|
للأسف تصريحات الأمير عبدالرحمن بن مساعد تذكرني بتصريحاته العام الماضي بعد طرد كوزمين عندما جلس يصرح بأن مستواهم ممتاز حققنا ولي العهد ومتصدرين الدوري ومتصدرين مجموعتنا الأسويه بس للأسف في النهايه خسرنا الدوري وخسرنا الأسويه امام ام صلال وهاذا بسبب ان الأمير لم يعرف يتصرف بعد مؤامرة ابعاد كوزمين والحين نفس الشيء لازم الأمير يحسن التصرف مع جيرتس ياحيستمر سنه كامله او يرحل من الأن عشان مايكون موت وخراب ديار اي بمعنى الخروج من الأسويه وخسارة الدوري إذا رحل المدرب بمجرد الخروج من الأسويه فصعب تجد بديل في بداية الدوري اي ان الدوري سيلحق بالأسويه الأن يجب على الأمير الأجتماع بالمدرب وحسم الأمور من الأن وبصراحه لأن مدرب يأكد انه سيستمر سنه مع الهلال يروح من الحين يشوف فين حيسكن في المغرب كلام مايدخل العقل المدرب بس يبغى البطوله الأسويه يضيفها في سجله إذا فاز بها بعدين بيترك الهلال بكل صراحه يجب على الأمير عبدالرحمن بن مساعد البحث عن مدرب من الأن وان لايعلقوا مصير الهلال بمصير مدرب ماحقق معجزه مع الهلال صحيح انه مدرب كبير بس له عيوب واضحه |
الحمد لله جريتس باقي مع الهلال حتى نهايه عقده وان شاء الله يحقق كل ما يتمناه الهلال بالتوفيق لجريتس والهلال |
بيض الله وجهك واللي جاب غيرتس يجيب مليون غيره وهذا الي لازم يصير بالفعل "انهاء عقده" حتى وان غير غريتس رايه حول تدريب المغرب لابد من طوي قيده وانهاء خدماته بأسرع وقت وغريتس ماقصر والزعيم زعيم به ولا بدونه وبعدين من كان يعرف غريتس قبل تدريبه للهلال قليل الي يعرفوووونه او حتى يسمعون اسمه هذا الزعييم كعادته صاحب الشهره العالميه في سطوع نجم اي شخص ينظم لهذا الكيان والهلال ماعليه خوف ولا تكرهوا شي ويجعل الله فيه خير كثيرا |
يعني هي معادلة بسيطة ( كم أُعطي وقدِّم لـ جيريتس + ماذا يملك من عناصر = ماذا قدّم من نتائج) وهل طرفي المعادلة متساوين إذا علمنا أن المحصلة بطولتين والهلال اعتاد على تحقيق بطولتين وأكثر في مواسم عدة بل أن الموسم الذي يكتفي فيه ببطولة يتعبر غير مقنع كما حدث في الموسم ما قبل الماضي ... كلااااام سليم اخوي.. والقوة في التنظيم الهلالي والتعاون بين اللاعبين... يعطييك العافييه.. |
اجل عدة مصادر اقوى من نفي الهلال والله انا عندي كلام الجابر وعبدالرحمن بن مساعد اقوى من كل مصدر والحين فيه تصريح مثبت بالمنتدى عن جيرتس انه يحترم العقد وباقي مع الفريق |
الحين تبينا ناخذ رايك ونترك راي ابن مساعد وسامي الجابر؟؟؟؟؟؟؟؟؟؟؟؟؟؟؟؟؟؟؟ قالوها بالفم المليان جيرتس باقي الى نهاية عقـده خلاص وش تبون اكثر من كذاا وجيرتس قال باقي ان احقق حلمي وهي بطولة اسسياء وفكونا من المواضيـع التي لا فايده منها |
اخوي جريتس عقده ينتهي مع نهية المسم الجاي وباذن الله راح يجلس لين ينتهي عقده وشوف فيه لقاء مع جريس مع صحيفة الجماهير شوفه مثبت عندك بالمنتدى |
نبي سامي فقط فقط فقط فقط افضل من قيرتس! |
السلام عليكم أبوفهد في البدايه أتفق مع الفكره اللي أردت أن توصلها وهي أنه يجب على الإداره أن تبحث عن بديل لغيريتس يبدأ مع الفريق المعسكر في حال رغبة قيريتس مغادرة الفريق في نوفمبر لأن الأستقرار الفني هو أهم عامل من عوامل النجاح والهلال ولله الحمد يملك نجوم تساعد أي مدرب صاحب سجل جيد على النجاح ولكني أعتب عليك لقسوتك على غيريتس وكلامك عنه وكأنه مدرب عادي فيا عزيزي رغم أني أتفق معك أن غيريتس جزء من أجزاء النجاح الهلالي وليس سبب النجاح كاملا إلأا أن سجله التدريبي مع أندية ايندهوفن وغلطه سراي ومرسيليا تؤكد بأنه مدرب محترم وبالنسبه لعيوبه فياعزيزي لايوجد شخص في العالم يخلو من العيوب وغيريتس من وجهة نظري ميزاته تطغى على عيوبه فغيريتس أوجد التمارين الصباحيه وأعاد لنا الهلال الهجومي وأعاد الشلهوب لتوهجه وأعاد إكتشاف ويلي وغيرها من الميزات ومن عيوبه ضعف التنظيم الدفاعي وضعف قراءته للمباريات وهذه ليست مشكله إذا ماعلمنا أن السير أليكس فيرغسون أحد أنجح المدربين في التاريخ يعاني أيضا من ضعف قراءة المباريات ولكن هذا الشيء لايلغي نجاحه وبالنسبه لكلامك عن خسارة بطولة فيصل وكأس الملك فياعزيزي أنت من أشد الذين طالبو بعدم التركيز على