هذه ابيات كتبتها على عجل من الواقع المؤلم اللي احس فيه ويحس فيه كل مواطن غيور سواء كان عاطل او موظف مضطهد خصوصا في القطاع الخاص وفيها عتب ورساله الى وزير العمل لتصحيح الأوضاع :


ياوجودي وجد من فارق خويه..
حده المكتوب لسلاح الصيانه

ماضرى بهياط وبدق التحيه..
و(طال عمرك) ماتعودها لسانه

ضاري(ن) بالبزوطه روحه وجيه..
كل هندي خايف(ن) ياخذ مكانه

تجربه جربتها صعبه وقويه..
في قطاع السعوده رغم المهانه

شغلنا ماشي على ايدين اجنبيه..
والسعودي بخبرته حلو مكانه؟

ياوزارتنا خذوا مني وصيه..
الوطن والشعب بيديكم امانه

المواطن وده بعيشه هنيه..
كل حلمه يغتني والحلم خانه

راتب(ن) معقول يطعمه الرعيه..
ومنه يقدر للديون المستدانه

ازرعوا فينا الثقه والمعنويه..
حسسونا كل واحد له كيانه

خففوا الساعات خلوها شويه..
دربونا واتركوا كلن وشانه

جربونا واصبروا ياهل الحميه..
وشوفوا كيف ابن البلد يكسب رهانه

نبغى قول بفعل يكفينا اسيه..
كل عاطل مل من كثر الخيانه

وياوجودي وجد من عينه شقيه..
عاطل وبزران مع قسوة زمانه


بقلم اخوكم المقهور / سامي صعب يتكرر
الثلاثاء 1/6/20010
الساعه 2ص

ازرعوا فينا الثقه والمعنويه..
حسسونا كل واحد له كيانه

خففوا الساعات خلوها شويه..
دربونا واتركوا كلن وشانه

جربونا واصبروا ياهل الحميه..
وشوفوا كيف ابن البلد يكسب رهانه



وآأنآإإ أأشششهد .!

يآإششينهآإ من حآإله .! تضيق الصدر والله .!

وين اللي قلبه آإبيض ويسمع صوتكم وينه بس .!

يآإكرهه هالدنيآإ .! الوآإحد قسسسم بآإلله وده ينتحر ويرتآإح من هالعيشه اللي يششوفهآإ بالبلآإد .!

صآر الأجنبي مآإكل حقه آإكثر مننآإ .!

دنيآإ رديه .!

الله يعطيك الف عآفيه .! والله يوفق كل مقهور ومظلووم ! وصح لسسسآإنك أخووي .!

اخواني:
هلاليه ايطاليه وبريه ماعليكم زود وحياكم الله وندري ان ماحولنا احد بس اللي يده في الماء غير اللي يده في النار ومالنا الا الله سبحانه ولكن شيء في الخاطر وباح به القلم

إقتباس ياوزارتنا خذوا مني وصيه.. الوطن والشعب بيديكم امانه

ااااااااااهـ ورب البيت قصديتك جت عالوتر

وقسم بكيت من حر مااونس

حسبي الله ونعم الوكيل.....الي يقهرني يقولون ليه مافيكم وطنيه من وين تجيني الوطنيه وانا اشوف خير بلدنا يروح للغريب

والله يسهل امورنا

اهنيك اخوي ولا توقف

تحياتي

إقتباس الرسالة الأصلية كتبت بواسطة سآآمي أولا السلام عليكم ورحمة الله وبركـاته .. قصـيده واضـح إنهـا طالعـه من قلـب وأنـا أخوك لكـن صـراحـه أنـا أشوف إن أكثـر الشعـب صـاير يعـلق فشـله على وجود الأجنبي .. يعنـي يجيك واحد توه متخـرج ويمـر على شركـه ولا ثنتـين مايلقى عندهم وظيفه ييأس على طول ويروح يجلس ببيتهم ويصير عاله على امه وابوه وا ذا كلمته وقلت له قم دور وظيفه قال مافيه وظايف ابد كل الوظايف للاجانب بس .. يعني المسألة تحتاج عقلانيه شوي وش الفرق بيني وبين الأجنـبي مافيه فرق الا ان الأجنبي جاء هنا يبحث عن لقمة العيش مهما كانت الوظيفه ولكن حنـا للحين ماحدتنا الظروف انا نروح نبحث عن لقمة العيش مثلهم .. انا مثلاً من يوم كنت ادرس وانا اسمع العالم يتكلمون ويقولون الدراسه مافيها فايدة واذا تخرجت ماراح تلقى وظيفه ومن هالكلام اللي مايودي ولايجيب اللي نجهله ان هذا الكلام يأثر في نفوس الطلاب ويقتل طموحهم ويهبط من عزيمتهم .. أخوي الأجنبي يشتغل لساعات طويله وبمرتب قليل ورغم ذ لك تجده لايتأخر عن الدوام لدقيقه واحده وتجده دائمـاً نشيط وهذا مايجعله مفضلاً علينـا .. إبحث عـن عمل فحتمـاً حينـما يكون لديك توكل على الله و إصرار وعزيمة فستجد أن الوظائف كثـيره بإذن الله ستجد أن المسـألة متعـبة لكن في النهاية ستكون لهـا نكهة خـاصه ........ إحترامي لك

صح لسانك على الشعر النابع من الواقع .


أنا مع سامي في كثير من النقاط الله يحفظه .

وفي نفس الوقت أجد أن المؤسسات عليها مسئولية الأخذ بيد الشباب


وتحسين الرواتب .. هذا أبن البلد يعني خيره في بلده ..


الله يفرجها على الجميع وضمو ولدي معكم .

ماشاء الله قصيه رائعه وجميله جدا ..

وواقعيه ..


شكرا لك ..


اختكم .. ميمي

وربي قصيده متعوب عليها يسلمو على القصيده صح لسانك

إقتباس الرسالة الأصلية كتبت بواسطة ام متعب التميمي ااااااااااهـ ورب البيت قصديتك جت عالوتر وقسم بكيت من حر مااونس حسبي الله ونعم الوكيل.....الي يقهرني يقولون ليه مافيكم وطنيه من وين تجيني الوطنيه وانا اشوف خير بلدنا يروح للغريب والله يسهل امورنا اهنيك اخوي ولا توقف تحياتي

حياك الله اختي ام متعب وماعليك زود والله يسهل امور الجميع وخليها على الله وش نقول ووش نخلي .

إقتباس الرسالة الأصلية كتبت بواسطة سآآمي أولا السلام عليكم ورحمة الله وبركـاته .. قصـيده واضـح إنهـا طالعـه من قلـب وأنـا أخوك لكـن صـراحـه أنـا أشوف إن أكثـر الشعـب صـاير يعـلق فشـله على وجود الأجنبي .. يعنـي يجيك واحد توه متخـرج ويمـر على شركـه ولا ثنتـين مايلقى عندهم وظيفه ييأس على طول ويروح يجلس ببيتهم ويصير عاله على امه وابوه وا ذا كلمته وقلت له قم دور وظيفه قال مافيه وظايف ابد كل الوظايف للاجانب بس .. يعني المسألة تحتاج عقلانيه شوي وش الفرق بيني وبين الأجنـبي مافيه فرق الا ان الأجنبي جاء هنا يبحث عن لقمة العيش مهما كانت الوظيفه ولكن حنـا للحين ماحدتنا الظروف انا نروح نبحث عن لقمة العيش مثلهم .. انا مثلاً من يوم كنت ادرس وانا اسمع العالم يتكلمون ويقولون الدراسه مافيها فايدة واذا تخرجت ماراح تلقى وظيفه ومن هالكلام اللي مايودي ولايجيب اللي نجهله ان هذا الكلام يأثر في نفوس الطلاب ويقتل طموحهم ويهبط من عزيمتهم .. أخوي الأجنبي يشتغل لساعات طويله وبمرتب قليل ورغم ذ لك تجده لايتأخر عن الدوام لدقيقه واحده وتجده دائمـاً نشيط وهذا مايجعله مفضلاً علينـا .. إبحث عـن عمل فحتمـاً حينـما يكون لديك توكل على الله و إصرار وعزيمة فستجد أن الوظائف كثـيره بإذن الله ستجد أن المسـألة متعـبة لكن في النهاية ستكون لهـا نكهة خـاصه ........ إحترامي لك

حياك الله اخوي سااامي ..

ابشرك وانا اخوك انا حاليا اعمل في شركه وراتبي جيد ومؤهلي جامعي ولدي طفلين ولله الحمد ولكن انا كتبت هالابيات من الواقع اللي اعيشه ومن خلال تجربتي في العمل في الشركات من عام 2000 الى وقتنا الحاضر وجربت 3 شركات وكل وحده تختلف عن الثانيه وكلها للأسف ضد السعودي ( راتب ضعيف - طول فترات العمل من6ص الى 4م - عدم اعطاء التدريب اللازم لحديثي التخرج - والمضايقات من الأجانب وخصوصا المشرفين والمدراء ولو حصل منك خطأ او او مابغيت كرامتك تنهان ودافعت عن نفسك في اي امر حطوك براسهم وبدوا يضايقونك وغيرها من السلبيات لاتحضرني الان ) ولكن ارجع واقول مايحس بالنار الا واطيها وانا والله جربت وحسيت بالالم والواقع المرير وكذلك من اعرفهم نفس الوضع مضطهدين الله يعيننا واياهم وبالنسبه لكلامك عن الفرق بيننا وبين الاجنبي انا اقول الاجنبي ماعنده عائله هنا ومايمر بظروف مثلنا وان تأخر مره مرتين وحنا عكس احيان الظروف تخليك تتأخر وتغيب مرات ومرات ويفكر الأجنبي انك لعاب ويحطك في راسه واذا انتهت ظروفك وبجيت تبي تصلح الاوضاع من جديد وتثبت نفسك تلقاه ماعاد يتقبلك مايتذكر الا سلبياتك وينسى ايجابياتك صدقني اغلبهم كذا واسألأ مجرب ..

بالتوفيق للجميع .

لاهنت اخوي وصح لسانك وعسى الناس المقصوده تقراها وربي قصيده على الوتر
ماقصرت

إقتباس الرسالة الأصلية كتبت بواسطة الضحى صح لسانك على الشعر النابع من الواقع . أنا مع سامي في كثير من النقاط الله يحفظه . وفي نفس الوقت أجد أن المؤسسات عليها مسئولية الأخذ بيد الشباب وتحسين الرواتب .. هذا أبن البلد يعني خيره في بلده .. الله يفرجها على الجميع وضمو ولدي معكم .

حياك الله اختي الضحى وماعليك زود وردي السابق يكفي واسأل الله ان يرزق ولدك وجميع ابناء المسلمين الرزق الحلال ويغنيهم بفضله عمن سواه .

إقتباس الرسالة الأصلية كتبت بواسطة Meme ماشاء الله قصيه رائعه وجميله جدا .. وواقعيه .. شكرا لك .. اختكم .. ميمي

حياك الله اختي ميمي ووماعليك زود هذا شيء في القلب وترجمه القلم