][ رسميًا: اليوفنتوس يتقدم بطلب سحب اسكوديتو موسم 2005-06 من الإنتر ][

والله مشكلة الدوري الايطاليا المافيا مأثرة فيه بسرعة وصراحة استغرب من فريق كبير كاليوفي هذه الحركات فهو ليس بحاجة لها اما بخصوص الانتر فربما نقول انه بحاجة لهذه الحركات لأنه لم يعرف طعم البطولات في الالفية الا بعد هبوط اليوفي .

^^^^^^^^^^^^^^^^^^^^^^^^^^

ههههههههههههههه والله ضحكتني من بعد ماهبط اليوفي هاااه


والا لأنه دق خشم فرشلونه دق قلتوا الأنتر ماشم البطولات الا من عقب هبوط اليوفي


ياحبيبي الأنتر الأن اقوى فريق في العالم من ناحية الحراسه والدفاع وخط الوسط والهجووم بعد

يكفي مجاملات لميسي وطقته



اليوفي هو اللي جاب العيد في نفسه ياخي ابعد عن الشر وغنيله

لالا صعبة صعبة , بل مستحيلة لو اليوفي عنده شي كان مقدمه وقتها

كلام فااضي

يعطيك العافيه اخوي على الخبر

إقتباس ياحبيبي الأنتر الأن اقوى فريق في العالم من ناحية الحراسه والدفاع وخط الوسط والهجووم بعد يكفي مجاملات لميسي وطقته

, ايه ميسي مجامل من العالم كله

هذا حقهم ولا احد يقدر ينكر

الي يسمع المكالمات للأنتر في هذيك الفترة يبدى يتسلل لة الشك ان حاليا مايحدث للأنتر من اخطاء تحكيمية امتداد لتلك المكالمات


يجب استعادة اليوفي لألقابة فهي حق من حقوقة وليس للأنتر الحق لأخذها وشكرا

إقتباس هذا حقهم ولا احد يقدر ينكر الي يسمع المكالمات للأنتر في هذيك الفترة يبدى يتسلل لة الشك ان حاليا مايحدث للأنتر من اخطاء تحكيمية امتداد لتلك المكالمات يجب استعادة اليوفي لألقابة فهي حق من حقوقة وليس للأنتر الحق لأخذها وشكرا

أهـــاآ .. مكالمات الإنتر !!

يالغالي شوف مكالمات الإنتر وقارنه بمكالمات اليوفي وميلان ( راح تشـوف العجــــب )

مكالمات الإنتر ( بدون ما أبرر فيها ) ممكن يكون فيها بعض الشك والحكم للمحكة وماهو لي ولا لك

ولكن لو نشوف مكالمات اليوفي وميلان !!! أخوي الصغير راح يحكم عليهم بالغش

, , ,

الأخطاء التحكيمية الي يتحصل عليها الإنتر حاليًا , , ,

كلمة وحده بس .. إذا بغيتني أطلع أخطاء اليوفي ( الـكــارثـيـــة ) أنا حاضر وممنون ... بس رد علي



أخوك الصغير / بـوفـهـــــد

الله يشيفكم ويعافيكم من ازمتكم النفسية اللي سببها لكم الانتر

من 4 سنين وانتو مساكين وحالتكم مثيرة للشفقة

زي ما يقولون شين وقوي عين

الحين موجي بنفسة يعترف اكثر من مرة ان غش , خصوصا في دوري 2005-2006 وتجون تطالبون ان اللقب يكون لكم

واضح بعد ان يئست ادارة اليوفي من ان يكون الانتر متورط جاءت بعد 4 سنين تطالب باللقب

طول 4 سنين وهم مأملين انه يطلع كلام موجي صحيحلكن موجي النصاب واللي ورطهم وشوه تاريخهم طلع ما عنده سالفة

واثبت موجي بنفسة ان الانتر فريق شريف

جمع كل المكالمات وما طلع اي وحده منها تدين الانتر

اذا بطولة 2006 للانتر لانه حصل عليها بشرف ونزاهة

خلآص آقطعو عنهم الصفر

ولآ آسحبو الجوآلات منهم


آمزح



مشكله إيطآليا آن المآفيا منتشره فيها .. وآنشدو مآرادونا عنهم .. يعلمكم

عندي سؤآل .. :

ليش اليوفي تأخر في التقديم .. ؟


عموماً .. الانتر واليوفي والميلان وروما .. جميعهم فرق لها صيتها الدولي .. لكن صدقني .. لو حدثت هذه المكآلمآت .. ودعمت بـ آدله .. صدقني الاتحآد الايطآلي .. مآيرحم آبن آمه .. !!


