|
][ (¯`·._) أديب المجلس العام ( مطيع ) ..ضيفاً على -: (يوم في ذاكرتي) -][ (¯`·._) فكرة وتصميم : القيصر رهيب إعداد وتنسيق : الهنوووف بكل الحب والمودة نرحب بأعضائنا وزوارنا الكرام في سلسلة جديدة من . http://www.alselh.net/pic/uploads/438d1b7de6.gifيوم في ذاكرتيhttp://www.alselh.net/pic/uploads/438d1b7de6.gif في حياتنا أيام لا تنسى .. حملت بين جوانبها أحداث ومواقف شتى ،، تحكي لنا .. عن ذكريات ماضية في سطور سوف تبقى خالدة عبر .. ( يوم في ذاكرتي ) .. مع اديب المجلس العام «¤¶ http://www.alselh.net/pic/uploads/cbe2413d8a.gif مطيع http://www.alselh.net/pic/uploads/cbe2413d8a.gif ¶¤ http:///photo/2009/5/17/05/detcrnimo.gif/gif السلام عليكم ورحمة الله وبركاته لما طلب مني الاخوان مشكورين المشاركة في كتابة يوم في الذاكرة صراحة تحيرت عن اي يوم اكتب وفي النهايه .. توصلت أن أكتب لكم عن هذا اليوم اللي كله اكشن x اكشن :to: هذا يا طويلين الاعمار .. قبل سنتين تقريبا انتقل عملي من الخبر الى المدينة المنورة لمدة 8 اشهر تقريبا المهم انه كان من ضمن ذيك الـ 8 اشهر شهر رمضان والذي صمته لأول مرة بعيدا عن أهلي ..:cry: ومن يجرب صوم يوم واحد بعيدا عن اهله .. سيعي مدى صعوبة أن تصوم الشهر كامل بعديا عن اهلك :cry: مالكم بالطويلة خلص الشهر .. الله يتقبل منا وكنت حاجز ليلة الـ29 على الدمام بعد صلاة المغرب وبعد الفطور نزلت رحت الحلاق اضبط نفسي الا ويجينا ذاك الرجال اللي يقول من العايدين تراهم اعلنوا ان بكرة عيد زعلت .. لاني كنت اتمنى يكمل الشهر عشان اصوم يوم عند اهلي خلصت من عند الحلاق .. وكلمت واحد من العيال حالف الا يوديني المطار قال خلاص بعد الصلاة وانا عندك .. قلت له اوكي .. http:///photo/2009/5/17/05/detcrnimo.gif/gif صليت العشاء ورجعت الشقة دقيت عليه قال خلاص جايك اخذت شنطتي ونزلت .. انتظر وانتظر ما جاء دقيت عليه يا ولد وينك الرحلة بتفوتني .. قال الحين جايك انا في المحطة ابغاهم يفتحون بعبي بنزين وبجيك قلت يا بن الحلال بيض الله وجهك وماقصرت انا بآخذ لي ليموزين وبروح الرجال حلف ما اتحرك لين يجيني قلت ابشر بس تكفى عجل علي للمعلومية الرحلة كانت 9:45 مساءا بس اللي مطمني اني قاص البوردينق من الظهر << متحمس :d خوينا عبى بنزين وصادته زحمة العالم وهم خارجين من الحرم بعد صلاة العشاء وانا عين ع الساعه وعين ع الجوال وعين ع الشارع << من وين جبت العين الثالثه :d المهم جاني الرجال ومشينا .. المسكين من الاحراج والزحمة ضيع الطريق .. طبعا لحظتها انا خلاص قفلت معاي بس ما لي وجه اتكلم الرجال متعني ويبي يتجمل معاي الزبده وصلنا المطار 9:45 بالضبط وقف السيارة وانا ركض داخل ع المطار مريت من جنب اللي يفتشون والعسكري يقول لي ارجع مرة ثانية لانه طلع صوت قلت له يابن الحلال هذه النظارة . . الطيارة بتفوتني لا تأخرني قال توكل على الله دخلت صالة المغادرة .. الا اشوف ناس جالسين تطمن قلبي وبديت امشي الى عند البوابة اللي تودي الى ساحة المطار بثقة :d طبعا الثقة جايه انه فيه ناس جالسه يعني الرحلة ما غادرت http:///photo/2009/5/17/05/detcrnimo.gif/gif المهم عطيت العسكري البوردنق .. وهنا جاتني الصدمه .. قال الرحلة اقلعت :mad: قلت وشو يعني كيف يعني ليه ومن متى اصلا السعودية تقلع في وقتها :mad: قال مدري بس اقلعت قلت والحل قال رح لمكتب الحجوزات وشوف طبعا لكم ان تتخيلوا كيف شكلي وقتها رجعت المكتب قال شف بما انك قصيت البوردنق .. خلاص راحت فلوسك بس انا بتعاون معاك قلت بيض الله وجهك .. عطنا الحل ؟ قال في رحلة طالعه ع الرياض الساعة 10:45 ومن الرياض فيه رحلة على الدمام الساعة 1:00 قلت طيب احجزي لي عليها حجز لي وماقصر الله يجزاه خير ودفعت زيادة مدري كم طبعا لما رجعت لمكتب الحجوزات لقيت خويي اللي جابني وجهه 9358 لون من الاحراج :d قلت يابن الحلال انت ماقصرت وكل تأخيرة فيها خيرة .. خويي مشى وانا دخلت صالة المغادرة انتظر الرحلة اكيد عرفتوا اللي صار بعدها ايييه بالضبط هذا اللي صار :ranting: http:///photo/2009/5/17/05/detcrnimo.gif/gif تأخرت الرحلة الى الساعة 12:00 تقريبا وصلنا الرياض لقينا رحلة الدمام اقلعت :ranting: تلاعنا معاهم انا وواحد من الاحساء معاه عايلته مسكين قالوا مالكم الا يا نرجع لكم فلوسكم ونخصم 10 % تقريبا والا تنتظرون رحلة الساعة 10:00 صباح يوم العيد قلت لا والله ما انتظر اطلع من المطار مع ليموزين بعد ما سألت عن مكاتب ناس وسما ولقيت ما فيها احد اصلا :d قلت لـ راعي الليموزين وديني عند الكدادة اللي يوصلون الدمام قال ابشر ووداني وركبت مع واحد .. وانتظرنا طبعا لين جمع له ركاب تحركنا ووصلنا بالسلامة الدمام .. اخذت لي ليموزين للخبر وصلت البيت .. والتقيت بأهلي عند الباب :smilie47:.. توهم راجعين من صلاة العيد .. وبس خلاص :d http:///photo/2009/5/17/05/detcrnimo.gif/gif اتمنى اني ما طولت عليكم .. واشكر القائمين على هذه الفعالية ان منحوني مشاركتكم بهذا اليوم من حياتي :rose::rose: ونحن بدورنا نشكرالكاتب المتميز http://www.alselh.net/pic/uploads/438d1b7de6.gif مطيع http://www.alselh.net/pic/uploads/438d1b7de6.gif على قبوله دعوتنا واطال الله بعمر والديك وبلغنا رمضان :smilie47:نلقاكم مع عددٍ آخر وضيفٍ جديد في (يوم في ذاكرتي ) مشرفوا و استشاريوا المجلس العام يقدمون لكم أرق التحايا وأطيبها |
يوم ممتع بحس فكاهي جديد علينا من حبيبنا مطيع . لا اخفيك اني صادفت مثل هذا الموقف من الرياض للدمام رحلة العاشرة والنصف انزلوني الشباب وغادروا واقلعت الرحله وانا بالسوق الحره بمطار الرياض :) الله واكبر من سوق محل واحد مجمعين فيه شنط وكتب واكسسوارات وهذا اللي قاهرني دقيت على الشباب وحكيت لهم الموقف فعادوا وركبت معهم وانطلقوا للشرقيه انزلوني بالخبر وعادوا للرياض ! ما شاء الله عليهم . شكراً مطيع :) |
.. .. .. .. .. .. :d الحمد لله لحقت عليهم .. الله يعطيك العافية مطيع .. ونستنا بكلامك ..:) إقتباس:
تحياتي لك ..:) .. .. .. .. .. .. |
.. حي الله أديبنـا مطيع نورت مشاء الله يومكـ مو أكشن إلا كلـه قهر ووتعصيب :ranting: وخويكـ الله يهديه كـان قالكـ دبـر عمركـ الدنيـا زحمه أفتكر مره صار لنا مثل هالموقف تأخرنا على الموعد أول ماوصلنا المطار الكل ينادون عائله ..<< صرنا مشهورين ذاك اليوم ومن العجله أخوي نسى ساعتـه عندهم وهم يفتشون وطول الوقت بالطياره وهو معصب إقتباس:
لآزم يهجولون الواحد ولآ ماتصير الخطوط السعوديه :to: إقتباس:
|
.. باكوكاك :d بصراحه اكشن حلو مره .. صح يضيق الصدر بس حلو .. واهم شي انك التقيت واحد من الاحساء :wub::ga: .. واهم شي انك لحقت على اول يوم :s5s: .. تشكرات لك ع اسلوبك الفكاهي واليوم الاكشن :s3s: .. اختكم .. ميمي |
الله يع ـــطيك ألف عافيه مطيع على السآلفه اللي كلهآ أكشششن ونرفزهـ .. لو أني منننك كآن أنهآرت أنهيآر عصبي :ranting: :ranting: يووم قآلوآ >>> تنتظرون رحلة الساعة 10:00 صباح يوم العيد >> خيييييييير :to::s5s: يعني النآس ع ـــيد وأنآ توني جاي من سفر :ranting: والله أحلى سآلفه تحس أنه مو يوووم :s5s: ألف شكرآ لك خييييو ... تحياتي لك .. :rose: |
وكيف الضغط والسكر يومهآإ !؟ s121s أنا أحسّ إنّي انفجرت وأنا مالي دخل :to: :s2: ... صرآحة خويّك كآن قالّك خلآص دبّر عمرك وأعتذر منّك أحسن من الموقف اللي حطّ نفسه فيه ! ... يالله يوم أكشن صآر بحياتك ومارآح تنسآه :s3s: ... والله يخلّي لك الأهل ولايحرمك من لمّتهم ووجودهم حولك :smilie47: . . . عوآفي ع هـ اليوم اللي ونّستنآ فيه + أرتفعت أعصابنآ شوي > خاصّة ع الخطوط الفاشلة :mad: ~ و عوآإآفـي مشرفوا و استشاريوا المجلس العام على هـ الإستضافة :rose::rose: |
ياااااااااااااااااااه يومك جدا عصيب انا اتوقع لو انا بمكانك يمكن تلقوني بشهار:) ياخي موب حياة ذي كان يوم اقلعت الرحله مسكت عقالك وشوت خويك ويوم تأخرت الرحله مسكت عقالك وشوت الطيران السعودي وهـ بس على يومك الي عصبني وانا مالي دخل تحياتي |
حياك الله يامطيع الصراحة أنا رحمت خويك ، موقفه محرج لأبعد درجة والمهم هو : كلن نهار العيد عايد حبيبه *** وألتم شمل أهل القلوب المواليف :yes: حفظك الله :rose: |
الحمدلله لم يحصل لك ضغط أو سكر أنا توترت وأنا اقرأ الموقف ..حصل معي نفس الموقف كنت ناوية أذهب للعمرة أنا وولدي الله يحفظه ولم اخبر بنتي حتى لا تصر بالذهاب معي كانت في الإبتدائي وتأخر أبني وعلى مهله وأنا متوترة من التأخير وبسرعة على المطار وكنت في الطريق أكثر الأستغفار والدعاء وأقول اللهم يسر لنا مايرضيك ثم يرضينا ..وعندما وصلنا المطار قالوا لقد اقلعت الطائرة ..سبحان الله ما صدقت مواعيدهم إلا ذلك اليوم انحرج ولدي لأنه السبب ولكن صار عندي هدوءءء عجيب وقلت خيرة ما كتب الله لنا العمرة هذه الليلة ورجعنا للبيت وعرفت بنتي و قالت : أحسن لأنكم ماعلمتوني !! السبب منا ولا نستطيع لوم أنفسنا وسلمنا امرنا لله . |
:d موقف توحفه :ap: الله يعطيك العافية اخوي مطيع :smilie47: وبصراحة يوم لا ينسى والواحد لازم ياخذ احتياطاته مع الرحلات .. قد اخذت لي درس مع الرحلات وصرت اروح بدري :d وحقيقة اسواء شي بالعالم انك تنلطع في المطار بالساعات :to: بس اهم شي انك لحقت على يوم العيد مع الاهل :yes: ومن العايدين :d شكرا اديبنا ها اليوم الاكشن .. وشكرا للاعزاء على هذا الموضوع .. دمتم بحفظ الله ,,, |
الحمد لله على سلامتك وكل عام وأنتم بخير p: ~> الله يبلّغنا ووالدينا وإياكم رمضان والعيد :ba1: ليلة طويييلة و أحداثها تقهر , لكن لعلّها خيييرة صديقك مازالت علاقتك فيه مستمره ؟ وكيف كانت ردّ فعله , أتوقع كل مابيشوفك بيعتذر !! لكن يُشكر على موقفه وإصراره على إيصالك للمطار في ليلة العيد .. الأهم كيف كان قضيت يوم العيد ؟ p: شكراً مطيع , قصة جميله وبأسلوب جميل لم نعرفه عنك من قبل :rose: شكراً الهنوووف على التنسيق الجميل :smilie47: ::
|
,,, وعليكم السلام ورحمة الله وبركاته ودي شفت وجهك خويك شلون :s2: كذا مره واجهة مواقف صعبة مع الرحلات واللي يقهرك اذا جيت قبل الرحله بوقت كافي تتأخر الرحله وإذا جيت انت متأخر تقلع الرحله بوقتها:ranting:اهم شي لحقت العيد مع اهلـــك والحمــــد لله علـــى السلامه وكـــل عـــام وانـــت بخيـــر :d شكراً لك :rose: ,,, |
هلا والله بـ اديبنا مطيع يومك حافل بالاكشن السلبي :d الحمد لله ولامره تعرضت لهالموقف لان ابوي الله يطول بعمره يودينا قبل موعد الرحله بثلاث ساعات :s5s: دايم نعصب :s2: وش يودينا للمطار وش نسوي هناك :ap:ولكن لاجدوى الحرص زين :d رحمت صديقك احسه يقول الله لايعيد الساعه الي اخدم احد:s5s: واحلى شي بيومك انك تكلمت باسلوب عفوي متعودين على الخواطر :d \ :smilie47: / الله يبلغنا ووالدينا واحبابنا رمضان :smilie47: شاكره لك قبول الدعوه :rose: الهنووف كانت هنا ورحلت |
. . حياك الله مطيع :rose: الحمدلله أهم شي عيّدت مع أهلك :smilie47: وشو العيد بدون أهل :to:؟ وبعدين المفروض تاخذ احتياطك يعني حتى لو تحجز حجزين تحسّباً لأي ظرف >< الحمدلله عدت على خير صارت ذكرى , وبنفس الوقت درس تتعلم منه مستقبلاً s13s بالتوفيق مطيع :rose: |
| الوقت المعتمد في المنتدى بتوقيت جرينتش +3.
الوقت الان » 02:55 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd