السلام عليكم ورحمة الله وبركاته...
تحية طيبة وعطرة ، أسئلة أطرحها على الجميع ، طلاب وأعضاء هيئة تدريس، وإداريين
هل تعلم أن المعدل الجامعي للدرجات يتحيز لفئة ، ويقف ضد فئة أخرى؟
هل تعلم أنه في بعض الأحيان يقوم المعدل برفع درجاتك ، وأيضاً يخصم من درجاتك أحياناً ؟؟؟
هل تعلم أن المعدل يساعد ذوي المعدلات العالية على الارتفاع بقدر معين ، بينما يساعد ذوي المعدلات المنخفضة على الهبوط بضعف هذا القدر وأكثر؟؟؟
هل تعلم أنه اذا حصلت على مجموع درجات 95 تحصل في التقدير على 100 (A) أي بزيادة 5 درجات.......بينما اذا حصلت على مجموع درجات 60 فستحصل في التقدير على 40 (D) أي بنقص 20 درجة ؟؟؟؟
إذا لم تقتنع بأي من الأسئلة المطروحة فـلتشاهد الجدول التالي:


كما تشاهدون ، الفرق الواضح بين المعدل المكافئ في الوضع الحالي والوضع المفترض ، وأيضا معدل الزيادة واضح للطلاب ذوي المعدلات المرتفعة ، وايضا واضح معدل النقص في معدلات الطلاب المتوسطة والقليلة...
وأيضاً نجد في مجموع الدرجات الحقيقي أن الحد الأدنى للنجاح هو 60 بينما رصد لك كمكافئ 40!!!!!
بعد هذا التوضيح ، أليس من المفترض أن نجد حل سريع وعاجل لتعديل الظلم الصريح والواضح للطلاب والوقوف بجانب حقوق الطلاب ذوو المعدلات المنخفضة؟؟؟؟؟
للأسف إذا كان معدلك مرتفع ، فأنت مصدق فيما تقول وايضاً اي شكوى سترى النور في اسرع ما يمكن ، بينما اذا كنت العكس فلا حياة لمن تنادي؟؟؟؟

إقتباس الرسالة الأصلية كتبت بواسطة ỳάṡṣẻя ,,, وعليكم السلام ورحمة الله وبركاته ماني شايف ظلم ...!! بالعكس المعدل الحالي افضل من الافتراضي جيب 70 وتأخذ سي بلس حسب المعدل الحالي لكن بتأخذ دي بلس حسب المعدل المفترض والنجاح من 20 بحسب المعدل الحالي أفضل من 50

عزيزي ياسر... انا اضفت الجدول عشان تلاحظ المعدل المحسوب مو الحرف

يعني تجيب 70 في المجموع الحقيقي وبالنظام الحالي كأنك جبت 60 لأنه بالمكافئ 3 ولا تناظر للحرف لأنه مجرد معنى لكن ناظر للمعدل!!!!
ولو أخذت D+ يعني انت حصلت من 65 الى 69 في مجموعك لكن في المعدل بالنظام الحالي كانك جايب 50 يعني 2,5 !!!!!

اخوي ياليت تشوف الفرق بالدرجات وبدون ما تناظر للحروف لأنها مجرد رمز

هلا فيك

اي نعم ... النجاح من 60 لكن في حساب المعدل التراكمي يكافئ 40!!!

لو تلاحظ لو أخذت 100 درجة كمجموع فهي تكافئ 5 يعني كأنك قسمت على 20
ولو تلاحظ انك لو اخذت 60 درجة كمجموع فهي تكافئ 3 وهو مسجل 2!!!!!!

الأمير هل أنت موجود

الآن النجاح عندكم من كم

أخوي الامير كيف حالك يا الغالي

أنا قصدي هل عندكم نظام الـ Average في بعض المواد ولا مثلنا لاعنين خيرنا بنظام الستين في كل المواد..؟؟

إقتباس الرسالة الأصلية كتبت بواسطة دوق فليد أخوي الامير كيف حالك يا الغالي أنا قصدي هل عندكم نظام الـ Average في بعض المواد ولا مثلنا لاعنين خيرنا بنظام الستين في كل المواد..؟؟

للأسف ياعزيزي ... في الجامعة ما فيه أي نظام

يعني فيه دكاتره في قسم الهندسة الميكانيكة يرسبون جميع طلاب الشعبة وما فيه أي ناجح
ما أقولها مبالغه واذا تبي تتأكد أسال أي شخص في هالتخصص

وبالنسبة نظام الـ Average على حسب الدكتور وما فيه نظام يلزمه بالشي هذا او بغيره..