دمتم بحفظ الرحمن

إقتباس والله مشكلة الدوري الايطاليا المافيا مأثرة فيه بسرعة وصراحة استغرب من فريق كبير كاليوفي هذه الحركات فهو ليس بحاجة لها اما بخصوص الانتر فربما نقول انه بحاجة لهذه الحركات لأنه لم يعرف طعم البطولات في الالفية الا بعد هبوط اليوفي .

إقتباس

اذا الانتر ماعوقب بعد المكالمات اللي ظهرت له فالدعوة فيها نفوذ قوووي وهو وراء كل اللي صار لليوفي اللي اشوفه انه كان من الداخل ومن الخارج تعاون وتآمر على اسقاطه بالرغم ان موجس قد يكون مذنب

السلام عليكم

اهدى من كذا يا شباب .. وش دخل المكالمات بالمرض النفسي ولا هزيمة الانتر ولا البرشا ..

الرامبو ابوفهد

بالنسبة للمكالمات اللي يطالب فيها هي مب قضية يحكم فيها مرتين .. بل هي ادلة جديدة تظهر كل فترة .. ويعاد فيها النظر ..

بالنسبة لمكالمات ميلان واليوفي على افتراض انها غش صريح بحكمك .. طيب وش رايك بمكالمات لاتسيو والفيولا ؟

القضية مب قضية انه فلان غش ولا لا .. القضية انك تاخذ شي مب لك او قبل غيرك بطريقة غير نظامية حتى لو كان معرفة اسم الحكم او تعيينه بدون ما تكلمه اصلا او بدون مايغش اصلا ..

وبالنسبة لقضية سحب اللقب من الانتر .. بالرغم من اني اشوف انه بعيد الا انه مافيه شي بالخبر يثبت انه يرجع لهم او يطالبون فيه .. كل المساله ان اللقب ينسسحب وبس .


الغالي متهم

إقتباس طول 4 سنين وهم مأملين انه يطلع كلام موجي صحيحلكن موجي النصاب واللي ورطهم وشوه تاريخهم طلع ما عنده سالفة

انت تدري ان ادارة اليوفي هي من تخلت عن موجي وقت الازمة ووقت المحاكمات ؟؟

ادارة اليوفي تعرف ان موجي مخطي وتدري ان تضامنهم معه يوديهم بداهية وهالشي اللي خلاهم يحطونها باسم موجي مثل ما ميلان نكبوا مدير الاتصالات في النادي وطردوه وقت الفضيحة .. وهالشي علشان يقلل من العقوبة على النادي اضافة الى ان ال كوبولي وال انييلي اكبر يبون لهم كلمة داخل النادي .

إقتباس واثبت موجي بنفسة ان الانتر فريق شريف

ممكن تثبت لي هالكلام ؟

لان المعروف عن مودجي خلاف ذلك 180 درجة .. وانه يقول ان الانتر مثله مثل غيره بس ما نقدر نجيب عليه ادلة ..


,,,,,,,,,,,,

وجهة نظري في الموضوع عموما .. أن من حق اي نادي أن يطالب بحقه مهما كان ولو بعد 100 سنة .. وفي نفس الوقت يبقى الانتر شريفا - نظريا -ً مالم تثبت المحكمة الرياضية عكس ذلك .. بالرغم من اني ارى ان المكالمات اللي قريتها عن الانتر مافيها ذاك التهمة حتى الان .. ولاندري هل فيه جديد ولا لا .

...

يعطيك العافية ياراعي الموضوع

إما الكل مذنب أو الكل بريء

السلام عليكم يعطيكم العافية شباب,,,

والله كنت متردد أنزل هذا الخبر في المنتدى العام للرياضة العالمية كوني من الأساس حطيته في الرابطـة..

لكن بما إنه شيء رسمي من الموقع حبيت أضيفه,, شباب أتمنى تبعدون عن المشاحنات والتجريح أكون لكم مقدر,,,

بغض النظـر استرد اللقب أو لا يبقى اليـوفي غني عنه لأن اليوفي بفارق كبير عن المنافسين كالميلان والإنتر...

اليـوفي متى ما عاد إلى وضعه الطبيعي يستطيع أن يحقق الألقـاب و يبعد المنافسين أكثر فأكثر,,

و يبقى الإحترام موجود لجميع محبي الكرة الإيطالية والاسكوديتو في هذا المنتدى


أبوحمد _ Mi

شكرا على مداخلتك اللي فيها كثير من العقلانية والسرد الواضح للجميع..
أتفق معك في ما ذكرت ولن أضيف إلا شكري وتقديري لك
تقبلو مروري