الى من يهمـه الأمر .. من مشجـع هلألي زيه زي اي هلألي بالكون - نادي الهلال السعودي - شبكة الزعيم

زعمـاًَء 20 للأبد · #1 17/05/2010, 11:36 AM

بسم الله الرحمن الرحيم

كيف الحال ان شاءالله بخير وبالف نعمـه

اعزائـي جمأهير الهلأل

هذي قصتي بعـد نهـايه مباراه الهلال وبيندكور في دوري السته عشر واللي فزنـا ولله الحمـد فيها وبثلاثيه

انا كنت جاي من الشرقيه انا وعيال عمي طبعأ بالطياره

جذبني هلال تغنى فيه اسيا

وخلينا اشغالنا كلها فدوه لنادي القرن الاسيوي

ومالكم بالطويله

بعد فوزنا توجهنا الى اقرب وسيله مواصلات

الطياره يقولون مافيه الا غدا
وسكه الحديد برضوا

ومالكم بالطويله توجهنا الى النقل الجماعي ( الباصات)
ورحنـأ الكاشير بنقص قالوا بعد ربـع سـاعه قلنا مو مشكله
وصيت اخوي الصغير وقلتله يمسك الدور ورحت اجيب شي نشربه بالعربي اصواتنا راحت من التشجيع والصياح
المهم واجي والقى ثلاثه من الجنسيه العربيه مو سعوديين يعني
متجاوزين اخوي
وتفاهمت معهم الا وراعي الكاشير يقول ياحبيبي اررجع قلت ياخوي الاخوان متاجوزين اخوي وانت تقول ارجع

قال كلمـه وربي ماانساها ولا راح اخليها له
قـال عشانكم هلاليه والله والله انكم ماتقصون تذاكر لاننا حاطين الشالات علينا وواضح اننا تونا جينا الملعب
وسبنا كهلاليين وقـال إمي ... < ماتنقال وربي وش دخل امك بالكوره .. اذا قصيتوا تذاكر
يعني الى متى التعصب الجارف اللي ماله داعي
ياناس حنا اخوان والتعصب ماله شغل بالاشغال والاعمال الاجتماعيه
طيب هذا فريقي واشجعه ليش تعطلني عشان التعصب
والمشكله الاعظم واللي ماتوقعتها
ان المدير مثله يقول مافيه يعني وش نسوي
وربي ادري ان وقتها راح لكن اللي بالقلب ماينسي
وخصوصا كان معنا واحد نصرواي وصار هلالي عشان كذا
قال لهالدرجـه يكرهون الهلال عشانه افضل من فريقهم
وش الحل ياشباب ؟؟؟
يعني الى متى والتعصب والاحتقان الرياضي يعطل اشغالنا
ليه ياخوي ماتخلي العمل عمل والرياضه رياضه
اذا بحركته هذي بيخلينا نكره نادينا لا والله
الا بيزيدنا عشق وحب لهالنادي العريق
ومالكم بالطويله اسم الموظف بندر القحطاني
وفي سابتكو تكفون ياجماعه الخير حقي لاتنسونه وصلوه الى اعلى سلطه رياضيه
لانها بصراحه مو اول مره ياكم من مرات ومرات صار هالشي ونعديها
ولو احلف انه مو بس معاي مع جميع الجماهير الهلاليه وكافه الميولات ايضا

واعتذر عن الاطـاله لاني بصراحه تعبت من هالسالفه

ولكم جزيل الشكر

زعمــاء20 للأبـد

هلالي عاشق ام كلثوم · #2 17/05/2010, 12:37 PM

هذا انسان عقله صغير
حاله حال اي مشجع فقراوي
وهالشئ مايمنع انه حقير
بس وانا اخوك لاتسكت عليه
لوانا منك والله مااخليه لااوصل شكوتي لااعلى مسؤول
معقولة لهاالدرجه منقهرين من تاهل الزعيم لدور الثمانيه
تقبل مروري

زعمـاًَء 20 للأبد · #3 17/05/2010, 01:02 PM

يارجـال من يتسـاعد معي اقـولك حتى يوم قلت للمدير باشتكي عليه قـال لأ
وش رايك

هلالي عاشق ام كلثوم · #4 17/05/2010, 01:33 PM

إقتباس

الرسالة الأصلية كتبت بواسطة زعمـاًَء 20 للأبد


	يارجـال من يتسـاعد معي اقـولك حتى يوم قلت للمدير باشتكي عليه قـال لأ وش رايك

خلك من المدير اللي عندهم تلقاه مشرف ويعرف هالموظف الحقيراو انه احد اقاربه اناقصدي شركة النقل الجماعي اكيد لها مدير اقليمي وعلاقات عامه...واذا مانفع عندك وزارة المواصلات..اهم شي لاتسكت وانا اخوك

شمااالي · #5 17/05/2010, 01:27 PM

مكرره السالفـــه نفس الي كتبها ابو سلطان ؟!!
اخوي ياليت تحذف الموضوع , لان سالفتك قديمه ومكرره

هلالي أحبه · #6 17/05/2010, 01:44 PM

الله لايوفقه,يارجال والله شي يقهر اللي يدخل الشغل بالميول,,,

انا قد صارت لي بس اخف من كذا كان عندنا بالمدرسة مدرس فقراوي مستقعد للهلاليين أما النصراويين والإتحاديين ومشجعين اي فريق ثاني امورهم تمشي,بس الهلايين مستقعد لهم,,,

والله شي يقهر خاصة انه كانت آخر سنة والدرجة تفرق بالمعدل,,,

ماقول الا الله لايوفقهم,,,

اتمنى ماتسكت على حقك,,,

تقبل مروري,,,

محبك

خ ـــواطر هلاليه · #7 17/05/2010, 02:06 PM

صرااحه مالووومكـ

بجدد يعني الى متى هذاا التعصصب <<

وش ذنبنا طييب اذا نادينا << زعييم ووزعيم القرن الآسيوي بعد

.. لكن بالنهااايه

خلهم ينبحووووون الى ما ........ يذن الفجرر خخخخخ

Adr(10)iano · #8 17/05/2010, 02:48 PM

مككرره من ابو سلطان
مشكووور

ابو طيف المضياني · #9 17/05/2010, 03:07 PM

ناس متخلفين وما تفهم ......

زعمـاًَء 20 للأبد · #10 18/05/2010, 06:18 PM

شـأكر لكم مروركم
ويعطيكم العـأفيه
وان شاءالله اذا كان لي حق عندهم بيظهر وليخسئ الخاسئون < وش عنده ابو عـداي هع
وبالنسبه اللي يقول مكرر من ابو سلطان
صراحه مااعرفه ابو سلطان والنعم فيه
لكن هذا يدل ان موقفي نفس موقفه مو انه مكرر
والله لايهينكم ابي رابط موضوع ابو سلطان خوينا
للتأكد
وشكرراإ