|
جـو كـول يشـن هجومـا على كارلـو انشيلـوتي http://www.dohaup.com/up/2010-06-10/admin1242857857.jpg بدأ جو كول الليلة الماضية هجوما مستترا على كارلو انشيلوتي بعد خروجه من نادي تشلسي لن يحطم له بطولته كأس العالم. واعترف كول ان الموسم الماضي كان " صعبا للغاية " بعد ما اكد انشيلوتي مدرب تشلسي له للخروج في حين أن النادي أمس أكد أنه سيتم الافراج عنه. وقال كول لاعب خط وسط انجلترا انه يحتاج الى المدرب الذي سوف يظهر له " الايمان "بعد اعلن المدير الفني لـ توتنهام هاري ريدناب علنا عن رغبته في التعاقد معه وقال كول : "هذا الموسم كان صعبا جدا بالنسبة لي ولكني أريد أن اضعه خلف ظهري الان, كل ما احتاجه هو ذلك المدرب الذي سـ يعطيني الشعور بـ الايمان ويقول لي انك سـ تلعب هنا !! فترتي وانا تحت قيادة جوزيه مورينيو إذا نظرتم اليها ،لعبت أكثر من روبن وداف ، وايتي ، مالودا ، موتو ، جوديونسن. وكان جوزيه يهبني الكثير من الايمان في نفسي. فقد لعبت في جميع المباريات الكبيرة. |
~ الكبيـــــر كبيــــــــر يـآ جــو كــووول ~ |
والله ياجوي ماعرفنالك مستواك سيئ وتصريحاتك مستفزه دائما |
جو كول مستواك متذبذب مره واكيد المدربين ما راح يلعبونك كثير |
وين المصدر؟؟ جوكول لعبتبه الاصابات عشان كذا يبي يكرشه انشلوتي |
اوكيه انتا لاعب كبير وخبره وتقدر تصنع الفارق لاكن مظمنك موسم كامل .... غير كذا نزل مستواك وكثرة الاصابات مع ذلك تطالب بزياده الاجر وانت لك موسمين مقدمت شي ......! |
وش اللي ما قدم شي ؟؟ يكفي هدفه اللي على مانشستر اللي حسملكم الدوري فيه بنسبة 90 بالميه .. وبعدين انا اشوف مع انه توه راجع من اصابه ومارجعته حساسية الكوره الا انه لعب باخر المباريات اللي تكون حساسة واهم مرحلة بالدوري .. بعكس لاعبين جاهزين مثل زيركوف غير ان فيه لاعبين <<<<< ( ما اقصد دروغبا ابد :razz:) يضيعونك في المباريات الهامه .. يعني يبدع طول الموسم واذا وصل اخر المشوار قام ينخول .. خذ ابطال اوروبا مثلا .. قبل ثلاث سنوات في المباراه المشهوره مع مانشستر جاي الزاحف دروغبا من بعيييييييد ويضرب فيديتش كف اللي كان يهدي تيري وتيفيز .. ويييين قاعدين حنا ولا كانه يلعب على نهائي ابطال اوروبا .. وانطرد بسبة هالحركه وضر فريقه مو بس ضره الا خسره بطولة دوري الابطال بحركه مالها اي داعي .. وكلنا ندري ان هو اللي كان المفروض يشوت البلنتي حق تيري واحتمال كبير انه يسجله .. لا وبعد ما انطرد وهو طالع من الملعب مسوي طفشان :laugh: انا وش اسوي بطفشك؟؟ والسنه اللي بعدها قدام برشلونه ( خلوا الحكم على جنب ) كم انفراده بالله ضيعها .. يجي داااااز اخر شي يشوتها بصدر فالديز حتى هو حس بتانيب الضمير اخيرا واعتذر وقال بعوض الجماهير السنه الجايه .. والسنه هذي انطرد قدام الانتر .. ( انا وجهة نظري ان لاعب يحسم لي الدوري نهاية الموسم حتى لو مالعب فيه واجد احسن من اللي يبدع طول الموسم ويجي بنهايته ويقوم يقدح من راسه ويضيع مجهود فريق موسم كامل ) * عنوان الموضوع انه يشن هجوم على انشيلوتي انا ما اشوف بكلامه اي تهجم على انشيلوتي .. مجرد راي :rose: |
لا اعتقد ان سبب رحيله هو عدم اللعب كثيرا هو رحل بسبب اختلافات ماليه هو يريد راتب عالي ومستواه في انحدار خخخخخخ كالو ومالودا افضل منه في الوقت الحالي |
~ الكبيـــــر كبيــــــــر يـآ جــو كــووول ~ |
مصدرك يالطيب بعدين جو كول مستواه طااايح صراحه عووووافي |
الخبر من دون مصدر هذا اولاً واللاعب و الادارة صرحوا كذا انه لم يكن هناك اتفاق مالي اللاعب يستلم اسبوعيا 90 الف جنيه استرليني في عقده السابق وهو يريد مقابل التجديد رفع راتبه الاسبوعي الى 120 الف جنيه استرليني على الرغم من انه راعي اصابات ومستواه منخفض . الي بين النادي و بينه انتهى وكل واحد راح بـ طريقه . إقتباس:
حياك يا مانياوي بيـه :ba1: الكل متفق على ان (جوي) لاعب موهوب وعبقري ومنقذ وكلنا كـ تشلساويه نريد التجديد معه , لكن الي حصل ان اللاعب يريد تجديد عقده مقابل رفع راتبه الاسبوعي الى 120 الف جنيه استرليني اي زيادة بـ نسبة (35% عن راتبه السابق) وعلى اي اساس ارفع راتب لاعب (بنسبة 35% عن راتبه السابق) وهو في كل موسم لازم يجلس في غرفة العلاج اقل شيء 3 شهور . أجل اللاعبين الي ينتجون أكثر ويسجلون في الموسم الواحد بـ معدل لا يقل عن 30 هدف في كل البطولات ولا يقل عن 20 اسست في كل البطولات << ترا ما اقصد دروقبا :razz: اذا بغوا يجددون عقودهم كم يطلبون رفع نسبة راتبهم , لذلك النادي رفض الانصياع لـ رغبات جوي وفتح له المجال بالخروج لانه لو انصاع لـ رغباته راح يتكلف الفريق اعباء مالية كبير جدا جدا في حال رغب التجديد مع لاعبين اخريين أو التعاقد مع لاعبين من خارج النادي . والاندية الاوروبية مـا تحسب هالاشياء (اقصد التجديد و الرواتب) بـ انه سجل على مانشستر و لا ماقدم كذا مباراة حلوة حتى لو كانت مصيرية , لان لكل مباراة ظروفها . تحسب هالاشياء بـ الارقام وكم لعب من مباراة وكم سجل وكم صنع وكم انقذ هدف في كامل الموسم وفي كل البطولات . |
لكل جواد كبوه وأنت أنشلوتي ما أقتنع فيك الله يعينك وأتوقع أن الريال حاط عينه علييك..! |
آمممممم الكـل مجمـع على مسسستـوى هالاعب , آنآ مسستغرب من آللي طآب يقـول مستـوآه متذبذب آو حتى وصلت لـ فكرة آنه سيء.! كـبير بكل مآتحمله الكلمه من معنى , عآنى من لعنة الاصآبآت هالموسسسم , و الظآهر على هالشئ تم بنـآء آنـه مو بـ لآعب صآحب مستوى ثآبت .! جـول كـول من آفضـل آجنـحة آنجـلترآ حآليآ , لكـن آلآصصصآبآت آلآصصصآبآت الآصصآبآت , و من ثم فقدآن الثـقه اللي يمر بهـآ بعد آعتمآد كآرلـو على غيـره .! نسيت آؤكـد نقـطه ذكـروهـآ آلشششبآب , الموضوع بدون مصـدر :D لأني مآني نـآوي آرد لـ هذآ السبب , لكـن توآجد آكثر من ششخص هضم حق الاعب , قلنـآ بنرد و خآبرين مصير الموضوع لـ الكورنـر :D |
إقتباس:
دائماً اللاعب اللى يقول الحقيقه تذمونه حتى وانتم تبونه :naughty: تعال لبى قليبك للقنـرز وخل الحساد يموتون. أتمنى له حظاً كبيراً .وان أراه في الارسنال .! |
| الوقت المعتمد في المنتدى بتوقيت جرينتش +3.
الوقت الان » 06:20 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd