لو صار لك هالموقف وش تسوي؟؟؟ (للشباب فقط) - نادي الهلال السعودي - شبكة الزعيم

قرقاص · #1 02/11/2002, 02:33 PM

أنا قلت للشباب فقط!! لأن البنات ماراح يصير لهن هالموقف!!

وش رايح تسوي في هالحاله؟؟؟ تقطع الأشاره وتصورك الكاميرا وتاخذ مخالفة ب 900 ريال ولا تخلي الأسعاف وراك وتخليه يصيح لين يقول بس وبالطقاق في المريض!! وتوفر 900 ريال!!!
شوفوا المسكين وش صار له!!!

سيارة إسعاف تجبر مواطناً على قطع الإشارة والكاميرا ترصده!!

* الرياض صالح العيد:
أوضح أحد المواطنين أنه كان يقف عند الإشارة الحمراء في احد شوارع الرياض وكانت سيارة إسعاف قد أطلقت أبواقها مما اضطره للتقدم عن الإشارة لإفساح المرور أمامها، قد التقطت كاميرا المرور صورة لسيارته عند قطعه للإشارة ويناشد المواطن إعفاءه من هذه المخالفة ويسأل هل في إفساح الطريق أمام سيارات الطوارئ مخالفة؟.

صمت العيون · #2 02/11/2002, 02:44 PM

[shdw]خلها على ربك....
ان شاء الله يكون على اجر اولا لانه يمكن هذا المريض بحاله خطره بكذا يكون ساعدهم....والـ 900 تجي غيره لو انها كثير لكن القرش بداله قرش......
لو انا مكانه فتحت المجال للاسعاف...والقسيمه الله يعيني ادور فتامين(واو) او اسددها وامرنا لله..... [/shdw]

أيــــــمــــــن · #3 02/11/2002, 03:32 PM

شف ياقرقاص اذا صار لي هذا الموقف اول مره اقطع الاشاره واخلي الاسعاف يمر بعدين اروح للمرور وافهمهم الوضع واذا قالو ماعلينا منك يعني تدفع تدفع ....... ماوالله اوخر المره الجايه لو ترفس سيارة الاسعاف مرافس .... 900 ريال هذي مكافأة شهر كامل عاد متى تنزل ;)

تحياتي

الكنز نواف · #4 02/11/2002, 09:06 PM

هي وقفت على الموقف هذا !

والله يعين على تسديد المبلغ لأن ربعنا ماعندهم الا ادفع وبعدين راجع

@!الفيصل!@ · #5 02/11/2002, 09:22 PM

حقيقه
وعندنا في جده ياكثرهم

وخاصاتاً الصبح

ما تشوف الفلاش

ابوناصر2001 · #6 02/11/2002, 09:31 PM

إقتباس


	إقتباس من مشاركة أيــــــمــــــن شف ياقرقاص اذا صار لي هذا الموقف اول مره اقطع الاشاره واخلي الاسعاف يمر بعدين اروح للمرور وافهمهم الوضع واذا قالو ماعلينا منك يعني تدفع تدفع ....... ماوالله اوخر المره الجايه لو ترفس سيارة الاسعاف مرافس .... 900 ريال هذي مكافأة شهر كامل عاد متى تنزل ;) تحياتي

بصراحة كلامك صحيح اخوي

تحياتي

سراب الدمع · #7 03/11/2002, 02:40 AM

مساء الورررررررررررررررررررررررررررررررررررررد

شف طال عمرك ومن يوحي

أنا أبنتف أبو الإشارة

والمخالفة ... أسقط أبوها رظو ولا أبو !!

===================>>>> قوي سراب الدمع

@@ أهم مافي الموضوع بصراحة هو أحتساب الأجر عند الرحمن

واحد يموت على الزعيم · #8 03/11/2002, 05:06 AM

إقتباس


	إقتباس من مشاركة أيــــــمــــــن شف ياقرقاص اذا صار لي هذا الموقف اول مره اقطع الاشاره واخلي الاسعاف يمر بعدين اروح للمرور وافهمهم الوضع واذا قالو ماعلينا منك يعني تدفع تدفع ....... ماوالله اوخر المره الجايه لو ترفس سيارة الاسعاف مرافس .... 900 ريال هذي مكافأة شهر كامل عاد متى تنزل ;) تحياتي

والله معك حق