بطولات الكؤوس والتركيز فقط على الدوري والآسيويه وتحاسب المدرب الآن على هذه البطولات والمدرب أيضا ذكر في أحد لقاءاته أن تركيزه فقط على بطولة الدوري بمعنى آخر أن البطولات الأخرى لم تكن في حساباته وأعيد وأقول أنني لا أنسب النجاح لغيريتس فقط بس هو حلقة من حلقات النجاح ولكن ذكرت هذا الكلام لإنصافه فقط وبالنسبه لبديله فأنا أرى أن لاعبي الفريق يساعدون أي مدرب صاحب سجل جيد على النجاح ولكن أهم صفتين من صفات نجاح المدرب القادم من وجهة نظري هي: 1- قوة الشخصيه والاظباط 2-أن يكون المدرب صاحب اسم وسمعه كبيره والسبب هو أن نادي الهلال يمتلك صفوة النجوم السعوديين ولاعبين دوليين من رومانيا والسويد وكوريا والبرازيل وهؤلاء اللاعبين يحتاجون لمدرب قوي الشخصيه وصاحب سمعة كبيره لكي يسيطر على هؤلاء النجوم وكلنا نذكر كيف كان الفريق منضبط مع كوزمين وكيف انحدر مستوى نفس اللاعبين مع ليكينز والحسيني والسبب هو شخصيه المدرب وشكرا لك أبوفهد وأتمنى أن تتقبل وجهة نظري :rose: |
كبير يَ سمو الامير ,, انتهى الـجدل . بالتوفيق |
أبو فهد الهلالي , أثق كثيراً بنظرتك , و صواب تفكيرك و تحليلك المميز للأمور :) ذكرت أهم عيوب جريتس و هو عيب كبير جداً و هو (عدم قدرته الجيده في قراءة المباريات + التبديلات) هذي العيوب واضحة جداً عند جريتس , كلي ثقه في الأميرين عبدالرحمن و عبدالله بن مساعد و الأمير نواف بن سعد , أنهم و ضعوا كل الإحتمالات و إتخذوا جميع الإحتياطات , ف الهلال حالياً في أفضل حالته , و كأس آسيا إقترب , ولن نحتمل أن يطير مثل كل مره :yes: لأن هالمره بتكون قاضيه :( ,’ أبو فهد , لاهنتْ :rose: |
قلمك رائع وكلامك اروع ومقنع 100% اتفق معاك بكل ماقلته يا ابو فهد وانا أؤيدك من الحين مع السلامه جيرتس اذا يبي يطلع بمنتصف الموسم وهاتو مدرب بطل غيره انا ماني خايف بمسئلة المدرب الجديد لن دايم الزعيم يصنع المدربين باكيتا وبعده كوزمين والحين جيرتس وقبلهم مدربين كبار يعني مافيه خوف ابد ع الزعيم من ناحية المدرب لن الاداره تعرف تختار المدرب المناسب الله يعطيك العافيه |
فعلا جيريتس راح يروح نص الموسم وراح تصير عندنا مشكله ... اتمنى حلها من الآن .. |
ابو فهد انا معاااك بكل كلمه انبح صوتي وانا اقول هالكلام بس مشكلة بعض الجمهور يشوف النتيجه اخر المباراه ومايدري وش السالفه المدرب للاسف لايفقه شي من ناحية التغيرات وسط المباراه لدرجه اني بعض الاحيان اشك انه يبغا الهلال يخسر اجل مباراه زي الاتحاد بجده نخسر فيها بعد ماكنا نلعب على باب واحد .. ؟ بالله العنبر تنزله في مباراه زي هذي ..؟ معقوله مايعرف مستوايات لاعبينه . .؟ مباراه الشباب 2-0 وبعدها يعادلونا . . وين التوجيهات وين تقفيل اللعب في اخر خمس دقايق من الشوط جالس ومتكتف ولايكلم الاعبين ولايوجههم جريتس الشيء الوحيد المميز فيه هو الاعدااااد في بداية الموسم والصرامه فقط لاغير ووفقه الله بجهاز طبي ولياقي على اعلا مستوا انا ماني من مؤيدين عودة كوزمين لكن تخيلو معاي هذي التشكيله المتواجده اليوم معاه هي نفسها الي كانت مع كوزمين اتوقع ينتهي الموسم بدون ان ينهزم الهلال في اي مباراه كوزمين مان يعاني من الظهير الايمين وكان يعاني من التايب واصاباته واصيب ياسر القحطاني في بدايه الموسم وفي منتصفه باصابتين وهي بعج في البطن ومع كذا كان متصدر الدوري وفي مرمانا 6 اهداف فقط وفزنا في كاس ولي العهد وكان القادم مذهل لو ماطردوه تخيل لو الكوري وتياقو ونفس الجهاز الطبي واللياقي مع كوزمين وش كان بيصير . . ؟ بتصير مجزره كرويه للفرق المقابله ولكن عيب كوزمين انه دفاعي شوي لكن يالبيييه يالدفاع اذا قريقي ماينهزم ابدد د والدليل الانتر مع مورينيو بالختام اقول جيبو اي مدرب صاحي شوي حتى لو عربي بتشوفون العجب العجاب بس وفروله جميع الاسباب الي موفره لجيرتس |
والله انا معاك بكل كلمة قلتها بس اعتقد جريتس نشر العقد عشان يصير الغاء العقد من طرف الادارة وبكذا ندفع الشرط الجزائي افضل فكرة هي التعاقد مع مدرب يتابع الفريق ووقت رحيل جريتس يتولى تدريب النادي ... |
| الوقت المعتمد في المنتدى بتوقيت جرينتش +3.
الوقت الان » 06:41 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd