ساعدوني ولا تصيرون مثلي ..! اللي عنده خبره بالدريم بوكس .. وين القاهـ .. سعرهـ.. كلل شي عنهـ ..! - نادي الهلال السعودي - شبكة الزعيم

المثابر 20 % · #1 12/06/2010, 11:30 PM

السلام عليكم ورحمة الله وبركاته ,,

ايه الزبدة

انا ان شاء الله ناوي اركب دريم بوكس ..

و ابيكم ( ولا عليكم امر ) تعلمونن سعرهـ + القنوات اللي تجي معهـ + وين القاهـ + كم سرعة الاتصال اللي تبي له + كل شي عنهـ لاني ما اعرف شي عنه ابد

اللهـ لا يهينكم ..!

< للي بيعلمن بس

<< للي بيشرفنا بموضوعي

if Only · #2 13/06/2010, 12:06 AM

هلا اخوي

ممكن تسوي بحث بالعم قووقل

>>>>سويت بحث سريع انا

راح تلاقي اكثر من واحد في اكثر من منتدى يفيدونك

بس انا مااقدر اجيب روابط الموااقع هناا ولا الايميلات

مثل مانت عارف ممنووع

وان شااء الله تلاقي اللي تبيهوالاعضاء يفيدونك

مودتي

الهلال kryze · #3 13/06/2010, 04:16 AM

ارحب ,
شف دامك ما تفهم شي على قولتك ولا تعرف له انا بشرح لك شرح مبسط
دريم بوكس رسيفر عادي اللهم انه يفتح القنوات المشفره عن طريق النت

سعره الحين يمكن مرتفع عشان كاس العالم لاكنه من 650 الى 850

تلقاه في السليمانيه عند محلات الدشوش تلقاهم هنود واقفين قلهم انت دريم بوكس وهم يزبطون وضعك

طبعا الي بتشتريه منه تشترك عنده في شي يسمونه سيرفر بـ250 5-6 شهور ( اهم شي قله ما يقطع )
( اذا كنت تبيه عشان الجزيره بس احسن لك اشترك عندهم لانه بيكون ارخص وما يحتاج رسيفر لكن ان كانك تبي شوتايم ابو ظبي الموسم الجاي وطقتها فأنصك بدريم بوكس )

القنوات الي بيفتحها الجزيره الرياضيه وشوتايم واوربت , اي ارتي يعني كل القنوات المشفره بإختصار !!
سرعة النت مب ضروري تكون عاليه 512 ممتازه جداً

واي شي تبي تسئل عنه لايردك الا الرسايل

M a N s O u R · #4 13/06/2010, 11:30 AM

هلا وغلا

صباح الخير قبل كل شئ

{ .. رايق

ابقول لك تجربتي مع الرسيفر دريم بوكس

زي ما تفضلوا الاخوان ، هو رسيفر عادي لكن يشغل لك القنوات المشفرة وايضا يعرض لك القنوات الغير مشفرة أو " المفتوحة "

وفيه انواع كثيرة من الرسيفرات على نفس نظام الدريم بوكس والمشغلة للـ CCam

مثل:

ITGATE

Cube Cafe

وغيرهـا الكثير .. لكن هذي الآشهر ( والافضل الدريم بوكس ، بلا منازع

)

موديلات رسيفر الـ( Dreambox )

الموديلات 500 , 600 , 7000 , 7020 , 7025 , 5620 , 800HD , 8000HD

* للاشتراك في الدريم بوكس

يتطلب التالي :-

- خط DSl بأي سرعة او حتى مودم Go
- يكون عندك صحن في البيت وفيه الاقمار المناسبة لك
~

لا تفكر في سعر ولا تفكر في امور ثانية قد ما تفكر بمزود خدمة ممتاز

خل هدفك الاساسي مزود الخدمة ، ومزود الخدمة

هو اللي يشغل لك القنوات وتدفع له الاشتراك

طبعاً المزودين يختلفون في منهم من تدفع له مبلغ 1000 ولا يطالبك بالتجديد
ولا انصحك بالتعامل معهم ابداً لانك ستواجه مشاكل التقطيع وبتكره حياتك

وهم يفتقرون لخدمة ما بعد البيع وهذه مشكلة لا قدر الله لو قطع الاشتراك عنك
وراحت فلوسك بلوشي

وفيه منهم من يطالبك بالتجديد كل بعد 6 أشهر بمبلغ وقدره والغالب لا يتعدى 500 ريال كحد أقصى وهم أفضل من السابقين
لانهم متواصلين معك في حال عطل او مشكلة في البرمجة ستجد مساعدتهم
وهذهـ خدمة ما بعد البيع من دعم فني وخلافه حتى لو تبي صيانة
علشان كذا انصحك بمزودين تم تجربتهم ولديهم سيفرات عالية وخدمات وايضاً تقدر تسأل الناس عن تجاربهم وانا ابحكي لك تجربتي ، واشوف مزودي الذي اتعامل معه هو الافضل بشهادة العملاء قبلي وتجربتي ايضاً معهم لمدة ما يقارب السنتين

أما بالنسبة للقنوات المتوفرة

فهي على حسب ما لديك من أقمار لو كان لديك فقط عرب سات مثلاً
بديهياً لن تعمل لديك قنوات النايل سات ولن تستفيد شئ

فأنصحك أن يكون لديك القمرين الرئيسين

- عرب سات ، أو نور " بدر " سات
- النايل سات

وإذا كان لديك أكثر من قمر فهو أفضل لكن انت ورغبتك حدد رغبتك من القنوات وع اساسها تضع الاقمار ، أو تكتفي بالاقمار الاساسية كما ذكرت

أما القنوات شئ ثاني

وهي كثيرة بل هي جميع ما يخطر في بالك من قنوات العالم كله من عربي واجنبي وحتى هندي

وايضاً هم يدعمون قنوات الـHd مثل الجزيرة

بالنسبة للسعر على حسب الموديل إذا تبي دريم بوكس 500 .. سعرهـ 500 ريال
وإذا تبي دريم بوكس 800Hd سعرهـ 2500 ريال ( ويفرق انه يدعم الهاي ديفيشن )

طبعاً هذي الاسعار بالنسبة لمزود الخدمة اللي اتعامل معه

يتميز بالخدمة 24 ساعة وحل المشاكل وتزويدك بالقنوات الجديدة اولا بأول
بيع قطع غيار أصلية مثل القسام والصحون وجميع المسلتزمات
تواصل مع العملاء بواسطة " الجوال - الماسنجر - المنتدى "

بالنسبة لآسعار الخدمة

لديهم ثلاث باقات ذهبية وفضية و برونزية

الباقة الذهبية سعرها 350 ريال ولمدة 6 اشهر
الباقة الفضية 300 ولمدة 6 أشهر
الباقة البرونزية 250 ولمدة 6 اشهر

يعني لو اشتركت في احد الباقات تدفع قيمة الاشتراك كل 6 اشهر
وما يميز مزود الخدمة هذا انه يوفر لك الدريم بوكس أو الرسيفر الذي تريده بالموديل اللي ترغب فيه

في حسبة بسيطة
( يعني في أول مرة تتعامل معهم تدفع قيمة رسيفر دريم بوكس + الاشتراك )

وكل 6 اشهر تجدد اشتراكك بنفس سعر الباقة أو حتى لو بغيت تغيير بعدين من ذهبي الى فضي ما عندك مشكلة

طريقة الدفع أو التجديد وهي عن طريق تحويل بنكي
وتوصيل الجهاز لك في أي منطقة في المملكة أو دول الخليج ع شركات الشحن
وانت تختار اللي يناسبك منها
وحبيت اطمنك ترى كل شئ مضمون لا تخاف ما يضيع حقك ابد اسئل مجرب

هذي تجربتي
والله ليتهم يدرون اني مسوي لهم دعاية يمكن يخلون اشتراكي مفتوح بدون تجديد
والله لآدعي لك يا شيخ

انا ما كتبت لك هالتجربة علشان تعتمد انا انصحك بالبحث على ما يناسبك
وإذا شفت تجربتي ناسبتك الخاص موجود
ومستعد ازودك بالمعلومات الكاملة ، واي سؤال عن مزود الخدمة اللي اتعامل معه انا حاضر او حتى عن الرسيفر بشكل عام

ولو ان خبرتي فيه قليلة

اتمنى اكون افدتك ، والله يكتب لك اللي فيه الخير

المثابر 20 % · #5 14/06/2010, 12:21 AM

الهلال كريزي

منصور

شكررررررررررررررررا من كل لغاليغ قلبي لكم

صراحة افدتون فائدة لم اجدهـ بكل المنتديات

شكرررا ..!

ولا تهون الهلالية اللي فوق