ونـاســـــــة ..... تـرقــــع الليــــــــــــــــــــــــــــفر ههههههه - نادي الهلال السعودي - شبكة الزعيم

جنتلمان · #1 31/10/2002, 01:43 AM

حياكم الله

أول شي وقبل ما أدخل في الموضوع عندي أحساس أن المشرف بيجي يغير عنوان الموضوع مدري ليه ;)

عاد أقول لكم ياسلالالالالالالالالام اليوم يوم تاريخي في حياتي <--- تكفى يابن لادن

الليفر اللي بعض الناس مزعجينا به ترقع اليوم 1-0 من فالنسيا

وضيعوا فالنسيا أكثر من فرصه وبغت تنتهي 6-0 بس الاسبان رحموهم <--- نصاب

وهدف فالنسيا سجله روفتي في الدقيقه 34

خلصنا من فريق أوين ودياو وضيوف <--- ضيوف والآ معازيم

نروح للفريق اللي دايم يسوي زحمة والشارع فاضي

أكيد عرفتوا الفريق هو فريق الكوابيس

والله أن روما بغت تخلي فضيحتهم بجلال لو أن دلاختة مونتيلا حاضره اليوم ولايهون المفهي كافو

بس والله عليهم حارس خطير من عقب بلنتي لاتسيو وهو مدهر شكله يشرب حليب قبل ماينوم ;)

شكلي طولتها أكثر من ماهي طويله

واللي بيردون علي وهم عارفين أنفسهم أحب أقولهم قبل لاتردون لاتدرعمون على الفاضي

تصبحون على خير ..

هلالي الجوف · #2 31/10/2002, 02:04 AM

اي وناسة .. كان قلت تعالوا نقلبها مناحة

شفني وش حليلي ساكت وماطاري علي اكتب شي ..
وكله حزن على خسارة الليفر

لكن مدري وشلون لك نفس تكتب بعد هزيمة المان من اليهود وبالثلاثة .

بس تدري اني اشوى منك .. الهزيمة جت من فالنسيا فريق ايمار وكيلي جوانزاليس وروبين باراخا .. اما انتم من فريق صهيوني وبقبرص

والشي الثاني ان ليفربول لهالحين متصدر الدوري وبفارق اربع نقاط

حرررررررررررررررررررة

كايدهم · #3 31/10/2002, 03:05 AM

هاردلك

.. الليفر على ارضه وينهزم من فالنسيا صـراحه قويه .. عموما لليفر فرصه للتعويض ..

وان شاء الله يحاول يفوز في المباريات الجايه ويتأهل بدون النظر لنتائج الفرق الآخـرى

..

famous822 · #4 31/10/2002, 03:10 AM

إقتباس


	إقتباس من مشاركة هلالي الجوف الشي الثاني ان ليفربول لهالحين متصدر الدوري وبفارق اربع نقاط حرررررررررررررررررررة

ابو روان · #5 31/10/2002, 03:15 AM

إقتباس


	لكن مدري وشلون لك نفس تكتب بعد هزيمة المان من اليهود وبالثلاثة . بس تدري اني اشوى منك .. الهزيمة جت من فالنسيا فريق ايمار وكيلي جوانزاليس وروبين باراخا .. اما انتم من فريق صهيوني وبقبرص

:p

MALINKO · #6 31/10/2002, 11:10 AM

خخخخخخخخخخخخخخخخخخخ

جنتلمان وش الطاري

فريقك ماكلن ثلاثة من طقة يهود مجمع وجالسن تحش بالليفر

.. لا وبعد بالريال

تصدق عاد لو تقول انك تستهبل صدقتك

.. قل استهبل .. قلها

خسارة الليفر جت قدام فريق قوي ويستحق كل التقدير .. وخسارة الريال مهوب جودٍ بروما إلا والله دلاخة دل بوسكي وفيقو

..
ههههههههههههههههههههه ثلاثة من اليهود أجل

..
لا صدقني ان مانشستر متعاونين مع اليهود .. وش رايكم نقاطعهم

تحياتي لك ..

النمر المقنع · #7 31/10/2002, 11:54 AM

اقول جنتل بالله جالس تحش بالليفر

والمان مصقوع وبثلاثة بعد

والمشكلة من مين من صهاينه مايدرون وين الله حاطهم

والليفر بالصداره وبفارق سبع نقاط عن فريقك خخخخخخ

وانت ناسي منهو فالنسيا بعد بطل الليقا الاسبانية

تحياتي ياغالي

ابو سعود الهلالي · #8 31/10/2002, 12:22 PM

فضحتنا الله يفضحك يالجنتل كان سكت

انا ساكت ولا جبت طاري وانت تحش في الناس لين ما طلعوا ريحتنا

ابو حنفي · #9 31/10/2002, 02:58 PM

ههههههههه تحش بالليفر وهو منهزم بهدف صدفه مدري شلون جا وماتقول شي في فريقك الي منرقع من شله قرده على خنازير هههههههه

وعالبركه خلصتوا من مسلسل التعادلات

وبديتوا بالهزايم هههههههه

جنتلمان · #10 31/10/2002, 03:53 PM

أنا كاتب اللي بيدرعم لايرد وكلكم درعموتوا على الفاضي

ولد الجوف

إقتباس


	اي وناسة .. كان قلت تعالوا نقلبها مناحة شفني وش حليلي ساكت وماطاري علي اكتب شي .. وكله حزن على خسارة الليفر

تصدق بغيت أصيح

إقتباس


	لكن مدري وشلون لك نفس تكتب بعد هزيمة المان من اليهود وبالثلاثة .

ياخي عادي مباراة تحصيل حاصل أنا في جيبي 12 نقطه وضامن التأهل من مبطي مهوب مثلكم الله يخلف

إقتباس


	والشي الثاني ان ليفربول لهالحين متصدر الدوري وبفارق اربع نقاط حرررررررررررررررررررة

ترفق على عمرك ياصاحبي كلها أسبوعين ويطلعها المان من عيونكم

تحياتي إلك وأرجع أقول لك ترا الفرحه بقوه مثل الزعله بقوه تجيب الجلطه ;)

كايدهم
الشماته مهيب زينه ترا فريقك من نمونه الليفر

تحياتي إلك ..

famous822
كلها أيام وليالي وفرحتكم مهيب طويله

تحياتي إلك ..

ابوروان
يا أبني أنا مهزوم في تحصيل حاصل ولاعب بصف ثالث فشي طبيعي تصير الهزيمه

تحياتي إلك ..

مالينكو

إقتباس


	جنتلمان وش الطاري

أبد ترقعوا قلت رئصني ياقدع

إقتباس


	فريقك ماكلن ثلاثة من طقة يهود مجمع وجالسن تحش بالليفر .. لا وبعد بالريال

ماكلن ثلاثه متوقعه أما الليفر أنصقع مع سبق الاصرار وذا االفالنسيا أجواد شكلي أبشجعهم في الليقا

والريال طلع نص ويخب بعد

إقتباس


	تصدق عاد لو تقول انك تستهبل صدقتك .. قل استهبل .. قلها

يمكني أستهبل

بس مانيب أستهبل

إقتباس


	لا صدقني ان مانشستر متعاونين مع اليهود .. وش رايكم نقاطعهم

قاطعهم لحالك ;) أنا مانيب مقاطعهم

تحياتي إلك ..

النمر المقنع

إقتباس


	اقول جنتل بالله جالس تحش بالليفر والمان مصقوع وبثلاثة بعد والمشكلة من مين من صهاينه مايدرون وين الله حاطهم

أقول صقعه عن صقعه تفرق

أنصقع وأنا متأهل أحسن من أنصقع وأنا ماتأهلت

<-- لاتقول أوجعني راسي

إقتباس


	والليفر بالصداره وبفارق سبع نقاط عن فريقك خخخخخخ

بشكل مؤقت

والمان دايماً يسبق الغشيم ثمً يلحقه

<-- الحقوق محفوظه لابوحنفي

إقتباس


	وانت ناسي منهو فالنسيا بعد بطل الليقا الاسبانية

من ألحين بدينا الاعذار ;) أجل لو صقعكم المان وخذ الصداره منكم وش بتقولون

<-- وتراها مسأله وقت

تحياتي إلك ..

ابو سعود الهلالي

إقتباس


	فضحتنا الله يفضحك يالجنتل كان سكت

عادي خلي روحك رياضيه

إقتباس


	انا ساكت ولا جبت طاري وانت تحش في الناس لين ما طلعوا ريحتنا

وأنا أقول ليش مالينكو متلطم

تحياتي إلك ..

ابوحنفي

إقتباس


	ههههههههه تحش بالليفر وهو منهزم بهدف صدفه

من معي عبدالرحمن بن سعود

الأهداف اللي تجي في فريقه صدف

إقتباس


	وعالبركه خلصتوا من مسلسل التعادلات وبديتوا بالهزايم هههههههه

غيرنا الوجبه أحسن منكم

تحياتي إلك ..

أيــــــمــــــن · #11 31/10/2002, 04:04 PM

أقول على كم النقانق بس

إقتباس


	لو أن دلاختة مونتيلا حاضره

كل شي الا مونتيلا عاد

تحياتي الك

تحدوه البشر · #12 02/11/2002, 03:02 PM

الله يرجك يـ الجنتل ويفكك في وجيهم واحد نذل

ويا شباب لا احد يزعل وكل واحد يصلح سيارتـــــــــــــــــــــــــــه

انت يـ الجنتل عجيب تعرف متى تخلي منتدى العالميه يهتز مثل الزلزال :sad:

وانتوا عسى الجنتل ما ينزل موضوع الا وتكهربتوا هدي اللعب شوي

واليوم بنعرف من اللي بيضحك كثير

وتراها جات من ربــــــي مباريات الفرق اللي تحبونها جت بيوم واحد

وبنعرف من اللي بيضحك اخيرا