هلا بك يالغالي
نيوزلندا زينه ولاهي بغاليه مقارنه بالدول اللي لغتها
انقليزيه ..
انا راح افتيك بالمدينه اللي انا فيها الأن وهي دنيدن Dunedin
ويعيبها جوها البارد خاصه انك بتجي بوقت الصيف في السعوديه
اللي هو وقت الشتاء عندنا ..
كـ طبيعه فـ هي طبيعتها خيال ورهيبه ، لأنها في الجزيره الجنوبيه
واغلب المناطق السياحيه والمناظر الطبيعيه الجنان قريبه منها
وسكانها تقريباً 300 ألف وقليل نسبة الماوريين اللي هم السكان
الأصليين لنيوزلندا واهل مشاكل ، واقرب المدن الكبيره الرئيسيه
اقصد اللي فيها مطارات دوليه كرايستشريش وتبعد تقريباً 4 ساعات
بالسياره ..
بالنسبه للجامعه ، ما ادري اذا انت تبي تدرس لغه او لغه وجامعه
لكن الجامعه اقوى جامعه من ناحية التخصصات الطبيه وقويه
وشديده شوي ، وبالنسبه لمعهد اللغه فـ اعتقد وحسب كلام الطلاب
اللي ينتقلون ويجون في معهد الجامعه انه من افضل معاهد اللغه
في نيوزلندا ، والسعوديين مو كثير في المعهد على ما اعتقد الآن
وتكلفة الترم اللي مدته تقريباً 13 اسبوع 3800 دولار يقل او يكثر
بميه او ميتين
ومن وجهة نظر شخصيه ، فـ اغلب الطلبه السعوديين اللي يجون
يدرسون لغه اغلبهم قضا وقت طويل ما استفاد في المدن الثانيه
في نيوزلندا ..
فيه معهدين مالها دخل بالجامعه ، ويمدحونها وقليلين السعوديين
فيها وعلى ما اعتقد الترم اللي هو حوالي شهرين يكلف تقريباً
شامل التأمين 3000 دولار نيوزلندي < اتكلم عن واحد فيها
بس الثاني ما ادري والله ، واذا تبيني اسأل لك عن الأسعار من عيوني ..
بالنسبه للسكن ، فـ انصحك بعايله ..
واعتقد تكلفة العايله في الشهر يتراوح ما بين 800 الى 1200 ..
وترخص عليك التكلفه اذا دورت من النت بتحصل عوايل قريبه
من المعهد ومو غاليه ..
المدينه خدمة الباصات فيها ممتازه ، بس ارتفعت الأسعار عشان
كأس العالم اللي بيصير في نيوزلندا حق الرقبي في بداية 2011 ..
اتمنى اكون خدمتك بالنسبه للمدينه اللي انا فيها ، واي استفسار عن شي
ارسل لي رساله ومن عيوني ، واذا قررت علمني استقبلك
اخوك 
الوضع المتطور
