بلاش قحلطه كلها 375 ريال
 

بسم الله

السلام عليكم , توني ادخل قسم كأس العالم والا اشوفلك انواع القحلطة ناس تعودت ما تدفع الي يقول دريم بوكس والي يقول لك قناة اريتريا والفرق كلها ملاليم الحين كيس الرز ابو خمسين كيلو بقيمة اشتراك الجزيرة شفيكم أنتم يعني بقيمة ست قواطي نيدو تشترك بكأس العالم يعني بقيمة كرتونين زيت تشوف كأس العالم وش ذا القحلطة والبخل نسيتوا صالح كامل يوم يصقعنا بـ 1400 ريال ويقول الي بيشوف يدفع والله العظيم أنتم بتخربون علينا الجزيرة لازم ندفع ونساعد الجزيرة على النجاح كلها 375 ريال يصرفها الواحد هو وخوياه بنص تيس مثلوثه ايوالله أنا ضد كسر احتكار الجزيرة لانه ببساطة المبلغ معقول ومقبول وارخص من هرفي بحراج الغنم أبي افهم تبونا نخسر الجزيرة علشان بكرة تقول ياولد بدهاش كاسرين الاحتكار كاسرينه خلنا نرفع على الي يدفعون ومالهم بالكسر خلنا نعوض من الدفيعه وبكذا بيخسر كذا شخص يفكر يشترك بالجزيرة بسبب كسر الحماية فأنا مع الاشتراك بالجزيرة مو حب فيهم لكن لان سعرهم معقول واتوقع ارخص شبكة ناقلة لكأس العالم هي الجزيرة بس 100 دولار وين نحصلها هذي ولا بالأحلام حتى .

والله اني مو قادر اجيب 100 ريال

وتقول 375

خلها ع ربك / ، ،

الله يفرجها عنك أخوي أنت أكيد شباب وماعندك وضيفه لكن قط انت وخوياك تراها ولا شيء لا تقول ما اقدر أجيبه أجيبه يعني أجيبه اربعه تقطون من 100 تجيبون كاس االعالم

.
.

كلامك سليم s60s

في البطوله الماضيه كان هناك اجحاف تآم من صالح كآمل ولكن لم أرى مثل ما رأيت
الآن من ضغوط على الجزيره الرياضيه !
مع العلم انها تطلب منآ ربع ما يطلبه صالح كآمل لمشاهدة المونديال !

للتذكير : أبوظبي الرياضيه وهي لا تملك الا الدوري الانجليزي و الفورملا ون اشتراكها بـ 375 ريال !

فأحمدوا ربكم انه سخر لكم الجزيره ولا كان انتم في خبر كآآن !

تحياتي :rose:

اخوي اذا انا وانت وغيرنا يقدر يدفع ,,
فـ ثق تماماً ان في اكثر من اللي اشتركوا مايقدرون يشتركون لظروفهم الماديه ,,
انا كلامي مااقول ان الجزيره سعرها غالي بالعكس سعرها ممتاز و معقول ,,

لكن انت بموضوعك وجهت كلامك للناس اللي ماعندها القدره انها تدفع هالمبلغ ,,
وقعدت تلومهم وتعطيهم مبررات واسباب ,, مااشوف ان كلامك له داعي ,,

اللي معه ويقدر يشترك ,, الله يوفقه ويرزقه ,,
والي ماعنده قدره ,, الله يكون بعونه ويرزقه مثل ماارزقنا ..

كل التوفيق لك ..

طاق الجزيره طاقها الله لايعوق بـشـر هي عندي اصلاً بس بجدد في قنوات كأس العالم :)

تحياتي ونصيحه لاتفوتكم الجزيره الله لايحرمنا منها :)

اووووف مين الي بيشترك بابو ظبي والله لو بلاش مابيها

وحياك أخوي

حياك أخوي والله يرزق كلن من فضله ويوسع عليهم أنا أتكلم عن الي بيدفع 250 في البوكس والي يقدر يدفع لكن يبخل ما تكلم عن الي ماعنده يعني الكلام مو موجه للي ماعنده لكن والله لو الواحد يحسب طلعاته للمقاهي علشان كأس العالم راح يطلع مع نهاية البطولة دفع أكثر مما لو اشترك في الجزيرة

بالتوفيق هذا الكلام ما قولها دعاية للجزيرة لكن والله بعد الي سواه فينا صالح كامل يحق لي ادعم الجزيرة علشان ربعنا يشيلون من راسهم فكرة الاحتكار لانهم طماعين واذا ما يصكك بين العيون ما يرتاح علشان كذا سعر الجزيرة أحلى سعر

أنا مع صاحب الموضوع في اللي يقوله والله حنا مانشبع ولا نحمد ربنا

يااخي أحمد ربك جاءت الجزيرة تبون يرجع زمان الارتي ونعرف ان الله حق

يااخي اللي مايقدر على 375 ريال الله يغنيه ماكثر الله الى المقاهي بس اللي يقدر لايجلس يقول دريم بوكس او غيره واذا انقطعت عليه بنص المبارة ماخلى لعنه ماقاله اشترك نظامي وريح بالك والله اننا نصرف 375ريال بااشياء ماله سنع مايضر ندفعه ونستمتع

والله اذا كان الدريم بوكس يفتح لي كل القنوات المشفرة وش اللي حادني اشترك بالجزيرة ؟
لو الدريم بوكس بـ 1000 والجزيرة بـ 300 بشترك بالدريم بوكس لانه ببساطة يفتح لك كل شيء !
ولا بعد تبيني اشترك في الشوتايم وابو ظبي والجزيرة وغيرها عشان ماصير قعيطي ؟

ياشباب تراها المسأله حسابيه

حقوق كأس العالم غاليه هم شارين الحقوق بمبلغ وقدره

صعبه يعطيك شي بلاش

انا سمعت ان حقوق كأس العالم يقارب مليار دولار

صعبه يدفع المبلغ هذا ولا يحط لك رسوم للاشتراك

375 ريال افضل من 2800 ريال

لان كأس العالم اللي راح قبل مايبدأ الصيف سألت عن السعر والى الحين اتذكر

ولا بعد مقهور من التلاعب بلاسعار

كلامك سليم ، لكن فيه ناس مو لاقيه تاكل وودها توسع صدرها .

فنسوي اللي علينا ..

وعن نفسي انا مع الجزيرة وتستاهل الجزيرة من يشترك فيها كلها 375 ريال

حياك أخوي والله نحمد ربنا ان الاشتراك بس بميه دولار الناس يشترون خرابيط كل نزلة للسوق يدفع خمسمية الف ريال ماوقفت ع الجزيرة بس عقلية فك الشتفير للحين عايشه

والله اخوي انا ماتكلم غير عن كأس العالم ما اتكلم عن شبكات ثانية مثل الفوكس وغيرها كأس العالم بمئة دولار بلاش من وجهة نضر تجارية بحته يعني ماتوقع فيه شبكة بالعالم تقدم مثل ذا السعر