مقــدمــه..........{
في زمننا الاغبر ذو العج العاصف...والاكياس المتطائرة والمطبــات المتعرجه ..والحفريات العميقه...والاشارات القديـمه ..وساهرالخفي..والمرور السري...
والعسكري الخبيث ... وشباب فالتوقيف...ومخالفات وبخشيش ورواتب مافيش...
ضغط نفسي .. وزمن يمشي...وشباب يعاني من جو روتيني...
ضعف تسليه..تجمعات فالثمامه والتحليه...
مزاج متعكر..عرفوا بأصحاب الدم الخفيف ولكن اصبح متخثر
ذب ونكت تجيب المر..فهنيئا لنا بهؤلاء الشباب السمر
خلسنا
مقدمه نجي لصلب الموضوع<<اخرو عن صلب تراى سيبويه يصيرلي من انسبانا
الموهم انتم الحين عرفتوا من بتكلم عنه...بتكلم عن الشباب شروا ذأيب(ذكرت اسمه عشان مايقول منقول ويحذفون موضوعي)
وفيه ناس مالهم دخل طالعين منهايعرفون انفسهم ماودي اذكر اسماء واذكر بعمارهم
مشـاكل الشبــابـ او امور تعجبهم ولكن تزعج غيرهم حتى وان كانت لاتخالف شرع او عادات وتقاليد
1- لبس الجينز والبرمودا ومشتقاته فمثلا نرى في بعض الاسواق منع الشباب من الدخول اذا (لم يكتسي) الزي الرسمي السعودي(أيعقل ذلك)<<يلمونوي فيك يا امتعب يا حفيدت سيبويه عند الذهاب للمنتزهات فالثمامه يشترط لبس الزي السعودي
اذكرهم طبو علينا وقفطوا عيال خالتي كلهم عشانهم لابسين جنز
والله وتلعنهم خالتي فديت ثناياها قالت لابس جنز ومع اهله تمسكونه لابس ثوب ويغازل مخلينه
:::
2-الرقــص والشكشكه
اذا رقص الولد قالو عيب انت بنت واذا رقصت البنت قالو عيب مجنونه ترى محدن خاطبتس وترى كبتكم لعيالكم وهم صغار لا ترقصون وعيب شوفوهم فالبحرين هز ورقص 
خلهم يفلونها قدام عيونكم ارحم من وراكم
:::
انا بتكلم عن الشعر الطويل ليش الاهل يهاوشون عيالهم اذا طولو شعورهم
ويقولون انه تشبه وش خليت لأختك
طيب واحنا نقرى فالسيره النبويه الرسول كان شعره طويل وبعد يسويه ظفائر وكان يكحل عيونه
يعني ودي قبل يقولون تشبه ومدري وش وقبل يحطون احكام من روسهم يقرون فالدين اكثر
او اقلها يقول ماحبيت شكلك كذا وانتهى
4-اتبــاع الموضه واشتراء الماركات من رباعيات لاكوست ديزل..الخ
يعني اذا شافوا الولد كاشخ ولبسه انيق
قالو بنت ويتبع الموضه <<ابفهم انا يعني اذا كشخ طلع موب رجال اذا اهتم بعمره طلع موب رجال يعني مكتوب علينا احنا البنات نعاني من فنيله وسروال ...مااشوف فيها شي اذا الولد طلع انيق ومتكشخ ومتزبرق
::::
5-استخدام العطور النســائيه....
اذا الولد استخدم عطر نسائي قالو تشبه...ياناس افهموا شدخل تشبه بعطر
طيب انا معهم عطورات الرجال تجيب المرض كلها ليمون
والعطورات النسائيه متنوعه...
بس عشان مكتوب على العلبه Women خلاس صارت حقت حريم والي يستخدمها متشبه .. طيب يمكن الي صنعها غلط فالخلطه والمفروض يحط manبس ماامداه وراحت عليه
ليت عمري كله طفـل..ولا اقمز واغدي رجل
ماابي اصير شاب..ويحرقني كلام الناس وماألقى نفسي الا كباب
يانااااااس خلهم على راحتهم...لاتكبتوهم وتجيبوا نهايتهم
ام متعب
<<ياحبنيلي 
دفـــاعي عن الشبــاب :) 
الوضع الشجري
