|
بما اننا قربنا من الاختبارات مواقف - أي شي تبي تقوله قله بسم الله الرحمن الرحيم الله حي كل من دخل هاالموضوع واللي مادخله :d وأنا ياأني بعديها ولابحملها والحمدلله عديتهااااااااااااااااا ومرت بخير وموب كل مرة تسلم الجرةبمان الاختبارات قربت بفتح هاالموضوع لسواليفكم ومواقفكم بهاالاختبارات المخيسة اللي تجيب الهم والغم بذكر لكم موقف كان باالمستوى الاول والظاهر أني مانيب ناسيه طول حياتي واللي هو كنت جايب باالاختبارات الشهرية باالنحو 10 من 30 وقبل الاختبارات النهائية باأسبوعين مظبط نفسي وجايب لي مدرسين المهم ويجي وقت الاختبار وبقولكم شي يمكن يستفيد منه اللي ماتنبه له واللي هو الاختبارات الشهرية هي اللي ترفعك باالنهائي صدقوني وأذا ماحليت باالشهري بتتعب باالنهائي والله يعدي المستوى الثاني باالنسبة لي على خير ياالله يااااااااااااااارب نبي مواقفكم ياشباب وصباياااااااااااااااااااااااااا |
اذكر ايام المتوسط كان علينا تفسير وجغرافيا , رحت للمدرسة وانا ماني مذاكر !!:d ضاق صدري ذاك اليوم , مع ذلك جبت وحدة امتياز والثانية جيّد جدًا :smilie47::d |
,,, الله يوفقنا جميع :smilie47::ba1: ما اتذكر موقف لا تذكرت جيت وكتبته :d ,,, |
والله ما اذكر شين قوي ..:s2: اول ما اتذكر اجيكم طاااير:D |
موضوع جآ بوقته بصرآحه.... وانا اذكر موقف ايام الامتحانات.... مره وانا قاعده احل ... سمعت صوت الجهاز الي يفتشون فيه البنات <<عشان الجوآلآت يعني وانا كنت مدخله الجوال معاي للجنه.... المهم.... سحبت الجوال شوي شوي من التنوره... وفسخت الجزمه وانتم بكرامه... وحطيته فيها...ومشيت عليه خخخخخخخخخخخخخخخ وعديت من التفتيش ولآ كآني مسويه شي... بس المره الثانيه الي جبت فيها جوالي... انمسكت وانسحب مني ... لآني سبحان الله مااتوقعت يومها انهم بيسحبونه مني لآنه كان ثالث يوم بالاختبارات...وانا استبعدت انهم يسون تفتيش بثالث يوم فرميته بشنطه ودخلت اختبر.... وطلعت من اللجنه....لقيت صديقتي زعلآنه وتبشرني انه جوالي وجوالها انسحبـو <<بتصيح... والسبب ...انه وحده مصريه شافت الجوالات معنا انا وصديقتي...وحسبت اذا راحت بلغت علينا بيعطونها درجات خخخخخ وراحت بلغت الاخت .. بس وربي توبه ....ماني بماخذته مره ثانيه.... وهذا درس لكم ياشطار <<قاعده بـ mbc3 هع .... بتوفيق لكم يارب ولي عوده لو تذكرت شي... |
والله ذكرتني بموقف صار معي مرره يا طويل العمر كنت ملخبط في الجدول مثل ماتعرف في الاختبارات الواحد يروح مواصل ولي رجع ينام واذا قام يذاكر<<<طيب و بعدين؟؟ المهم كنت توي قايم من النوم اشوف الجدول وش علي باتسر الا علي كيمياء واقوم واقعد اذاكر طول الليل واراجع في السياره عند المدرسه لين افتحو الباب ويوم افتحو الباب دخلت ورقيت الدرج و مشيت مع السيب ثم دخلت الفصل مع الباب<<<طيب و اخرتها المهم يوم وزعو الاوراق وانا فتحت القلم مسوي بحل الا و اقرا الاسئله غريبه مهيب اللي انا مذاكرها قلت يبووووو هذي الاسئله ماهيب حقت ذالسنه قال المدرس يبوووو خلك ساكت واقرا اسم الماده في الورقه الا و الاختبار مادة علم ارض ماهوب كيمياء اثاريني ماقريت مذاكر حق يوم الثلاثاء و تارك مادة اختبار اليوم اللي هو الاثنين علم ارض لكن ولله الحمد وبكل جداره سقطت في الماده وراسي مرفوع لانني ذاكرت و سويت اللي علي |
إقتباس:
احسن زين ماسوو فيتس انتي و خشتس ليه تدخلين الجوال ؟؟ ثاني مرره ماعاد تدخلينها ولا يصادرونه حنا يالعيال ماندخل الجولات معنا..وانتم تدخلونه معكم يعني اذا بتغشون وصاملين غش..خذي معتس برشومه برشميها ودخليها معتس و ماحصل الا الخير |
.. والله ما اذكر بس يا كثر المواقف اللي تصيير وخصووصا كنا نهرب الافلالام والفلالاشات بالاختبارات :d .. بس يمكن اخيس شي يوم كنت بـ اول ثانوي اختبرت بالشهري ونقصت درجه من سؤال غرييب :d .. وقبل لا ادخل لللقاعه في النهاائي .. سالت البنات عن السؤال هذا ولا احد جاوب :d وجانا بالنهائي ولا حلييت :s2: .. شفتوووو القهههههر :s2: .. |
تسلم يالغالي عالموضوع , بس مآتذكر حآجه من موآقفي الجميله ض1 يعافيك ربي والله يوفق الجميع :wub: |
والله يا إن الإختبارات هم وقرف :to: صحيح إنها فله يوم تنزل من اللجنة بدري وتروح تفرفر في الشوارع وتزعج خلق الله :d لكن الهم اللي يصاحب الإختبارات مشكلته مشكلة ... ما علينا , كلها خمس أسابيع إن شاء الله ونخلص من ذا القرف :to: بالنسبة للمواقف حق الإختبارات , في السنة الماضية يوم كنت ثاني ثانوي بالتحديد الفصل الثاني , كان ثاني ثانوي يدرسهم ثلاث مدرسين رياضيات , واللي كان يدرسني مدرس سعودي , والفصول الباقية يدرسهم مدرسين مصريين , المهم أنا وباقي اللي معي في الفصل الأول أكلناها في الإختبار وجبنا العيد :d والسبب طبعا مدرسنا الفاهي:to: يوم جاء الفصل الثاني , وقبل إختبار الرياضيات خذيت دفتر من واحد من اللي يدرسهم المدرس المصري , وشفت الدروس اللي مدرسنا سحب عليها وكتبتها في دفتر صغير وذاكرتها ... يوم جاء الإختبار , جت مسألة ..... مدرسنا حلها لنا لكن ناقصة , وكمّل الباقي شفهي :to: وأنا ما إنتبهت له يوم حل باقي المسألة شفهي , وأنا أجي أحلها على حسب كلام مدرسنا , مع إني داري إنه باقي كلام شفته من حل المدرس المصري , لكن مع ذلك قلت خلنا نمشي على كلام مدرسنا :d وبعد يومين جاء عندي المدرس وقال ليه حلك ناقص في المسألة ؟؟؟؟؟ صراحة إنقهرت إني ماكملت المسألة مع إني كنت عارف الحل , وراحت درجة ونص , يعني 9 درجات تراكمية :d يلا ,, ربك يعوضنا خير :d :ga: :ba1: |
واعزتـاهـ جـتـنا الإخـتبارات ولكم قلق أذكر أيام المتوسط كان علينا اختبار نصوص وانا اجي ويفتشني المدير ويلقى معي حب وفصفص وعاد المدير مايعرف يتفاهم وكلمه كلمتين وارد عليه وتبدأ ملاسنه كلاميه :d وكلمه من هنا وكلمه من هناك قال منت داخل الاختبار ياولد قال راحت عليك واشوا وهم يتوسطونلي المدرسين تخبرون الولد خلوق :d واجي ثقه واخش اللجنه ويسلموني الورقه الا الاختبار نصوص واشوف اللي وراي طلع نصوص ومن زود الذهانه كنت مراجع توحيد :s2: جبت العيد وقلت ليتني مادخلت لكن الحمد لله الاستاذ ماقصر يعطيك العافيه ألــف شكـر :rose::rose: |
يعطيكم ألف عافية هاالمواقف الزينة اللي بعضها فطست ضحك لين قلت بس تكفون عطونا من هاالمواقف لاتوقفون المكرفون لكمـــ |
إقتباس:
سلامتك من الضيقه يالمصري .. :d الله يوفقك ماشاءالله عليك .. شكلك من اللي يجلسون قدآم :laugh: اما الموقف اللي صار لي يمكن يتكرر كثير، كانت اختبارات نهائيـّه .. واذكر انها بالثانوي المهم جيت متزبرق ومتعطر كان هالاختبار قبل الاخير < يعني بعده إختبار واخلص اختبارات .. والله وادخل المدرسه واناظر العيال :| وراكم ماسكين هالماده < = ما اذكر بالضبط أي ماده :( الا ويطلع اللي بيدي .. ماده بجهه واللي بنختبرها بجهه ثانيه ، و أقمط وتخنقني العبـره :s2: وامسك الكتاب .. < كنت جاي بدرري والحمدلله عدت على خيـر مع شوية تنقيش من اللي ورآي :laugh::naughty: و صلى الله وبارك .. :ga: يعطيك العافيه ياصاحب الموضوع ، فكرتك جميلـه .. تحرك الماضـي .. إن شاءالله موفق أعتذر ع الأطالـه .. :rose: |
أنا مالي مواقف دايم ماشيه بالنظام >>> out بس لاهنتْ , و ننتظر المواقف من الأعضاء , :rose: ,’ |
تسلم يالغالي عالموضوع تكفون ادعولي |
| الوقت المعتمد في المنتدى بتوقيت جرينتش +3.
الوقت الان » 07:48 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd