرسالة الأصلية كتبت بواسطة أزرق والقلب أبيض


	والله اني ملاحظ هالشيء ياخي ناس دبش بصراحه تلقاه ماسك اخر الصف والاشاره مليانه سيارات ويعلق البوري خير يا لحبيب !! اذا طلعت للخبر او الدمام ياشيخ ناس ذوووق موب مثل اللي عندنا لكن اعتقد السبب الزززززحمه يطلع الواحد من بيتهم ويدخل بالزحمه وتقفل ام الاخلاق

الله يعين عليهم ياليت مايسمح بالقياده دون ال23سنه وياليت نفتك ........شاكرلك مشاركتك

OmaR AL-OTAiBi · #6 16/06/2010, 09:16 AM

إقتباس

الرسالة الأصلية كتبت بواسطة أزرق والقلب أبيض


	والله اني ملاحظ هالشيء ياخي ناس دبش بصراحه تلقاه ماسك اخر الصف والاشاره مليانه سيارات ويعلق البوري خير يا لحبيب !! اذا طلعت للخبر او الدمام ياشيخ ناس ذوووق موب مثل اللي عندنا لكن اعتقد السبب الزززززحمه يطلع الواحد من بيتهم ويدخل بالزحمه وتقفل ام الاخلاق

ههههههه لا يالحبيب حتى بالخبر والدمام فيه ناس أعوذ بالله منهم بس
تقول داخلين حلبة سباق لووول

يعني تشوفه مره يطوف من اليمين ومر من اليسار لا وسقطون عليك سقطات ألييمه..

بالتوفييق

دمت بود

classic 2010 · #7 16/06/2010, 11:52 AM

والله انه على نياته

مسكين يامن طبخ له فاس يبغي مرق من حديده

Meme · #8 16/06/2010, 01:26 PM

هذا موضوع خاص للرجال

وانا دخلت بالغلط

لكن ماعليه نعلق

اكره الشخص اللي يضرب بوري وقت الزحمه وبالذات وحنا رايحين للجامعه

يالله صباح خير ..

الناس موقفه من كثر الزحمه وهو يضرب بوري كأنه مايشوف

الف شكر

اختكم ..ميمي

ياسرالثنيان ابوثنين · #9 17/06/2010, 01:54 AM

إقتباس

الرسالة الأصلية كتبت بواسطة ذآيب


	http://forums.saudistocks.com/t408897.html والله ما ادري ياخوك هو انت والا لا الزبدة انه منزل الموضوع قبلك

تأكد زين يالغالي انا لم انقل من احد ......عموما الموضوع مهم وتوعوي واحسن ينتشر في المنتديات لانه يهم الجميع فكلما كثر قرائه عمت الفائده اكثر

الزعيم سام6 · #10 17/06/2010, 01:02 PM

ياخي ناس ماتفكر بالعقل
تبيهم يرتاحون لي ضضربك لك بوري طر فوق عشان يسستانس هع

نيفيز تياجو · #11 17/06/2010, 01:13 PM

ههههههههههه والله انكم صادقين اطلع من البيت والازمه وشي اني في حي الملك فهد وش لون ابمشي والله مووووووووووووت زحمة وصدق من قال في الصبح توك قايم من النوم يجون ناس ويدق بوري هذا مانام ابد ولا واحد من جرياننا فرحان انه يسوق اول ماساق وله يلعب بالسيارة ويرجع للبيت وقبل مايرجع جاه حادث بالسيارة هههههه

م.ميــلاذ · #12 17/06/2010, 02:23 PM

مووضوع خيوو مووضوع مميز لكن غير منااسب لي

ياسرالثنيان ابوثنين · #13 17/06/2010, 11:50 PM

إقتباس

الرسالة الأصلية كتبت بواسطة (اسير& المحبة )


	هو صح ان في ناس مستعجل ويفقع راسك بالبوري لكن في ناس الشارع فاضي ويجلس ساعه واقف اش ينتظر مااادري للاسف القياده في الرياض تخلي الواحد يتنرفز غصب الاسبوع اللي راح كنت في الشرقيه يازين اهلها ناس تسوق بركاده وبدون اي ازعاج ماتمنيت اني ارجع الرياض بس الدوام والله يعينا عليه وعلى زحمه شوارع الرياض وحرها

الله يعين ان شاءالله ننتقل لقريه هادئه نرتاح من هالضجيج المزعج

ياسرالثنيان ابوثنين · #14 22/06/2010, 03:34 AM

إقتباس

الرسالة الأصلية كتبت بواسطة (اسير& المحبة )


	هو صح ان في ناس مستعجل ويفقع راسك بالبوري لكن في ناس الشارع فاضي ويجلس ساعه واقف اش ينتظر مااادري للاسف القياده في الرياض تخلي الواحد يتنرفز غصب الاسبوع اللي راح كنت في الشرقيه يازين اهلها ناس تسوق بركاده وبدون اي ازعاج ماتمنيت اني ارجع الرياض بس الدوام والله يعينا عليه وعلى زحمه شوارع الرياض وحرها

اخي الكريم مافيه احد بيوقف الا وهو بيتأكد ان مافيه احد من هالمهابيل جايب طابلون سيارته وانت ياللي وراه اصلاماانت كاشف الشارع الرئيسي الاوالله هبال وقلة سنع ودك تنزل عليه لاعلق المنبه وترنعه بالعقال

ياسرالثنيان ابوثنين · #15 23/06/2010, 01:55 AM

إقتباس

الرسالة الأصلية كتبت بواسطة OmaR AL-OTAiBi


	ههههههه لا يالحبيب حتى بالخبر والدمام فيه ناس أعوذ بالله منهم بس تقول داخلين حلبة سباق لووول يعني تشوفه مره يطوف من اليمين ومر من اليسار لا وسقطون عليك سقطات ألييمه.. بالتوفييق دمت بود

الله يعين وياليت يكون هناك وعي عند هالمبزره اللي يقودون سياراتهم بجنون