|
احترامي.. للحرامي السلام عليكم ورحمة الله وبركاتة في البداية اشكر العضو R.B.H على هذا الموضوع Oxsal يتواجد بحفل الشرقية من خلال سرقة عمله الجبار الذي لولاه لما علمت بالأمر !!! فقد دهشت حين مشاهدتي لفيديو حفل مجلس الجمهور الهلالي بالشرقية ومن الفيديو الذي تم عرضه ... فلم اكن اتوقع ان تكون السرقة من الهلال وللهلال !!! ولو كان العمل قد سرق من شخصاً يتفاخر به في المنتديات لما عاتبنا ولكن ان تاتي السرقة لمناسبة رسمية ومنقولة فضائيا ومن شخص ينتمي للأعلام فهذا الذي ارفضه واستنكره جملة وتفصيلا امــــا انت يا طلال الغامدي فحسبي الله ونعم الوكيل على حماقتك وعلى قبح مافعلت .... ولو كنت قد طلبت مني هذا العمل لما بخلته عليك فأنا اعلم انك لاتفقه في المونتاج لامن قريب او بعيد ولو كنت تعلم ولو بشي بسيط عن المونتاج لما فعلت فعلتك لانك حينها سوف تعلم كم هو الجهد الذي يبذل لأنتاج مثل هذا ... لتعلم ان هذا المونتاج اخذ مني 6 اشهر بمعدل ساعتين يومياً وان الملف الخاص به بحجم 65 قيقا وان الجوده الحقيقه للفيديو هي جوده dvd وليس كما عرضته فأنت لم تشاهد متعة هذا الفيديو بجودته الحقيقة انا اذكر كل هذا لتعلم ان ماقمت بسلبه شي ليس بالرخيص فانت سرقت غنيمة كبيره اما انا فمن هذه اللحظه قررت مقاطعة اعمال المونتاج الخاصة بالهلال ولاعبي الهلال نهائياً الى ان يرد الحق لصاحبه فقط طفـــح الكيل .. فهي ليست المرة الأولى ولا الثانية وجميعها كانت لمناسبات رسمية تخص الهلال ... |
صراحه ما الومك بس انت جالس تعاقبنا على شي مالنا دخل فيه ولا لنا قدره على انصافك شف اي طريقه ثانيه وانا معك وارجع اقول والله ماالومك لك حبي |
حسبي الله ونعم الوكيل الله ياخذ حقك منه وانا معك باللي بتسوووووويه لين الاداره ترد لك حقك بصراحه حماقه واستهتار واللي يقهر يحط اسمه عليه ارجو من الاداره رد حق الطيب اخونا |
لا حول ولا قوة الا بالله ما الووومك اذا قاطعت لانك والله تتعب بحق وحقيقه ويكفي شهادة الاسطوره في اعمالك اخي صالح ان اخطأ في اسمك حاول لا تبخل علينا ان تعود لكن لا تقاطعنا بتاتاً اطالب ادارة الهلال تعاقب المخطأ وترجع الحق لـ اخونا الغالي صاحب افضل واطلق وارووع وجنون الفيديو oxsal بدون مجامله انت افضل من رأيت يعمل مقاطع قصيرة وطويله عالية الجودهـ.... وفقك الله اخي الغااااااالي وننتظر تأخذ حقك من المخطأ :( |
بصراحة ان تفاجأت وانا اشوف الفيديو ينعرض... وفي البداية قلت يمكن يتهيألي لكن الفيديو نفسه بكل تفاصيله... وربي هذا ظلم ان شخص يأخذ جهدك وقدام الناس كلهم... وانا من اشد المعجبين بأعمالك واستمتع بها كثير... فرجاء خاص لاتحرمنا من ابداعك لسبب لمن نقترفه نحن... والله يعطيك الف عافيه... |
كلامي فالبداية موجه لك اخوي oxsal انا رديت عالفيديو في يوتيوب الهلال بمعرف naif- وقلت اتمنى الغير يقدر انه عمل 25 دقيقة ياخذ جهد وتعب ايام طويلة وتمنيت انه يكون لك تعاون مع المركز الاعلامي بالنادي وانا اتحدى اذا كان يوجد في مركزنا الاعلامي اي شخص فني وعالاقل متاكد حتى لو فيه ماراح يكون بنصف عقليتك المبدعة اخوي الهروب ومعاقبة الهلال بعدم عمل اي مونتاج فيديو مو حل الحل بعد الله بيدك وبيد الاخوان مشرفين المنتدى هالشي ماينسكت عنه واللي قاهرني قبل ردك بعض