21/06/2010, 07:54 AM
|
 | عضو اللجنة الإعلاميه للرياضة العالمية | | تاريخ التسجيل: 23/08/2009
مشاركات: 1,453
| |
 وصبآح الخير .. } البرازيل & ساحل العاج , توقعتها مواجهه أقوى من هذا المستوى خصوصا من طرف الافارقه بعد ما اذهلونا بالمستوى الأكثر من رائع قدام البرتغال , توقعت اللياقه + القوة الجسمانية = تساعدهم على الوقوف بوجه القوة والمهارة البرازيليه , لكن اللش تابعناه البارح شي صراحه مخالف للتوقعات , منتخب الكوديفوار يلعب بتخوف طوال المباراه , انا ما اعرف لاعبين ساحل العاج مظبوط لكن أشوف عندهم الوسط أكثر من بايخ , لاعبين بـ 3 محاور دفاعيين واذا دل هذا على شي فهو يدل على التخوف , وكان الاعتماد على دروجبآ , طيب يـ حبيبي عندك مهاجم قناص بتعتمد عليه ضروري يكون ورآه لعيبة عندهم نزعه هجومية او على الاقل على الطرف ويكونون حلقة وصل بين الوسط للهجوم , فيه لاعب من ساحل العاج نآسي اسمه , طب بديل ولعب على الجهة اليسرى في مباراة البرتغال وسبب قروشه موش طبيعيه , اعتقد لو بدأ به اساسي بيكون فيه شوية نشاط بوسط الكوديفوار . هدف فابيانو الثاني توحفه , قلبهآ كورة سله ! الأولى يمكن ما انتبه الحكم لها بالرغم من وضوح الكوره , لكن الثانيه لما دخل بها لمنطقة الجزاء فتركيز الحكم بيكون أكبر بما انها منطقة محضوره وكانت وآضحه الكوره لما روضها فابيانو بالساعد , و اللي يقهر أكثر حركة الحكم لما كآن يأشر لفابيانو ويضحك ! اعتقد عرفتوا اللقطه اللي أقصد , هذي اللقطة أبي أطلع لها تفسير غير انو الحكم يقوله لمسة يد ومشيتها وفابيانو يبرر موقفه < بتقولون تاكي بنص الملعب وسامعهم !! , لكن للأسف ما حصلت لها أي تفسير .. صراحه هدف يقهر بالنسبة للاعبين ساحل العاج , لأنه جاء بوقت كان يمدي ساحل العاج على التعديل لما كانت النتيجة 0-1 , لكن يالله مبروك لمشجعين البرازيل  اصابة فابيانو اعتقد انها قوية وراح تحرمه من المباراة الأخيره , او على الاقل يمكن يآخذ المدرب الحذر ولا يخاطر به , وطرد كاكا أِشوف انه انظلم الكرت الثاني ما كان يقصد فيه شي , اللهم لاعب ساحل العاج كان مندفع وما شاف كاكا وصدم فيه < محلل حوادث بالمرور متقاعد , واستغل الموقف وتسبب بالكرت الثاني على ريكاردو كاكا  أعتقد غياب لاعبين بالتشكيلة الاساسيه ( كاكا : ايلانو ) عن مباراة البرتغال , رآح تكون بصالح البرتغال خصوصا ان ادوارهم هجوميه , وأتمنى البرتغال يستغل هالغيابين ويفوز او يتعآدل على الاقل مع البرازيل , موب حب بالبرتغال ولآهو كره بالبرازيل , بالعكس حبن فيهم ثنينهم ابيهم يتأهلون  / أهم شي البرتغال يسوون توسعه لعيون الكوريين اليوم بكثرة الأهداف , عشان اذا صارت لخوزه { لخبطة } بحساب الأهداف بين البرتغال و ساحل العاج , يكون البرتغال عندهم رصيد كويص بالاهداف  وبرب ..
|
![][ ملتقى المجموعة G ][ .. البرازيل ، البرتغال ، ساحل العاج ، كوريا الشمالية .. ][](iconimages/t898413_rtl.gif)
...................................................................
الوضع العادي
