المنتديات الموقع العربي الموقع الانجليزي الهلال تيوب بلوتوث صوتيات الهلال اهداف الهلال صور الهلال
العودة   نادي الهلال السعودي - شبكة الزعيم - الموقع الرسمي > المنتديات العامة > منتدى الثقافة الإسلامية
   

منتدى الثقافة الإسلامية لتناول المواضيع والقضايا الإسلامية الهامة والجوانب الدينية

إضافة رد
   
 
LinkBack أدوات الموضوع طريقة عرض الموضوع
  #1  
قديم 14/06/2010, 08:45 PM
زعيــم جديــد
تاريخ التسجيل: 17/06/2009
المكان: {..ِ الإمـآرآت..العيـنٍ ٍٍ.. }
مشاركات: 34
Icon16 سبعة أمْن الجن جوني فزعوني من منامي ..كلمـآت القصيـدهـ + التحميـل .. للشاعر ماجد الزيد ..!!

السـلآم علـيكم ورحمـة الله وبركـاته ..






قصيدة " جـن الجـزيـره "



للشـاعـر ماجـد حمـد الزيـد ~







كلمات القصيده











سبعة أمْن الجن جوني فزعوني من منامي ... قم يبو زيد ٍ وشوف الشّر من خلفي وأمامي

يا عمامي يا خوالي يا خوالي يا عمامي ... والله انّ الجن جابوا كل علم وجيت قايل

طار طيرن عن يسار ودار في ارض الجزيرة ... صاح في عدنان وفي قحطان صيحة من ضميرة

يابني عمي ترى الدعوة ترى الدعوة خطيرة ... انتهض كسرى وفرقنا قبايل يالقبايل

يا عرب فرق نجادي بين تركي والمهادي ... والعرب سبعين رايه ذا على هذا معادي

قبيله كلن لها بالصوت ياهل الصوت حادي ... والروافض يضربون الشمري بعيال وايل

ووجه ِ ايران ٍ علينا كشّر الملعون نابه ... يعقب الحوثي ويخسى من على جيزان جابه

الوطن دونه ليوث ٍ ما تجابه ما تجابه ... فرّعوا دونه ودونه يب يسوون الهوايل

عزوتي يا حفاد ابو بكر وعمر يا احفاد حيدر ... الجمال اللي على الموت الحمر حدهم تهيدر

حاميين الكعبة الغراء ويعقب كل ضغيدر ... علّموا الحوثي وربعه منهم عيال الحمايل

الجزيرة دونها نمور واسود ٍ مع ذيابه ... دونها كل القبايل دونها عيال الصحابه

هبّت الجنّه ومرحب بالفداء يا مرحبا به ... مارد ٍ صوّت على برزان وهزّ جبال حايل

كلّ شبر ٍ بالوطن دونه حمام الموت حامي ... والله ان يشرب كدرْه الرّافضي ويموت ضامي

الوطن حدّه محرّم حرّمة الدّم الحرامي ... ما يرومون الجزيرة دونها لطّام عايل

الوطن ذا عين ابوي وعين جدّي يا فديته ... من غلاه اخجل من ترابه ايلا منّي وطيته

الوطن ذا تاج راسي في دما قلبي شريته ... تزهق أرواح ٍ ولا ينقط جبينه من فشايل

(ا) مْخلوق ٍ من ترابه والغلا يجري بدمّي ... هو ابوي وهوّ امّي وهوّ خالي وهوّ عمّي

سمّي يا ارض الجزيرة , وين اموت آقول سمّي ؟ ... في جنوبه ؟ في شماله؟ وين ماتبغين طايل

لعنبوا رجل ٍ يقصّر دون داره لانتخت به ... عاقل ٍ مجنون لارضه عاقل ٍ عقله فخت به

والله ان المرجلة رجال ٍ وداره صخت به ... ايه انا لداري سحايب من دما للي يخايل

ارتوي يا دار جدّي من دما قلبي وعيشي ... و يا شياطين الحمّية من دماغ شجاع طيشي

والله انّ الدّار داري وْالله ان الجيش جيشي ... و الفتى منّا بميّة لا صفق عدّال مايل

أيه يالحوثي تناثر جوكم عيال العجايز ... احدهم مثل الغضنفر داحم ٍ للموت فايز

عندهم عشق المنايا مسْتحب ماهوب جايز ... روحه بكفّه حملها وشايل الأكفان شايل

ينلطم خشمك وخشم الفارسي من خلف خشمك ... لعنبوا رصاص ٍ يخاف الله فيك او هو يحشْمك

الجزيرة ماهي بْلبنان خبت وخاب عشْمك ... دونها سبع القبايل واخيع ارررركع صال صايل

لا تهويك الروافض بالمغارب والمشارق ... زايله سود العمايم فوقها قصف البوارق

تشلع عفون الجماجم حدّها من سْيوف طارق ... في ميامين الغضافر زايل من الشّرق ِ زايل

يا عيال الهرمزان القادسيّة في دمانا ... حان يوم اغواث فينا والمدد منّا أتانا

نار فارس ما تولّع ون ظهر منها الدّخانا ... والله أن تصحى البقيع وتسرج الخيل الأصايل

الحسن ويّا الحسين اجدادنا وأنتم أعاجم ... مالكم فيهم قرابة ون زعم زنديق راجم

عترة الهادي نعرف حقوقهم فوق الأناجم ... سادة ٍ فينا محبتهم فلا تبغى دلايل

كلنا فدوه لآل البيت من آل محمّد ... حبّهم إيمان يحيى في قلوب ٍِ ما تُرمّد

منهج أبناء الجزيرة حُمّد وكسرى يُخمّد ... سدرة الإسلام تُسقى من دماء أبرار سايل

علّموا الرّهبان شرق المملكة غرب المنامة ... إن ظهر فيهم خميني ورامت تْطير النّعامة

والله إن تغضب ليوث ٍ ما عليها من ملامة ... و تغرز أنياب الشّهادة فيهم بشتّى الوسايل

كان قد غرّ الثّعالب غفلة الآساد ساعة ... وكان غرر بالثّعالب مقتدى ساعة سماعة

تتقي بطشة وحوش ٍ ( تصنعُ الموتَ صناعة ) ... الشّجاعة في دماهم خصلة ٍ ضمن الخصايل

منسل المسلول خالد أو تميم الخيل عزّه ... شمّر الحقّ وهوازن أو فحرب بْحين هزّه

أو بني عامر وقحطان كطود ٍ فيه رزّه ... أو سراحين الشّمال إن صكّت علوم ٍ جلايل

من بني يام ٍ والأزد لحاشد ومذحج وكنده ... من ظفير ومن بني وايل لدين الله جنْده

من بلي هامة قضاعة سيفه ورمحه وزنْده ... كلّ عدناني وقحطاني له بْيعرب سلايل

كلها سيوف ٍ صوارم لا دعت مكّة فداها ... وكلها دروع ٍ وتحمي طيبة بحزّة نداها

قعقعات القادسيّة زلزل بفارسٍ صداها ... و نارهم شبّت برأس السّاحرة شبّ الفتايل

أحرق غبار السنابك كاهن البصرة حرايق ... والمجوس بصور شرقوا بإنتظار أم الغرايق

احترق صدر الخُبر وتكشّفت سود الطرايق ... و من تحت سود العمايم تحترق بيض الجدايل

ما بعد ذي قار ٍ إلاَّ , غزوة الفتح المبارك ... رفّت العنقاء وتجهّز جيشها لأم المعارك

كافر الهارب , وهارب من جحيم ٍ من يشارك ... الوعد ثابت وآتي والعصر يتلى القوايل

صوّتت مكّة ولبّى صوتها الجيش السّعودي ... يا رياح الحقّ هبّي زوّدي زودن وزودي

ابعثي أهل البقيع ويوم بدر ٍ من جدودي ... الرّجال اللي على فاران ما عدّوا جمايل

فرّعت حسنا عظيمة يعربيّة هاشميّة ... ما تشيب ولا تخثّع والجوراح قاسميّة

تعتزي بإخوان حرب فحول ما ترضى دنيّة ... و اعتزوا لعيون عربا عيطبوليّة نحايل

كاملة والكامل الله شَعْرَها غطّى جسدها ... من يغازلها , يديها تخنقه خنْق بْمسدها

ما تزيْن إلا لشبل وْلا تطيع إلا أسدها ... نقّش الحناء قدمها وغطرفت بين الهبايل

كلنا لعيون صيته بالرّضاء ولاّ غصايب ... (أشّرت ترفة ) وفارس أيقنوا بأم الحرايب

لو قرْب قيصر (بميّة الف تعداد الكتايب) ... ما لقت ( صفْر الجنايز) من يودّون الرّسايل

ذا بلاغ الجنّ عمّ ويا عسى بالنّاس واعي ... فزّعوني من منامي وداعي الرّحمان داعي

صوّتوا يا نون شاعر (وش تراعي ما تراعي) ... حضِّب العلم اليقين وسطّر علوم ٍ جزايل

أدبرت والشّيخ طاحت شيبته بين النّياق ... (عشّرن بالعشْر) و (شرّ العشرة) أولهن يساق

لا بكم راقي مريض (و لا تدلّون البراق) ... السّمان عجاف وأنتم ما تميزون الهزايل

طار طيرن من شمال ودار في ارض الجزيرة ... صاح في عدنان وفي قحطان صيحة من ضميره

يابني عمي ترى الدعوة ترى الدّعوة خطيره ... (أزعر النّار المجوس) و (هيكل سْليمان طايل)

سبعة أمْن الجن جوني فزعوني من منامي ... قم يبو زيد ٍ وشوف الشّر من خلفي وأمامي

يا عمامي يا خوالي يا خوالي يا عمامي ... والله انّ الجن جابوا كل علم وجيت قايل

إن فنى رأس المبلّغ فادفنوه برأس قمّة ... يا بني عمّه كساكم من بنات الرّوس عِمّه

وش عليكم دام همّه ( بينكم ما شاف هِمَّه) ... يا عسى عيون السّماء تبكيه بدموع ٍ همايل








هنـآ لمشـآهدة الفيديـو مـن اليوتيـوب

http://www.youtube.com/watch?v=gUXJLcZMqZ0





هنـآ لتحميل القصيـدهـ

http://www.m5zn.com/files-xr9f7u7i1u...%20الجزيره.mp3



الشـآعـر قـآلـ هذه القصيـده عندمـآ تعدى الحوثييـن على السعـودية


يخســون الروآفض يدخلـون بـلآد الحرميـن الشـريفيـن






تحيــآتيـ !.
.
اضافة رد مع اقتباس
  #2  
قديم 15/06/2010, 01:35 AM
الصورة الرمزية الخاصة بـ الزعيم سام6
زعيــم مميــز
تاريخ التسجيل: 13/07/2005
مشاركات: 30,218
الله يجزاك الف الف الف خير ,,
ماقصرت ,,
اضافة رد مع اقتباس
  #3  
قديم 15/06/2010, 11:00 AM
زعيــم جديــد
تاريخ التسجيل: 17/06/2009
المكان: {..ِ الإمـآرآت..العيـنٍ ٍٍ.. }
مشاركات: 34
إقتباس
الرسالة الأصلية كتبت بواسطة الزعيم سام6
الله يجزاك الف الف الف خير ,,
ماقصرت ,,


الله يعطيـك العـآفيـه يـآخـووي

تسلم ع المروور


تحيـآتيـ !..
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 05:41 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2018, Jelsoft Enterprises Ltd

Google Plus   Facebook  twitter  youtube