إقتباس الرسالة الأصلية كتبت بواسطة (الامير) للأسف ياعزيزي ... في الجامعة ما فيه أي نظام يعني فيه دكاتره في قسم الهندسة الميكانيكة يرسبون جميع طلاب الشعبة وما فيه أي ناجح ما أقولها مبالغه واذا تبي تتأكد أسال أي شخص في هالتخصص وبالنسبة نظام الـ Average على حسب الدكتور وما فيه نظام يلزمه بالشي هذا او بغيره..

في جامعة الملك عبد العزيز ما في إلا نظام واحد وهو إنك تجيب ستين درجة يا تسقط

والوزن حقها هو مثل ما عرضته أنت اللي يجيب ستين ياخذ 2 من خمسة مع أنه المفترض ياخذ ثلاثة

و الله أشوفه مقبول موب ذا السيئ و الظالم

إقتباس الرسالة الأصلية كتبت بواسطة (الامير) يعني فيه دكاتره في قسم الهندسة الميكانيكة يرسبون جميع طلاب الشعبة وما فيه أي ناجح ما أقولها مبالغه واذا تبي تتأكد أسال أي شخص في هالتخصص

و انا أشهد أسوء قسم , المصاريه و التوانسه لاعبين لعبتهم فيه

عليكم بالسيفيل

بالتوفيق لك و بإذن الله تخرج و تفتك منهم

إقتباس الرسالة الأصلية كتبت بواسطة FINAL10 / آظن هالنظآم يفيد اصحآب الدرجات العاليه ولآ يفيد من يريد النجآح بالمآده فقط لآ آظنه ظآلم بل يساعد الطلاب على التفوق /

اخوي احنا نتكلم عن نظام المفترض يعطي كل طالب حقه بدون أي اجحاف

وبالنسبة للي يريدون النجاح ... أبشرك ما اهتمو بالمعدل ... لكن ظلم للي يبي يتخرج ... لأنه لو طبقو النظام راح يرتفع معدلي من 3.8 إلى فوق 4


والحق أحق أن يتبع...

الامير حاول تحول على جامعة الملك فهد

عندهم نظام الـ Average

ولد خالتي تخرج منها يقول اللي يجيب مجموع 40 في أعمال السنة ممكن ينجح حسب المعدل العام لطلاب الشعبة

إقتباس الرسالة الأصلية كتبت بواسطة ỳάṡṣẻя ,,, أخوي أنا بجامعه الملك فهد نظام الـ Average مو لكل الكورسات في ايضا كورسات بنظام الـ Standard اللي هو بالعادة 60 وكمان نظام الافرج يتحول لستاندر في بعض الحالات إذا كان افرج الشعبه أكثر من 60 كنت في شعبه وصل افرجها 75 نص الشعبة رسبت عشان كذا اظطر الدكتور يرجعه ستاندر للـ60 وقل عدد الراسبين ,,,

أخوي ياسر كيف حالك

إذا عندكم أحياناً يتم التعامل بالـ Average أحياناً فيوجد أناس منكوبين لا يعترف النظام لديهم بكلمة أحياناً

المفروض هو التعامل بمبدأ الرحمة بالطالب فإذا كان أغلب الطلاب أقل من السبعين فالمفترض التعامل بنظام الـ Average أما إذا كان درجاتهم مرتفعة فيجب التعامل بالـ standard

والسبب منطقي لأنه إذا أغلب الطلاب ساقطين فمعناه أن الدكتور فاشل وليس بسبب الطلاب

ولكن يوجد دكاترة عادي عندهم يرسب كل الشعبة عشان يقول شوفوا أنا قوي وغبي ما أعرف أشرح