الاعضاء يلتمس الاعذار والحجج للسارق يقولون يمكن انه هو نفسه او انه مستاذن منه حتى لو بعت حقوقك له عيب انه يمسح كل شي يشير للشخص اللي تعب فالعمل وهو انت يعلم الله اني مقهور من هالشي ومتاكد يااخوي الكثير يحسون بنفس الشي لو عرض الفديو بدون عبارة باشراف طلال الغامدي لعتبرناه سرقة لكن بهالشكل اقل مايقال شين وقوي عين اتمنى هالشي مايخفف من عزمك واصرارك على النجاح في الشيء اللي انت مبدع فيه واتمنى مشرفين استوديو الزعيم يساندونك بحفظ حقوقك وياطلال الغامدي حسبي الله فيك ونعم الوكيل انت ومن هو على شاكلتك من اعلاميين الواسطة والترزز وسرقة مجهود الغير بكل وقاحة |
شي يفشل والله ...الله يرد حقك المفروض يتحاسب من راعي الحفل..فيصل الشهيل..وبس |
، اتمنى مخاطبــة امين الجمهور الهلالي في المنطقة الشرقية الاستاذ محمد العريني والمسئولين في رابطة الجمهور الهلالي في المنطقـة الشرقية عن الخطا الفادح والغير حضاري والاعتذار الشخصي من الاخ طلال الغامدي لشخصكم الكريم كنت قد وضعت مشاركة موضوع الكليب إقتباس:
نتمنى وجودك مع المبدعين في المونتاج لاخراج إبداعاتك الخرافية ، |
بصرـآآحه وأنـآ اتفاجئت ’, نطل عيني عينك ,. مـآنقول إلأ الله يصبرنآ على هآلأشكال :mad: ويآمآ نآس انظلمو,’ .× |
صدقت بس تقاطع نهائي لا لا لا هذا مالانريده بس ابقولك اخوي كلها راحت في خدمة الهلال ارجوك ثم ارجوك ثم ارجوك لا تقاطعنا بآعمالك الجميلة تقبل مروري |
ما الومك والله مع عدم احترامي للحرامي يجب ان تتقدم بشكوى رسميه لوزارة الاعلام هكذا سرقه عياننا بياننا غير مقبوله لاحول ولاقوة الا بالله تحياتي |
واللــــــــــــــــــــــــــه انا معك مايجوز اللي صار لكن ....... هل الجرم اللي ارتكبه نحن ....جمــــــــــــــــــــــهور الزعيم............. اتوقع مايرضى بالظلم من تجرعه ..... والله انا شفت الفيديو بالرياضيه وباين مجهووووووود جبار ولكن ماكان واضح بالشاشه ... ذكرني بالدي في دي ...اللي تكون مو اصلية للافلام ..... بس توقعت انو رداءة الصورة اللي متعودينها بالقناة الخشبية.... خـــــــــــــــــــــــــــــــتا مــــــــــــــــــــــــــــا اقول مايعرف قيمه مجهودك الا من يعرف قيمه العمل اللي عملته..... مااسهل السرقه..... ولكن انا بالفعل مااقول الاحسبك الله وكفى..... انت حر بقرارك....لكن خذ حقك من وزارة الاعلام.....يكون بعد افضل...... |
مااااااااالك الا الصبر وش تسوي مافي يدينا حيله |
والله ما الومك اذا انا انقهرت من السرقة فكيف انت يالي تعبت عليه الغامدي سرقة عيني عينك وفي مناسبة هلالية اتمنى منك رفع شكوى لوزارة الاعلام وذالك بسبب سرقة الحقوق منك واتمنى محاسبة الغامدي (( الحرامي )) ويكون عبره لغيرهـ |
ماذا كان لو طلبوا منك العمل أو طلبوا منك عمل جديد فالكل يشهد أن أسمك لامع ولامع بقوه في عالم المونتاج وانا وغيري يطمح لفكرك وعملك لكن حكاية السرقة بهذا الشكل لاتقبل فلو بلغوك ولو برسالة خاصة لما منعتهم أسأل الله أن يعيد الحق لأصحابه أعلم يا oxsalأننا معك ربي يوفقك ويحفظك ووننتظر إعتذار رسمي من رابطة الشرقية لك تحيتي لشخصك الكريم |
| الوقت المعتمد في المنتدى بتوقيت جرينتش +3.
الوقت الان » 09:37 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd