][ .. كلامات مبعثره .. دعواتكم ما ننقل الى بيت ثاني .. ][ - نادي الهلال السعودي - شبكة الزعيم

Ricky 8 · #1 07/06/2010, 01:36 PM

السلام عليكم .. بونسوار جميعا ً

ابي اخش في الموضوع دغري

كلمات كتبتها على عجله بدون ترتيب أفكار أو أي تنظيم
أحببت أن تشاركوني أياه

خصوصا ً وأنه يحكي عن أمرا ً سوف يحدث لي

يعني بإختصار شديد لا احد يشره عليها لأنها
مجرد سوالف

عمري بأكمله عشته في منزلنا .. أتذكر به كل لحظات الحياه
أذكر في تلك الغرفه والدي .. رحمه الله
وأذكر حينما كان يلعب معي ويمازحني
أذكر أحد أصدقاء والدي الذي كان يمكث معه في تلك الغرفه
أذكر حينها كنت صغيرا ً وكنت استمع لأحاديثهم
سبحان الله .. وكأنها كانت البارحه

أتذكر تلك الصاله ..
كنا نجتمع كل يوم .. نضحك .. نلعب
نتسامر .. نأكل مع بعضنا .. بل نتشاجر في بعض الأحيان
أذكر والدي .. كنت أبكي عنده وأشتكي له
سلمان .. ولد الجيران .. لا يدعني ألعب معه
أريد يا أبي أن تشتري لي تلك اللعبه
لا أكترث من أين تجلب المال .. أريدها ولا أريد سواها
علامات الآسى تعلوا وجه والدي .. حزين لأنه لا يملك من المال إلا القليل
لكن بعبارات هادئه قال لي .. سأسعى لشرائها يا ولدي
وبالفعل جلبها لي أبي

ثم مضيت من الصالة متجها ً إلى [الحوش بالعبارة العاميه ] ..
حينما رأيت ذلك المرمى التي كنت قد رسمته على الجدار
أضحك .. وأبكي ً في آن واحد ..

أتذكر صديقي نادر .. الذي كنا حينما نخرج من المدرسه وكنا وقتها في
المرحلة الإبتدائيه .. نلعب معا ً بالكره في وقت الظهيره
وكان أبي أحيانا يلعب معنا
والآن أين نادر ..!! الله وحده يعلم .

وأنا في تجولي في أرجاء المنزل
جاءني أخي الكبير وهو في غاية السعادة
" أبشرك البيت الي كنت ابي ابيعه خليته لنا وراح نسكن به
كلنا انا وانت وامي والبنات
وكل واحد له غرفه حلوة ويكفي بس اسم الحي
مو حيك المخيس هذا "

فرحت .. سوف تكون لي غرفه لوحدي وسوف اضع بها ما أشاء
وكنت أفكر في الحي الذي سوف نسكنه حي رائع ويكفي ان مافيه جارنا عبدالله
[ طبعا ً جارنا عبدالله فيه من الأذى والإزعاج ما يكفي دولة

]
لكني في نفس الوقت جلست أفكر وسألت أخي .. " طيب وبيتنا هذا وش نسوي به ؟ "
أجابني أخي " ابد نبي ناخذله صورة 4 × 4 ونعلقها في حوش بيتنا الجديد .. بالله وش رايك يعني أكيد نبي نبيعه "

صدمت وجلست أبكي من داخلي .. كيف .. صعبه .. لا ماقدر
بيتنا الي عشت به سنين عمري .. والي فيه ذكريات الوالد
الله يرحمه .. والي جنبه جيرانا الي احبهم ويحبوني ..
معقولة كذا راح نرحل عنهم .. شلون اقابل اصدقائي ؟
وكيف ادرس في مدرسة جديده ولا اعرف فيها اي شخص ؟

ولازلت أفكر فيها حتى هذه اللحظة

دعواتكم ما ننقل لبيتنا الجديد

~| A z ! z |~ · #2 07/06/2010, 01:42 PM

،،

أبكيتني .. طلال

< مالهم فترة ناقلين من بيتهم

حآول تضبط أفكارك بقافية موزونة وتصير قصيدة ..
يمكن تطلع فيك موهبة زيادة غير التصوير والتحليل والترجمة والحش

آستمر طلال

،،

Blaugrana Heart · #3 07/06/2010, 01:53 PM

مشكــــور ياطلآلآل ..

موضوع مميــز

ام متعب التميمي · #4 07/06/2010, 03:47 PM

يالله يارب انكم تنقلون

<<قمة اللعانه واللكاعه

ياشيخ هي الدنيا كذا وش بتسوي

انت عارف الاحياء تتغير والجيران يتغيرون

وبيصير حيكم حي خمه وحيكون فيه فوارق اجتماعيه مع عادات وتقاليد مختلفه

<<تو ابوي قايلي هالكلام يبي يقنعني بالنقله من بيتنا يوم عصبنا عليه مانبي ننقل

ريكي وسعها والله يوسعها عليك يمكن تصيرون جيرانا

تحياتي

الخـالدي · #5 07/06/2010, 04:12 PM

إقتباس


	لكني في نفس الوقت جلست أفكر وسألت أخي .. " طيب وبيتنا هذا وش نسوي به ؟ " أجابني أخي " ابد نبي ناخذله صورة 4 × 4 ونعلقها في حوش بيتنا الجديد .. بالله وش رايك يعني أكيد نبي نبيعه "

ههههههههههههههههههههههههههههههههااااي

نعلقها في حوش بيتنا الجديد<< موالاه لبيتكم القديم

خويي عمره 16 سنه
يمكن غيروا بيتهم 3 مرات

هاذي الدنيا عجايب

تجري الرياح بما لاتشتهي السفن

<<<<< كيف الفلسفه بس

اريقاتو طلووو

Ricky 8 · #6 07/06/2010, 04:19 PM

إقتباس

الرسالة الأصلية كتبت بواسطة ~| A z ! z |~


	،، أبكيتني .. طلال < مالهم فترة ناقلين من بيتهم حآول تضبط أفكارك بقافية موزونة وتصير قصيدة .. يمكن تطلع فيك موهبة زيادة غير التصوير والتحليل والترجمة والحش آستمر طلال ،،

ماتدري يمكن ننقل جنبكم

وما حب الديار شغف قلبي ولكن حب من سكن الديار

يقولون من السهل انك تشد لمية بيت في سنه لكن من الصعب تحصل جار كفوو في مية سنه

<~ يجي يجي

لاهنت عزيز ع المرور

Ricky 8 · #7 07/06/2010, 04:20 PM

إقتباس

الرسالة الأصلية كتبت بواسطة GeRaRd


	مشكــــور ياطلآلآل .. موضوع مميــز

عفوا ًَ يا اسوومي

بعدين اي مميز وخرابيط

لا تنسانا من دعواتك

اريقاتو اسامه

Ricky 8 · #8 07/06/2010, 04:24 PM

إقتباس

الرسالة الأصلية كتبت بواسطة ام متعب التميمي


	يالله يارب انكم تنقلون <<قمة اللعانه واللكاعه

إقتباس

الرسالة الأصلية كتبت بواسطة ام متعب التميمي


	ياشيخ هي الدنيا كذا وش بتسوي انت عارف الاحياء تتغير والجيران يتغيرون وبيصير حيكم حي خمه وحيكون فيه فوارق اجتماعيه مع عادات وتقاليد مختلفه <<تو ابوي قايلي هالكلام يبي يقنعني بالنقله من بيتنا يوم عصبنا عليه مانبي ننقل

بس يقولون لأجل عين تكرم مدينة

والعين ذي غاليه علينا

وعلى طاري الحي تصدقين ان حينا صار فيه جريمتين قتل في اسبوع واحد

بس ما يهم اهم شي انه حلو بعيني

إقتباس

الرسالة الأصلية كتبت بواسطة ام متعب التميمي


	ريكي وسعها والله يوسعها عليك يمكن تصيرون جيرانا تحياتي

وهذا الي خايف منه

دعابه دعابه <~ خاف

منوره اختي ام متعب

ولاهنت ِ ع الرد المميز

Ricky 8 · #9 07/06/2010, 04:27 PM

إقتباس

الرسالة الأصلية كتبت بواسطة الخـالدي


	ههههههههههههههههههههههههههههههههااااي نعلقها في حوش بيتنا الجديد<< موالاه لبيتكم القديم خويي عمره 16 سنه يمكن غيروا بيتهم 3 مرات هاذي الدنيا عجايب تجري الرياح بما لاتشتهي السفن<<<<< كيف الفلسفه بس اريقاتو طلووو

اكره ما عندي الي يتنقل من بيت لبيت

ياخي مافي استقرار

بس وش نسوي هذا الاحتراف <~ فاهم غلط

اجل تشتهي الرياح <~ فاطس

لاهنت عزوز واريقاتو انت

الضحى · #10 07/06/2010, 06:09 PM

التغيير جميل وعساه منزل مبارك

والأفضل قبل السكن قراءة القرآن في جميع الغرف والدعاء

وبأذن الله يكون لكم فيه الخير والبركة ..

ومايمنع مواصلة الجيران حتى بعد البعد عنهم الإنسان لا ينسى جيرانه

الطيبين ..

ربطـه و شبـاصه · #11 07/06/2010, 06:14 PM

أهلاً ريكِككككي

يآخِي الله يعينك

متعآطفه معك إلى أبعد درجه لأني حآسّه بمعآناتك

شعور صعب إنك تترك مكآن بكل شبر فيه لك ذكرى مع نآس تحبهم

صعبه بالحيل =( !
لكنِ مع الوقت بتنسى وبيصِير هالمكان جزء من مآضِي جميل

الحمدلله على نعمة النسيان

/
/
ياجعله منزِل مبآرك ، وتعيش فيه أيام أحلى وأحلىَ

أنت بس وسع صدرك وعلمنآ متى بتنقلون ومكآن بيتكم الجديد عشآن نزوركم
ونجيب لكم هذيك وشسمها النزاله

Ricky 8 · #12 07/06/2010, 07:32 PM

إقتباس

الرسالة الأصلية كتبت بواسطة الضحى


	التغيير جميل وعساه منزل مبارك والأفضل قبل السكن قراءة القرآن في جميع الغرف والدعاء وبأذن الله يكون لكم فيه الخير والبركة .. ومايمنع مواصلة الجيران حتى بعد البعد عنهم الإنسان لا ينسى جيرانه الطيبين ..

جزاك الله الف خير اختي الضحى

الجيران شيء اكيد يكون لهم معزه وتقدير لكن مسألة الوصل فيه صعوبة

لكن بإذن الله راح نبقى ولا ننقل

لاهنت ِ اختي على المرور الجميل

Ricky 8 · #13 07/06/2010, 07:38 PM

إقتباس

الرسالة الأصلية كتبت بواسطة ربطـه و شبـاصه


	أهلاً ريكِككككي يآخِي الله يعينك متعآطفه معك إلى أبعد درجه لأني حآسّه بمعآناتك شعور صعب إنك تترك مكآن بكل شبر فيه لك ذكرى مع نآس تحبهم صعبه بالحيل =( ! لكنِ مع الوقت بتنسى وبيصِير هالمكان جزء من مآضِي جميل الحمدلله على نعمة النسيان / / ياجعله منزِل مبآرك ، وتعيش فيه أيام أحلى وأحلىَ أنت بس وسع صدرك وعلمنآ متى بتنقلون ومكآن بيتكم الجديد عشآن نزوركم ونجيب لكم هذيك وشسمها النزاله