اريد شراء كمبيوتر جديد... ماهي افضل المواصفات والقطع؟؟
 

انا على وشك شراء كمبيوتر وماابغى استعجل علشان مااندم
وحبيت اني استشيركم في الكمبيوتر اللي ابشتري
فياليت اي واحد عنده محل او عنده خبرة في احسن القطع والمواصفات يكتبها لي هنا وراح اكون له من الشاكرين وراح ادعي له في رمضان
اولا: ماهي افضل موذر بورد؟ انا سمعت انها MSI وفيه ناس يقولون INTEL 850
ثانيا: ماهو افضل معالج ؟ واعتقد مايبي لها كلام انتل بينتيوم 4
ثالثا: ماهو افضل قرص صلب ؟ ‍‍!!!
رابعا: ماهي افضل انواع الرامات واسرعها؟ !!!
خامسا: ماهو افضل كرت شاشة؟؟ ‍‍‍!!! علما باني ابغا اشغل الكمبيوتر على التلفزيون !!!
سادسا: ماهو افضل كرت صوت على الاطلاق؟ !!! علما باني ابغاه للتحويلا ولتسجيلات السي دي حق السيارة والام بي ثري (MP3) وانا سمعت انه جريتيف لكن مااعرف اي نوع !!!
سابعا: ماهو افضل مشغل سي دي؟ !!!
ثامنا: ماهو افضل سي دي رايتر؟ !!! انا سمعت باربعة انواع : ال جي وياماها وتياك واتش بي ؟ !!! وش الافضل بين هذي وهل فيه افضل منها؟ !!!
تاسعا: ماهي افضل شاشة وتكون مسطحة؟ !!!
عاشرا: ماهو افضل مودم؟ !!!
ارجوكم ردوا علي باسرع وقت لاني مستعجل على الكمبيوتر
ومشكورين مقدما

أهلا و سهلا أخي الكريم -- الحقيقة في مثل هالمواضيع تكثر الآراء ، و كل واحد تلقى عنده تجربة معيّنة مع قطعة معيّنة و يعتبرها الأفضل -- و هكذا ..

لكن إذا تبغى رأيي فهاك :)

*بالنسبة للوحة الأم الأفضل هو MSI ثم Asus ثم Abit ثم Intel

*أفضل معالج هو ما ذكرت Pentium 4 .. مشكلته ان طبيعة قوته تخليه يسخن بسرعة ، يعني و انت تشتغل راح تسمع صوت المروحة حقة الجهاز تشتغل بأقصى قوة لها بسبب ارتفاع الحرارة.. لكن بالتأكيد هو الأفضل حاليا.

*القرص الصلب عندك طبعا Western Digital ثم Segate .. أهم شيء تتأكد من أن سرعة دورانه 7200 -- أما التخزين فاختر اللي يناسبك

*بالنسبة للرام -- أقل حجم تختاره هو 256 م.ب ، و تراه أسوأ الجيّد ، يعني لو يحصل لك 512 م.ب فهذا المناسب خصوصا إذا كانت بيئة العمل xp ..

*إذا تبغى تشغل الكمبيوتر على التلفيزيون ، فيلزمك كرت شاشة من نوع خاص ، غير كرت الشاشة العادي.. و أشهرها حاليا عندنا هو Ati All in wonder 128 mb -- هذي عندي مركبها و مرتاح معها كثير...

*كرت الصوت بالتأكيد كرييتف هي الأفضل ، و لازم تشوف منتجهم الجديد Sound Blaster Audigy Platinum eX

*بالنسبة لمشغل السي دي -- ما أنصحك تاخذ سي دي روم ، أنصحك بالـ دي في دي روم و السيدي رايتر مع بعض.. أما أفضل الأنواع فصراحة ما أفرّق بينهم ، يعني أشعر بأنهم قريبين من بعض -- لكن شف شركات مشهورة مثل: سوني و اتش بي و تياك و ياماها ..

*بالنسبة للشاشة المسطحة (الفلاترون) -- LG الأفضل..

*المودم US Robotics ( لاحظ إنه لو كان المودم خارجي و يتصل بالكمبيوتر بوصلة USB فإنه راح يكون أسرع من الداخلي ).. و لكن برضه الداخلي ممتاز.

مشكور اخوي اللهوب وماقصرت
 

وياليت اذا كان فيه اي احد ثاني يشرفنا برايه اذا تكرم
ومشكورين مقدما
تحياتي للجميع