أهلا و سهلا أخي الكريم -- الحقيقة في مثل هالمواضيع تكثر الآراء ، و كل واحد تلقى عنده تجربة معيّنة مع قطعة معيّنة و يعتبرها الأفضل -- و هكذا ..
لكن إذا تبغى رأيي فهاك
*بالنسبة للوحة الأم الأفضل هو MSI ثم Asus ثم Abit ثم Intel
*أفضل معالج هو ما ذكرت Pentium 4 .. مشكلته ان طبيعة قوته تخليه يسخن بسرعة ، يعني و انت تشتغل راح تسمع صوت المروحة حقة الجهاز تشتغل بأقصى قوة لها بسبب ارتفاع الحرارة.. لكن بالتأكيد هو الأفضل حاليا.
*القرص الصلب عندك طبعا Western Digital ثم Segate .. أهم شيء تتأكد من أن سرعة دورانه 7200 -- أما التخزين فاختر اللي يناسبك
*بالنسبة للرام -- أقل حجم تختاره هو 256 م.ب ، و تراه أسوأ الجيّد ، يعني لو يحصل لك 512 م.ب فهذا المناسب خصوصا إذا كانت بيئة العمل xp ..
*إذا تبغى تشغل الكمبيوتر على التلفيزيون ، فيلزمك كرت شاشة من نوع خاص ، غير كرت الشاشة العادي.. و أشهرها حاليا عندنا هو Ati All in wonder 128 mb -- هذي عندي مركبها و مرتاح معها كثير...
*كرت الصوت بالتأكيد كرييتف هي الأفضل ، و لازم تشوف منتجهم الجديد Sound Blaster Audigy Platinum eX
*بالنسبة لمشغل السي دي -- ما أنصحك تاخذ سي دي روم ، أنصحك بالـ دي في دي روم و السيدي رايتر مع بعض.. أما أفضل الأنواع فصراحة ما أفرّق بينهم ، يعني أشعر بأنهم قريبين من بعض -- لكن شف شركات مشهورة مثل: سوني و اتش بي و تياك و ياماها ..
*بالنسبة للشاشة المسطحة (الفلاترون) -- LG الأفضل..
*المودم US Robotics ( لاحظ إنه لو كان المودم خارجي و يتصل بالكمبيوتر بوصلة USB فإنه راح يكون أسرع من الداخلي ).. و لكن برضه الداخلي ممتاز.